Ҡотлайбыҙ!Ишембай районының Һайран ауылында йәшәгән ҡәҙерле кешебеҙ — атайыбыҙ Риф Ғилметдин улы Абдуллинды 75 йәшлек юбилейы менән ихлас ҡотлайбыҙ! Әсәйебеҙ Сәғүрә Нәғим ҡыҙы менән бер-береһенә терәк булып, иҫән-һау, шатлыҡта, бәхеттә, беҙҙе һөйөндөрөп, оҙон-оҙаҡ тигеҙ ғүмер итеүҙәрен теләйбеҙ! Ошо уҡ көндә апайыбыҙ Минираның да тыуған көнө. Яҡындарыбыҙҙы күркәм байрамдары менән ҡотлап, изге теләктәребеҙҙе еткерәбеҙ:
Ҙур бәхеттәр
юлдаш булһын һеҙгә,
Көнөгөҙҙө шатлыҡ биҙәһен.
Ком: 0 // Уҡынылар: 768 тапҡыр // Тотош уҡырға
Ҡытайҙың Лишуй ҡалаһындағы шашка буйынса халыҡ-ара турнирҙан яҡташтарыбыҙ ҙур еңеү менән ҡайтты.
Ҡатын-ҡыҙҙар араһында донъя чемпионы Айгөл Иҙрисова йәнә иң көслөһө булып танылды. Ирҙәр турнирында Өфөнән Рим Ишмәтов менән Александр Мельников өсөнсө һәм дүртенсе урындарҙы бүлеште.
Ком: 0 // Уҡынылар: 582 тапҡыр // Тотош уҡырға
Ҡаҙағстандың баш ҡалаһы Астанала Билбаулы көрәш буйынса донъя чемпионаты үтте. Ярышта Рәсәй йыйылма командаһының 19 спортсыһы, шул иҫәптән Башҡортостандан ике егет ҡатнашты.
75 килограмға тиклемге ауырлыҡ буйынса финалда яҡташыбыҙ Альберт Рәхмәтуллин, ҡырғыҙ спортсыһын еңеп, донъя чемпионы булды. Ә Рөстәм Арыҫланов, Үзбәкстандан килгән дәғүәсеһен һелтәп, иң юғары награда менән бүләкләнде.
Ком: 0 // Уҡынылар: 621 тапҡыр // Тотош уҡырға
Иман ҡайтты ауылғаҠолғонаға барған юлдың бик алама булыуына ҡарамаҫтан, унда юлланыуыбыҙ ниәте үтә лә изге ине: Ҡорбан байрамы алдынан ғына ауылда яңы мәсет асылды.
Ишембай районы юлдары төҙөк булһа ла, төпкөлдә ятҡан Ҡолғонаға тиклем асфальт барып етмәгән. Маҡарҙан һуң ҙур йөк машиналары иҙеп бөткән ҡырсын юлдан тауға 30 километрҙан ашыу күтәрелергә кәрәк. Юғарыраҡ менгән һайын һалҡынайта, урыны менән ҡар ятҡан ерҙәр, ағас-ҡаяларҙа боҙбармаҡтар эленеп торған урындар ҙа күренә башланы. Еңел машинала саҡ-саҡ барабыҙ. Тик юлда ниндәй генә михнәттәр булһа ла, ошоноң кеүек изге ваҡиға һәр ваҡыт күңелдә күтәренке һәм яҡты хистәр уята.
Ком: 0 // Уҡынылар: 1214 тапҡыр // Тотош уҡырға
Николай ФЕДОРОВ: "Киләсәктә лә алдынғылыҡты бирмәгеҙ!"Рәсәйҙең ауыл хужалығы министры Николай Федоров, Башҡортостандың бер нисә аграр хужалығында булып, Президент Рөстәм Хәмитов менән тотош илдең, республиканың агросәнәғәт комплексы үҫеше перспективаһын тикшерҙе, хәҙерге иҡтисади заманда ауыл хужалығы өлкәһендәге көнүҙәк мәсьәләләрҙе билдәләне.
