Тальян моңо өҙә үҙәктәрҙе...Ашығып, бик ашығып мәктәптән ҡайтып киләм. Өйөбөҙ тәңгәленә еткәс, кинәт туҡтап ҡалам. Һағышлы тальян моңо йөрәгемде өҙә. Өләсәйем уйнай уны, минең ҡәҙерле өләсәйем моңлана. Моңланмаҫлыҡмы ни, эсең тулы ҡайғы-хәсрәт булғас. Үҙен тертләтеп ҡуймайым тип, ишек асып инергә баҙнат итмәй торам. Эй, өләсәйгенәмде... Ағылған көйҙө тыңлап, күҙемә йәш эркелә.

Ҡыйғас ҡара ҡашлы, ак йөҙлө сибәр ҡыҙ була ул. Район прокуратураһында сәркәтип булып эш башлай, әммә бала саҡ хыялы һис кенә лә тынғы бирмәй.
— 1944 йыл. Һуғыш бара тип торманым, өс айлыҡ уҡытыусылар курсын тамамланым да Яңы Монасип ауылына эшкә киттем, — ти өләсәйем.
Ком: 1 // Уҡынылар: 1078 тапҡыр // Тотош уҡырға
Һөнәр ҙә алалар, тәжрибә лә туплайҙар“Барыһын да кадрҙар хәл итә” тигән лозунг әле лә иҫкермәгән: юҡ-юҡ та бындай һүҙҙәр төрлө кимәлдәге түрәләр ауыҙынан ишетелеп ҡуя. Тик, ҡыҙғанысҡа ҡаршы, кадрҙар тигәндә гел юғары белемлеләрҙе күҙ алдына килтерәбеҙ. Ниңәлер ауыл хужалығында, завод-фабрикаларҙа иң кәрәкле, ғөмүмән, ил иҡтисады өсөн мөһим эшсе һөнәр эйәләрен күрмәмеш булабыҙ.

— Егет-ҡыҙҙарҙы өй беренсә йөрөп тигәндәй йыям, — ти Асҡын һөнәрселек-техник училищеһының директор урынбаҫары Гүзәл Ғәниева. — Ҡайһы йортҡа инмә, “мин баламды шунса-шунса юғары уҡыу йортона уҡырға индерҙем”, тиҙәр. Бер яҡлап, был яҡшы. Тик, эше булырмы һуң, тип һорағас, йә яурын һикертәләр, йә, уҡыһындар әле, һуңынан күҙ күрер, тиҙәр...
Ком: 0 // Уҡынылар: 949 тапҡыр // Тотош уҡырға
Сибай лицейы өлгө күрһәтәРамаҙан Өмөтбаев исемендәге башҡорт лицейы ҡалала иң алдынғылар рәтендә. Уҡытыу кимәленең юғары булыуы, тәртип яғының да яҡшы ҡуйылыуы менән бүтәндәргә өлгө булырлыҡ мәғариф учреждениеһында белемгә ынтылышлы, көслө рухлы балалар тәрбиәләнә. Яҙыусы һәм билдәле йәмәғәт эшмәкәре исемен йөрөткән белем усағында насар уҡыу мөмкин түгел, ти мәктәп уҡыусылары ла, уҡытыусылар ҙа бер тауыштан.
Лицейҙы тамамлаған ҡыҙ һәм егеттәрҙең барыһы ла юғары уҡыу йортона инә. Республикабыҙҙың ғына түгел, Мәскәү, Санкт-Петербург ҡалаларының вуздарына ла юл тота йәштәр. Сығарылыш класындағы 38 бала әленән үк үҙҙәре инәсәк уҡыу йорттарын һайлап ҡуйған.
Ком: 0 // Уҡынылар: 813 тапҡыр // Тотош уҡырға
Нәҫел-нәсәпкә лә яҙҙыраларРәхилә ҒӘЛИМЙӘНОВА, Өфөнөң 77-се почта бүлексәһе почтальоны:
– “Башҡортостан” гәзитен 1976 йылдан алдырам. Ул саҡта мин Ҡурған өлкәһенең Сафакүл районында йәшәй инем.
