“Миллионер” Салауат“Ауыл табибы” программаһы республикала 1 ғинуарҙан эшләй башланы. Был проект йәш белгестәр араһында ҙур ҡыҙыҡһыныу тыуҙырҙы, сөнки ошо арауыҡта күп кенә район-ауыл дауаханаларына юғары белемле белгестәр эшкә килде.
Башҡортостан Хөкүмәтенең 2011-2012 йылдарҙа юғары уҡыу йортон тамамлап, республика ауылдарына эшкә ҡайтҡан 35 йәшкә тиклемге медицина хеҙмәткәрҙәрен аҡсалата дәртләндереү тураһындағы ҡарарына ярашлы, биш йыл дауамында ауыл ерендә эшләргә теләк белдергән белгестәргә бер миллион һум күләмендә бер тапҡыр компенсация бирелә.
Балтас районында ла яңы ғына юғары уҡыу йортон тамамлап, яҙмышын ауыл менән бәйләгән медицина белгестәре етерлек.
Ком: 0 // Уҡынылар: 902 тапҡыр // Тотош уҡырға
Генералдарҙың үҙ клубы асыласаҡӨфөлә Башҡортостандың Диңгеҙ йыйылышы 1812 йылғы Ватан һуғышында еңеүгә 200 йыл тулыу айҡанлы тантаналы сара үткәрҙе.
Ошо уңайҙан баш ҡалабыҙға төрлө тарафтарҙан Башҡортостанда тыуып үҫкән генералдар, адмиралдар йыйылды. Сара Еңеү паркында башланды. Унда һуғыш ваҡытында һәм унан һуң һәләк булған Башҡортостан моряктарына арналған иҫтәлекле комплекс асыу өсөн тәүге таш һалынды. Артабан ҡунаҡтарҙы «Нефтсе» мәҙәниәт һарайында ҡаршы алдылар. Башҡортостан Дәүләт Йыйылышы – Ҡоролтай Рәйесе Константин Толкачев, барыһын да тәбрикләп, Президентыбыҙҙың ошондай ҙур сара үткәргәндәре өсөн Диңгеҙ йыйылышына рәхмәт һүҙҙәрен уҡып ишеттерҙе.
Ком: 0 // Уҡынылар: 588 тапҡыр // Тотош уҡырға
Эшсе хәбәрсе булдымФәнзил САНЪЯРОВ, БДУ доценты, филология фәндәре кандидаты, Башҡортостандың атҡаҙанған уҡытыусыһы:
— Яратҡан баҫмама — “Башҡортостан” гәзитенә һөйөү мәктәп йылдарында уҡ тыуҙы. Бүрәнәгә сөй ҡағып, уҡылған һандарҙы шуға бөхтә итеп йыя инем. Әрме сафынан ҡайтҡас, Стәрлетамаҡтағы заводта аппаратсы булып эшләгәндә үҙем дә яҙыша башланым. Хәбәрҙәрем “Фәнзил Санъяров, эшсе хәбәрсе” исеме аҫтында донъя күрҙе. Гәзит шул осорҙа танылған журналист Мөхтәр Тимербулатов менән дуҫлаштырҙы. Ул журналист булып китеүемде теләй ине. Әммә мин уҡытыу эшен һайланым. Бына 40 йылға яҡын Башҡортостан мәғарифына көсөм еткән ҡәҙәр хеҙмәт итәм. Ғүмерем буйы “Башҡортостан”дан айырылғаным юҡ.
Ком: 0 // Уҡынылар: 750 тапҡыр // Тотош уҡырға
Төп бүләк — Башҡортостан Хөкүмәтендә11–14 октябрҙә Мәскәүҙә үткән “Алтын көҙ” ХIV Рәсәй агросәнәғәт күргәҙмәһенең төп бүләге Башҡортостан Хөкүмәтенә тапшырылды.
Республика Хөкүмәте был юғары наградаға “Күргәҙмәне үҫтереүгә өлөш индергәне өсөн” тигән номинацияла лайыҡ булды. Бөтә Рәсәй кимәлендәге сарала төбәгебеҙҙән 140 предприятие һәм ойошма ҡатнашты. Улар иҫәбенә ауыл хужалығы продукцияһы етештереүселәр һәм эшкәртеүселәр, мәғариф, ғилми учреждениелар, крәҫтиән (фермер) хужалыҡтары, шулай уҡ сервис һәм хеҙмәт күрһәтеү предприятиелары инде. Күргәҙмәлә 450 йүнәлеш буйынса 16 төрлө конкурс ойошторолдо.
