Ҡорбан байрам хажға барыуҙың бер өлөшө булып тора. Ул мосолман ай календары буйынса 12-се айҙың 10-сы көнөндә Мәккә янында үткәрелә. Байрам өс-дүрт көн дауам итә.
Әлбиттә, һәр мосолман, хаж ҡылып, төп байрамда ҡатнаша алмай. Шуға күрә, ислам ҡанундары буйынса, йоланы һәр ерҙә башҡарыу мөмкинлеге бар.
Байрам көндө таң һыҙылыу менән мосолмандар мәсеткә иртәнге доға ҡылырға йыйыла. Йыуынып килеү, яңы һәм таҙа кейемдә булыу мөһим. Доға алдынан ашарға ярамай.
Ком: 0 // Уҡынылар: 616 тапҡыр // Тотош уҡырға
Сауҙа мөнәсәбәттәрен киңәйтеү, бизнесты үҫтереү, контрабандаға ҡаршы көрәш, наркотиктарҙы, сертификатһыҙ аҙыҡ-түлекте, тауарҙы индереүгә, шулай уҡ мәҙәниәт һәм милли ҡомартҡыларҙы ситкә сығарыуға юл ҡуймау… Ана шундай мөһим бурыстарҙы үҙ иңенә алған Башҡортостандың таможня хеҙмәткәрҙәре.
– Һөнәри байрамыбыҙҙы матур уңыштар менән ҡаршылайбыҙ. Былтырғы эш һөҙөмтәләре буйынса беҙ илдә алдынғылар рәтендә, – тип башланы сығышын “Башинформ” агентлығында үткән матбуғат конференцияһында Башҡортостан таможняһы начальнигы, генерал-майор Юрий Владимиров.
Ошо йылдың 9 айында таможня тарафынан федераль бюджетҡа 4 миллиард 500 миллион һум аҡса күсерелгән.
Ком: 0 // Уҡынылар: 673 тапҡыр // Тотош уҡырға
Мөхтәрәм уҡыусыларыбыҙ!
Гәзит-журналға яҙылыу декабрь урталарына тиклем дауам итә. Әммә ваҡыт бар әле йәки өлгөрөрмөн тип, “Башҡортостан”ға яҙылыуҙы һуңғы көнгәсә кисектермәһәгеҙ ине.
2013 йылдың тәүге яртыһына яҙылыу хаҡы — 706 һум 32 тин, ә аҙнаһына бер тапҡыр сыҡҡаны (31805 индекслыһы) — 146 һум 64 тин. Хаҡ күтәрелеүҙе тәбиғи хәл булараҡ ҡабул итәйек. Әгәр аҡса яғы наҡыҫ икән, башта өс айға яҙылырға ла мөмкин.
Ком: 0 // Уҡынылар: 562 тапҡыр // Тотош уҡырға
Республикабыҙҙа спорт тормошо гөрләп тора. 7–9 ноябрҙә билбау көрәше буйынса Донъя кубогы үтәсәк.
Уны Халыҡ-ара билбау көрәше федерацияһы, Бөтә донъя башҡорттары ҡоролтайы башҡарма комитеты, Бөтә Рәсәй Билбау көрәше федерацияһы, республиканың Йәштәр сәйәсәте һәм спорт министрлығы, Өфө ҡалаһының Көрәш һәм билбау көрәше буйынса федерацияһы ойоштора.
Алыш Олимпия системаһы буйынса уҙғарыла. Һәр илдән бер ауырлыҡ категорияһында ни бары ике спортсы ҡатнаша.
Ком: 0 // Уҡынылар: 599 тапҡыр // Тотош уҡырға
Тәбиғәт алдында кешелек көсһөҙ, был бәхәсһеҙ. Ер шарының бер мөйөшөндә туфан ҡалҡыуы, икенсе урында тауҙың шыуып төшөүе, бүтән ерҙә ер тетрәүе — шуға асыҡ миҫал. Ошолар тураһында ишеткәндә, күптәр ундай ҡурҡыныс хәлдәр әлдә беҙҙә юҡ тип шөкөр ҡылалыр. Әйткәндәй, ошо көндәрҙә Башҡортостанда, дөрөҫөрәге, Ҡырмыҫҡалы районында ла сәйер күренеш теркәлде – көтмәгәндә ерҙең убылыуы хаҡында ишетеп, тәндәр сымырҙап китте.
