Балаларға арналған ғүмерӨләсәйем Шәрифә Ҡәҙир ҡыҙы Ниғмәтуллина 1947 йылда Ишембай районының Һайран ауылында донъяға килә. Мәктәпте тамамлағас, Башҡорт дәүләт университетының химия факультетына уҡырға инә. 33 йыл ғүмерен балаларға белем биреүгә бағышлай ул, шул иҫәптән 14 йыл мәктәп директоры булып эшләй.
Өләсәйем менән олатайым Әнүәр Ниғмәтуллин бик яғымлы, ихлас, бала йәнле кешеләр. 1991 йылда улар, үҙҙәренең ике ҡыҙы булыуға ҡарамаҫтан, балалар йортонан биш баланы тәрбиәгә ала. Һәр береһенә әсә наҙы, күңел йылыһы биреп, оло тормош юлына аяҡ баҫтыралар.
– Балаларҙы ата-әсәһенә, милләтенә ҡарап һайламаныҡ. Барыһын да башҡортса һөйләшергә, ҡурайҙа, ҡумыҙҙа, мандолинала уйнарға өйрәттек. Ғаилә оркестрыбыҙ менән Ишембайҙа, Өфөлә күп тапҡыр сығыш яһаныҡ, – ти өләсәйем.
Ком: 2 // Уҡынылар: 1903 тапҡыр // Тотош уҡырға
Көйәрмәндәргә еңеү сәме күстеКрасников чемпиондарҙың яңы быуынын тәрбиәләргә ниәтләй

Егеттәр “тимер аттар”ын ажарландырып алға ынтылды. Тәгәрмәс аҫтынан боҙ ярсыҡтары сәсрәй. Етеҙерәк, етеҙерәк! Мотоуҙышсыларҙағы еңеү сәме, ғәйрәт көйәрмәндәргә лә күскән.
Ярата беҙҙә халыҡ спорттың был төрөн! Ял көндәрендә, һалҡын булыуға ҡарамаҫтан, баш ҡаланың “Төҙөүсе” стадионы шығырым тулы: Рәсәй кимәлендәге 53-сө шәхси чемпионаттың финал ярышы бара бит.
Ком: 0 // Уҡынылар: 604 тапҡыр // Тотош уҡырға
Әҙәбиәтебеҙҙең ӘмиреХәҙерге башҡорт прозаһын күренекле әҙип Әмир Әминевтең әҫәрҙәренән тыш күҙ алдына килтереүе ауыр. Ысынлап та, яҙыусының «Танкист», «Ҡытай-город», «Усман ташы», «Бер кәмәлә», «Йондоҙ сәскә» кеүек әҫәрҙәре Башҡортостанда ғына түгел, Рәсәй кимәлендә лә ҙур ҡыҙыҡһыныу тыуҙырҙы. «Ҡытай-город» йыйынтығының Рәсәйҙең Ҙур әҙәби премияһына лайыҡ булыуы ғына ла — быға асыҡ дәлил.
Күптән түгел Әмир Мөхәмәт улы Әминев күркәм юбилейын билдәләне. Форсаттан файҙаланып, уға бер нисә һорау менән мөрәжәғәт иттек.
– Әмир ағай, һүҙҙе иң «тәмле»һенән башламаҡсымын. Күптән түгел «Ҡытай-город» исемле китабығыҙ Рәсәй кимәлендә үткәрелгән әҙәби конкурста еңеү яуланы.
Ком: 0 // Уҡынылар: 1716 тапҡыр // Тотош уҡырға
Аллаһ йортонда ҡунаҡтаХажиә яҙмалары

Хаж фонды байрағын юғары сөйөп, Вәсил хәҙрәт менән Шәмсетдин хәҙрәт алға сығып баҫты. Улар аяттар уҡыны, бергәләп доға ҡылдыҡ. Шунан рупор аша етәксебеҙҙең:
– Саф! Саф! Тәриҡ, тәриҡ, әт-тәриҡ! – тигән ораны яңғыраны. Был һүҙҙәр, әйтерһең, тылсымлы булып сыҡты, ул күҙ алдында мөғжизә тыуҙырҙы: барыһы ситкә тайпылып, беҙгә юл бирҙе. Беҙ, халыҡ тулҡынын ярып, алға атланыҡ. Энә төрткөһөҙ халыҡ даръяһын йырып, баяғы тылсымлы һүҙҙәрҙе ҡабатлай-ҡабатлай, урта төшкә үттек. Ҡәғбәтулла тирәләй алтынсы ҡатҡа тәүәф ҡылғанда, беҙҙең төркөм Ҡара ташҡа яҡын уҡ килде.
