Марат Аҙнабаев – сит илдә лә үҙ кешеБашҡортостандың Фәндәр академияһы академигы, медицина фәндәре докторы, Рәсәйҙең һәм Башҡортостандың атҡаҙанған фән эшмәкәре Марат Аҙнабаевтың үҙенсәлекле шәхес икәнлеге барыбыҙға ла мәғлүм. Фән өлкәһендә ҡолас ташлап йөҙөүҙән, шәкерттәрен оло юлға сығарыуҙан тыш, уның сит телдәрҙе өйрәнеүе, инглиз телендә докладтар яһауы, медицина терминдарының энциклопедик характерҙағы урыҫса-башҡортса аңлатмалы һүҙлеген төҙөүгә ҙур көс һалыуы шәхес тормошондағы ғәжәп үҙенсәлекле, яҡты биттәр.
Көҙгө көндәрҙең береһендә офтальмология мәктәбенә нигеҙ һалған профессорҙың Төркиәлә төрөк күҙ табиптарының, ғалимдарының милли конгресынан бай тәьҫораттар менән ҡайтҡан мәленә тура килдек.
Ком: 0 // Уҡынылар: 548 тапҡыр // Тотош уҡырға
Ҡышҡы һабантуй бүләк итте йәштәрКонгресс-холда уҙған "Йәш ғаилә" республика конкурсын ҡарарға йыйылған тамашасылар һабантуйҙың ҡыш та уҙыуына инанды. Йыр-моңға маһир, уңған һәм бай күңелле аҫыл парҙар менән уларҙың балалары халыҡҡа байрам бүләк итте. Мөхәббәт, татыулыҡ, муллыҡ, йыр-моң байрамы ине ул.
Ике көн барған конкурсҡа Башҡортостандың төрлө төбәгенән 24 ғаилә килде. Улар үҙҙәре менән таныштырҙы, һөнәрҙәрен һәм ғаилә байрамдарын күрһәтте, күргәҙмә ойошторҙо, төрлө башватҡыстарға яуап биреп, зирәклектә ярышты. Һөҙөмтәлә һигеҙ ғаилә финалға сыҡты һәм гала-концертта сығыш яһау хоҡуғын алды.
Ком: 0 // Уҡынылар: 608 тапҡыр // Тотош уҡырға
“Беҙ мөһим һәм изге эш башҡарабыҙ”Башҡортостанда “Башинформсвязь” асыҡ акционерҙар йәмғиәте тип аталған яңы компанияға нигеҙ һалыуға ике тиҫтә йыл ваҡыт үткән. Ул барлыҡҡа килеү менән республикалағы телекоммуникация тармағы баҙар мөнәсәбәттәрендә ҡатнаша башлай. Тап ошо ваҡиға компанияның яҙмышын билдәләй, сөнки бер аҙ ваҡыт үтеүгә телекоммуникация “иҡтисади үҫеш алдынғыһына” әүерелә.
“Башинформсвязь” асыҡ акционерҙар йәмғиәтенең генераль директоры Рөстәм СафЕев менән тармаҡтың үткәне, киләсәге, бөгөнгөһө, үҫеш юлдары хаҡында әңгәмәләштек.
Ком: 0 // Уҡынылар: 685 тапҡыр // Тотош уҡырға
Быуатты артылған тарихы барКүгәрсен районы үҙәге Мораҡҡа юлығыҙ төшкәне бармы? Ифрат бөхтә, матур ауыл ул. Һис тә ҡаланыҡынан ҡалышмаған мәҙәниәт һарайы, Балалар ижады үҙәге, күптән түгел асылған, бейек манараһы менән әллә ҡайҙан саҡырып торған күркәм иман йорто – "Ҡыҙыл мәсет" – һәммәһе лә Мораҡҡа йәм һәм йән өҫтәй төҫлө.
Был исемлеккә Мораҡтың 1-се урта мәктәбен дә индереү зарур: ауылдың үҙәгендә урынлашҡан белем усағы заман зауығына ярашлы төҙөлгән, балаларға белем биреү өсөн бөтә шарттар ҙа бар.
Хәйер, һүҙҙе алыҫтаныраҡ башларға кәрәк: мәктәп быйыл оло юбилейын – ойошторолоуының 110 йыллығын билдәләне.
Ком: 0 // Уҡынылар: 1044 тапҡыр // Тотош уҡырға
Мейебеҙгә “бәшмәк” кәрәкмәйРедакциябыҙҙың ике хеҙмәткәренең тәмәке тартыуҙы ташларға теләүен ишеткәс, уларҙы Башҡорт дәүләт медицина университеты клиникаһына саҡырҙыҡ. 2010 йылда бында никотинға бәйлелеге булған ауырыуҙарға ярҙам итеү лабораторияһы асылды.
Тәмәке тартыу — көслө сир
— Тәмәке тартыу хроник ауырыуҙар иҫәбенә индерелгән,— ти эске ауырыуҙар кафедраһы доценты, лаборатория мөдире Дилбәр Ғәбитова. — Кеше тарта башлаһа, мейелә никотин рецепторҙары ярала. Улар бәшмәк һымаҡ үрсей һәм үҙ дозаһын һорай башлай.
