Сибайҙар, афарин!Башҡортостан Президенты Рөстәм Хәмитов эш сәфәре менән Сибай ҡалаһында булды.
Билдәле булыуынса, тап Сибай төбәгендә, Ҡарағайлы йылғаһының Төйәләҫкә ҡойған урынындағы яланда, 200 йыл элек 1500 кешенән торған өс полк төҙөлгән. 1812 йылғы Ватан һуғышының юбилейы айҡанлы билдәле тарихсы Рамаҙан Үтәғолов быйыл ҡалала башҡорт яугирҙәренә һәйкәл төҙөү тәҡдиме менән сығыш яһай. Ҡала хакимиәте ярҙамында тиҙ арала һәйкәлде төҙөү эштәре башлана. Бейеклеге 3,5 метр тәшкил иткән скульптура ҡомартҡыһын ҡуйыу өсөн ҡаланың иң матур урыны һайлап алына.
Ком: 0 // Уҡынылар: 694 тапҡыр // Тотош уҡырға
“Ике килгән ғүмер”Баш ҡаланың “Родина” кинотеатрында дүрт тапҡыр паралимпия чемпионы, башҡорт егете Ирек Зарипов хаҡында ошо исемдәге документаль фильмдың премьераһы күрһәтелде.
Ванкувер. 2010 йыл. Миллионлаған тамашасы, телевизор ҡараусыларҙың, ил етәкселәренең ҡыуанысы сикһеҙ. Шатланмаҫлыҡ та түгел шул. Ошонан алда ғына тамамланған ҡышҡы Олимпия уйындарында яҡташтарыбыҙ әллә ни һөйөндөрә алмағанда, Паралимпиада спортсылары еңеү артынан еңеү яулай. Айырыуса инвалид коляскаһындағы Ирек Зариповтың иҫ киткес батырлығына, ихтыяр көсөнә барыһы ла таң ҡалды. Башҡортостан егете биатлон буйынса 12,5 километр алыҫлыҡҡа уҙышта финиш һыҙығын беренсе булып үтте. Тәүге алтын миҙал! Унан икенсеһе, өсөнсөһө, дүртенсеһе...
Ком: 0 // Уҡынылар: 602 тапҡыр // Тотош уҡырға
Киләсәккә ышаныс йәшәтәРеспубликала "500 ферма" программаһына бөгөнгәсә 53 ауыл хужалығы индерелгән, улар киләсәктә тағы ла артасаҡ. Дүртөйлө районының өс ауыл хужалығы предприятиеһы ла программа ярҙамында ҡыҫҡа ғына ваҡыт арауығында ҙур эш башҡарып сыҡҡан. Йәшерен-батырыны юҡ: бөгөн күп кенә районда мал аҙбарҙары емерек, ташландыҡ хәлдә булғанда, Дүртөйлө хужалыҡтарында бындай аяныслы хәл күҙәтелмәй, элекке фермалар яңырыу кисерә.
Мал аҙбарҙары тулыһынса реконструкцияланған, махсус һауын залдары, яңы тыуған быҙауҙар өсөн айырым урындар барлыҡҡа килгән. Совет осоронда төҙөлгән фермаларҙы хәҙер танымаҫһың: заманса материалдар менән матур итеп тышланған, пластик тәҙрәләр ҡуйылған, иҙән-түшәмдәр яңыртылған, хатта аҙбарҙы таҙартыу ҙа автоматлаштырылған.
Ком: 0 // Уҡынылар: 871 тапҡыр // Тотош уҡырға
Яңы йылда — “Башҡортостан” менән“Башҡортостан” күптән ғаиләбеҙ гәзитенә әүерелгән. Уны ирем менән ҡыҙыҡһынып уҡыйбыҙ. Һуңғы ваҡытта баҫманың йөҙө үҙгәрҙе, халыҡҡа яҡынайҙы. “Өлгөрбай яҙмалары”, “Халыҡ тауышы” рубрикалары бигерәк тә файҙалы. Милләтебеҙҙең яҙмышын сағылдырған, ауыл ерендә йәшәгән йүнселдәр һәм уңғандар, өлгөлө ғаиләләр, үҙ эшенең оҫталары тураһында мәҡәләләр ҙә күңелгә ятышлы.
