Төбәккә инвестиция йәлеп итеү быйыл да республика етәкселеге эшмәкәрлегенең өҫтөнлөклө йүнәлеше булып ҡалды.
Алдынғы халыҡ-ара рейтинг агентлыҡтары ла республикабыҙҙың инвестициялар йәлеп итеүгә етди әҙерлеген билдәләй: мәҫәлән, "Форбс" журналының рейтингы буйынса илдең бизнес алып барыу өсөн иң уңайлы 30 төбәге араһында 13-сө урынды биләйбеҙ. Быйыл республика тәүге тапҡыр Рәсәйҙең иң уңышлы үҫешкән 20 төбәге иҫәбенә инде. Шулай уҡ Башҡортостан — Рәсәйҙең конкурентлыҡ һәләте буйынса иң ҡеүәтле ун төбәге иҫәбендә. Былар бөтәһе лә етәкселектең дөрөҫ сәйәсәт алып барыуын дәлилләй.
Ком: 0 // Уҡынылар: 527 тапҡыр // Тотош уҡырға
“Йыл ҡалаһы” тип баш ҡалабыҙҙы билдәләү бер кемде лә аптыратмаҫ, моғайын. Әлбиттә, ҡупшы Өфөбөҙҙөң республика ҡалалары араһында һәр саҡ алдынғылар рәтендә булыуы бәхәсһеҙ. Әммә уның быйылғы уңыштары айырыуса тос.

Иң тәүҙә Өфөнөң бик йылдам үҫеүе, уның күркәмлеге һәм һылыулығы тураһындағы уй килә башҡа. Тик был юлы беҙ уны инвесторҙар өсөн күркәмлеге йәһәтенән телгә алырға ниәт иттек. Ысынлап та, һуңғы арала ҡала иҡтисадына күпләп инвестициялар һалына, бында бизнес башларға теләүселәр артҡандан-арта.
Өфө, ғөмүмән, инвесторҙар өсөн бик ылыҡтырғыс ҡала.
Ком: 0 // Уҡынылар: 580 тапҡыр // Тотош уҡырға
Гәзитебеҙгә – Рәхмәт хатыҠаҙна аҡсаһы әрәм-шәрәм ителмәйме? Торлаҡ-коммуналь хужалыҡ, юл төҙөлөшө, балалар йорттары, етемдәрҙе торлаҡ менән тәьмин итеү мәсьәләләре яйға һалынамы, һаулыҡ һаҡлау учреждениеларының, шифахана-курорттарҙың эшмәкәрлеге нисек? Ошо һорауҙарға аныҡ яуап алыу өсөн быйыл республиканың Контроль-иҫәп палатаһы етмешкә яҡын тикшереү үткәргән һәм шаҡтай етешһеҙлектәрҙе асыҡлаған.
Ойошманың 2012 йылғы эш һөҙөмтәләренә арналған ултырышында һүҙ шул хаҡта барҙы. Контроль-иҫәп палатаһы рәйесе Салауат Харасов үҙ сығышында шулай уҡ матбуғат баҫмалары, радио һәм телевидение хеҙмәткәрҙәренең эшмәкәрлеген юғары баһаланы, дәүләт сәйәсәтенең айышын халыҡҡа еткереүҙә уларҙың әһәмиәтен билдәләне һәм ҡайһы бер коллективтарға бүләктәр тапшырҙы.
Ком: 0 // Уҡынылар: 1050 тапҡыр // Тотош уҡырға
Һуңғы мәлдә "Салауат Юлаев"тың тотороҡһоҙ уйнауы күптәрҙең үҙәгенә үткәндер. Һуңғы ике уйында үҙебеҙҙең ҡапҡаға 10 шайба үткәреп, ҡаршы яҡҡа икәүҙе генә индерә алыуыбыҙ ҙа бер ниндәй ҡалыпҡа һыймай. Ҡасандыр Континенталь хоккей лигаһын дер һелкеткән команданың боҙҙа шәүләһе генә ҡалған тиерһең.