Башҡортостандың агросәнәғәт комплексы предприятиелары 400-ҙән ашыу миҙал яуланы.
Ком: 0 // Уҡынылар: 660 тапҡыр // Тотош уҡырға
Йотлоҡ яңғыҙ йөрөмәйАслыҡ-хәйерселек, яланғаслыҡ һәм иң ҡурҡынысы — ашау етмәүҙән, төрлө суррогат, үлән, һөйәк онтағы, үләкһә менән туҡланыуҙан әҙәм күтәрә алмаҫлыҡ ауырыуҙар ҙа барлыҡҡа килә.
“Төрлө ауырыуҙар тарала. Былай ҙа ҡот осҡос ярлылыҡтың сигенә еткән, аслыҡ ғазаптарын кисергән, ауырыу, йонсоу, бөтөнләй тиерлек шәрә ҡалған кешеләр ҡышҡы һалҡында ҙурыраҡ ауылдарға, заводтарға тартыла... Һалҡындар аслыҡтың эшен тамамлап ҡуя, һәм йөҙләгән кеше юлда туңа. Аҙым һайын — ауылда булһынмы, юлдамы — туңған аяҡтарын саҡ һөйрәгән кеше һөлдәләрен осратырға мөмкин... Ярты халыҡтың бер нәмәһе лә юҡ: торор ере, малы, кейеме, йорт йыһаздары — бөтәһе лә аслыҡта юҡ булған... Бөрйән — Түңгәүер кантонында ике волость бар — Бөрйән, Байназар-Ҡыпсаҡ...
Ком: 0 // Уҡынылар: 717 тапҡыр // Тотош уҡырға
Батырыбыҙ араны яҡынайтаМилли батырыбыҙ Салауат Юлаев ғүмеренең һуңғы 25 йылын Балтик диңгеҙе буйындағы Рогервик ҡәлғәһендә ыҙа сигеп уҙғарған. Ҡаһармандың эҙҙәре был ергә мәңгелеккә уйылып ҡалғандай. Беҙҙең Салауат Палдиски халҡы өсөн дә ҡәҙерле. Батырҙың үлемһеҙ даны ике төбәк араһындағы дуҫлыҡты тағы ла нығыта.
Уҙған аҙнала Башҡортостанда Эстонияның Палдиски ҡалаһынан рәсми делегация булып ҡайтты. Тәүҙә улар Өфө, Салауат ҡалалары менән танышты. Баш ҡалала ике төбәк араһында хеҙмәттәшлекте үҫтереүгә арналған һөйләшеүҙәр үткәрелде. Эшҡыуарлыҡ, туризмға айырыуса ҙур иғтибар бирелде.
Эстон дуҫтарыбыҙҙы батырҙың тыуған төйәгендә лә хөрмәтләп ҡаршы алдылар.
Ком: 0 // Уҡынылар: 644 тапҡыр // Тотош уҡырға
Ҡылҡәләм сәнғәтендә  тәрән эҙ ҡалдырғанЗәйнәб Биишева исемендәге Башҡортостан «Китап» нәшриәтендә бөйөк урыҫ рәссамы Михаил Нестеровтың ижадына бағышланған “Михаил Нестеров. Неизвестные страницы творчества” (“Михаил Нестеров ижадының билдәһеҙ биттәре”) тигән альбом-китап баҫылып сыҡты.
Уны Элеонора Хәсәнова баҫмаға әҙерләгән. Бай йөкмәткеле китап рәссамдың тыуыуына 150 йыл тулыуға арнала. Һынлы сәнғәттә рәссамдың һуңғы тиҫтә йыл ижадында барлыҡҡа килгән яңы темаларҙы, мотивтарҙы асыҡлай, ғилми өлкәлә өйрәнеүгә өр-яңы материал һәм яҙма сығанаҡтар индерә. Уның портрет эштәрен һәм фәлсәфәүи-дини эстәлекле картиналарын бер-береһенә ҡаршы ҡуйып түгел, ә бер бөтөн итеп өйрәнә.
