Яңы Хөкүмәт ағзалары
Ком: 0 // Уҡынылар: 893 тапҡыр // Тотош уҡырға
"Салауат"ты иҫәптән һыҙып ташларға иртәрәк"Салауат Юлаев" һуңғы уйындарҙа еңеү менән ҡыуандырҙы. Көнсығыш конференцияһының ай башындағы лидерҙарының береһе (былтыр быға берәйһе ышаныр инеме икән?) "Себер"ҙе "ҡоро" иҫәпкә ҡыйратыу, НХЛ-дан Александр Семин (беҙҙең элекке уйынсыбыҙ Петр Счастливый ҙа хәҙер уларҙа) менән көсәйгән "Торпедо"ны еңеү уйынсыларыбыҙға ышаныс өҫтәне кеүек.
Эйе, сентябрь-октябрь айҙары Өфө командаһына еңел бирелмәне – уңыштарҙы бер-бер артлы еңелеүҙәр алмаштырҙы. Клуб етәкселегенә хатта киҫкен аҙымға барырға тура килде – "ЦСКА" командаһының уйынсыһы Денис Паршинға үҙебеҙҙең Игорь Григоренконы алмаштыҡ. Бынан ике яҡ та отто буғай: уйынсылар яңы командаларҙа яҡшыраҡ һөҙөмтә күрһәтә башланы. Хатта "ЦСКА" өсөн "тир түккән" Игорь Григоренко һәм Александр Радулов үҙҙәренең былтырғы командаһы менән осрашыуҙа беҙҙең ҡапҡала "ҡыҙыл ут" тоҡандырыуҙан да тартынманы.
Ком: 0 // Уҡынылар: 972 тапҡыр // Тотош уҡырға
Зариф Байғусҡаров: “Ышанысты эш менән аҡлайбыҙ”1 ноябрҙә Рәсәйҙең Суд приставтары федераль хеҙмәте һөнәри байрамын ғына түгел, илдә ошо институт ойошторолоуҙың 147 йыллығын да билдәләй.
— Суд приставтары, асығыҙ! — тигән һүҙҙәр бурыслы кешене, әлбиттә, ҡыуандырмай. Заманы шулай: “бурыс”, “суд ҡарары”, “башҡарыу ҡағыҙы” һәм башҡа төшөнсәләрҙе йыш ишетергә тура килә. Нисек кенә булмаһын, суд приставтарының эш күләме йылдан-йыл арта. Был, әлбиттә, әлеге көсөргәнешле заман шауҡымына ла бәйле, сөнки кредит, ипотека алыусылар ҙа, алимент түләүселәр ҙә күбәйҙе. Шуға ла хеҙмәттең эшмәкәрлеге — гел иғтибар үҙәгендә.
Суд приставтары федераль хеҙмәтенең Башҡортостан буйынса идаралығы етәксеһе Зариф Байғусҡаров әңгәмәләшеүгә һәр саҡ асыҡ. Һөнәри байрамдары алдынан Зариф Закир улы беҙҙең һорауҙарға яуап бирҙе, суд приставтарының еңел булмаған эше тураһында һөйләне.
Ком: 0 // Уҡынылар: 1334 тапҡыр // Тотош уҡырға
«Ҡыҙыл мәсет» ҡайтты!Күгәрсен районында аҙна һайын тип әйтерлек берәй яңы йортҡа нигеҙ һалынып, яңы объекттар сафҡа индерелеп тороуы һоҡланырлыҡ та, ғәжәпләнерлек тә. Әйтәйек, Республика көнөнә Побоище ауылында яңы клуб, Күгәрсен ауылында реконструкциянан һуң шундай уҡ мәҙәниәт усағы ишектәрен асһа, үткән шәмбелә район үҙәге Мораҡта өр-яңы мәсетте сафҡа индереү тантанаһы булды. Тиҙҙән Ялсы ауылында ла иман йорто мосолмандарҙы ҡабул итәсәк.
