Инйәр буйҡайында илай әсәләр...Яңыраҡ Бөтә донъя туризм көнө билдәләнде, шул уңайҙан Өфөлә ил кимәлендәге форум үткәрелде. Был тармаҡ вәкилдәре Өфөлә һәм Башҡортостанда туризмдың үҫешеүе, төбәгебеҙҙең “туризм мәккәһе”нә әүерелә барыуы тураһында тәфсирләп һөйләне. Ул арала “ҡырағай” туризм, йәғни ойошторолмаған ял ҡорбандарының ғәйепһеҙгә изоляторҙа ултырыуына бишенсе ай китте.
“Башҡортостан” гәзитендә баҫылған “Ҡырағай” туристар ғауға ҡуптара” (2012 йыл, 23 июнь) тигән мәҡәләлә, темаға әйләнеп ҡайтырбыҙ, тип вәғәҙә иткәйнек. Судтың оҙаҡламай үтеренә һәм ғәҙел ҡарар сығарылырына өмөт тотҡайныҡ ул саҡта. Ҡыҙғанысҡа ҡаршы, судты ҡарау оҙаҡҡа һуҙылды, ә Иҙел Әхмәтҡужин, Илдар Усманов һәм Марс Гәрәев һаман да һаҡ аҫтында! Һуңғы осорҙа яҡындары менән күрешергә лә рөхсәт итмәйҙәр.
Ком: 1 // Уҡынылар: 1161 тапҡыр // Тотош уҡырға
Оло йөрәкле булдыМанышты ауылында тыуып үҫкән һәм бөтә ғүмерен ошонда үткәргән, тормоштоң әсеһен-сөсөһөн үҙ елкәһендә татыған Бибиямал апай тураһында һүҙем.
Бибиямал Йомағол ҡыҙы ғаиләлә баш бала була. Ата-әсәһе тырышып донъя көтә, мал да тоталар. Ғаилә башлығы Йомағол Инйәр урман хужалығында ағас ҡырҡа, хужабикә Хәбибьямал өйҙә донъя көтә. Бер-бер артлы балалар ҙа ишәйә. Әммә ата-әсәнең һөйөнөсө оҙаҡҡа бармай.
1937 йыл... Сәйәси золом Әсҡәровтар ғаиләһен дә үрап үтмәй. Йомағолдо ла ҡулға алалар. Бай тип әйтер инең, өй тулы бала-саға, ҡурала бер һыйыр ҙа бер ат. Совет хөкүмәтенә ҡаршы бер һүҙ әйткәне булманы, белеме лә юҡ... Урман араһында ятҡан Маныштыла нисек итеп Советтарға зыян килтереүен аңламаны ул. Сәфәрғол һәм Түбәнге Төлмәй ауылдарында ике-өс тиҫтә генә хужалыҡ була.
Ком: 0 // Уҡынылар: 1034 тапҡыр // Тотош уҡырға
Эшебеҙҙә ҙур ярҙамсыРәйлә РӘМОВА, Хәйбулла район мәғариф идаралығының туған телдәр буйынса методисы:
“Башҡортостан” гәзитен бала саҡтан уҡып үҫтем. Ул ваҡытта өйөбөҙгә әллә күпме гәзит-журнал килә ине. Атайымдан алда баҫманы (ул осорҙа “Совет Башҡортостаны”) уҡыр өсөн почтальонды ҡаршы алырға йүгерә торғайным. Шуға күрә матбуғат менән бәйләнеш оҙаҡ йылдар дауам итә.
Башҡорт теле һәм әҙәбиәте уҡытыусыһы булып эшләгән йылдарымда гәзит оло кәңәшсемә һәм ярҙамсыма әүерелде. Унда баҫылған мәҡәләләрҙе, яҙыусылар тураһындағы иҫтәлектәрҙе дәрестә ҡулланам. Әле туған телдәр буйынса методист булараҡ барлыҡ уҡытыусыларҙы “Башҡортостан”ға яҙылырға саҡырам.