Автор тарихта бығаса билдәле булған рәссамды яңы образда күрһәтеүгә өлгәшә.
Ком: 0 // Уҡынылар: 778 тапҡыр // Тотош уҡырға
Китаптар донъяһынан айырылмайУл донъяға килгәндә, февраль айы булыуға ҡарамаҫтан, ҡыйыҡтан тамсы тама. Мерәҫ ауылы сабыйҙарының кендек инәһе Фирҙәүескә кескәй генә йоморсаҡ зәңгәр күҙҙәре менән яҡты донъяға ғәжәпләнеп тә, һоҡланып та ҡарағандай тойола.
Нәсимә итәғәтле бала, ике ҡустыһына талапсан һәм хәстәрлекле апай булып үҫә. Баймаҡтың 1-се мәктәбен тамамлағас, китап донъяһына ғашиҡ ҡыҙ китапханасы һөнәрен һайлай.
— Тәүге йыл техникумға уҡырға инә алманым. Быға урыҫ теленән аҡһауым сәбәпсе булды. Минең өсөн борсолған туғандарым ваҡытлыса булһа ла һөнәрселек училищеһында уҡырға кәңәш итте.
Ком: 0 // Уҡынылар: 1027 тапҡыр // Тотош уҡырға
Уҡытыусы ла, шағирә лә, әсә лә!Ошо өс юғары исемде лайыҡлы йөрөткән ҡатын-ҡыҙҙар бар арабыҙҙа. Шуларҙың береһе — Фирүзә Алсынбаева.
Ул — Баймаҡ районының Сәйғәфәр ауылы ҡыҙы. Уҡытыусы булыу теләге Фирүзә Илһам ҡыҙын Сибай педагогия училищеһына алып килә. Тап ошонда уның күңеленә ижад орлоғо һалына, бында ул үҙенең класс етәксеһе, шағирә Рәсимә Ураҡсинаның ярҙамы ҙур булды тип иҫәпләй. Күренекле яҙыусылар, артистар менән осрашыуҙар тиһеңме, төрлө спектаклдәр ҡарау, әллә үҙ шиғырҙарыңдың ташҡа баҫтырылғанын күреп ҡыуаныумы — былар барыһы ла орлоҡтоң шытым биреүенә ерлек була. Училищены тамамлағас, Фирүзә Алсынбаева юллама буйынса Октябрьский ҡалаһына эшкә бара.
Ком: 0 // Уҡынылар: 1381 тапҡыр // Тотош уҡырға
“Рәсәйҙә ярлылар һаны кәмей бара...” Ышанырғамы, ышанмаҫҡамы был һүҙҙәргә? Йәшәү минимумы тип аталған “кәрзин” хаҡын төҙөгәндә кем нимәһе менән уйлап, ниҙе күҙ алдына килтерәлер — аңламаҫһың. Статистик һандарҙа ла сәйер әйберҙәр килеп сығып тора: Рәсәй Федераль Пенсия фонды оло йәштәгеләрҙең көнитмешен күҙаллап бирә, Иҡтисади үҫеш министрлығы башҡа һандарға таянып эш итә, Халыҡ-ара банктың үҙ аршины. Һәр береһенең фараздарын килтереп, башватҡысты сисеп, үҙебеҙсә һығымталар яһап ҡарайыҡ.
Ком: 1 // Уҡынылар: 628 тапҡыр // Тотош уҡырға
Башҡортостан Дәүләт Йыйылышы — Ҡоролтайҙың комитеттары үҙ ултырыштарында бюджет документтарын ҡараны, улар араһында “2013 йылға Башҡортостан Республикаһы бюджеты һәм 2014, 2015 йылдарға план тураһында”ғы закон проекты ла бар.
Билдәләнеүенсә, бюджет элекке йылдарҙағы кеүек үк үҙенең социаль йүнәлешен һаҡлаясаҡ. Мәғариф, һаулыҡ һаҡлау, халыҡты социаль хеҙмәтләндереү өлкәләрендәге барлыҡ төп бурыстар артабан да тулы кимәлдә үтәләсәк, әсәлек һәм балалыҡты социаль яҡлауҙа күрһәтелгән ярҙамдың адреслылығын күтәреү буйынса ла эш дауам итәсәк.
