Беҙ ҙә — еңеүсе!Тормош һулышын халыҡҡа еткереүсе журналистар йыш ҡына иғтибарҙан ситтә ҡалып килә. Ә кисә республиканың Үҙәк һайлау комиссияһы беҙҙе ҙурланы! Ҡәләмдәштәргә урын иң түрҙән бирелгәйне. Комиссия рәйесе Хәйҙәр Вәлиев киң мәғлүмәт саралары һәм айырым журналистар араһында иғлан ителгән ижади конкурста еңеүселәрҙе тәбрикләне.
Сәйәси йәһәттән йыл көсөргәнешле генә булды: ил менән Рәсәй Президенты өсөн тауыш бирҙек, октябрҙә муниципаль берәмек Советтарына депутаттар һайланыҡ. Барлыҡ мәғлүмәт гәзит, радио һәм телевидение, электрон матбуғат аша таратылды. Һис шикһеҙ, һайлау кампанияларын үткәреүҙә асыҡлыҡ, халыҡ алдында яуаплылыҡ тойоу мөһим. Бында бәхәсле, ҡапма-ҡаршылыҡлы фекерҙәр ҙә тыуып ҡуя, шуға күрә вәкәләтле органдың да һүҙе булырға тейеш.
Ком: 0 // Уҡынылар: 676 тапҡыр // Тотош уҡырға
Ер уңғандарҙы үҙ итәЯңы яуған аҡ ҡарҙы туҙҙырып, алдыбыҙға "Нива" автомобиле килеп туҡтаны. Эштән ҡайтып барғанда ферма мөдире Әжәктең һауынсы ҡатындарын ауылға тиклем килтереп ҡуйырға ниәтләгән икән.
Алдымда – ябай хеҙмәт кешеләре. Тап уларҙың тырышлығы менән ауыл йәшәй, хужалыҡ уңышҡа өлгәшә. Әйткәндәй, 2008 йылда ойошторолған "Колос" ауыл хужалығы кооперативы Борай районында алдынғыларҙан иҫәпләнә, унда тирә-йүндәге ауылдарҙан кешеләр малсылыҡ һәм үҫемлекселек менән шөғөлләнә. Үҙәге – Әжәктә. Элек-электән был ауыл халҡын уңған, тырыш тип белә яҡташтары. Күптәр ҡошсолоҡ, умартасылыҡ, малсылыҡ кеүек кәсептәрҙе үҙ итә: район үҙәгендә, яҡын-тирәләге ҡала-ҡасабаларҙа улар етештергән ит-һөт ризыҡтарын бик теләп һатып алалар.
Ком: 0 // Уҡынылар: 835 тапҡыр // Тотош уҡырға
40 йыл буйы – сәләмәт тормош өсөнБыл бинанан бер ваҡытта ла халыҡ өҙөлмәй. Һәр кем үҙ йомошо менән килә: берәүҙәр коньки, сана кеүек әйбер ҡараштырһа, икенселәр башҡа кәрәк-ярағын йүнләй. Балыҡсылар өсөн дә магазинда йәнең теләгән нәмәне табырға мөмкин. Уларҙы бында һәр саҡ асыҡ йөҙлө һатыусылар ҡаршы ала.
Баш ҡалабыҙҙың Октябрь проспектында урынлашҡан “Спорт” магазины 1972 йылда асылған. Тәүге көндәрҙән үк үҙенең эшсәнлеге менән хеҙмәттәштәре араһында ихтирам ҡаҙанған Лүзә Шакирова – ҡырҡ йылдан ашыу уның алмаштырғыһыҙ директоры. Ошо осорҙа донъя нисек кенә үҙгәрмәне!
Ком: 0 // Уҡынылар: 607 тапҡыр // Тотош уҡырға
Йәнтеүәл(Легенда)
Дәүләкән районының Яңы Яппар ауылында тыуған Мәхмүт Сәлимовты яҙмыш еле төрлө тарафта йөрөтә. Салауат ҡалаһында бер ни тиклем йәшәгәндән һуң, әсәһенең тыуған яҡтарына — Шишмә районының Иҫке Ябалаҡлы ауылына — күсәләр. Бында Мәхмүт урта мәктәпте тамамлай һәм Ростов хәрби училищеһына уҡырға юллана. Бер аҙҙан лейтенант йондоҙҙары таҡҡан егет Новосибирскиҙа хәрби хеҙмәт юлын башлай.
1990 йылда Мәскәү хәрби академияһын тамамлағандан һуң Мәхмүт Төньяҡ Кавказ хәрби округына ебәрелә.
Ком: 0 // Уҡынылар: 1113 тапҡыр // Тотош уҡырға
Бында белдем ғәййәрлекте, тойҙом хозурлыҡты, иректе...Риф Әхмәҙиев

ТАҒАНАЙ
(Цикл)
Көньяҡ Уралдың иң бейек түбәләренең береһе булған Тағанайҙың атамаһына, төрлө версияларҙың береһе буйынса, “яңы тыуған ай тауы” тигән мәғәнә һалынған.