Шунда уҡ күҙ алдына баҫыуҙы иңләгән урып-йыйыу комбайндары, иген тейәлгән йөк машиналары, ҡыҫҡаһы, күптән түгел ҡыҙыу барған ураҡ барышы килеп баҫты. Бәхеткә күрә, ярай әле бында ҡыр эштәре тамамланған булған. Әгәр был урынға көнбағыш йәки сөгөлдөр кеүек һуң өлгөрә торған культуралар сәселгән булһа...
Ком: 0 // Уҡынылар: 727 тапҡыр // Тотош уҡырға
Баш ҡалабыҙ Өфөлә беренсе тапҡыр Волга буйы федераль округының Бөтә Рәсәй Азербайжан конгресы йәмәғәт ойошмаһының төбәк бүлексәләре етәкселәренең ултырышы үтте. Унда Киров, Түбәнге Новгород, Пенза, Һамар, Һарытау өлкәләренән, Мари Иле, Мордва, Татарстан республикаларынан вәкилдәр ҡатнашты.
Әлеге сарала азербайжандарҙың Рәсәй йәмғиәтендә тотҡан урыны, төбәктәге халыҡ-ара берҙәмлек, Рәсәйҙең башҡа милли йәмәғәт ойошмалары менән үҙ-ара мөнәсәбәте кеүек мәсьәләләр тикшерелде. Бынан тыш, конгрестың төбәк бүлексәләренең эшмәкәрлегенә йомғаҡ яһалды.
Башҡортостанда азербайжандарҙың йәмәғәт ойошмаһы 2002 йылдан бирле эшләй.
Ком: 0 // Уҡынылар: 993 тапҡыр // Тотош уҡырға
Дәүләт Думаһы депутаты Сәлиә Мырҙабаева Ҡара диңгеҙ буйы иҡтисади хеҙмәттәшлегенең Парламент ассамблеяһы делегацияһы составында Украинаның Юғары Радаһына һайлауҙа күҙәтеүсе сифатында халыҡ-ара миссияла ҡатнаша.
Күҙәтеүселәрҙең бурысы — һайлауға объектив баһа биреү, ҡотҡоға юл ҡуймау. Украина парламентына һайлау ҡатнаш система буйынса тормошҡа ашырыласаҡ. Партия исемлеге, шулай уҡ бер мандатлы округтарҙа мажоритар система буйынса 225-әр депутат һайланасаҡ.
Ком: 0 // Уҡынылар: 757 тапҡыр // Тотош уҡырға
Башҡортостан Дәүләт Йыйылышы — Ҡоролтайҙың 56-сы ултырышында закон һәм ҡарар проекттары, закон сығарыу инициативалары, башҡа мәсьәләләр ҡаралды.
Мәҫәлән, етем һәм ата-әсә ҡарауынан мәхрүм ҡалған балаларҙы йәшәү урыны менән тәьмин итеү буйынса хәл итәһе мәсьәлә бихисап. Бындай төргә ингән йәштәрҙең күплеге, ә фатирҙарҙың етмәүе, майҙанының ҡанунда билдәләнгән нормаға тап килмәүе эшкә ҙур тотҡарлыҡ яһай. Сессияла ҡаралған “Етем һәм ата-әсә ҡарауынан мәхрүм ҡалған балаларҙы йәшәү урыны менән тәьмин итеү буйынса Башҡортостандың айырым ҡануни акттарына үҙгәрештәр индереү” законы проектында республиканың дәүләт власы органдарының был төргә ингән йәштәрҙе торлаҡ менән тәьмин итеү вәкәләттәренә асыҡлыҡ индерелә.
Ком: 0 // Уҡынылар: 543 тапҡыр // Тотош уҡырға
Хөрмәтле мосолмандар!
Һеҙҙе изге Ҡорбан байрамы менән ихлас ҡотлайым!

Быуаттар буйы исламдың юғары әхлаҡи идеалдарын тормошҡа ашырып, был байрам яҡыныңа шәфҡәтлелекте һәм миһырбанлыҡты кәүҙәләндерә. Мохтаждарға ярҙам итергә өйрәтә, изге эштәр ҡылыу зарурлығы хаҡында иҫкәртә.
