Төшкән еренә таш булып баттыМари ҡыҙы Рита, һөйгәне Әнүәрҙең тыуған ауылына ерегеп, башҡорт телен өйрәнеп, алты ул һәм ҡыҙға ғүмер бирҙе. Милли ғөрөф-ғәҙәттәребеҙгә тоғро ҡалған Иҫәнғужиндар ғаиләһе Бөрйән районының Ғәлиәкбәр ауылында үҙенсәлекле биҙәккә әүерелде.
Әнүәр — 30 йәшендә дүрт бала менән тол ҡалған Ғәлимә еңгәнең өлкән улы. Бәләкәйҙән әсәһенә сайыр ағыҙыу эшендә ярҙамлаша. Эшләп тә, уҡып та йөрөй торғас, һигеҙ йыллыҡ мәктәпте тамамлай. Үҫмер бер йыл әсәһенә һәм өләсәһенә бесән, утын әҙерләп ташый ҙа Белорет ҡалаһындағы һөнәрселек училищеһына уҡырға китә. Ташсы һөнәрен үҙләштергәс, ошо уҡ ҡалала хеҙмәт юлын башлай, ғаиләһенә матди ярҙам күрһәтә. Армияла хеҙмәт итеп ҡайтҡас, Өфө моторҙар берекмәһенә урынлаша.
Ком: 0 // Уҡынылар: 1288 тапҡыр // Тотош уҡырға
“Ҡый-кисеү”. Бер нисә йыл элек “Башҡортостан” гәзитендә ошондай исем аҫтында Илдус Тимерхановтың мәҡәләһе баҫылып сыҡҡайны.
Унда йырҙарҙа данланған Баҙы йылғаһы һүрәтләнә, тәбиғәткә янаған хәүефтең сәбәптәре асып бирелә. Автор был материал менән генә туҡтап ҡалманы. Баҙы йылғаһының Илеш һәм Дүртөйлө райондары буйлап аҡҡан өлөшөн өйрәнеүҙе дауам итте. Яңынан-яңы мәҡәләләр менән сығыш яһаны. Уларҙың күбеһе “Башҡортостан” гәзитендә баҫылып килде. Бәләкәй йылғалар менән бер рәттән автор Ағиҙелде ентекле өйрәнде.
Ком: 0 // Уҡынылар: 724 тапҡыр // Тотош уҡырға
Алдан хәбәр итеүебеҙсә, 1812 йылғы Ватан һуғышындағы еңеүгә 200 йыл тулыу айҡанлы Пермь ҡалаһында “Төньяҡ амурҙары” мәҙәни-мәғлүмәт акцияһы үткәрелде. Программаға ярашлы, унда “түңәрәк өҫтәл” дә ойошторолдо. Башҡортостан һәм Пермь крайы ғалимдары, йәмәғәт эшмәкәрҙәре ҡаһарман ата-бабаларыбыҙҙың данлы яу юлын байҡау менән генә сикләнмәне, бөгөн халҡыбыҙҙы борсоған проблемаларға ла туҡталды. Тураһын әйтергә кәрәк: Пермь башҡорттарының хәл итәһе мәсьәләләр байтаҡ. Һеҙҙең иғтибарға ултырыштағы сығыштарҙы тәҡдим итәбеҙ.
Ком: 0 // Уҡынылар: 1101 тапҡыр // Тотош уҡырға
Ҡотлайбыҙ!Ҡырмыҫҡалы районының Шәрипҡол ауылында йәшәүсе ҡәҙерле апайыбыҙ Нәжибә Сәғиҙулла ҡыҙы Сурағолованы 80 йәшлек күркәм юбилейы менән ҡайнар ҡотлайбыҙ!
Нәжибә апайыбыҙ — ауылыбыҙҙың хөрмәтле кешеһе, ғүмере буйы колхоздың икһеҙ-сикһеҙ шәкәр сөгөлдөрө баҫыуында йәйге эҫелә лә, көҙгө ҡар ҡатыш ямғырҙа ла ең һыҙғанып “татлы тамыр” үҫтерҙе.