Һуңынан министр 2013–2020 йылдарҙа ауыл хужалығын үҫтереүҙең дәүләт программалары буйынса ултырышта ҡатнашты.
– Башҡортостан – Рәсәйҙә һөт, ит, бал һәм башҡа ауыл хужалығы продукцияһы етештереү буйынса алдынғылар иҫәбендә, – тине Башҡортостан Президенты Рөстәм Хәмитов. – Быйыл республика, тәбиғәт шарттарының көйһөҙләнеүенә ҡарамаҫтан, үҙен тулыһынса аҙыҡ-түлек менән тәьмин итте, иген йыйып алды. Ауыл эшсәндәренең хеҙмәте юғары баһаға лайыҡ, улар тырышып эшләне.
Ком: 0 // Уҡынылар: 693 тапҡыр // Тотош уҡырға
Өйләндерҙек (!) Ғәйфи ағайҙыМин уның менән Өфөлә таныштым. Һай, шәп кеше булып сыҡты Ғәйфи ағай! Ипле, сабыр, бер аҙ шаяныраҡ та холҡо менән әсир итте ул мине, һәр һүҙҙе үлсәп, кеше хәтерен һаҡлап һөйләй, итәғәтлеге йөҙөнә сыҡҡан.
Тик бына... яңғыҙ ул. Һөйөклө ҡатыны вафат булғас, ҡыҙы Нәилә, ейәне Рөстәм менән бер фатирҙа йәшәп ятыуы. Шундай дан кешенең яңғыҙ булыуы миңә лә оҡшап етмәне, ә инде ҡыҙы был хаҡта күптән хәстәрлек күреп тә ҡуйған: атаһына ҡатын эҙләп гәзиткә иғлан биргән. Тынғылыҡ бөттө Ғәйфи ағайға. Өҙлөкһөҙ телефон шылтырай, йә тегенеһе, йә быныһы ишек шаҡый. Бына Мәрйәм исемле ҡатын килеп инде. Ғәйфи ағай юғалып ҡала торғандарҙан түгел икән: башын иҫереккә һалды, ә Мәрйәм нисек сығып тайғанын да һиҙмәне.
Ком: 0 // Уҡынылар: 840 тапҡыр // Тотош уҡырға
Әмәлен табырға мөмкинЗаман менән бергә атлаған ғаиләләр — дәүләтебеҙҙең байлығы. Улар үҙҙәренең яҡшы өлгөһө менән йәштәргә фәһем бирә. Яңыбай ауылындағы Рәсимә менән Рәмил Янбаевтарҙың ғаиләһе лә шундайҙарҙан.
Ошо ауыл ҡыҙы Рәсимә Стәрлетамаҡта бухгалтерҙар мәктәбенән һуң тыуған ауылына, Матросов исемендәге колхозға, эшкә ҡайта. Тиҙҙән уңған ҡыҙ Баймаҡ ауыл хужалығы техникумын тамамлап эшкә килгән Үрген егете Рәмил менән таныша. Йәштәр ғаилә ҡора. Янбаевтар ике ҡыҙ, бер малай тәрбиәләп үҫтергән, ике ейәнсәрҙәре бар.
Әле ғаилә ныҡлап малсылыҡҡа тотонған. 19 баш малдың һигеҙе — һауын һыйыры. Һөт ризыҡтарын аҙнаһына ике мәртәбә Орск ҡалаһында һатыуға сығаралар.
Ком: 0 // Уҡынылар: 958 тапҡыр // Тотош уҡырға
Өсөнсө көн тоташ ҡар яуҙырып...Бөйөк Ватан һуғышында Еңеүгә үҙ өлөшөн индергән, киләсәк быуындың именлеген тәьмин иткән һәр совет һалдатына, тыл хеҙмәткәренә һәйкәл ҡуйырлыҡ.