Ком: 0 // Уҡынылар: 553 тапҡыр // Тотош уҡырға
Һайлау системаһында ҡануниәт йыш үҙгәреп тора. Хәҙер, яңы законға ярашлы, төбәк башлығын халыҡ үҙе һайлап ҡуясаҡ. Башҡортостанда Президентты 2015 йылда һайларға тейешбеҙ, сөнки Рөстәм Хәмитовтың вәкәләте ошо ваҡытта бөтәсәк.
Әммә республиканың ҡайһы бер йәмәғәт ойошмалары ғәмәлдәге Президент Рөстәм Хәмитовҡа бөтә халыҡ һайлауына алданыраҡ барырға тәҡдим итә. “Сәскә атыусы Башҡортостан өсөн” республика йәмәғәт коалицияһы Рөстәм Зәки улына ошондай тәҡдим менән хат яҙған.
“Бөтә Рәсәй йәмәғәтселек фекерен өйрәнеү үҙәгенең һуңғы социологик тикшеренеүҙәре һөҙөмтәһе буйынса, республика Президенты Рөстәм Хәмитовҡа халыҡтың 60 проценттан ашыуы ышана.
Ком: 0 // Уҡынылар: 487 тапҡыр // Тотош уҡырға
Башҡортостанға эш сәфәре менән Рәсәйҙең ауыл хужалығы министры Николай Федоров килде. “Өфө” халыҡ-ара аэропортында уны Башҡортостан Президенты Рөстәм Хәмитов ҡаршы алды.
Артабан улар М. Ғафури исемендәге Башҡортостан ҡошсолоҡ комплексына юлланды. Унда предприятиеның дүртенсе яңы участкаһын ҡарап сыҡтылар.
Ауыл хужалығы министрлығы башлығы предприятиеның проект күрһәткестәренә ҡасан сығасағы, инвестиция күләме менән ҡыҙыҡһынды. Комплекс вәкилдәре билдәләүенсә, инвестиция күләме 6,6 миллиард һум тәшкил итә, әле шуның 4,7 миллиард һумы үҙләштерелгән.
Ком: 0 // Уҡынылар: 711 тапҡыр // Тотош уҡырға
Байтаҡ баҡсасынан емеш ағастарының уңыш бирмәүенә, тәүҙә емеше булып, һуңынан ҡойолоп бөтөүенә зарланыуын ишеткән бар. Алма өлгөргән осорҙа күршем ингәйне. “Ҡайҙа ҡуйырға белмәйем, ер тулы алма”, — ти был. Мал-тыуары булмауына зарланып алды. Баҡһаң, ҡойолған емештәрҙе ырғыта икән. Ә мин улай эшләмәйем. Хәйер, әллә ни ҡойолоп та бармай инде алма. Бер аҙ тәжрибәм менән уртаҡлашмаҡсымын.
Бөтәһенә лә билдәле: ағас артыҡ уңышын ғына ҡоя. Йәғни көсө еткәнде алып ҡала. Шуның өсөн мин емеш биреүсе ағастарҙы миҙгеленә ике тапҡыр ашлап торам. Сәскә атҡан сағында олон тирәләй канау ҡаҙып сығам. Был саҡта һаҡ булырға кәрәк — тамырҙарға зыян килмәһен. Һуңынан 25 градус йылылыҡтағы һыуҙы өс-биш биҙрә иҫәбенән ҡоям.
Ком: 0 // Уҡынылар: 746 тапҡыр // Тотош уҡырға
Беҙҙең ауыл менән Өфө араһында 120-се маршрут автобусы йөрөй. Ҡышын һирәк булһа ла, йәйен 15–20 минут һайын ҡала халҡын коллектив баҡсаларға ташый. Яратам был маршрутты. Эшкә барып ҡайтҡан өсөн түгел, ә гелән эргәңдә әңгәмәләшселәрең булғанға. Сер түгел, йәштәр йөрөмәй баҡсаға. Ғәҙәттә, автобуста 60-тан үткән әбей, бабайҙар, ағай, апайҙар була. Бөтәһе лә – тәжрибәле баҡсасы.
