Аҡ йыланЯңы йылға йылан хужа тиеп
Хәүефләнә күрмә, эй, Кешем!
Ул өлөшһөҙ итмәҫ бәхеттәрҙән,
Арттырасаҡ ҡына дәрт-көсөң.

Аҡ йылан тип уға әкиәттә
Исем ҡушҡан халҡым борондан.
Аҡ йылан ул — йыландарға батша,
Һаҡлай илен барлыҡ ҡырғындан.
Ком: 0 // Уҡынылар: 1324 тапҡыр // Тотош уҡырға
Бөркөттәр таҙа мөхитте үҙ итәБашҡортостандың Тәбиғәттән файҙаланыу һәм экология министрлығы Тирә-яҡ мөхитте һаҡлау йылы эмблемаһы һәм слоганының иң яҡшы проектын билдәләү буйынса республика конкурсына йомғаҡ яһаны.
— Атҡаҙанған матбуғат һәм киң мәғлүмәт хеҙмәткәре, Рәсәйҙең һәм Башҡортостандың Журналистар союзы ағзаһы, “Башҡортостан” гәзитенең биҙәлеш мөхәррире Нәсих Хәлисовтың эше иң яҡшы эмблема проекты тип табылды. Унда һыу тамсыһы фонында күккә олғашҡан аҡ бөркөт һүрәтләнә, — тине министрлыҡтың матбуғат секретары Нина Никандрова.
Эштең авторы Нәсих Хәлисов әйтеүенсә, бөркөт эмблемала осраҡлы һынландырылмаған.
Ком: 0 // Уҡынылар: 1867 тапҡыр // Тотош уҡырға
Тынмаһын күңел моңоң, Юлдаш!Яңы йылда хыялдар мотлаҡ тормошҡа аша
— Юлдаш, һин ҡурай тураһында хыяллана инең бит. Һөйөнсө, танылған ҡурайсы Роберт Юлдашев үҙеңә бүләк әҙерләгән! — тип шылтыратҡас, егет ышана алмайыраҡ торҙо.
Беҙ Өфө ресторандарының береһендә осрашырға һөйләштек.
"Юлдаштың ышанысы ниңә һүрелгән?" ("Башҡортостан". 2012 йыл, 2 ноябрь) тигән мәҡәләне уҡығандар Юлдаш Хөсәйенов исемле геройыбыҙҙы хәтерләйҙер. Ул беҙгә "Асыҡ мөхит" программаһының нисек тормошҡа ашырылыуын төҫмөрләргә ярҙам итте.
Ком: 1 // Уҡынылар: 1786 тапҡыр // Тотош уҡырға
"Ауаз" мөғжизәһе — "Хыял"Ниндәй генә канал, ниндәй генә тапшырыу юҡ бөгөн телеэфирҙа! Һәр кем, өйөнән сыҡмайынса, "йәшник" аша ғына донъялағы барса хәл-ваҡиға хаҡында хәбәрҙар.

Күптәр, мәҫәлән, "Рәсәй" телеканалының милли тапшырыуҙар редакцияһы алып барған "Ауаз" проектын һәр саҡ көтөп ала. Биш йыл элек барлыҡҡа килгән, тамашасыларҙы халыҡсанлығы, тормошсанлығы менән йәлеп иткән был тапшырыуҙың мауыҡтырғыс, тәрән йөкмәткеле булыуы уны әҙерләүсе һәм алып барыусы ижади төркөмдөң юғары һөнәри кимәле, үҙ эшенә мөкиббәнлеге хаҡында һөйләй. “Ауаз” геройҙары арабыҙҙа йәшәй һәм эшләй, маҡсатлы, тырыш, уңышлы улар. Күңелдәре, донъялары киң. Фарман көтмәйенсә, икеләнеп тормайынса, ерҙә ятып ҡалмаҫ изге эш ҡылалар.
Ком: 0 // Уҡынылар: 1649 тапҡыр // Тотош уҡырға
Ҙур өмөттәр бағлайымБулат Абдрафиҡов, Сибай ҡала типографияһы директоры:

— Йылан йылында донъяға килеүемә ҡарамаҫтан, иң яратмағаным – йылан. Шуға күрә үҙемдә был йән эйәһенә хас сифаттар бар, тип әйтә алмайым. Оптимистмын, хеҙмәткәрҙәрем менән һәр саҡ уртаҡ тел табам. Үткән йыл бик уңышлы булды, типографияның 55 йыллыҡ юбилейын үткәрҙек, ремонт эшләттек, магазин астыҡ.
