Электрон карталарҙан баш тартмағыҙБыйыл 1 ғинуарҙан Башҡортостанда граждандарҙың ғаризаһы буйынса универсаль электрон карталар эшләп сығарыу башланды.
Иҫегеҙгә төшөрәбеҙ: универсаль электрон карта берҙәм федераль стандарт нигеҙендә эшләнгән. 2014 йылда ул Рәсәй төбәктәрендә сығарылған бөтә пластик социаль карталарҙы алмаштырасаҡ. Уның ярҙамында дәүләт һәм коммерция хеҙмәттәренә түләүҙәрҙе башҡарырға, сауҙа-сервис нөктәләрендә иҫәпләшергә мөмкин. Ул сауҙа ойошмалары тарафынан бирелгән бөтә дисконт һәм бонус карталары эшмәкәрлеген үҙ өҫтөнә ала.
Универсаль электрон карта алыуға ғариза биргәндә шәхесте раҫлаусы документ, дәүләт пенсия страховкаһының страховка таныҡлығы, мотлаҡ медицина страховкаһы полисы һәм льгота алыуға хоҡуҡты раҫлаусы документ алып килеү талап ителә.
Ком: 0 // Уҡынылар: 699 тапҡыр // Тотош уҡырға
Кит эсендә... театр!Башҡорт дәүләт ҡурсаҡ театрының яңы бинаһы проекттарына конкурс тамамланды, еңеүселәр билдәләнде. Улар — Анастасия Иванова, Иван Ладыгин һәм Алиса Тайыпова.
Архитекторҙар үҙҙәренең проектында буласаҡ бинаны һәм театрҙың эргәһендәге биләмәне әкиәт майҙансығына әүерелдергән. Бина китты һынландырасаҡ, уның өҫтөндә тотош ҡаласыҡ урынлашасаҡ.
Конкурс былтыр ноябрҙә иғлан ителгәйне. Проектлаусыларға бинаны реконструкциялау ғына түгел, шулай уҡ ике зал булдырыу, тирә-яҡтағы биләмәне төҙөкләндереү буйынса тәҡдимдәр индереү талабы ҡуйылды.
Ком: 0 // Уҡынылар: 646 тапҡыр // Тотош уҡырға
Баш ҡалабыҙ ҡалышманыӨфө “Рәсәй ҡалаһы. Милли һайлау-2012” конкурсының тәүге тиҫтәһенә инде. Башҡортостандың баш ҡалаһы, 60 023 тауыш йыйып, рейтингтың һигеҙенсе баҫҡысында урын алды. Интернет проектында 7 миллиондан ашыу кеше ҡатнашты.
Тауыш биреү йомғаҡтары буйынса беренсе урынды Смоленск яуланы. Уның өсөн 285 805 кеше тауыш биргән. Өфөнө шулай уҡ Псков, Иркутск, Бөйөк Новгород, Чебоксар, Улан-Удэ, Төмән ҡалалары уҙып киткән.
“Рәсәй ҡалаһы” — илебеҙҙәге иң әһәмиәтле, киң танылыу яулаған һәм символик ҡаланы һайлауға йүнәлтелгән проект.
Ком: 0 // Уҡынылар: 749 тапҡыр // Тотош уҡырға
Халыҡтың хәтерен тергеҙеүсеЯҙыусы Йыһат Солтанов башҡорт халҡының боронғо йәшәү рәүешенә, тарихына, ырыуҙар ҡоролошона үҙенең мөнәсәбәтен, ҡайһы бер бәхәсле проблемаларға ҡарата фаразын, үҙенсәлекле ҡарашын сағылдырырға тырыша. Арҙаҡлы яҙыусының ошо ғалимлыҡ сифатын ҡайһы бер тарихсыларыбыҙ, тел ғилеме белгестәре оҡшатып та етмәй, сөнки улар тапалған һуҡмаҡтан барыуҙы хуп күрә. Йыһат ағай тарихи дөрөҫлөккә үҙе юл яра. Беҙ фараз тигән төшөнсәне хупларға тейеш. Бөтә теорияларҙың, фәнни асыштарҙың нигеҙе фаразға ҡоролған. СССР тигән ҙур ил тарҡалһа ла, фәлсәфә тигән фәндең методологияһы ҡаҡшаһа ла, танып белеү теорияһын, диалектик ҡанундарҙы юҡҡа сығара алмайбыҙ.