Берәйһенән ҡыҙыҡ өсөн генә йәшелсә, еләк-емеш тураһында кәңәш һора — Өфөгә тиклемге 40 саҡрым ара һиҙелмәй ҙә ҡала: кәңәшен дә бирәләр, бер-береһен бүлдереп, яңы сорттар тураһында ла һөйләйҙәр, тәжрибәләре менән дә уртаҡлашалар.
Ком: 0 // Уҡынылар: 714 тапҡыр // Тотош уҡырға
Ҡышҡа инергә лә күп ҡалманы. Баҡсала миҙгелдең һуңғы эштәре бара. Ағастар, емеш ҡыуаҡтары япраҡтарын ҡойҙо — йоҡоға талырға әҙерләнә.
Еләк-емеш үҫентеләре алдында ҙур һынау тора. Ҡайһы бер йылда ямғырҙар яуып, ҡар иртә көҙҙән ҡалын ятһа, үҫентеләрҙең тамыры тын ала, киләһе йыл уңышына көс туплай. Ҡайһы йылда иһә, киреһенсә, көҙ ҡоро килә, ҡар яумай, һалҡын көндәр башлана. Артынса уҡ туңдырып ебәрә, ер ярыла, тамырҙарға туңыу ҡурҡынысы янай. Шуға ла ағас олондары тирәләй, еләк-емеш ҡыуаҡлыҡтарын тиреҫ, серетмә менән ҡапларға кәрәк. Улай иткәндә, емеш ботаҡтары 40–50 градус һалҡындарҙы ғына ауыр үткәрә.
Ком: 0 // Уҡынылар: 695 тапҡыр // Тотош уҡырға
Миңлекәй. ...Француздар тәхетте алһалар, минең халҡым барыһы ла француздарға ҡарар, француз ҡулы аҫтында ҡалғығыҙ килмәһә, бик күп ғәскәр йыйығыҙ ҙа улар менән барып һуғышығыҙ, тигән.
Төхби. Шулаймы ни? Батша, яңынан ғәскәр йыйып, һуғышырға ҡушҡанмы ни?
Ноғман (урынынан тороп). Батша үҙе, теләгән кеше барһын, тип торғас, нимә ҡарап торабыҙ? Шул дошмандарҙың көлөн күккә осормайынса!
Төхби. Әйҙәгеҙ, барайыҡ. Мин дә барам (Асыулы тауыш менән). Муйындарын аҫтарына килтерер кәрәк, аталарынан ҡалған тәхет бармы ни уларға бында.
Солтағай.
Ком: 0 // Уҡынылар: 794 тапҡыр // Тотош уҡырға
Бишәүҙәр ауылындағы Сәүиә менән Венер Хамматовтарҙың ырыҫлы, бәрәкәтле тормошона һоҡланмау мөмкин түгел. “Хамматов” крәҫтиән-фермер хужалығын былтыр сентябрҙә генә ойошторалар. Әле уларҙың 400-гә яҡын ҡаҙы, 80 һауын кәзәһе, 350 баш умартаһы, 30-лап йорт ҡуяны бар.
Йорт хужаһы балта оҫтаһы, мейес сығарыусы булараҡ та дан алған. Уның семәрләп эшләгән тәҙрә рамдарын, яңаҡтарын, умарта өсөн кәрәк-ярағын шунда уҡ һатып алып бөтәләр. Сығарған мейесе ыҡсым, һәйбәт булғаны өсөн оҫтаны әллә ҡайҙарҙан эҙләп киләләр. Тормош иптәше Сәүиә Динарик ҡыҙы — ауылдың уңған килендәренең береһе. Ҡош-ҡорт ҡарау, кәзә һауыу, ҡымыҙ бешеү — бөтәһе лә уның иңендә.
Ком: 0 // Уҡынылар: 685 тапҡыр // Тотош уҡырға
Артҡа 1 2 3 4 5 6 7 8 9 10 ... 44 Алға
Бит башына