Яңы йылды, ғаилә байрамы булараҡ, өйҙә, яҡындарым менән ҡаршыларға тырышам. Байрам өҫтәлендә мотлаҡ мин яратҡан винегрет һәм үҙем әҙерләгән былау урын аласаҡ. Дуҫтарыма, яҡындарыма бүләктәр биреү ҙә матур йолаға әйләнгән.
Ком: 0 // Уҡынылар: 1196 тапҡыр // Тотош уҡырға
"Сихри көскә ышанам"Район үҙәгендә йәшәп, төбәк халҡын умартасылыҡтың кәрәк-ярағы менән тәьмин иткән Таһир Дәүләтгәрәевте баҡсаһында тап иттек. Ҡапҡаһын асып ингәнде шәйләмәне лә шикелле. Умарталарын тәртипкә килтерә ине: тигеҙ генә итеп рәткә теҙгән, һәр береһен ҡар менән күмә, төптәрен тығыҙлай, кейәләрен тикшерә, ҡапҡастарын ҡарҙан таҙарта. Умартасы эшенә шул тиклем мөкиббән киткән, хатта эргәһенә яҡынламайынса боролоп та ҡараманы беҙгә.
– Кешенең күп килеүенә күнгәнмен, үҙҙәре һүҙ ҡушмайынса әйләнеп ҡарамайым, – тип һөйләне аҙаҡ Таһир олатай. – Шунда уҡ иғтибар итмәүемә үпкәләмәгеҙ инде. Әҙәм балалары араһында тыныс холоҡлолар була бит. Эргәһендә генә пушканан атһалар ҙа тертләмәҫ, сәбәләнмәҫ, тиҙәр ундайҙар хаҡында.
Ком: 0 // Уҡынылар: 1343 тапҡыр // Тотош уҡырға
"Гел уңыш килтерә"Башҡортостандың атҡаҙанған артисы Миңзифа Исҡужина Йылан йылы килеүен түҙемһеҙлек менән көтә. Ни генә тимә, уның йылы гел уңыш, ҡыуаныс, бәхет килтерә.
— Яңы йыл — ғаиләбеҙҙең яратҡан байрамы. Тик, артист булғас, уны йыш ҡына микрофон тотоп, сәхнәлә ҡаршылайбыҙ. Быйыл да тормош иптәшем Артур Туҡтағолов менән "Танып" шифаханаһында эшләнек. Әлбиттә, беҙҙең йыр-моңдо яратҡан тамашасылар менән осрашыу гел ҡыуаныслы. Йырлап, бейеп, күңел булғансы аралашып ҡалаһың. Әгәр саҡыралар икән, бер ваҡытта ла баш тартмайбыҙ. Ә бына Яңы йылдың беренсе көнөндә дуҫтар, туғандар өсөн ишегебеҙ һәр саҡ асыҡ. Мул табын әҙерләйбеҙ. Башлыса милли аш-һыуға өҫтөнлөк бирәбеҙ. Быйыл күнегелгән "Оливье" салатын йылан формаһы биреп биҙәнем.
Ком: 0 // Уҡынылар: 1405 тапҡыр // Тотош уҡырға
Тауышты йәнем менән тоямРишат РӘХИМОВ, Башҡортостандың халыҡ артисы, Өфө дәүләт сәнғәт училищеһының, шулай уҡ сәнғәт академияһының ҡурай класы уҡытыусыһы:

— Йылан еҫте яҡшы һиҙә, шуға ла табышын эләктереү уға бер ни тормай, тиҙәр. Йәнә тауышты йәне менән тоя, тип тә әйтәләр. Йылан йылында тыуғанғамы, миңә лә ошондай сифаттар хас. Ҡырҡ йылға яҡын уҡытыусы булып эшләп, быға ҡат-ҡат инандым. Бер ваҡыт, йәйге имтихандар мәлендә, училищеға килһәм, коридорҙа атаһы менән бер үҫмер кәйефһеҙ генә тора. Ейәнсуранан килгәндәр. Егеттең исем-шәрифе – Рәсүл Ҡарабулатов. Хәлдәрен һораштым. Баҡһаң, әлегә иртәрәк тип уны йыр бүлегенә ҡабул итмәгәндәр. Ҡурайҙа һыҙғырта ла белмәгән егетте үҙемә алырға булдым.