Ком: 0 // Уҡынылар: 605 тапҡыр // Тотош уҡырға
Башҡортостан Дәүләт Йыйылышы — Ҡоролтай Президиумының сираттағы ултырышы күңелле ваҡиға менән башланды. Парламент спикеры Константин Толкачевҡа Рәсәй Федерацияһы Иҫәп палатаһының Почет грамотаһы тапшырылды.
Президиум ултырышында 50-гә яҡын мәсьәлә ҡаралды. Дәүләт Йыйылышы — Ҡоролтайҙың киләһе ултырышын 24 октябрҙә уҙғарырға ҡарар иттеләр. Унда 40-тан ашыу закон проекты ҡараласаҡ. Иң мөһимдәре — алдағы өс йылға финанс документтарын раҫлау.
Ком: 0 // Уҡынылар: 481 тапҡыр // Тотош уҡырға
Башҡортостанды "икенсе Швейцария" тип атайҙар. Ысынлап та, беҙҙә лә ундағынан кәм булмаған мәғрур тауҙар, таҙа һыулы күл-йылғалар етерлек, саф һауалы ылыҫлы урмандарыбыҙ йырып сыҡҡыһыҙ.
Ләкин биләгән майҙаны буйынса Башҡортостандан бер нисә тапҡырға бәләкәйерәк. Швейцария – Европалағы туризм мәккәләренең береһе, ил бюджетының 15 процентын тап туризм бизнесынан алынған табыш тулыландыра. Илдең инфраструктураһы бик үҫешкән, автомобиль һәм тимер юлдары күп, уңайлы географик урыны төрлө ҡитға кешеләрен йәлеп итә.
Ком: 0 // Уҡынылар: 499 тапҡыр // Тотош уҡырға
Ҡушма Штаттарҙың NSA мәғлүмәт агентлығы хәбәр итеүенсә, 2004–2005 йылдар араһында көн һайын донъяла 24 мең кеше астан үлгән. Фәҡирлектең сигенә еткән илдәрҙә был хәл әле лә дауам итә. Мәҫәлән, донъяның иң ҡоро ерендә урынлашҡан Нигерияла 1968–1973 йылдар арауығында 100 меңдән ашыу кеше донъя менән хушлашҡан. Берләшкән милләттәр ойошмаһының аҙыҡ-түлек һәм ауыл хужалығы буйынса эшләү ойошмалары мәғлүмәттәренә ҡарағанда, донъяла 2010 йылда асығыусылар һаны 925 миллион кешегә еткән. Шуларҙың 578 миллионы Тымыҡ океан — Азия төбәгендә йәшәһә, 239 миллионы — Африкала, 108 миллионы — башҡа илдәрҙә. Асығыусыларҙың өстән ике өлөшө ете илгә тура килә: Бангладеш, Ҡытай, Конго, Эфиопия, Һиндостан, Индонезия, Пакистан.
Ком: 0 // Уҡынылар: 490 тапҡыр // Тотош уҡырға
Башҡортостанға рәсми сәфәр менән Венгрияның Рәсәй Федерацияһындағы Ғәҙәттән тыш һәм Тулы хоҡуҡлы илсеһе Иштван Ийдярто килде. Делегацияға шулай уҡ Рәсәйҙәге Сауҙа вәкиле Дердь Палашти, илебеҙҙәге мәҙәни, ғилми һәм мәғлүмәт үҙәге директоры Андраш Барани, Венгрияның Рәсәйҙәге илселегенең матбуғат атташеһы Кристина Сентдьерди инде.
Өс көнлөк сәфәрҙә ҡунаҡтар Башҡортостан етәкселеге, республиканың Сауҙа-сәнәғәт палатаһы президенты Юрий Пустовгаров, Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты директоры менән осрашасаҡ, предприятиеларға, мәҙәниәт һәм һаулыҡ һаҡлау учреждениеларына барасаҡ.
Ком: 0 // Уҡынылар: 434 тапҡыр // Тотош уҡырға
Артҡа 1 2 Алға
Бит башына