Журналист булараҡ, проблема күтәреү, халыҡты борсоған мәсьәләләрҙе үткер һәм дөрөҫ һүрәтләү яғындамын. Шуға күрә гәзит биттәрендә уҡыусыны уйландырған, фәһем бирерлек тормошсан мәҡәләләрҙең күберәк күренеүен теләр инем. Ни тиклем уҡыусыға яҡын булһаң, ул да шул тиклем ылыға.
Ком: 0 // Уҡынылар: 609 тапҡыр // Тотош уҡырға
Ҡошона күрә — ояһыҠайһы бер ҡошсолоҡ фабрикалары халыҡҡа тауарын иртә яҙҙан йәй урталарына тиклем генә һатһа, “Әсән” яуаплылығы сикләнгән йәмғиәте был тәңгәлдә эште йыл әйләнәһенә дауам итә.
– Хужалыҡтың иҡтисадын күтәрергә, ҡаҙнаһын тулыландырырға, заман менән бергә атларға теләгән етәксе өсөн ял юҡ, – тип һөйләй “Әсән” хужалығы директоры Әмир Фәтихов. – Мәҫәлән, әгәр ҙә өс-дүрт кенә ай эшләп, киләһе миҙгелде көтөп ятһаҡ, бер ҡасан да алға бара алмаясаҡбыҙ. Беҙҙә тәбиғәт шарттары ҡош-ҡорт үрсетеү өсөн бик уңайлы.
Һөнәрһеҙ ир – ҡанатһыҙ ҡош, тиҙәр. Әмир Тәлғәт улы менән әңгәмәләшкәндә, уның кешелекле, кеселекле булыуын тойомлау ҡыйын түгел.
Ком: 0 // Уҡынылар: 850 тапҡыр // Тотош уҡырға
Фермер ҡолас ташлап эшләй алырмы?Крәҫтиән (фермер) хужалығы, Башҡорт ССР-ында Ер реформаһы тураһындағы закондар (1991 йыл, 21 март), БССР-ҙың Ер кодексы ҡабул ителеүгә, һуңынан уларға төҙәтмәләр, өҫтәмәләр индерелеүгә ике тиҫтә йылдан ашыу ваҡыт үтте. Был закондарҙы, ҡарарҙарҙы, указдарҙы уҡып ҡараһаң, барыһы ла кеше үҙ эшен асып, һәйбәт, мул тормошта йәшәһен өсөн ҡабул ителгәнлеге аңлашыла. Тик бөгөнгө ысынбарлыҡҡа бағып, фермерлыҡ хәрәкәтенә күҙ һалһаң, башты сайҡап, ҡулдарҙы йәйергә генә ҡала. Айырым хужалыҡтарҙы иҫәпкә алмағанда, йомшағыраҡ итеп әйткәндә, эш бармай. Ҡасандыр дәррәү генә яңы йүнәлешкә тотонған фермерҙар тырым-тырағай таралышып бөткән, хужалыҡтарын яптырған. Сәбәп нимәлә? Ошо һәм башҡа һорауҙарға бергәләп яуап табырға тырышайыҡ.
Ком: 0 // Уҡынылар: 801 тапҡыр // Тотош уҡырға
"Ингосстрах"ҡа Олимпиада ла ышана"Ингосстрах" страховкалау компанияһы 1980 йылда Мәскәүҙә уҙған йәйге Олимпия уйындарының генераль страховкалаусыһы була. Абруйлы сараның ышанысын яулаған йәмғиәт Сочиҙағы уҙасаҡ йәйге Олимпиаданың именлеген дә һаҡлаясаҡ.