Ком: 0 // Уҡынылар: 1255 тапҡыр // Тотош уҡырға
Донъя тотҡаһы — ҡатын-ҡыҙҠатын-ҡыҙ яғымлы әсә, иренә һөйөклө йәр булырға тейеш, тибеҙ. Ә ауылда йәшәгәндәргә егәрле, һоҡланғыс килен һәм еңгә, йортон ялт иттереп тотҡан, өлгөр, ҡунаҡсыл хужабикә булыу бурысы ла өҫтәлә. Беҙҙең яҡтың гүзәл заттары тап ошондай һыҙаттарға эйә.
Күптән түгел улар "Әсәйҙәрҙең күңеле лә, кейеме лә, йөҙө лә матур" тигән сарала осрашты. Әбделкәрим, Алғаҙы, Ҡыуат ауылдарынан йыйылған ҡатын-ҡыҙҙы "Йәйғор" балалар баҡсаһында тәрбиәләнеүселәр сәләмләне. Сағыу сығыштарына ҡушып, әсәйҙәргә үҙ ҡулдары менән эшләгән бүләктәрен тапшырҙы улар.
Беҙҙәге ҡатын-ҡыҙ йәмәғәт эшендә лә ихлас ҡатнаша.
Ком: 0 // Уҡынылар: 1118 тапҡыр // Тотош уҡырға
Ишҡарҙар табиптан уңды"Күҙ төбәп, ярҙамға өмөт итеп килгән кешегә файҙам тейһә һәм йөҙҙәрендә ҡәнәғәтлек күрһәм, үҙемде бик бәхетле тоям, эшемдең мәғәнәле булыуына шатланам", — ти тәжрибәле табип Әлфиә Байназарова-Муллаянова.
Өс тиҫтә йылдан ашыу ғүмерен кеше һаулығын һаҡлауға арнаған, Илеш районының Ишҡар ауылы дауаханаһында баш табип булып эшләгән Әлфиә Миңләхмәт ҡыҙы Ишембай районының Этҡол ауылында күп балалы ғаиләлә тыуған. Математика кеүек теүәл фәндәрҙе яратҡан ҡыҙға "иҡтисадсы булырһың" тип юраһалар ҙа, ул, барыһын да шаҡ ҡатырып, Өфө медицина институтының педиатрия факультетына уҡырға инә. Студент йылдарында буласаҡ тормош иптәшен — Илеш районының Ирмәш ауылы егете Хәлил Муллаяновты — осрата.
Ком: 0 // Уҡынылар: 754 тапҡыр // Тотош уҡырға
Тамсы тама-тама ташты тишерДанлыҡлы 112-се Башҡорт кавалерия дивизияһының легендар командиры генерал Миңлеғәле Шайморатовҡа “Рәсәй Геройы” исемен биреү өсөн ҡултамға йыйыу дауам итә. Беҙҙең гәзиткә лә Башҡортостаныбыҙҙа батырыбыҙҙың исемен мәңгеләштереү тәҡдимдәре менән хаттар килеүе туҡтамай.
Мәғлүм булыуынса, былтыр ноябрҙә республикабыҙҙың район һәм ҡалалары, төрлө йәмәғәт ойошмалары вәкилдәре, ветерандар, шулай уҡ Миңлеғәле Минһаж улы башын һалған Украина еренән килгән делегация ҡатнашлығында данлыҡлы дивизиябыҙҙың ойошторолоуының 70 йыллығына арналған конференция булып үтте. Ошо мәртәбәле сарала батырыбыҙға Герой исемен юллау буйынса тәҡдимдәр яңғыраны, һәм ул киң яҡлау табып, ҡултамғалар йыйыу башланып китте.
Ком: 0 // Уҡынылар: 802 тапҡыр // Тотош уҡырға
Аҡса ла юҡ, сусҡа ла...Ҡайһы бер "эшҡыуар"ҙарҙың эшмәкәрлегенән дәүләт алдана
Башҡортостанда дәүләт аҡсаһының маҡсатҡа ярашлы ҡулланылмауының сираттағы миҫалы асыҡланды. "Шишмә сусҡасылыҡ комплексы"н үҫтереүгә бүленгән миллиондарса һумлыҡ ярҙамдан бер ниндәй ҙә файҙа булмаған, киреһенсә, дәүләткә ҙур күләмдә зыян ғына килтерелгән.