Ком: 0 // Уҡынылар: 2121 тапҡыр // Тотош уҡырға
Рухиәт МәккәһеБашҡортостан Яҙыусылар союзы идараһы рәйесе Риф Тойғонов менән әңгәмә ҡорорға тип барғанда Аҡмуллалары, Бабичтары, Ғафуриҙары, Һәҙиәләре, Зәйнәбтәре, Мостайҙары, Назарҙары, Рәмиҙәре һәм башҡа бик күп талантлы шағир-яҙыусылары булған башҡорт әҙәбиәте тураһында уйландым. Башҡортто юҡҡа ғына тәбиғәт балаһы тимәгәндәр шул! Ана бит, әле телгә алған исемдәр йондоҙлоғона ғына ла хайран ҡалырлыҡ та баһа! Ә исемдәре аталмағандар?! Бер һүҙ менән әйткәндә, башҡорт иле — таланттар төйәге. Ошо ижади ҡәүемде берләштереп торған Яҙыусылар союзы үҙенә күрә бер рухи Мәккә булып һынланғандай.
Ком: 0 // Уҡынылар: 1044 тапҡыр // Тотош уҡырға
Улар «Ирина»нан ҡәнәғәтИлебеҙ баҙар иҡтисадына йүнәлеш алғандан һуң ватандаштарыбыҙҙың күбеһе алыпһатарлыҡ менән шөғөлләнде – төрлө тарафтан аҙыҡ-түлек, сәнәғәт тауарҙары алып ҡайтып, баҙарҙарҙа сауҙа итте…

Бүздәк районы үҙәгендә йәшәгән Ҡотошовтар ғаиләһе лә шул юлды һайланы: тәүҙә алыҫ ҡалаларҙан уйынсыҡтар алып ҡайтып һаттылар. Байтаҡ ваҡыт район ҡулланыусылар йәмғиәтендә водитель, келәт мөдире булып эшләгән ғаилә башлығы Илмирға ла, шул уҡ тармаҡта тауар белгесе, бухгалтер тәжрибәһе туплаған Зөлфиәгә лә яңы шөғөлдәре әллә ни ауырлыҡ килтермәй.
Ком: 0 // Уҡынылар: 1063 тапҡыр // Тотош уҡырға
Үҙ иленең солтаныСит ерҙә солтан булғансы, үҙ илеңдә олтан бул, ти халҡыбыҙ. Эйе, үҙ бәхетен ят тарафтарҙан эҙләмәй, ата-бабалар ерендә төпләнеп балалар үҫтергән, һайлаған һөнәренә тоғро ҡалып, ең һыҙғанып эшләп йөрөгән ябай хеҙмәт кешеләре менән данлы, улар менән йәмле йәшәйешебеҙ. Ер ҡатламы баҫымын күҙәтеү буйынса Аксаков цехының Раевка бүлексәһендә насос станцияһы машинисы булып эшләгән Рим Исламов та уңғандар иҫәбендә.
Әлшәй районының Иҙрис ауылында тыуып үҫкән егет, армияла хеҙмәт итеп ҡайтҡас, бер аҙ колхозда, ауыл клубында эшләп алған. Теүәл 27 йыл элек нефть тармағына эшкә килгән. Бөгөн Рим Рәшит улы — участкала ғына түгел, бөтә цехта машинист һөнәрен биш бармағылай белгән иң тәжрибәле хеҙмәткәрҙәрҙең береһе.