Апайыбыҙ еҙнәбеҙ Шакирйән Сабирйән улы менән 53 йыл ҡулға-ҡул тотоношоп, бер-береһен хөрмәт итеп, татыу донъя көттө. Өйҙәрен йәмләп алма кеүек алты бала — ҡыҙҙары Фәһиә, Рәйхана, Мәрзиә һәм улдары Әғзәм, Әхәт, Ғаяз донъяға килде. Уларҙы тәрбиәләп үҫтереп, үҙаллы тормош юлына сығарҙылар.
Үкенескә ҡаршы, еҙнәбеҙ бөгөн беҙҙең арала юҡ инде. Шулай ҙа балалары, ейән-ейәнсәрҙәре, бүлә-бүләсәрҙәре тормошта уларҙың юлын лайыҡлы дауам итә.
Ком: 0 // Уҡынылар: 669 тапҡыр // Тотош уҡырға
Ҡотлайбыҙ!Балаларыбыҙ — Ырымбур өлкәһенең Ҡыуандыҡ ҡалаһы һылыуы Рәсимә Наил ҡыҙы һәм Иглин районының Түбәнге Ләмәҙ ауылы егете Иршат Рәүфил улы Яҡуповтарҙы яҙмыштарын бергәләп яҙа башлаған иң иҫтәлекле байрам көндәре — туй тантанаһы менән ихлас күңелдән ҡотлайбыҙ! Мең-мең төҫ-бүләктәргә бай, йомарт көҙҙөң үҙеләй ҡот-бәрәкәткә, ырыҫҡа мул татыу тормош насип итһен һеҙгә Хоҙай.
Ҡәҙерле балалар! Пар аҡҡоштарҙай бер-берегеҙгә тоғро булып, ғүмер юлынан ышаныслы атлағыҙ. Үҙегеҙ кеүек аҫыл улдар-ҡыҙҙар үҫтерегеҙ. Тирә-яҡҡа нур һибеп, балҡып йәшәгеҙ. Ошо яҡты донъяны бүләк иткән иң ҡәҙерле кешеләрегеҙ — атай-әсәйегеҙҙе онотмағыҙ, уларҙың таянысы, ғорурлығы булығыҙ.
Ком: 0 // Уҡынылар: 750 тапҡыр // Тотош уҡырға
Ул ҡалдырған моң һүнмәҫҒүмер — бөркөттөң ҡанат ҡағыуына, йондоҙ атылыуына тиң ара, тиҙәр. Көндәребеҙ, айҙарыбыҙ, тотош йылдарыбыҙ — ҡулда тотор дәүмәл түгел шул, беҙҙең бурыс — шул арауыҡты лайыҡлы үтеү. Ғүмер ағышы беҙҙең ҡарамаҡта булмаһа ла, яҙмышты үҙебеҙ ҡорабыҙ һәм яҙабыҙ. Шуға күрә әҙәм балаһының был яҡты донъяла күпме йәшәүе мөһим дә түгелдер, бәлки? Ә башҡарған эштәре, өлгәшкән ҡаҙаныштары, эргә-тирәләгеләренең күңелен биләү-биләмәүе баһалайҙыр ғүмер оҙонлоғон.
Үкенесле рәүештә йәшләй арабыҙҙан киткән талантлы актер, режиссер Арыҫлан Йәнбәковты йыллығы уңайынан иҫкә алғас, шундайыраҡ уйҙар тыуа беҙҙең күңелдә... Ысынлап та, үтә йәшләй бәхилләште ул яҡты донъя менән, әммә үҙе хаҡында күпме нур, йылылыҡ, яҡты хәтирәләр һирпеп ҡалдырҙы.
Ижади күңелле, саф йөрәкле итеп белә инек беҙ уны.
