Һөйләшеүгә ике яҡ та мохтажБашҡортостан Президенты Рөстәм Хәмитов Интернетта блог алып бара башлау менән яңы башланғысҡа бик күп чиновниктар ҡушылды. Халыҡ та әүҙемләште, сөнки был — власть менән ябай кеше араһында тиҙ арала бәйләнешкә инеү мөмкинлеге.
Республика парламенты спикеры Константин Толкачев та заман талабынан артта ҡалмай — ул әүҙем блогер. Константин Борисович аралашыуҙы Интернет менән генә сикләмәй. Ошо көндәрҙә ул республиканың Интернет-йәмәғәтселеге, ябайыраҡ итеп әйткәндә, блогерҙар менән осрашты.
Дәүләт Йыйылышы — Ҡоролтай Рәйесе блогерҙар менән икенсегә күрешә, быға тиклем февралдә ошондай уҡ осрашыу булғайны.
Ком: 0 // Уҡынылар: 548 тапҡыр // Тотош уҡырға
Яҡташыбыҙ һынатманыРәсәй эске эштәр органдарының участка вәкилдәре хеҙмәте ойошторолоу көнөнә ҡарата Эске эштәр министрлығында “Халыҡ участковыйы” бәйгеһенә йомғаҡ яһалды, фиҙаҡәр хеҙмәте менән халыҡ араһында абруй яулаған хоҡуҡ һаҡлау хеҙмәткәрҙәрен эске эштәр министры, полицияның генерал-лейтенанты Владимир Колокольцев тәбрикләне.
Илдә полицияның 44925 участка вәкиле иҫәпләнә, улар енәйәттәрҙең дүрттән бер өлөшөн асыуға ҙур өлөш индерә, туранан-тура халыҡ менән эшләй.
Майор, полицияның өлкән участка вәкиле Ғилемдар Сирғәлин ике тиҫтә йылға яҡын Рәсәй Эске эштәр министрлығының “Белорет” муниципаль-ара бүлегендә хеҙмәт итә.
Ком: 0 // Уҡынылар: 535 тапҡыр // Тотош уҡырға
Рухи аҙыҡ таратаҠайҙа ғына юлланһаҡ та, туған телендәге матбуғатты яҙҙыртыу һәм таратыу өсөн көсөн һәм ваҡытын йәлләмәгән, үҙ эшенә яуаплы ҡараған милләттәштәребеҙ һоҡландыра.
Күптән түгел шундайҙарҙың береһен – Таңсулпан Ғайсинаны – Баймаҡ районының Байым ауылында тап иттек. 1999 йылдан алып почтальон булып эшләүсе Таңсулпан Ибраһим ҡыҙы ошоға тиклем Байым ауылына гәзит-журнал таратһа, яңыраҡ ҙур ауылдарҙың береһе Икенсе Этҡол халҡын хеҙмәтләндереүҙе лә өҫтәгәндәр. Тәжрибәле хеҙмәткәр гәзит-журнал, хат һәм открыткалар эйәһенә ваҡытында барып етһен өсөн тырыша.
Ком: 0 // Уҡынылар: 570 тапҡыр // Тотош уҡырға
Тау башында балҡый ғорур һынХалҡыбыҙҙың иң яратҡан урыны — Салауат Юлаев һәйкәле янында йыш булам. Ниндәйҙер сихри тартыу көсө алып килә кеүек мине. Күңелем болоҡһоған саҡтарҙа ошонда үҙемә йән тыныслығы табам, кәйефем күтәрелә.
Йылдың бөтә миҙгелендә лә бынан халыҡ өҙөлмәй. Уҡып бөтөп, ҡулына диплом алған йәштәр Өфө менән хушлашыр, иҫтәлеккә фотоға төшөр өсөн нәҡ Салауат һәйкәленә килә. Ғүмер юлын бергә үтергә вәғәҙәләшкән ғашиҡтар ҙа, батырыбыҙ янына килеп, сәскәләр һалып, унан фатиха ала. Башҡа төбәктәрҙән Өфөгә сәйәхәткә юлланыусылар ҙа иң тәүҙә ошо мөһабәт һәйкәлде килеп күрергә тырыша.
Ком: 0 // Уҡынылар: 1028 тапҡыр // Тотош уҡырға
Көлә, көлдөрә ГөлсөмРедакцияға ошондай үтенес менән хат килгәс тә, яратҡан артисыбыҙҙы эҙләп таптыҡ.
– Иҫәнлекме-һаулыҡмы, Гөлсөм апай?
– Аллаға шөкөр әле, ҡустым. Бына быйыл әҙерәк сырхаулап торғайным, хәҙер бер сама кеше булдым һымаҡ.
– Бына шуға һеҙҙе тамашасылар юғалтҡан икән...
– Шулайыраҡ шул. Әле генә Ҡазандан да шылтыраттылар, халыҡ һине таптырып аптырата, тиҙерәк шәбәй, тиҙәр. Татарстанда Фердинанд Сәләхов төркөмөндә алты йыл эшләгәйнем бит. Рәхмәт инде онотмауҙарына!