Был донъя шул тиклем мөғжизәле лә, тылсымлы ла. Алдағы көндәр ямғырлы тороп, 20 октябрь иртәһе лә төмһәреп тыуһа, күп тә үтмәҫтән, бар халыҡты таң ҡалдырып, әйтерһең дә, күк көмбәҙе асылды.
Ком: 0 // Уҡынылар: 1063 тапҡыр // Тотош уҡырға
Ҡитғаларҙы урап сыҡты даны“Атайымды, үҙе һөйләүенсә, яңы тыуған килеш бесән араһынан тапҡандар. Аҙаҡ ниндәйҙер приютҡа алып баралар, шунда исемен дә ҡушалар”, — тип хәтерләй беренсе башҡорт профессиональ бейеүсеһе һәм балетмейстеры Фәйзи Ғәскәровтың ҡыҙы Гөлнара. Ошо ярҙамһыҙ сабый бер заман тотош илгә билдәле булып китер тип кем уйлаған?!
БАССР-ҙың һәм РСФСР-ҙың атҡаҙанған сәнғәт эшмәкәре, республикабыҙҙың Салауат Юлаев исемендәге дәүләт премияһы лауреаты Фәйзи Әҙһәм улы Ғәскәровты хаҡлы рәүештә “Башҡорт халыҡ бейеүҙәре ансамбленең атаһы” тиҙәр. Бәләкәйҙән етемлектең әсе һурпаһын татып үҫкән малай тырышлығы, яҡтылыҡҡа ынтылышы менән оло сәнғәт юлына үҙе юл яра.
Ком: 0 // Уҡынылар: 1129 тапҡыр // Тотош уҡырға
“Самбо — минең һөнәрем”Грецияның Салоники ҡалаһы. Хәрби самбо буйынса донъя чемпионатының финалы. Барса халыҡ Эстония көрәшсеһе Александр Федоров менән Рәсәйҙән килгән Венер Ғәлиевтең алышын ҡыҙыҡһынып күҙәтә. Һүҙ юҡ: егеттәр икеһе лә яҡшы һуғыша! Оҫталар, хәрәкәттәре йылдам, алымдары шәп. Шулай ҙа бер мәл өҫтөнлөк Федоров яғында була башламаһынмы! Хатта әллә нисә яҡшы алым да күрһәтеп алды. Иҫәп уның файҙаһына 8:0. Хәҙер инде эстондарҙың еңеүгә шиге ҡалманы шикелле. Әммә иртәрәк ҡыуанғандар! Һис уйламағанда башҡорт егете дәғүәсеһен дөмбәҫләй башламаһынмы! Кәрәген бирә генә! Һөҙөмтәлә Венер Ғәлиев икенсе тапҡыр рәттән — донъя чемпионы! Данлыҡлы спортсы бөгөн беҙҙә ҡунаҡта.
Ком: 0 // Уҡынылар: 1079 тапҡыр // Тотош уҡырға
Ҙур бәйгеләр үткәрергә әҙербеҙБөгөн Башҡортостан ысын мәғәнәһендә спорт донъяһын хәтерләтә. Көн һайын тиерлек республика, ил, хатта донъя кимәлендә төрлө ярыштар үткәрелә беҙҙә. Ошо арала йәнә ғәйәт әһәмиәтле, яуаплы ваҡиғалар көтөлә. Республиканың йәштәр сәйәсәте һәм спорт министры Андрей Иванюта менән әңгәмәбеҙ ошо сараларға әҙерлек барышы хаҡында.
— Андрей Иванович, Президент Рөстәм Хәмитовтың Мөрәжәғәтнамәһендә халыҡты, бигерәк тә йәш быуынды спортҡа ылыҡтырыу зарурлығы хаҡында әйтелә. Иң тәүҙә шул хаҡта һөйләһәгеҙ ине.