2002 йылда Өфөгә күстек. Баш ҡалалағы 76-сы почта бүлексәһендә туғыҙ йыл почтальон булып эшләп хаҡлы ялға сыҡтым. Пенсияламын тип ҡул ҡаушырып ултырғаным юҡ, сөнки хеҙмәтемде ныҡ яратам. Яңы дуҫтар таптым. Айырыуса “Киске Өфө” гәзитенең баш мөхәррире Гөлфиә Янбаева ҙур ярҙам күрһәтте.
Гәзит һәм журналға яҙылыусылар бихисап, форсаттан файҙаланып, һәр береһен матбуғат байрамына, төрлө мәҙәни сараларға саҡырам.
Ком: 0 // Уҡынылар: 761 тапҡыр // Тотош уҡырға
Һәр кем эштән өйөнә имен-аман ҡайтһынСәләмәт һәм көслө саҡта бер кем дә бәләгә тарырмын, ауырырмын тип уйламай. Бәхетһеҙлектең аяҡ аҫтында ғына икәнен һаулыҡты юғалтҡас ҡына аңлайбыҙ. Ғүмер буйы хеҙмәттә ҡайнап йәшәгән, әммә сәләмәтлеге ҡаҡшау сәбәпле тормош ағышынан ситтә ҡалған кешегә ярҙам да, аңлау ҙа, терәк тә бик кәрәк.
Ауырлыҡты еңеү өсөн көрәшеүгә ҡарағанда уны иҫкәртеүҙең күпкә анһатыраҡ икәнен һәр кем белә. Рәсәй Социаль страховка фондының Башҡортостан буйынса төбәк бүлексәһе эшмәкәрлегендәге төп йүнәлештәрҙең береһе — хеҙмәт урынында бәхетһеҙлек осраҡтарынан һәм һөнәргә бәйле сирҙәрҙән мотлаҡ социаль страховкалау — тап ошо ябай хәҡиҡәткә нигеҙләнгән.
Ком: 0 // Уҡынылар: 839 тапҡыр // Тотош уҡырға
Алдынғылар мәктәбеАлдынғы — алдан барыусы ул. Һәр тарафта. Йәшенә, йәшәйешенә, шөғөлөнә ҡарамаҫтан. Алдынғылар тәрән аҡыллы, төплө белемле, юғары мәҙәни кимәлле, бай рухлы, ифрат көслө була. Тормош мәғәнәһен тәрән аңлап, Хоҙайҙың әҙәм балаһына иң оло бүләге — ғүмер ҡәҙерен белеп йәшәй улар. Маҡсаттары яҡты, ынтылыштары изге. Ауырлыҡтар алдында ҡаушап ҡалмайҙар. Үҙ юлын эҙләйҙәр һәм табалар...
Әммә әҙәм балаһының үҙенән-үҙе генә тулы мәғәнәһендә алдынғы шәхес булып үҫеүе икеле. Ундай шәхестәрҙе үҙ эшен яҡшы белгән, яратып һәм бөтә күңелен биреп башҡарған профессионалдар тәрбиәләй.
Ком: 0 // Уҡынылар: 978 тапҡыр // Тотош уҡырға
Шәхестәре данлай йәнтөйәктеӨфөлә төпләнгән ейәнсураларҙың йыл да осрашыуҙы күркәм йолаға әйләндереүе, әлбиттә, шатлыҡлы күренеш. Баш ҡалаға яҡын райондың бер вәкиленең, "һеҙ бының өсөн ваҡыт табаһығыҙ, ә беҙ оноттоҡ инде", тиеүе күпте аңлата. Ябай ғына булмауы, ә яҡташыбыҙға бағышланыуы менән айырыуса әһәмиәтле әлеге йыйын.