Беҙҙең Мулдаҡай ауылынан яуға киткән 39 кешенең 22-һе әйләнеп ҡайтҡан. Атайым Ибраһим Ғәлиарыҫлан улы Мөхәмәтйәров 43-сө уҡсылар дивизияһында һуғышҡан. Мәскәү өсөн барған алыштарҙа ҡатнашырға тура килгән. 1942 йылдың 9 октябрендә ҡаты яраланған.
Аяғына пуля тейеп, иҫһеҙ ауған атайымды ауылдашыбыҙ Сәлимйән бабай Хәсәнов үлемдән ҡотҡара. Ул яралыны, йүкә ҡайырына һалып, фронт һыҙығынан һөйрәп алып сыға.
Һуңынан, яҡты донъя менән хушлашырына ике-өс ай ваҡыт ҡалғанда, табиптар атайымдың түшендә лә бер-ике сантиметрлыҡ ярсыҡ тапты.
Ком: 0 // Уҡынылар: 1592 тапҡыр // Тотош уҡырға
Һөйөү бит ул гөлдәр кеүекКүңелле, тантаналы минуттарҙы хәтергә төшөрөп торорға ярҙам иткән иң ҡәҙерле иҫтәлек ул — фотоһүрәттәр. Зауыҡ менән төшөрөлөп, сифатлы итеп эшләнһә, йылдар уҙғас та һоҡланып ҡарарлыҡ. Бына шундай яуаплы, иҫтәлекле мәлдәрҙе мәңгелеккә теркәп ҡуйыуҙы эшҡыуарлыҡ өлкәһе итеп һайлаған Гөлназ менән Рушан Булатовтар. Береһе фотолар өсөн яуаплы булһа, икенсеһе видеояҙмаға төшөрә.
Туй фотографы булыу ниәте Рушанда 2003 йылда уҡ тыуа. Уҡыуын тамамлап, Өфөлә эш эҙләп йөрөгән егеттең күҙенә иғлан салына. Тик фотоаппараты булмағас, эшкә алмайҙар. Әммә был уй күңелендә ныҡлы урын биләй. 2006 йылда, ата-әсәһе тәүге профессиональ “Никон” фотоаппараты бүләк иткәс, хыялы бойомға аша. Тәүге заказсыһы дуҫы була. Күп кенә нескәлекте белмәүе арҡаһында ҡатмарлыҡтар килеп сыға.
Ком: 0 // Уҡынылар: 1046 тапҡыр // Тотош уҡырға
Ер эйелгәнде яратаЯпон айваһы, барбарис, һары, ҡара ҡурай еләге, виноград, бөҙрә тал, күк шыршылар... Ожмах баҡсаһымы ни! Ғәлиә Муллайән ҡыҙы үҙ биләмәһенә сәйәхәт ҡылырға саҡырҙы. Хаҡлы ялға сыҡҡас, ниндәй шәп шөғөл менән ваҡыт уҙғара икән. Әммә баҡса эше, емеш-еләк үҫтереү өсөн белем дә кәрәк.
Ғәлиә менән Әлфис Мөғәллимовтар, Борай районының Борай ауылында 40 йылға яҡын мәктәптә эшләп, балаларға биология фәненән белем бирә. Башҡортостандың атҡаҙанған уҡытыусыһы, Рәсәйҙең халыҡ мәғарифы отличнигы Ғәлиә Муллайән ҡыҙы, бынан ете йыл элек ауыл ситендәге ташландыҡ майҙанды ҡуртымға алып, “Алмағас” крәҫтиән (фермер) хужалығы ойошторорға батырсылыҡ итә.
Ком: 0 // Уҡынылар: 827 тапҡыр // Тотош уҡырға
Артҡа 1 2 3 4 5 6 7 8 9 10 ... 44 Алға
Бит башына