Ошо мәңгелек ҡиммәттәр бөтә милләт һәм дин кешеләренә яҡын, аңлайышлы. Республикала хәйриәлек әүҙем тергеҙелә. Йәш быуында ватансылыҡ һәм әхлаҡ тәрбиәләүгә, ғаилә ҡиммәттәрен нығытыуға ҙур иғтибар бирелә.
Ком: 0 // Уҡынылар: 1160 тапҡыр // Тотош уҡырға
Кешене иртәгәһе көнгә ышаныс йәшәтәИҡтисади көрсөк, геосәйәси низағтар, экология проблемаһы, дини нигеҙҙәге ҡаршылыҡтар, экстремизм күренешенең таралыуы, фәҡирлек, ғаилә ҡиммәттәренең юғала барыуы, килем айырмаһы арҡаһында граждандар араһындағы көсөргәнешлелек — ошо һәм башҡа бик күп бөгөнгө көнүҙәк проблемаларҙы тап социологтар өйрәнә һәм хәл итеү юлдарын эҙләй. Бынан бер нисә тиҫтә йыл элек кенә уларҙың күбеһе тураһында белмәй ҙә инек, ә хәҙер хатта донъя кимәлендә ғалимдар бергәләп баш вата.
Баш ҡалабыҙҙа кисә асылған “Социология һәм йәмғиәт: глобаль талаптар һәм төбәктәр үҫеше” тип аталған IV Бөтә Рәсәй конгресының икенсе этабында ла ошо проблемалар хаҡында ентекле һөйләшеү буласаҡ. Өфөләге конгресс Халыҡ-ара, Европа һәм Рәсәйҙең социологик ассоциациялар вәкилдәрен йыйҙы. Унда Мәскәү, Санкт-Петербург һәм илдең башҡа төбәктәренән 500-ләп, сит илдәрҙән ике тиҫтә самаһы ғалим ҡатнаша.
Ком: 0 // Уҡынылар: 734 тапҡыр // Тотош уҡырға
Гәзиттәр төҫлө сығасаҡҠала типографияһы – Урал аръяғында иң ҡеүәтле заманса матди-техник базаһы булған полиграфия предприятиеларының береһе. Бында Сибай, шулай уҡ Баймаҡ, Йылайыр һәм Хәйбулла район гәзиттәре баҫыла. Ошо көндәрҙә типография 55 йыллыҡ юбилейы уңайынан күркәм сара үткәрҙе. Тантанала Башҡортостандың элемтә һәм киң коммуникациялар министры урынбаҫары Венера Хәкимова, Сибай ҡалаһы хакимиәтенең социаль мәсьәләләр буйынса урынбаҫары Илгиз Хәйруллин, район һәм ҡала типографиялары директорҙары, ветерандар ҡатнашты.
Типографияға 1957 йылда нигеҙ һалынған. Бөгөн уға Булат Абдрафиҡов етәкселек итә. Һуңғы йылдарҙа тап Булат Кәшфулла улының башланғысы менән предприятие яңы һулыш кисерә. Бында ҡала һәм район гәзиттәренән тыш, башҡа төрлө продукция ла баҫыла.
Ком: 0 // Уҡынылар: 899 тапҡыр // Тотош уҡырға
Һөнәрҙә яуланған бәхетБоронғо аҡыл эйәләренән берәү: “Бер генә сәғәтте бушҡа уҙғарған кеше ғүмер ҡәҙерен аңлау кимәленә етә алмай”, — тигән. Был яҙмам барлыҡ тормошон аҡыл-зиһен туплауға, фәнгә, ғилми эҙләнеүҙәргә, студенттарының үҫешен хәстәрләүгә, халҡына фиҙаҡәр хеҙмәт итеүгә бағышлаған абруйлы затыбыҙ тураһында. Уның, мәшһүр ғалимыбыҙ Марат Вәли улы Зәйнуллиндың, Башҡорт дәүләт университетында эшләй башлауына быйыл 50 йыл тулды. Арҙаҡлы шәхесебеҙҙең әле һаман арыу-талыу белмәй фәнгә, туған уҡыу йортона хеҙмәт итеүе бик һирәктәргә тәтегән бәхеттер ул.