Ком: 0 // Уҡынылар: 1348 тапҡыр // Тотош уҡырға
"Таҫма теллелек беҙгә хас"Ерекле ауылының үҙәгендә ҡупшы ғына йорт бар. Алыҫтан уҡ иғтибарҙы йәлеп итеүсән. Тәү ҡарашҡа аяғында ныҡлы баҫып торған хәлле ғаиләнең өйөн хәтерләтә. Ләкин ул – магазин. Көндәлек тормошта, донъя көткәндә нимә кәрәк – тотош ауыл халҡы бында ашыға. Беҙ "Гөлназ" магазинының хужабикәһе, Йылан йылында тыуған Айгөл Исмәғилева менән һөйләштек.

– Гүзәл затта юхалыҡ сифаты өҫтөнлөк итә. Минең менән килешәһегеҙме?
– Бер көн ай булһам, иртәгәһенә ҡояшмын. Хәйер, ир ҡатыны, өй йылыһын һаҡлаусы хужабикә икәнһең, шунһыҙ ҙа булмайҙыр. Донъя көткәс, һауыт-һаба шылтырамай тормай. Ҡояш һүҙен юҡҡа ғына телгә алманым. Ысынлап та, юхалыҡ, таҫма теллелек һәр беребеҙгә хастыр ул.
Ком: 0 // Уҡынылар: 1399 тапҡыр // Тотош уҡырға
Ҡотлайбыҙ!Әлшәй районының Никифар ауылында йәшәгән әсәйебеҙ, өләсәйебеҙ Лилиә Зәйнулла ҡыҙы Хисаева (Шәкүрова) ошо көндәрҙә 60 йәшлек юбилейын билдәләй. Ҡәҙерлебеҙҙе ошо уңайҙан ихлас күңелдән ҡотлайбыҙ һәм уға ныҡлы һаулыҡ, бөтмәҫ-төкәнмәҫ шатлыҡтар, беҙгә терәк-таяныс булып, балаларының изгелеген күреп, оҙон-оҙаҡ йәшәүен теләйбеҙ. Йөҙөңдән һис ҡасан йылмайыу, бәхет нуры китмәһен, күңелең һәр ваҡыт йәш булһын!
Кәңәш, ярҙам кәрәк булған саҡта
Әлдә һин бар терәк булырлыҡ!
Ком: 0 // Уҡынылар: 1438 тапҡыр // Тотош уҡырға
Ҡотлайбыҙ!Өфө ҡалаһында йәшәгән ҡәҙерле туғаныбыҙ Фәтҡуллина Фәйрүзә Рәхмәтулла ҡыҙын матур юбилейы менән ҡайнар ҡотлайбыҙ. Оло йөрәкле апайыбыҙҙы хәстәрлекле, ярҙамсыл, изге күңелле, өлгөлө булғаны өсөн, тормош юлында осраған ауырлыҡтарға һынмай-бөгөлмәй, күңеле саф булып ҡалғаны өсөн яратабыҙ. Апайымдың уңғанлығына, бөтмөрлөгөнә һоҡланып бөтә алмайбыҙ. Киләсәктә лә, апай, һиңә эштәреңдең гел уң булыуын, теләктәреңдең барыһы ла тормошҡа ашыуын, тыуаһы таңдарыңдың тик шатлыҡҡа төрөнөүен теләйбеҙ. Йән тыныслығы ташламаһын, күңел байлығы кәмемәһен, балаларыңа, ейән-ейәнсәрҙәреңә, туғандарыңа терәк-таяныс, кәңәшсе булып, оҙон-оҙаҡ йәшәргә яҙһын.
Ком: 0 // Уҡынылар: 608 тапҡыр // Тотош уҡырға
Йыландың яманаты таралған инде ул. Мәкерле кешеләр хаҡында "ҡуйынында йылан йөрөтә", ғәйбәтселәргә иһә "ер аҫтында йылан көйшәгәнен дә ишетә", әсе теллеләргә "йылан тел" тиҙәр. Хәйер, был йән эйәһенән шөрләмәгән кеше һирәктер. Һәр хәлдә юлыңда йылан осраһа, йөрәк жыу итеп ҡала...