— Ысынлап та, республикабыҙҙа сәләмәт тормошҡа ынтылыш көндән-көн үҫеш ала. Рәсәй төбәктәре араһында Башҡортостанда ғына Йәштәр сәйәсәте һәм спорт буйынса министрлыҡтың булыуы үҙе үк күп нәмә тураһында һөйләй.
Ком: 0 // Уҡынылар: 828 тапҡыр // Тотош уҡырға
“Ырғыҙ”ҙан өлгө алығыҙҺамар яҡтары Һәҙиә һәм Ғөбәй, Ғәббәс Дәүләтшиндар, Рәшит Ниғмәти, Фатима Мостафина кеүек талантлы шәхестәрҙең төйәге булараҡ билдәле. Рухлы милләттәштәребеҙҙең барыбыҙҙы ла ғорурландырырлыҡ уңыштары етерлек. Оло Черниговка районындағы Ырғыҙ ҡасабаһының шау башҡорт егеттәренән торған футбол командаһы өлкәне дер һелкетә.
“Ырғыҙ” тип аталған команда теүәл егерме йыл элек барлыҡҡа килә. Уны ойоштороуға тренер Таһир Тимерғәле улы Ғөбәйҙуллин ҙур көс һала. Командала тәүҙәрәк төрлө милләт кешеләре булһа, һуңынан башҡорт егеттәре генә тороп ҡала. Ошо әллә ни ҙур булмаған арауыҡта улар үҙҙәрен танытып та өлгөрә. Хәҙер “Ырғыҙ”ҙы районда ғына түгел, өлкәлә лә яҡшы беләләр, хөрмәт итәләр.
Ком: 0 // Уҡынылар: 882 тапҡыр // Тотош уҡырға
Башҡортостандың Матбуғат көнө тураһындағы фекерҙе тәүләп “Башҡортостан” гәзите күтәреп сыҡты. 1996 йылдың 12 июлендә “Проекты бар ҙа ул... йәки Тағы ла Матбуғат көнө тураһында” тигән мәҡәләлә әйтелде был тәҡдим: СССР тарҡалып, “Правда” гәзитенең беренсе һаны сығыуына бәйле 5 майҙа билдәләнгән Матбуғат көнө бөтөрөлгәс тә, Башҡортостандың Журналистар союзы республиканың үҙ Матбуғат көнөн булдырыуҙы юллай башлағайны. Быға ерлек тә бар һымаҡ ине.
Башҡортостанда сығып килгән 251 ваҡытлы баҫмала, шул иҫәптән 211 гәзит һәм 26 журнал редакцияларында, “Башҡортостан” дәүләт телерадиокомпанияһында, урындағы телерадиостудияларҙа бөгөн ике меңгә яҡын журналист ижад итә.
Ком: 0 // Уҡынылар: 1115 тапҡыр // Тотош уҡырға
“Ҡала мөхите” VIII социаль реклама фестиваленә эштәр ҡабул ителә. Сара социаль реклама тормошто яҡшы яҡҡа үҙгәртергә, киҫкен мәсьәләләрҙе хәл итергә этәргес бирә тип ышанған ижади кешеләрҙе бергә йыясаҡ.
Быйыл фестивалдең маҡсаты — реклама өлкәһендә профессионал булмаған, әммә әүҙем, үҙендә ижади көс-ҡеүәт тойған, социаль мәсьәләләр хаҡында фекерен белдерергә теләгән кешеләрҙе күпләп йәлеп итеү. Тап шуға күрә “Һин дә ҡушыл!” тигән һүҙҙәр һигеҙенсе фестивалдең девизына әүерелде.
“Ҡала мөхите”нә реклама һәм PR өлкәһендәге күренекле белгестәр саҡырыла. Улар ижади йәштәргә һөнәри оҫталыҡ серен асасаҡ.
Ком: 0 // Уҡынылар: 827 тапҡыр // Тотош уҡырға
Артҡа 1 2 3 4 5 6 7 8 9 10 ... 44 Алға
Бит башына