Мәҫәлән, Хөсәйен Әхмәтов исемендәге Башҡорт дәүләт филармонияһындағы "Ейәнсурам – данлы төйәгем" тигән мәҙәни сара атаҡлы дәүләт эшмәкәре Фәйзулла Солтановтың хәтер кисәһе һәм күренекле шағир, Салауат Юлаев исемендәге дәүләт премияһы лауреаты Хәсән Назарҙың юбилей тантанаһы булараҡ үтте.
"Ейәнсура" яҡташтар ойошмаһы ун өс йыллыҡ эшмәкәрлек осоронда бихисап уй-маҡсатты ғәмәлгә ашырған.
Ком: 0 // Уҡынылар: 1135 тапҡыр // Тотош уҡырға
"Йөрәкте һиңә асам..."Бөйөк башҡорт шағиры Рәшит Назаровтың тормошо, бигерәк тә юғары поэтик зауыҡлы, киң ҡоласлы, оҫталыҡ өлгөһө булған ижады тураһында әйтелә килә. Барлығы биш-алты йыл арауығында тыуҙырылған, шул уҡ ваҡытта фажиғәле яҙмышлы шағирҙың нур-моң, хис-тойғо, аң-аҡыл, оло фекер булып ҡәләменән ҡойолған әҫәрҙәре әҙәбиәтебеҙҙә ғәҙәттән тыш күренеш булды. Шағир хаҡында дөйөм һүҙҙе оҙон-оҙаҡҡа һуҙмай, бығаса артыҡ телгә алынмаған ижадына, әҫәрҙәренә туҡталайыҡ.
Һүҙҙе "Әсә хаттары" тип аталасаҡ шиғырҙар циклынан башлайыҡ. Был шәлкемгә ингән әҫәрҙәр шағирҙың элекке китаптарында "Әсә һүҙҙәре" тип исемләнә килде.
Ком: 0 // Уҡынылар: 1375 тапҡыр // Тотош уҡырға
Бөгөн Силәбелә “Башҡорт киноһы төнө” фестивале башлана. Уны Башҡортостандың Мәҙәниәт министрлығы, “Башҡортостан” киностудияһы, “Благо 74” мәғлүмәт үҙәге һәм республикабыҙҙың Силәбе өлкәһендәге вәкиллеге ойоштора.
Сара Таңсулпан Бураҡаеваның “Өйләнәм!” фильмының премьераһы менән асыла. Тамашасыларға республика режиссерҙарының тағы ете картинаһы, шул иҫәптән Гәүһәр Батталованың “Мин үлмәнем, башҡорттар!” документаль фильмы тәҡдим ителәсәк.
Ком: 0 // Уҡынылар: 896 тапҡыр // Тотош уҡырға
"ЗАГС" һүҙен халыҡ туй, никах, сабыйҙың тыуыуы кеүек күңелле ваҡиғалар менән бәйләргә күнеккән. Был тармаҡ хеҙмәткәрҙәренең кеше шатлығын үҙҙәренекеләй күреп, тормоштағы матур мәлдәрҙе байрамға әүерелдерә белеү һәләтенә бәйле. Бөгөн иһә уларҙың үҙҙәрен һөнәри байрамы менән ҡотларға мөмкин.
1917 йылдың 17 декабрендә совет власы ғаилә нигеҙҙәрен граждандар йәмғиәте институты итеп раҫлаусы декрет ҡабул итә. Бер быуатҡа яҡын ваҡыт эсендә ЗАГС ҙур структураға әүерелә. Идаралыҡҡа йыл һайын 100 меңдән күберәк кеше мөрәжәғәт итә, 50 меңдән ашыу кеше гражданлыҡ хәлен теркәтә, 70 меңдән ашыу процедура үткәрелә.
Ком: 0 // Уҡынылар: 738 тапҡыр // Тотош уҡырға
17 декабрҙә Өфө район Советы ултырышы булды. Унда Рәшит Саттаров, контракт ваҡыты үтеүгә бәйле, хакимиәт башлығы вазифаһынан бушатылды.