Ҡеүәтле лә, ышаныслы ла
Теүәл 65 йыл элек барлыҡҡа килгән "Ингосстрах" компанияһына бөгөн миллиондарса шәхси клиент һәм тиҫтәләрсә мең компания ышаныс белдерә. Улар иҫәбендә ҙур сәнәғәт предприятиелары, банктар, сит ил ойошмалары, транспорт һәм сауҙа фирмалары бар. Күптәре билдәле страховкалаусы менән оҙаҡ йылдар хеҙмәттәшлек итә.
Ком: 0 // Уҡынылар: 719 тапҡыр // Тотош уҡырға
Яугир. Парламентарий. Дәүләт эшмәкәреБөгөн республика йәмәғәтселеге күренекле дәүләт эшмәкәре Фәйзулла Вәли улы Солтановтың тыуыуына 90 йыл тулыуҙы билдәләй. Ҡыҙғанысҡа ҡаршы, ул күптән инде арабыҙҙа юҡ. Башҡортостандың данлы улдарының береһе — Фәйзрахман Зәғәфуран улы Зәғәфурановтан эште ҡабул итеп, ул 23 йыл дауамында БАССР Юғары Советы Президиумына етәкселек итә.
Фәйзулла Вәли улы Солтанов, ул осорҙа парламентарийҙарҙың мөмкинлеге сикләнгән булыуға ҡарамаҫтан, Башҡортостан ҡануниәтенә ҙур өлөш индерә, республиканың социаль-иҡтисади үҫеше өсөн бик күп эш башҡара.
Фәйзулла Солтанов 1922 йылдың 15 октябрендә Башҡорт АССР-ының Йылайыр кантоны, әлеге Ейәнсура районының Байдәүләт ауылында ярлы крәҫтиән ғаиләһендә тыуа.
Ком: 0 // Уҡынылар: 617 тапҡыр // Тотош уҡырға
“Асы” һыуҙары— тәбиғәт мөғжизәһеАсы!.. Әсе!..
Халҡыбыҙҙың
тарих һөйләмәгән
Юҡ һуҡмағы, тауы, юҡ һыуы.
Р. Бикбаев.
Башҡортостаныбыҙ ожмахҡа тиң урындарға бай. Белорет районындағы “Асы” шифаханаһы тап шундай күркәм тәбиғәт ҡосағында урынлашҡан. Ул Өфөнән — 180, Магнитогорскиҙан 200 километр алыҫлыҡта ҡарағай, шыршы, ҡайын, имән, йүкә һәм башҡа ағастарҙан торған ҡуйы урмандар, минераль матдәләргә бай шишмәләр, күккә ашҡан ҡая таштар, тауҙар теҙмәһе солғанышында ята.
Ком: 0 // Уҡынылар: 1144 тапҡыр // Тотош уҡырға
Бәхет юлыИжад кешеләре хаҡында яҙыу бик яуаплы эш булыуы хаҡында әйткәнем бар инде. Йәнә ҡабатлайым, сөнки үҙем танып-белгән актриса, халыҡ яратҡан Нурия Ирсаева тураһында һөйләү һис кенә лә еңелдән түгел. Быны мин үҙенә күрә ижадсы хаҡында кескәй диссертация яҡлауға тиңләр инем. Һәр хәлдә ғилми эшкә тиң был ижади анализ!
Әле лә сәхнәгә сыҡһа, ҡоштай осоп йөрөгән, беҙ ғашиҡ булған гүзәл зат, Рәсәйҙең, Башҡортостандың, Татарстандың халыҡ артисы Нурия Ирсаеваға, беләһегеҙме, нисә йәш тула?! Эйе, 70 йәш!
Ком: 0 // Уҡынылар: 1122 тапҡыр // Тотош уҡырға
Артҡа 1 2 Алға
Бит башына