Ленин исемендәге хужалыҡ республика Хөкүмәтенең дипломы һәм 100 мең һумлыҡ аҡсалата премияһы менән бүләкләнде.
Йылдың ҡоро килеүенә ҡарамаҫтан, иген культураларынан быйыл да яҡшы ғына уңыш алынды, етерлек орлоҡ һалынды. Халыҡҡа ашлыҡ таратылды. Урып йыйыу эштәрендә Мостафа Сәлихов, Закир Балхин, Альберт Шахморатовтар ҙур тырышлыҡ күрһәтте.
Хужалыҡта 1360 баш һыйыр малын имен ҡышлатыу өсөн кәрәгенсә бесән, сенаж, һалам әҙерләнде. Ферма мөдирҙәре Шамил Үҙәнбаев, Иршат Айытбаев, Фәнис Усмановтарҙың малсылар коллективы һөт етештереүҙе арттырыу өсөн бар көсөн һала. Башҡортостандың атҡаҙанған ауыл хужалығы хеҙмәткәре Ғәлим Сәлимов етәкселегендәге ауыл хужалығы кооперативының төбәктә тәүгеләрҙән булып “500 ферма” республика программаһында ҡатнашыуы ла күп нәмә тураһында һөйләй.
Ком: 0 // Уҡынылар: 850 тапҡыр // Тотош уҡырға
Тормош — үҙе бүләкРайондың инвалидтар йәмғиәтенә килеп ингәндә бер ҡатындың ихлас күңелдән рәхмәт әйтә-әйтә сығып барған мәленә тап булдым.
— Ниндәй изгелектәрегеҙ өсөн йылы һүҙ ишеттегеҙ әле? — тип төпсөнәм йәмғиәт рәйесе Александра Ламзинанан. — Әллә һеҙ ойошторған әйберҙәр банкының ярҙамы тейҙеме?
— Эйе. Әйберҙәр банкы мәрхәмәтле кешеләр ярҙамында тулыланып тора. Был ҡатындың исем-шәрифен дә һорашманым, кешене уңайһыҙ хәлгә ҡуйғым килмәй. Ул балаларына кейем-һалым һайлап алды. Һүҙ ҙә юҡ, мохтажлыҡ арҡаһында ярҙам һорап килгәндәр тартына, ояла, әлбиттә. Ихлас ҡабул иткәс, улар ҙа йәнләнеп китә.
Ком: 0 // Уҡынылар: 618 тапҡыр // Тотош уҡырға
(Г. Ҡужина, «Ҡаҡ сағылда ҡалмайыҡ», 2012 йыл, 23 ноябрь)
Гәзиттәге мәҡәләләрҙе даими күҙәтеп барған уҡыусыларыбыҙҙың булыуы ҡыуандыра. Яңыраҡ Өфө ҡалаһынан Гөлкәй Ҡужинаның «Баймаҡ еренә кемдәр ымһына?» тигән мәҡәләмә яуап һорап яҙыуы тап шуны дәлилләй ҙә.
Ваҡытлы матбуғат халыҡ яҙмышын хәл итеүҙә үҙ һүҙен әйтеүҙән тайпылғаны юҡ. Баймаҡта ер мәсьәләһенә бәйле һорауҙар килеп сыҡҡас та, райондың «Һаҡмар», «Баймакский вестник» гәзиттәрендә, урындағы телевидение, «Башҡортостан», «Йәшлек» республика баҫмалары аша халыҡтың фекерен яҡлаған мәҡәләләр баҫылды. Ауылдар халҡы, йыйылыш үткәреп, үҙҙәренең пай ерҙәрен сит компанияға түгел, ә туған хужалыҡтарына – «Йылайыр» һәм «Уңыш» предприятиеларына ҡуртымға бирергә тигән ҡарар сығарҙы. Ваҡытында әйтелгән һүҙ үҙ маҡсатына иреште. Етәкселәр халыҡты ишетте, уларҙың фекерен яҡлап, тейешле органдарға еткерҙе. Бигерәк тә Баймаҡ районы хакимиәте башлығы Илшат Ситдиҡовтың алдан күрә белеүе, эште тейешенсә ойоштора алыуы был юлы ла халыҡ файҙаһына тамамланды. Һөҙөмтәлә уңдырышлы ерҙәр үҙҙәрендә ҡалды.