Ком: 0 // Уҡынылар: 1291 тапҡыр // Тотош уҡырға
Ҡуңыр йөҙлө бәләкәй генә малай “Атай!” тип ҡаршыма килеп сыҡты ла, яңылышыуын аңлап, миңә шикле ҡараш ташлап ҡуйҙы. Әммә бер аҙҙан ҡулымдан етәкләп, мине ысын хужаларса өйгә әйҙәне. Джураевтарҙың ҙур һәм татыу ғаиләһе менән танышыуым шулай башланды. Тажикстандан күсеп ҡайтҡан ғаилә ыҡсым ғына йортта йәшәй.
— Күп балалы әсә булырмын тип һис уйламағайным, — ти Гөлсимә Рөстәм ҡыҙы. — Ә хәҙер минең өс ҡыҙым, ике улым бар. Күптән түгел генә өләсәй булдым.
Был татыу ғаилә Мәсәк ауылында йәшәй. Гөлсимә үҙе — башҡорт, тормош иптәше Әлиморат — тажик. Улар ғаилә башлығының тыуған ерендә осрашып таныша. Оҙаҡламай йәштәр гөрләтеп туй яһай.
Ком: 0 // Уҡынылар: 733 тапҡыр // Тотош уҡырға
Бер тәрилкә өсөн...

— Ғаилә менән кафела ял иткәндә ҡыҙым тәрилкә төшөрөп ватты. Бының өсөн ҙур ғауға ҡуптарып, кафе етәкселеге уның хаҡын түләүҙе талап итте. Хаҡы иһә тәрилкәнең магазиндағы хаҡынан биш-алты тапҡырға ҡиммәтерәк ине. Мин бының өсөн түләргә тейешме?
Ком: 0 // Уҡынылар: 695 тапҡыр // Тотош уҡырға
Нормативҡа ярашлы, торбаларға йылы йүгертер өсөн һауа температураһы биш көн дауамында 8 градус йылынан юғары булмаҫҡа тейеш. Шулай ҙа Башҡортостан Президенты Рөстәм Хәмитов ҡала һәм район хакимиәттәре башлыҡтарына көндәрҙең тамам һалҡынайтҡанын көтмәҫкә ҡушты.
— Иң мөһиме — кешеләргә уңайлы булһын, — тине Президент йылытыу миҙгеленә әҙерлек мәсьәләләренә арналған видеоселектор кәңәшмәһендә.
Торлаҡ-коммуналь хужалыҡ министрының беренсе урынбаҫары Юрий Кислициндың әйтеүенсә, ҡала һәм райондарҙың барыһы ла йылытыу миҙгеленә әҙер. Өфө халҡы сентябрь уртаһында уҡ торбаларҙың йылыныуын тойоп һөйөндө. Кисә республика төбәктәренең яртыһында йорттарға йылы ебәрелде.
Ком: 0 // Уҡынылар: 663 тапҡыр // Тотош уҡырға
Өфө буйлап эш сәфәре барышында Башҡортостан Президенты Рөстәм Хәмитов “Йәшел сауҡалыҡ” шифаханаһында булды.
Республика етәксеһе 2013 йылда Халыҡ-ара балалар уйындарында ҡатнашыусылар урынлашасаҡ шифахананың ҡайһы бер объекттарын реконструкциялауҙы ҡараны. “Йәшел сауҡалыҡ” донъяның төрлө илдәренән 700-гә яҡын спортсыны һәм тренерҙы ҡабул итәсәк.
Рөстәм Хәмитов яңыртылған 2-се йоҡо корпусында булды. Төҙөкләндереүҙән һуң бөтә бүлмәләрҙә мебель менән техника яңыртылған, өҫтәмә уңайлыҡтар тыуҙырылған.
Ком: 0 // Уҡынылар: 585 тапҡыр // Тотош уҡырға
Артҡа 1 2 3 4 5 6 7 8 9 10 ... 47 Алға
Бит башына