Ком: 0 // Уҡынылар: 977 тапҡыр // Тотош уҡырға
Юл хәүефле – һаҡ булығыҙ!Рәсәйҙә юл хәрәкәте проблемаһы ни тиклем киҫкен икәнлеген аңлатырға кәрәкмәй – үҙегеҙ ҙә белеп тораһығыҙ. Рәсәй юлдарында меңәрләгән кешенең ғүмере өҙөлә йә иһә һаулығына зыян килә. Юл-транспорт ваҡиғаларының аяныслы күрһәткестәре буйынса илебеҙ тәүгеләр рәтендә.
Йыл да Рәсәй юлдарында 200 мең самаһы юл-транспорт ваҡиғаһы теркәлә, 27 меңләп кеше һәләк була, 250 меңләгәне төрлө тән йәрәхәте ала. Башҡортостанға килгәндә, ун айҙа 4230 юл-транспорт ваҡиғаһы теркәлгән, 636 кеше һәләк булған, 5734-е төрлө тән йәрәхәттәре алған.
Юл фажиғәләре күп булыуының сәбәбе нимәлә: насар юлдар, сифатһыҙ автомобилдәрме, әллә водитель менән йәйәүлеләрҙең ҡағиҙәләрҙе һанға һуҡмауымы?
Ком: 0 // Уҡынылар: 1033 тапҡыр // Тотош уҡырға
Бөтөнлөккә ынтылыш"Бәләкәй сағында Азатты уйынсыҡ конструкторҙарҙан айырып булманы. Таралып ятҡан төрлө өлөштәрҙе ҙур сыҙамлыҡ менән йыйып, бер бөтөнгә әүерелдермәйенсә тынысланмай торғайны", — ти Дамир Йәнекәев улы тураһында. Бөгөн И.М. Сеченов исемендәге Беренсе Мәскәү дәүләт университетының V курсында уҡып йөрөгән егет конструктор менән мауығыуын күптән онотҡан, әммә бөтөнлөккә ынтылышы, айырылған өлөштәргә яңы һулыш өрөү ғәҙәте юйылмаған, киреһенсә, буласаҡ һөнәренең нигеҙенә ятҡан. Ул травматолог булырға йыйына.
Азат Силәбе өлкәһенең Магнитогорск ҡалаһында Дамир Рамаҙан улы менән Земфира Нәғимйән ҡыҙының ғаиләһендә тыуып үҫә. Атаһы — Баймаҡ, әсәһе Әбйәлил районынан.
Ком: 0 // Уҡынылар: 539 тапҡыр // Тотош уҡырға
Уңышлы ғына аҙна. Белемегеҙҙе һәм тәжрибәгеҙҙе ваҡытында ҡулланһағыҙ, һөнәри бейеклек яуларһығыҙ. Әммә, етерлек мәғлүмәт булмай тороп, ҡатмарлы проблемаға тотонмағыҙ. Йәмәғәт эшмәкәрлегенә иғтибар күп буласаҡ. Үҙен күрһәтергә яратыусылар өсөн уңайлы осор.
Эшлекле мәсьәләләр ыңғай хәл ителһә лә, күңел асыу саралары бик үк шәптән булмаҫ: һеҙ иҫәпләгәндән ҡиммәтерәккә төшөр. Шәхси мөнәсәбәттәр ҡатмарлы буласаҡ, аңлашылмаусанлыҡтар тыуыр. Әммә көйөргә ашыҡмағыҙ, был – ваҡытлы күренеш.
Ком: 0 // Уҡынылар: 622 тапҡыр // Тотош уҡырға
Эш бүлмәһе мәж килеп тора. Ары сабалар, бире сабалар. Берәүҙәр ғәйбәт тоҡсайын бүҫкәртә, икенселәр әллә дүртенсе, әллә бишенсе тапҡыр сәй шөпөрҙәтә. Өсөнсөләр дуҫының яңы кейемен йыуа.
Ғәләү ҙә ойоп ултырмай. Киреһенсә, иң ауыр, иң әһәмиәтле бурыс уның иңенә һалынған. Ана, өҫтәлен күрәһегеҙме? Бер өйөм ҡағыҙ араһынан пеләш башы ғына ялтырап күренеп ҡала. Оҙон йыл буйы яҙа ла яҙа ул. Был ҡәҙәр ҙә өҙлөкһөҙ эшләүгә ябығып китте хатта, элек бүҫелеп барған сикәләре күҙгә күренеп һурылды, күҙҙәре ағас ботағы урыны кеүек өңрәйеп эскә батты.
Ком: 0 // Уҡынылар: 835 тапҡыр // Тотош уҡырға
Стәрлетамаҡтың “Искра” кинотеатрында дүрт тапҡыр Паралимпия чемпионы Ирек Зарипов тураһындағы фильм күрһәтелде.
Документаль таҫманы “Башҡортостан” киностудияһы төшөрҙө һәм тәүге тапҡыр Ҡазанда үткән VIII Халыҡ-ара мосолман киноһы фестивалендә күрһәтте. Сценарийҙың авторы — Мәғәфүр Тимербулатов, ҡуйыусы режиссер — Вилүрә Иҫәндәүләтова.
Кешенең рух көсөн, еңеүҙәргә ынтылышын сағылдырған “Ике тапҡыр тыуған” фильмын ҡарарға уҡыусылар, студенттар, спортсылар килде.
Ком: 0 // Уҡынылар: 769 тапҡыр // Тотош уҡырға
Артҡа 1 2 3 Алға
Бит башына