Ком: 0 // Уҡынылар: 604 тапҡыр // Тотош уҡырға
***
Донъялыҡта бар, тиҙәр,
шундай бер мәл —
Ғүмер буйы үткән юлың тойола йәл.
Аҙымдарың һүлпәнәйә,
ҡалмай һис хәл —
Йүгеректе, атлыны ла ялмай әжәл.
Был һүҙҙәрҙе ишетәбеҙ ололарҙан —
Тик үҙебеҙ атылабыҙ оло ярҙан.
Ком: 0 // Уҡынылар: 740 тапҡыр // Тотош уҡырға
Баймаҡ районындағы Семеновка ауылы мәктәбенең башланғысҡа ҡалдырылыуына бәйле борсолоу белдерелгән хатҡа Башҡортостандың Мәғариф министрлығынан яуап бирҙеләр.
Хәбәр ителеүенсә, “Мәғариф тураһында”ғы һәм “Коммерцияға ҡарамаған ойошмалар тураһында”ғы федераль закондарға ярашлы, муниципаль белем биреү учреждениеларын булдырыу, ҡайтанан ойоштороу, ябыу мәсьәләләре район һәм ҡалаларҙың урындағы үҙидара органдары вәкәләтенә ҡарай, фәҡәт улар билдәләгән тәртиптә тормошҡа ашырыла.
Ком: 0 // Уҡынылар: 791 тапҡыр // Тотош уҡырға
Апайҙарым — тормош маяҡтарымБеҙ совет осоронда тәрбиәләнеп үҫтек, шул дәүерҙең ҡанундарына буйһоноп, үҙ өҫтөбөҙгә юғары әхлаҡи талаптар алып, яҡты киләсәккә инанып йәшәнек һәм эшләнек. Уғрылыҡ, эскелек кеүек сифаттар ул йылдарҙа бик һирәк күренеш ине. Була ҡалһа, совет закондары тарафынан ғәҙел хөкөм ителде. Ә эшһеҙлек тураһында һөйләп тороу ҙа көлкө һымаҡ. Һәр кем үҙ урынында тырышып хеҙмәт итте, донъя көттө.
Һүҙ юҡ, хәҙер ҙә ауыл ерендә уңғанлығы, егәрлелеге менән һоҡландырып йәшәгәндәр етерлек. Әммә мине, етенсе тиҫтәне ваҡлаған кешене, ауыл ерендәге элекке әхлаҡи ҡиммәттәрҙең юғала, хатта бер туғандар араһында ла татыулыҡтың ҡаҡшай, низағтарҙың йышая барыуы борсоуға һала. Ислам ҡанундарына ярашлы, күрше-күләнең менән татыу йәшәү — изге ғәмәл. Юҡҡа ғына Ҡөрьән Кәримдә лә был хаҡта телгә алынмаған.
Ком: 0 // Уҡынылар: 629 тапҡыр // Тотош уҡырға
Моң

Иң әүәлдә
Булған тиҙәр
Һүҙҙе.
Ҡалғандары
Аҙаҡ ялғанған:
Имеш, им-том,
Ком: 0 // Уҡынылар: 734 тапҡыр // Тотош уҡырға
Ошо көндәрҙә ҡәҙерле кешеләребеҙ – Фәһимә Ғәйнетдин ҡыҙы менән Рафиҡ Исмәғил улы Канапатскийҙар алтын юбилейын үткәрә.
Атайыбыҙ хеҙмәт юлын Дәүләкән районының Суйынсы ауылында колхозда ябай эшсе булып башлап, сельпо директорына тиклем күтәрелде. Әсәйебеҙ хаҡлы ялға сыҡҡансы ауыл амбулаторияһында шәфҡәт туташы булып эшләне. Ҡәҙерлеләребеҙ беҙгә — биш улына ла терәк-таяныс, тормошта матур өлгө булды, бөгөн дә уларҙың кәңәштәренә мохтажбыҙ. Уңғанлыҡтарына, тырышлыҡтарына, ярҙамсыл һәм изге күңеллелектәренә таң ҡалырлыҡ. Балаңдың балаһы балдай татлы, тиҙәр. Атай менән әсәй дүрт ейәне һәм ете ейәнсәре өсөн өҙөлөп тора, ул ғына ла түгел, бер бүләһе һәм ике бүләсәре лә тормош йәме улар өсөн.