Автор.
Тағанайҙың туғайҙарын биҙәп,
Мамыҡ шәлдәй, ойоп, томан
ятҡан.
Ком: 0 // Уҡынылар: 864 тапҡыр // Тотош уҡырға
Бөгөн уртаға һалып һөйләшер һүҙебеҙ һәр кемде борсоған ер, ер пайҙары тураһында. Редакцияға был мәсьәләне төптән өйрәнгән, уның буйынса республикала ғына түгел, илдә һирәк булған белгестәр саҡырылды: республика Президенты ҡарамағындағы Башҡортостан дәүләт хеҙмәте һәм идара итеү академияһының граждандар хоҡуғы һәм процесы кафедраһы доценты, юридик фәндәр кандидаты Евгений Владимирович БАЛАШОВ, ошо уҡ кафедра доценты, юридик фәндәр кандидаты Игорь Александрович ВЛАДИМИРОВ, иҡтисади ҡорҙарҙы ойоштороуҙа даими ярҙам күрһәтеүсе иҡтисад фәндәре кандидаты Илдар Миҙхәт улы ҒӘБИТОВ.
Ком: 0 // Уҡынылар: 653 тапҡыр // Тотош уҡырға
Заманыбыҙ тураһында әрнеүле уйланыуҙар

Бер генә концерт та Мостай Кәримдең “Үлмәҫбай” поэмаһынан өҙөк уҡылмайынса үтмәй. Ул инде кисәләрҙең атрибутына әйләнгән: халыҡ көтә, декламатор сәхнәгә сығып баҫыу менән, кәйефләнеп, көлөшә башлай.
Гөж килә ағай-энеләр:
— Хитрый ҙа һин, Үлмәҫбай!
Ком: 0 // Уҡынылар: 1081 тапҡыр // Тотош уҡырға
— Әсәй, ә бөгөн театр студияһына барабыҙмы? — Ете йәшлек ҡыҙыбыҙ Алтынай көн дә иртән, әсәһе сәсен үргәндә, шул һорауҙы бирә. Хатта яуабын үҙе белеп торғанда ла. Был уларҙың иртәнге йолаға әүерелгән бәләкәй генә уйыны, тип әйтһәк тә була. Икеһенә лә оҡшай был “уйын”: ҡатыным Лилиә иртәнсәк көҙгө алдында, ҡыҙыбыҙҙың биленә етеп, тулҡынланып торған сәсен тарап, нағышлап үрә башлай; шул саҡта Алтынай, әсәһенә көҙгө аша ҡарап, бик килешле итеп ҡаштарын сөйөп, алһыу бит алмаларын йомороландырып, йылмайып бирә һорауын. Яуабы ниндәй булыуға ҡарамаҫтан, артабанғы сәс үреү ҡыҙым менән бер исем йөрөткән “Алтынай” башҡорт балалар театр студияһының репертуарындағы пьесаларҙан йырҙар, репликалар менән дауам итә.
Ком: 1 // Уҡынылар: 825 тапҡыр // Тотош уҡырға
Рәсәй Конституцияһы 1993 йылдың 12 декабрендә бөтә халыҡтың тауыш биреүе һөҙөмтәһендә барлыҡҡа килә. СССР тарҡалғандан һуң, яңы тарихи шарттарҙа илебеҙ, башҡа союздаш республикалар кеүек үк, үҙенең бойондороҡһоҙлоғон иғлан итә. Еңел булмаған күсеү осоронда ҡабул ителгән мөһим документ яңы дәүләт һәм иҡтисад структураларын тотороҡландырыуҙа мөһим факторҙарҙың береһенә әйләнә.
Ғәмәлдәге Конституция ил тарихында тәүгеһе түгел, уға тиклем 1978 йылғы Төп Закон буйынса йәшәнек.
Ком: 0 // Уҡынылар: 692 тапҡыр // Тотош уҡырға
Сираттағы ултырышта төбәктәге административ реформалар, ауыл хужалығын үҫтереү мәсьәләләре тикшерелде. Сараны республика башлығы Рөстәм Хәмитов алып барҙы. Президент ведомстволарға ҡағыҙ эшенән ҡотолорға, рәсмилекте кәметергә кәңәш итте.
– Федераль кимәлдә башҡарма власть органдары структураһын үҙгәртеү бынан биш йыл элек башланғайны, – тине Рөстәм Зәки улы. – Ошо ваҡыт арауығында дәүләт һәм муниципаль хеҙмәттәр күрһәтеү системаһы ныҡ үҙгәрҙе.
Ком: 0 // Уҡынылар: 596 тапҡыр // Тотош уҡырға
Артҡа 1 2 Алға
Бит башына