Йәшлек хыялы тормошҡа аша
1962 йылда БДУ-ның тарих-филология факультетын ҡыҙыл дипломға тамамлаған Гәүһәр менән Марат Зәйнуллиндар Күгәрсен районына башҡорт һәм урыҫ телдәре уҡытыусыһы итеп эшкә ебәрелә. Йәш белгестәр ғаилә башлығының тыуған төйәгенә, хыял арғымағына атланғандай, ҙур теләк менән ҡайтып төшә.
Ком: 0 // Уҡынылар: 1318 тапҡыр // Тотош уҡырға
«Ағинәй» иман таратаКүңелдәрҙе миғражға күтәрерҙәй ғәмәлдәр көтөлә

Былтыр Сурай ауылында мәсет асыу тантанаһында булырға тура килгәйне. Ғибәҙәт ҡылыу йортоноң бик матур эшләнешенә, архитектура йәһәтенән камиллығына һоҡланыуҙан күңелемдең иң нескә ҡылдары тирбәлде, уны һалған һәммә кешегә рәхмәт хистәрем урғылды. Аллаһы Тәғәләне яратып, уның берлегенә инанып йәшәүселәр арта, иншалла, уларҙың матди теләктәшлеге ярҙамында тыуған еребеҙҙә иман йорттары күбәйгәндән-күбәйә.
Яңыраҡ был тарафтарға тағы юл төштө. Ауылға ҡарап ҡына торған Аҡҡош тауы итәгендәге мәсет балҡып ултыра. Исеме лә ниндәй бит әле — «Ағинәй»!
Ком: 0 // Уҡынылар: 964 тапҡыр // Тотош уҡырға
Йондоҙҙарҙы кем ҡабыҙа?Сәнғәт күгендә балҡыған йондоҙҙарҙың һәр ҡайһыһының юл башы үҙенсәлекле һәм ҡабатланмаҫ. Шулай ҙа уларҙың барыһын да берләштергән бер һыҙат бар: ваҡытында һәләттәрен кемдер асҡан һәм, ярҙам ҡулы һуҙып, донъяға танытҡан! Юғиһә күпме талант юғалып-онотолоп бөткән булыр ине. Бөтә донъяға танылған музыкант, билдәле йәмәғәт эшмәкәре Владимир Спиваков исемендәге Халыҡ-ара Хәйриә фондының Башҡортостан филиалы, ошо изге эште үҙ өҫтөнә алып, бына тиҫтә йылдан ашыу инде республикабыҙҙа йәш таланттар асыу менән мәшғүл.
Әйткәндәй, Спиваков фондының Башҡортостандағы филиалы Рәсәй төбәктәрендә берәү, башҡа республикаларҙа бындай ойошмалар әлегә юҡ. Изге эштең башында оло йәнле шәхес Ғәлиә Хәснулла ҡыҙы Камаева тора.
Ком: 0 // Уҡынылар: 989 тапҡыр // Тотош уҡырға
Яҡтылыҡ әйҙәй уныМашина фараһынан ағылған нур төн йөҙөндә һикергеләй. Руль артында ултырған Азат, гүйә, шул нур ебенә тотоноп, тыуған йортона оса. Яҡтылыҡ әйҙәй, яҡтылыҡ саҡыра уны! Ә ул уның күңеленә бала саҡтан уҡ һалынған, ата-әсәһе, ғәзиз төйәге ҡабыҙған был утты. Тыуған йортон, бәләкәй сағы үткән Аҡбейек тауын, өлтөрәп торған әсәһен, һынсыл ҡарашлы атаһын күҙ алдына килтереп, йылмайып ҡуйҙы Азат.
Атаһы Фәйзулла Ямалетдин улы тотош ғүмерен тыуған төйәгенә бағышланы, балаларында ла ошо изге тойғоно тәрбиәләргә тырышып, эш һөйөргә өйрәтте. Нәҫелдән киләлер был. Фәйзулланың атаһы Ямалетдин ағай ҙа “алтын ҡуллы” кеше була. Нимәгә тотонһа ла, һәр эште еренә еткереп башҡара. Хатта уға яҡын-тирә ҡала-райондарҙан сәғәт йүнәттерергә килер булғандар.
Ком: 0 // Уҡынылар: 688 тапҡыр // Тотош уҡырға
Артҡа 1 ... 3 4 5 6 7 8 9 10 11 ... 29 Алға
Бит башына