Ком: 0 // Уҡынылар: 506 тапҡыр // Тотош уҡырға
Ышаныслы дуҫтар, рухи юлдаштарАмангилде — республикала иң матур һәм төҙөк ауылдарҙың береһе. Халҡы ла әүҙем: районда уҙғарылған барлыҡ сараларҙың да уртаһында ҡайнай, хатта республика күләмендә ойошторолған байрамдарҙа ла ҡатнашырға ваҡыт таба.

Күмәкләгән — яу ҡайтарған

Ошо көндәрҙә амангилделәр тәүгеләрҙән булып “Ауыл менән — “Башҡортостан”ға!” тигән акцияны башлап ебәрҙе, үҙ сиратында Үтәгән, Әбделғәзе, Ҡаҙмаш, Рыҫҡужа ауылдары менән берлектә Амангилде мәҙәниәт йортонда матбуғат байрамы үткәрҙе. Сарала Әбйәлил районы башҡорттары ҡоролтайы рәйесе Ишморат Әминев, район хакимиәтенең аналитика һәм мәғлүмәт бүлеге начальнигы Линиза Сәғәҙиева, Амангилде ауыл биләмәһе башлығы Раян Фәттәхов, Амангилде почта бүлексәһе начальнигы Гөлйөҙөм Кирәева һәм башҡалар ҡатнашты. Алдан һәм шул көндә “Башҡортостан” гәзитенә яҙылыусылар араһында төрлө бүләктәр уйнатылды. Мәҫәлән, Әбйәлил юл-төҙөлөш идаралығы начальнигы Мирхәт Рәжәпов дүрт тоҡ һоло бүләк итте.
Ком: 0 // Уҡынылар: 1100 тапҡыр // Тотош уҡырға
Моңло уның гармундарыБына бөгөн шаян, йүгерек ел буран алып килде. Ҡыштың тәүге бураны. Ҡулъяулыҡ кеүек кенә күренгән болот киҫәге, күҙ асып йомған арала йәйелеп, таралып, күк йөҙөн ҡаплап алды ла, күбәләктәй уйнап, бөтөрөлөп ҡар яуа башланы. Ул көсәйгәндән-көсәйә барҙы.
Буран нисек шаулап килде, шулай уҡ тиҙ тынды. Саһман Әғләмов ете төҫкә инеп уйнаған ҡар балҡышын бик оҙаҡ күҙәтте. Күңеле ҡанатланып, иләҫләнеп китте. Яҙғы, йәйге, көҙгө айҙарҙа эш-мәшәҡәт күп була, халыҡ теле менән әйткәндә, тауыҡ сүпләһә лә бөтөрлөк түгел. Ә ҡышын иһә буш ваҡыт табыла. Саһман — гармун яһау оҫтаһы. Ул тормошҡа, тәбиғәткә, йыр-моңға ғашиҡ.
Ҡайһы ғына башҡорт, татар ауылын алма, унда гармунсы һәр саҡ табылған. Ә Саһман тыуып үҫкән Иҫке Бикмәт ауылы үҙенең оҫта гармунсылары менән тирә-йүндә дан тотҡан. Әғләмовтар ғаиләһендә тәрбиәләнгән малайҙарҙың дүртеһе лә орсоҡ буйы ғына саҡтарында уҡ ҡулдарына тальян, “вятский” ала. Оҫталыҡ, маһирлыҡ яғынан Әғзәм, Фәнзәүи, Саһман, Нәзиф бер-береһенән ҡалышмай.
Ком: 0 // Уҡынылар: 717 тапҡыр // Тотош уҡырға
Артҡа 1 2 Алға
Бит башына