Ком: 0 // Уҡынылар: 1555 тапҡыр // Тотош уҡырға
Байдәүләттәр ярлы түгелШундай әүҙемлек һәм берҙәмлек кенә ауылды ҡотҡарасаҡ

Аҙна буйы дәүләт хеҙмәтендә эшләгән кеше ял көндәрен һағынып көтөп ала. Күпселеге үҙ яйына йәшәгән ауыл халҡы өсөн иһә эш аҙнаһы ни ҙә шәмбе ни — һәр кем үҙ хужалығында мәшғүл. Ҡара көҙгә саҡлы ер, төҙөлөш һәм башҡа эшкә баштан-аяҡ сумған, тир түгеп, ғаиләһен аҫрарлыҡ бол тапҡан ауыл хеҙмәтсәне өсөн оҙон ҡыш ҡына ысын ялға әүерелә. Халыҡса әйткәндә, быға тиклем тапҡаның-туплағаныңды рәхәтләнеп йыйып, диванға ҡырын төшөп, телевизор ҡарап ятырға ғына ҡала. Командировкаға шәмбелә сығыуым тап шул хәлдең ғилләһе ине лә.
Ком: 0 // Уҡынылар: 1125 тапҡыр // Тотош уҡырға
Аллаһ йортонда ҡунаҡта(Хажиә яҙмалары)
Арҙаҡлы дин әһелдәре, сер ғилеме эйәләре шәйех Ғабдулла Сәйеди, Сабир хәҙрәт Халиҡов, Шәмсетдин хажи кеүек мәшһүр шәхестәребеҙгә арналған китаптарымда уларҙың меңәр саҡрым юл үтеп, ауылдан ауылға, илдән илгә һыбай йә дөйәгә атланып, берсә йәйәүләп, берсә диңгеҙҙәр кисеп, икешәр тапҡыр Аллаһы Тәғәләбеҙ йорто әл-Хәрәм мәсетенә барыуҙары, хаж ҡылыуҙары, унан зәм-зәм һыуы алып ҡайтып, ауылдаштарына балғалаҡлап ҡына эсереп сығыуҙары тураһында яҙғайным инде.
Ком: 0 // Уҡынылар: 925 тапҡыр // Тотош уҡырға
Башлы балаИр кеше үҙ ғүмерендә өс мөһим эш башҡарырға тейеш: өй һалырға, малай үҫтерергә, ағас ултыртырға. Хәйер, быны бөтәһе лә белә. Ә ҡатын-ҡыҙ нимә эшләргә тейеш һуң?
Быны бер кем дә белмәй, сөнки һәр бисәнең — үҙ иҫәбе. Донъяла нисә ҡатын-ҡыҙ булһа, маҡсаттары шунса. Әйтәйек, берәүҙәр президентҡа кейәүгә сығып, “беренсе леди”ға әйләнергә теләһә, икенселәре иһә үҙе президент булыуҙы хуп күрә. Ҡыҫҡаһы, ҡатындарҙың нәфсеһен аңларлыҡ та, һанларлыҡ та түгел.
Башҡаларҙа эше юҡ, әммә үҙ алдына бик аныҡ өс бурыс ҡуйҙы Байбикә. Беренсеһе — шәхси кибет асып, аҡса һуғыу. Икенсеһе — элиталы йорттан фатир алып, уны европаса йыһазландырыу. Өсөнсөһө — берҙән-бер ҡыҙын, Вәрисәһен, үҙенә алмашҡа әҙерләү, йәғни бизнес-леди итеп тәрбиәләү.
Ком: 0 // Уҡынылар: 954 тапҡыр // Тотош уҡырға
Башҡортостан Республикаһы Дәүләт Йыйылышы — Ҡоролтайҙа яҙғы сессияға әҙерләнеү мәсьәләһе буйынса кәңәшмә үтте.
— Бөгөн республика парламентында яҙғы сессия асыла, Президиумдың, даими комитеттарҙың һәм Секретариаттың эше тулыһынса яңыртыла, — тине парламент Рәйесе Константин Толкачев. — 2012 йыл Дәүләт Йыйылышы депутаттары өсөн республика ҡануниәтен әүҙем камиллаштырыу осоро булды. Ул Башҡортостанда Имен бала саҡ һәм ғаилә ҡиммәттәрен нығытыу йылы, Рәсәйҙә Тарих йылы булараҡ хәтерҙә ҡалды. Дөйөм алғанда, парламент ҡуйылған маҡсаттарға өлгәште. Ғәмәлдәге Башҡортостан Республикаһы закондары төбәгебеҙҙең эҙмә-эҙлекле социаль һәм иҡтисади үҫешенә булышлыҡ иткән мөһим фактор булып ҡала.