Совет депутаттарының ҡарарына ярашлы, конкурс һөҙөмтәләре буйынса хакимиәт башлығы тәғәйенләнгәнгә тиклем уның вазифаһын Ғәфүр Ҡолмырҙин башҡарасаҡ.
Ком: 0 // Уҡынылар: 845 тапҡыр // Тотош уҡырға
Дөйөм белем биреү системаһын яңыртыу программаһына ярашлы, Стәрлетамаҡ мәктәптәренә яңы биш автобус һәм 700 ноутбук тапшырылды. Компьютерҙарҙы нигеҙҙә башланғыс класс уҡытыусылары, шулай уҡ автоматлаштырылған мәғлүмәт системаһында эшләгән педагогтар алды.
Ҡала хакимиәтенең мәғариф бүлегендәге уҡыу-уҡытыу эше буйынса баш инспектор Светлана Кәримова әйтеүенсә, яңы техниканы файҙаланыу дәрестәрҙә һәм дәрестән тыш эшмәкәрлектә Интернет ресурстарын әүҙемерәк файҙаланыу мөмкинлеген бирәсәк, федераль дәүләт мәғариф стандарттарын сифатлыраҡ тормошҡа ашырыуҙы тәьмин итәсәк.
Ком: 0 // Уҡынылар: 747 тапҡыр // Тотош уҡырға
Башҡортостан Республикаһы Президенты указдары менән “Бөрйән урман сәнәғәте” яуаплылығы сикләнгән йәмғиәте шоферы Ҡасҡынбаев Фәрит Садиҡ улы, Балаҡатай районындағы һуғыш, хеҙмәт һәм хоҡуҡ һаҡлау органдары ветерандарының (пенсионерҙарҙың) йәмәғәт ойошмаһы президиумы секретары Лаврова Вера Степановна, Башҡортостан Республикаһындағы Техник инвентаризация бюроһының Туймазы район-ара филиалындағы Баҡалы территориаль участкаһы начальнигы Нәжмиев Валерий Мәснәүи улы, Октябрьский ҡалаһындағы “ОЗНА” акционерҙар компанияһының производство начальнигы Рейнгарт Владимир Гейнрихович
Ком: 0 // Уҡынылар: 480 тапҡыр // Тотош уҡырға
Дәүләт Йыйылышы — Ҡоролтай Президиумының сираттағы ултырышында республика парламентының декабрь сессияһына көн тәртибе төҙөлдө. Унда ҡырҡҡа яҡын мәсьәлә инде.
Депутаттар ҡарауына республика әһәмиәтендәге 30-ҙан ашыу закон проекты сығарылды. Уларҙың күбеһе киләһе йылдың ғинуарынан көсөнә инергә тейеш, шуға күрә декабрҙәге ултырышта һуңғы уҡыуҙа ҡараласаҡ. Араларынан Башҡортостан Республикаһы Президентын саҡыртып алыу тәртибе тураһында, Һайлау тураһындағы кодексҡа үҙгәрештәр индереү хаҡында, шулай уҡ күмәк саралар үткәреү урындарына ҡағылышлы закон проекттарын айырып билдәләргә мөмкин.
Ком: 0 // Уҡынылар: 486 тапҡыр // Тотош уҡырға
Кем килә арбала? Мәйет...

Федоровка. Ошо көндәрҙә район полицияһына ҡото алынған кешеләр мөрәжәғәт иткән: ат егелгән арбала мәйет ята! Тәфтиш фаразына ҡарағанда, 28 йәшлек был кешене 32 йәшлек танышы үлтергән – ыҙғышҡандан һуң уның башына үҙе яһаған мылтыҡтан атҡан. Әле “Үлтереү” статьяһы буйынса енәйәт эше асылған, ғәйепләнеүсенән һорау алыу бара.
Ком: 0 // Уҡынылар: 497 тапҡыр // Тотош уҡырға
Артҡа 1 2 Алға
Бит башына