Ком: 0 // Уҡынылар: 1719 тапҡыр // Тотош уҡырға
Мөғжизәле “Мөхәббәт күле”…Тирә-яҡҡа “үләттәр ауылы” тигән даны таралған ерҙә ике ҡоҙа — Кәбир менән Хәким йәшәй. Тағы ла бер ҡарт, йәғни Ғабдулланан башҡа ауылда бүтән кеше лә ҡалмаған. Һәр хәлдә, бөтөп барған ауылдың яҙмышы тап ошо өсәүҙең ҡулында. Балталары һыуға төшкәндәй, күңелдәре һүрелеп барған ваҡытта ҡарттар бик ҡиммәтле хазинаға тап була. Баҡтиһәң, Хәким ҡарттың ишек алдындағы һаҫыҡ күле тылсымлы көскө эйә икән. Әгәр ҙә шул күлдә ҡойоноп, уның һыуынан ауыҙ итһәң, йәшлектәге ғәйрәт ҡайтып, дәрттәр артып китә, имеш. Был турала хатта боронғо сәйәхәтселәр үҙҙәренең көндәлектәрендә лә яҙып ҡалдырған, ти. Ҡарттар мөғжизәле күлдең тылсымын татып ҡарамаҡ була...
Ком: 0 // Уҡынылар: 997 тапҡыр // Тотош уҡырға
Күңелдәрҙә мәңге йәшәйҺәр кешенең ғүмере йәшәлгән йылдары менән түгел, ә башҡарған изге эштәре менән билдәләнә, тиҙәр. Әҙәбиәт донъяһында ла был ҡараш ныҡлы урын алған. Михаил Лермонтов, Шәйехзада Бабич, Ғабдулла Туҡай — ошоға сағыу миҫал. Улар ҡыҫҡа ғына ғүмер кисереп тә, үлемһеҙ әҫәрҙәр яҙып ҡалдырған...
Күренекле яҙыусы Рәйес Низамовҡа быйыл 80 йәш тулыр ине. Ижадының һутлана барған осоронда ғына әҙип вафат була, ләкин тормошсан әҫәрҙәрен әле булһа ла яратып уҡыйҙар, ә яҡташтары уның исемен хөрмәтләп иҫкә ала.
Рәйес Ғилметдин улы тыуып үҫкән Әлшәй районының Ташлы ауылында ошо көндәрҙә хәтер кисәһе уҙғарылды.
Ком: 0 // Уҡынылар: 764 тапҡыр // Тотош уҡырға
Юлия ГЕРАСИМОВА, Башҡортостан мордваларының милли-мәҙәни үҙәге рәйесе:
— Көндәлек тормош мәшәҡәттәре менән яныбыҙҙа ғына йәшәүсе яҡшы кешеләрҙе күрмәй башлайбыҙ. Уларҙың тормош мәғәнәһе — ғаиләһе йәки халҡы мәнфәғәтендә генә түгел, ә Ватаныбыҙға хеҙмәт итеү, тәрән ватансылыҡ тойғолары. Ундай кешеләр һәр кем өсөн өлгө, беҙ улар менән ғорурланабыҙ. “Берҙәм Рәсәй” партияһының “Яҡташтар” төбәк проекты, һис шикһеҙ, шундай кешеләрҙе асыҡларға һәм улар тураһында барыһына ла һөйләргә ярҙам итәсәк.
Ком: 0 // Уҡынылар: 580 тапҡыр // Тотош уҡырға
Бөтә донъя һаулыҡ һаҡлау ойошмаһы мәғлүмәттәре буйынса, үпкә шешенән вафат булған кешеләрҙең 90 проценты, хроник бронхиттан үлгәндәрҙең 75 проценты тәмәке тартҡан булған. Планетала һәр ун секунд һайын бер тәмәкесе яҡты донъя менән хушлаша. 2020 йылда иһә өс секундта бер кеше үләсәк, тип фаразлай белгестәр.
Рәсәйҙә 43,9 миллион кеше тәмәке тарта. Был ил халҡының 40 проценты тигәнде аңлата. Башҡа илдәр менән сағыштырғанда иң юғары күрһәткестәрҙең береһе — беҙҙә. Шул уҡ ваҡытта рәсәйҙәрҙең 94 проценты тартыу һаулыҡҡа зыянлы һәм хәүефле икәнен билдәләй.
Ком: 0 // Уҡынылар: 596 тапҡыр // Тотош уҡырға
Өфө ҡалаһы хакимиәте ҡарамағындағы Уҡыусыларҙың туҡланыуын ойоштороуҙа булышлыҡ күрһәтеү советының тәүге ултырышында Башҡортостан Республикаһы Дәүләт Йыйылышы — Ҡоролтайҙың Сәнәғәт, транспорт, төҙөлөш, элемтә һәм эшҡыуарлыҡ буйынса комитеты рәйесе урынбаҫары Елена Родина, ҡала хакимиәте башлығы урынбаҫарҙары Сынтимер Баязитов менән Марат Ғәлиуллин, ҡайһы бер министрлыҡтар, ведомстволар вәкилдәре ҡатнашты.
Сынтимер Баязитов: “Баш ҡала хакимиәте мәктәптә туҡланыу сифатына даими иғтибар бирә”, — тип билдәләне.
Ком: 0 // Уҡынылар: 813 тапҡыр // Тотош уҡырға
Артҡа 1 2 Алға
Бит башына