Ком: 0 // Уҡынылар: 496 тапҡыр // Тотош уҡырға
“Асылыкүл” тәбиғәт паркы дирекцияһы ғалимдар менән берлектә биләмәне төҙөкләндереү һәм йыһазландырыу буйынса генераль план схемаһын эшләй. Ул быйыл июндә тамамланырға тейеш.
Документ экология туризмын үҫтереү буйынса сараларҙы билдәләү мөмкинлеген бирәсәк.
— Парк инфраструктураһын үҫемлектәр һәм хайуандар донъяһына зыян килтермәҫлек итеп ойоштороу зарур, — тине Башҡортостандың тәбиғәттән файҙаланыу һәм экология министры Ильдар Һаҙыев “Йәмәғәт электрон гәзите”ндәге онлайн-конференцияла.
Ком: 0 // Уҡынылар: 522 тапҡыр // Тотош уҡырға
Былтыр Өфөләге 47-се һәм 2-се поликлиникаларға, “БашРЭС-УГЭС” һәм “Оптимедсервис” йәмғиәттәренә “Ышаныс сертификаты” тапшырылды.
Әле республикала ошондай сертификатҡа эйә булған 29 предприятие һәм ойошма бар. Хәтерегеҙгә төшөрәйек: 2008 йылдан алып илебеҙҙә “Предприятиеның хеҙмәт хоҡуҡтарын тормошҡа ашырыу эшмәкәрлеген декларациялау” проекты әүҙем тормошҡа ашырыла. Шул осорҙан алып 2 меңдән ашыу эш биреүсегә “Ышаныс сертификаты” тапшырылған.
Ком: 0 // Уҡынылар: 442 тапҡыр // Тотош уҡырға
Ауырғазы районында яңы йылдың тәүге көндәрендә урындағы хакимиәттең муниципаль хеҙмәткәрҙәре өсөн уҡыуҙар үтте. Район башлығы Марат Ишемғолов 2013 йылға бурыстар ҡуйҙы, эштең өҫтөнлөклө йүнәлештәрен билдәләне.
Муниципаль хеҙмәткәрҙәрҙең белемен камиллаштырыу, кадрҙар ҡеүәтен арттырыуға ҡағылған мәсьәләләргә айырым иғтибар бирелде.
— Дәүләт һәм муниципаль хеҙмәт күрһәтеү өлкәһендә эшләгән кешеләргә йәмғиәт әленән-әле яңы талаптар ҡуя. Компьютерҙарҙы һәм мәғлүмәт технологияларын, программаларҙы үҙләштереү шуларҙың иң мөһимдәре иҫәбенә инә, — тине Марат Ишемғолов.
Ком: 0 // Уҡынылар: 458 тапҡыр // Тотош уҡырға
Танылған Өфө яҙыусыһы Камил Йыһаншин “Дальний Восток” әҙәби журналы премияһының лауреаты булды. Бүләкләү сараһы Хабаровскиҙа Алыҫ Көнсығыш шағиры Петр Комаров исемендәге ижади конкурсҡа йомғаҡ яһау менән бер үк ваҡытта үткәрелде.
Хабаровск крайының Мәҙәниәт министрлығы “Дальний Восток” журналы менән берлектә ойошторған конкурста 200-ҙән ашыу шағир, прозаик, публицист ҡатнашты. Сараны ойоштороусылар хәл итеүенсә, конкурс ике йылға бер тапҡыр үткәреләсәк. Унда “Проза”, “Шиғриәт”, “Очерк һәм публицистика”, “Тәнҡит һәм библиография” кеүек номинациялар буйынса аҡсалата премиялар тапшырыласаҡ.
Ком: 0 // Уҡынылар: 622 тапҡыр // Тотош уҡырға
Артҡа 1 2 Алға
Бит башына