Шуға ла клуб етәкселәре команданың баш тренеры Венер Сафинды вазифаһынан бушатырға ҡарар итте. Былтыр уның Сергей Михалев урынына тәғәйенләнеүенә күптәр ҙур өмөт бағлағайны, әммә, еңеүҙәр менән еңелеүҙәр бер-береһен туҡтауһыҙ алмаштырғас, күптәрҙең фекеренсә, бынан да яҡшыраҡ аҙымдың булыуы мөмкин түгел. Ләкин ысынлап та шулаймы?
Ком: 0 // Уҡынылар: 471 тапҡыр // Тотош уҡырға
Республика йортондағы осрашыуҙа Башҡортостан Президенты Рөстәм Хәмитов опера йырсыһы Илдар Абдразаҡовты “Башҡортостандың халыҡ артисы” тигән исем алыуы айҡанлы ҡотланы һәм уға тейешле документты тапшырҙы.
Яҡташыбыҙ Башҡортостанға балаларҙы дауалауға аҡса йыйыу өсөн “Мәрхәмәт” фонды тарафынан ойошторолған хәйриә концерты ҡуйырға ҡайтҡан.
— Маҡсатығыҙ изге, — тип мөрәжәғәт итте Президент опера йырсыһына. — Бындай кимәлдәге артистар ҡатнашлығында үткән хәйриә концерттары беҙҙә һирәк осрай торған күренеш. Концерттан алынған аҡса ауырыу балаларҙы дауалауға тотоноласаҡ.
Ком: 0 // Уҡынылар: 710 тапҡыр // Тотош уҡырға
Дәүләт Йыйылышы — Ҡоролтай Рәйесе Константин Толкачев Рәсәйҙең Федераль Йыйылышы ҡарамағындағы Закон сығарыусылар советының Милли именлекте закондар менән тәьмин итеү һәм коррупцияға ҡаршы эшмәкәрлек мәсьәләләре буйынса комиссияһын етәкләйәсәк, тигән мәғлүмәт бирҙе республика парламентының матбуғат хеҙмәте. Федерация Советының Оборона һәм именлек комитеты рәйесе Виктор Озеров, шулай уҡ Дәүләт Думаһының Именлек һәм коррупцияға ҡаршы эшмәкәрлек комитеты рәйесе Ирина Яровая уның урынбаҫарҙары итеп тәғәйенләнде.
Ком: 0 // Уҡынылар: 555 тапҡыр // Тотош уҡырға
Мәҙәниәтте ысын мәғәнәһендә мәҙәниәтле итеү өсөн республикабыҙҙа ниндәй мөмкинлектәр бар? Тармаҡтың эшмәкәрлеге саралар үткәреүгә генә ҡайтып ҡалмаһын өсөн бөгөн ниндәй үҙгәрештәр талап ителә? “2013 — 2017 йылдарҙа Башҡортостан Республикаһында мәғарифты үҫтереү” программаһы “һаҡаллы” документ булыуҙан ҡасан арыныр?
Ком: 0 // Уҡынылар: 539 тапҡыр // Тотош уҡырға
Башҡортостан Президенты Рөстәм Хәмитов Нефтекама ҡалаһында эш сәфәрендә булды.

Республика етәксеһе 40 фатирлыҡ яңы торлаҡ йортто ҡарап сыҡты. Бина Башҡортостандың Социаль торлаҡ төҙөү фонды аҡсаһына төҙөлгән. Рөстәм Хәмитов бүлмәләрҙең сифатын баһаланы, балалар йорттарында тәрбиәләнеүселәргә дүрт фатирҙың асҡысын тапшырҙы. Ҡалған 36-һы аҙ тәьмин ителгән граждандарға, йәш ғаиләләргә, күп балалыларға һәм мәғариф хеҙмәткәрҙәренә бирелде. Киләһе йыл Нефтекамала 135 фатирлыҡ тағы ла бер социаль йорт һалыу күҙаллана.
Ком: 0 // Уҡынылар: 889 тапҡыр // Тотош уҡырға
Матур йола буйынса, хәҙер илебеҙҙә лә һәр йыл ниндәй ҙә булһа исем аҫтында үтә. 2012 йылды ул саҡтағы Президент Дмитрий Медведев Рәсәй тарихы йылы тип иғлан иткәйне.