Шул тиклем ҡурҡыныс затмы икән ни йылан? Бөгөн уның үҙе менән әңгәмәләшергә йөрьәт иттек.
— Йылан ағай, дөрөҫөн әйтәм, һинән үҙем дә шыртлайым әле...
— Белмәйем, ниңә улайҙыр? Кешегә зыяным тейгәне юҡ минең: шыуышып ҡына йөрөйөм, зарарлы ҡоротҡостарҙы юҡ итәм...
Ком: 0 // Уҡынылар: 747 тапҡыр // Тотош уҡырға
Башҡорттарҙағы "Шаһимаран" тигән әкиәт йыланға табыныуҙың тажы булырлыҡ инаныстарын фантастик рәүештә тасуирлап биргән бер үрнәк дәрәжәһендә. Ғөмүмән, халыҡтарҙың борон төрлө кейек, ҡош-ҡорт, йылан-фәләнгә табыныуы, үҙенсә бер тотем итеп ҡарауы – типик күренеш.
Йылан культы, уны тотем-табыныш итеү айырыуса боронғо шәреҡ халыҡтарына, төрки ҡәүемдәренә бик хас. Бөтә донъя халыҡтары өсөн йылан образының, шуға бәйле миф-ҡарыһүҙҙәрҙең үҙенсәлектәре бар. Мәҫәлән, боронғо Көнбайыш Европа халыҡтары, айырата славяндар өсөн йылан, бигерәген дракон ише мифик образдар – золомлоҡ символы, яуыз рух заты.
Ком: 0 // Уҡынылар: 1669 тапҡыр // Тотош уҡырға
Йыландар кемгәлер тәбиғи йән эйәләре булараҡ осраһа, кемгәлер — күсмә мәғәнәлә. Моғайын, икенсеһе өҫтөнлөк итәлер. Ирҙәрҙе ул — ҡатын-ҡыҙ, ҡатындарҙы ир аҡтыҡтары сүрәтендә "саға", берәүҙәр ағыу сәскән аҫтыртындарҙан яфа сигә, икенселәр ғәйбәтселәр ҡорбанына әйләнә.
Ҡайһы бер боронғо башҡорт ырыуҙары йыланға табынған, башҡа төрки халыҡтарҙа ла изге һаналған был йән эйәһе. Бәғзеләрендә ер аҫты байлығы һаҡсыһы булһа, бүтәндәрҙә тау хужабикәһенә тиңләнә. Ниндәй генә ҡиәфәттә, зат рәүешендә бәйән ителмәһен, алда телгә алғанса, йылан кеше тормошонда йыш осрай, тәбиғәттең башҡа йән эйәләре һымаҡ уҡ, ғүмеребеҙҙең хәл-ваҡиғаларына үрелеп, ҡушылып оҙата килә. Һис юғында — мөсәл булараҡ...
Ком: 0 // Уҡынылар: 640 тапҡыр // Тотош уҡырға
Өфө боҙҙарында йәштәр командалары араһында хоккей буйынса донъя чемпионаты ҡыҙғандан-ҡыҙа. Ярыштың икенсе көнөндә лә уйын көсөргәнешле барҙы.
Тәүҙә Спорт һарайында Швейцария менән Латвия командалары осрашты. Ике яҡ егеттәре лә сос, оҫталар. Шулай ҙа швейцарҙар йылдамыраҡ ине. Улар, дәғүәселәре ҡапҡаһына шайба артынан шайба оҙатып, уйынды 7:2 иҫәбе менән тамамланы. АҠШ менән Германия егеттәре араһындағы боҙ өҫтө алышын да көйәрмәндәр ҡыҙыҡһынып күҙәтте. Йылғырлығы, уңышлы алымдары менән һоҡландырған американдар немецтарҙың барлыҡ һөжүмен кире ҡағып ҡына торҙо. Матч 8:0 иҫәбенә бөттө.
Ком: 0 // Уҡынылар: 600 тапҡыр // Тотош уҡырға
Артҡа 1 2 Алға
Бит башына