Һис шикһеҙ, был ҡарар бик урынлы һәм ваҡытлы булды. Ҡыҙғанысҡа ҡаршы, бөгөн беҙҙә илһөйәрлек хисе кәмегәндән-кәмей, үҫеп килеүсе быуынға ошо йүнәлештә тәрбиә бирелмәй тиерлек, күптәр тарихыбыҙҙы белеп етмәй. Йәштәр араһында ҡыҙыҡһыныусылар тағы ла һирәгерәк. Хатта XX быуат башында булған ваҡиғаларҙы ла яҡшылап белмәйбеҙ бит. Үҙебеҙҙең тарихты өйрәнергә, һығымталар яһарға һәм һабаҡ алырға тейешбеҙ.
Ком: 0 // Уҡынылар: 760 тапҡыр // Тотош уҡырға
Вәт, исмаһам, йәйен!Ауырлығы 64 килограмм, оҙонлоғо 2 метр ярым йәйенде Хәйбулла районының Таштуғай ауылынан Хаммат Усманов тотҡан!

Хаммат бала саҡтан балыҡсылыҡты үҙ итә, шулай ҙа әлегә тиклем бындай табышҡа юлыҡҡаны булмаған.
– Ҙур йәйендәрҙе күргәнем бар ине. Әлегеһен дүрт кеше апрель башында Таналыҡ йылғаһы Ерекле һыу һаҡлағысына ҡойған урында тоттоҡ. Ауға ҙур балыҡ эләккәне шунда уҡ һиҙелде. Уны яйлап ҡына ярға һөйрәп сығарҙыҡ. Ите ифрат тәмле булды, – тип һөйләне балыҡсы.
Ком: 0 // Уҡынылар: 517 тапҡыр // Тотош уҡырға
Баймаҡ районының Темәс ауылында йәшәгән ҡәҙерле атайыбыҙ, олатайыбыҙ Арғынбаев Шамил Шакир улын тыуған көнө менән ҡайнар ҡотлайбыҙ! Уға 81 йәш тулды.
Ошо шатлыҡлы ваҡиға уңайынан, атай, һиңә оло рәхмәт һүҙҙәребеҙҙе еткерәбеҙ, ҡоростай сәләмәтлек, йән тыныслығы, шатлыҡ-ҡыуаныстарға тулы бәхетле ғүмер теләйбеҙ.
Ғәзиз әсәйебеҙ Рәүилә Рәхмәт ҡыҙы менән беҙгә, биш балағыҙға, ғүмер бирҙегеҙ, наҙлап, ҡәҙерләп, ел-ямғыр тейҙермәйенсә үҫтерҙегеҙ, белем алырға, матур итеп туйҙар яһап, тормошта үҙ урындарыбыҙҙы табырға ярҙам иттегеҙ. Һеҙҙе ҡыуандырып, ейән-ейәнсәрҙәрегеҙ буй еткерҙе.
Ком: 0 // Уҡынылар: 462 тапҡыр // Тотош уҡырға
Ғәрәп телендә китаптар уҡыйӨләсәйем Дағиә Хәфиз ҡыҙы Ғизәтуллина – герой-әсә, әлеге ваҡытта Өфө ҡалаһында йәшәй. Ул 1929 йылда Бөрйән районының Аҫҡар ауылында ғаиләлә беренсе бала булып донъяға килгән. Өләсәйемдең атаһы Хафиз Әһлиулла улы, һуғыш яланында хәбәрһеҙ юғалып ҡала, шуға күрә, ғаиләлә иң оло бала булараҡ, тормоштоң бөтә ауырлыҡтарын бик иртә татый башлай.
Зифа буйлы, бейек кәүҙәле, аҡыллы, етди ҡарашлы булғанғамылыр, йәштәштәренән күпкә олораҡ күренә. Шуға ла уны Янһары, Бикташ, Аралбай ауылдарына уҡытыусы итеп ебәрәләр. Шул осорҙа Баймаҡ районындағы Темәс педагогия училищеһына уҡырға инә. Бер ауылдан өс ҡыҙ китәләр. Тик уҡыу йортон тамамларға насип булмай: ҡышҡы кейемдәрен алырға тип 110 километр алыҫлыҡтағы Темәстән йәйәү ҡайталар, ә кире барырға булғас, иптәш ҡыҙҙары уҡыуҙы дауам итә алмауҙары тураһында әйтә. Шул араны яңғыҙ йәйәү үтергә ҡурҡып, өләсәйем дә уҡырға бармай.
Ком: 1 // Уҡынылар: 1085 тапҡыр // Тотош уҡырға
Бер эштән дә ҡурҡмағанӨләсәйебеҙ Фәриха Сәлих ҡыҙы Федоровка районының Юлдаш ауылында тыуған. Атаһы Сәлих Фәзлиәхмәт улы һуғышҡа киткәндә уға 4 йәш булған. “Атайым аҡ быйма, оҙон бәлтә кейгәйне, уны ауыл осондағы быуаға тиклем оҙота барҙыҡ. Мине ҡосаҡлап: ”Әсәйеңә ярҙам ит, һылыуың Рафиғаны ҡараш”, – тип әйткәне әле булһа ла ҡолағымда сыңлай”, – тип илап та ала өләсәй.
Һуғыш, аслыҡ-яланғаслыҡ уның үҙәгенә үткән, шулай ҙа атаһының аманатына тоғро ҡалған – берҙән-бер һылыуын, 1941 йылда тыуған Рафиға инәйебеҙҙе, тормоштоң ел-дауылынан, аслыҡтан ҡурсалаған. Атаһы шул китеүҙән ҡайтмаған, 1943 йылда “ҡара ҡағыҙ”ын алғандар.
Ком: 0 // Уҡынылар: 1100 тапҡыр // Тотош уҡырға
Кешеләргә ышаныс ҡайтарыусыБашҡорт ере элек-электән күрәҙәлек итеү, дауалау һәләтенә эйә имселәре, әүлиәләре менән дан тота. Үҙенсәлекле һәләт эйәләренең береһе – Көйөргәҙе районының Таймаҫ ауылында йәшәүсе өләсәйем Мәүлиҙә Фәхрислам ҡыҙы Мәҡсүтова. Күңел күҙе менән кешенең тормошон күргән, сирен тойған һәм шифалы ҡулдары менән дауалау көсөнә эйә булған өләсәйемдең яҙмышы юғалтыуҙар, үкенестәр, ҡайғы-хәсрәт сылбырынан үрелгән. Бөгөн ул һәр көнөн мохтаждарға ярҙам итеүгә бағышлай – өмөтө һүрелгәнгә ышаныс өҫтәй, кәңәштәр бирә, сирлеләрҙе дауалай, бағымсылай, юғалған әйберҙәрҙе табыша.
– Бала саҡта табип булырға хыялланғайным, әммә күмәк ғаиләлә беребеҙгә лә уҡыу йортона инеү бәхете теймәне. Алты йәшемдә атайым үлеп китте, – тип үткәндәрен иҫкә төшөрә ҡәҙерлебеҙ.
Ком: 0 // Уҡынылар: 891 тапҡыр // Тотош уҡырға
Зәңгәр күлдәгеңде кейәһең дә
Зәңгәр болондарҙы гиҙәһең.
Талғын ғына йырға еп һуҙыусы – минең өләсәйем Зөһрә Ҡолдобаева. Йәмле тәбиғәте йырҙарҙа йырланған, матурлығы бар донъя хайран иткән Бөрйән районының Тимер ауылында йәшәй ул. Ауыл эргәһенән аҡҡан Ағиҙел йылғаһы ла, йырға ҡушылып, өләсәйемдең тормош юлын бәйән итә кеүек. 1931 йылда ғаиләлә бишенсе бала булып донъяға килгән ул. Бала сағы, ауыр һуғыш йылдары тураһында өләсәйем иҫкә алырға ла, һөйләргә лә яратмай. "Ил ни күрһә, беҙ ҙә шуны күрҙек", - тип кенә ҡуя.
Репрессия ҡорбаны булған атаһы өсөн кәмһетелеүҙәр өләсәйемдеӊ күӊелендә онотолмаҫ яра булып ҡалған. Аслыҡ-яланғаслыҡты, ауыр эште ололар уйын-көлкө, йыр менән еӊеләйткән. Өләсәйем йырлаған оҙон көйҙәрҙе мин дә яратып тыӊлайым һәм сәхнәлә башҡарам.
Ком: 0 // Уҡынылар: 977 тапҡыр // Тотош уҡырға
Артҡа 1 ... 4 5 6 7 8 9 10 11 12 ... 30 Алға
Бит башына