2007 йылда "Төбәк фонды" асыҡ акционерҙар йәмғиәте ҡарамағында булған һәм 2 миллиард һумға "тартҡан" "Газпром"дың акциялар пакетын "Агросәнәғәт комплексын үҫтереү" өҫтөнлөклө милли проектында ҡатнашыусыларға кредит юллауҙа ярҙам булараҡ аманат рәүешендә ҡулланыу рөхсәт ителә. "Шишмә сусҡасылыҡ комплексы" "УралСиб" банкынан 250 миллион һум күләмендә кредит алғанда ошонан файҙаланырға ҡарар итә лә инде.
Ком: 0 // Уҡынылар: 879 тапҡыр // Тотош уҡырға
Барҙың ҡәҙерен белмәйбеҙ, йәки Сәләмәт тормошто һанға һуҡмаусылар араһында үлем осрағының 20 процентҡа артыуы ихтималҺуңғы осорҙа ватандаштарыбыҙҙың һаулығын һаҡлауға бәйле саҡырыу-күрһәтмәләр, борсолоуҙар, хатта сенсацияға торошло хәбәрҙәр йышыраҡ ишетелә. Мәҫәлән, Рәсәй Президенты В. Путиндың халыҡтың ғүмер оҙайлығын арттырыуға һәм медицина хеҙмәте күрһәтеүҙе яҡшыртыуға йүнәлтелгән указдарына, федераль министр В. Скворцованың 2015 йылда төп медицина ярҙамы түләүһеҙ буласаҡ тигән белдереүенә шикләнеп ҡарау һәм һаулыҡ һаҡлау буйынса әҙерләнеүсе яңы стандарттар – шулар рәтендә. Ошоларға һуңғы өс-дүрт айҙа үткәрелгән рәсми һәм ярым рәсми сараларҙы ла өҫтәһәң, тармаҡ яҙмышы властарҙың иғтибар үҙәгендә тора, тигән фекер тыуа.
Ком: 0 // Уҡынылар: 771 тапҡыр // Тотош уҡырға
Татар халҡы беҙгә географик яҡтан ғына түгел, тел, мәҙәниәт, хатта донъяға ҡарашы менән дә яҡын. Әгәр ҙә улар беҙҙең Мостайҙы, Асанбайҙы үҙебеҙҙеке тип йөрөтһә, беҙ ҙә үҙ сиратыбыҙҙа Татарстандың арҙаҡлы улдары Туҡайҙы, Йәлилде үҙ күрәбеҙ. Әлбиттә, араларында данлыҡлы драматург, йәмәғәт эшмәкәре Туфан Миңнуллин да бар.
Туфан ағайҙың беҙҙең аранан китеүенә йылдан ашыу ваҡыт үтте. Шулай ҙа уны онотоп буламы инде? Салауат театры коллективы арҙаҡлы драматургтың тыуған яғында дуҫтары, яҡындары менән бергә хәтер кисәләре үткәрҙе. Театрҙың әҙәбиәт бүлеге етәксеһе Эльвира Исҡужина ошо гастролдәр тураһында һөйләй:
— Салауат башҡорт дәүләт драма театры менән Туфан Миңнуллиндың мөнәсәбәте "драматург – театр" бәйләнеше менән генә сикләнмәй.
Ком: 0 // Уҡынылар: 1274 тапҡыр // Тотош уҡырға
Арғымаҡты еккәйнеләр...Фәнил КҮЗБӘКОВ
Теләк-өмөттәрем
Күкрәгемдән ҡоштар осорам...
Мостай Кәрим
Йөрәгемдән сыҡты ҡанатлы һүҙ,
Янар тауҙай күкрәгемде ярып;
Береһе бөркөт булһа,
икенсеһе,
Һандуғастай, сутылданы ярһып.
Ком: 0 // Уҡынылар: 830 тапҡыр // Тотош уҡырға
Сағыу йондоҙ булып балҡыныБашҡортостандың халыҡ артисы Зәкиә Шәйҙулла ҡыҙы Арыҫланова 94-се йәшендә арабыҙҙан китеп барҙы.
Ул 1919 йылдың 31 ғинуарында Өфө губернаһының Бәләбәй өйәҙе Иҫке Күҙәй ауылында (хәҙерге Бүздәк районы) тыуған. 1940 йылда Өфө театр-художество училищеһын тамамлай. Ошо уҡ йылда Яңауыл колхоз-совхоз театрына ебәрелә, 1941-1942 йылдарҙа Башҡорт дәүләт филармонияһының эстрада бригадаларында эшләй, 1949—1987 йылдарҙа — М. Ғафури исемендәге Башҡорт дәүләт академия драма театры артисы.
...Төҙөлөш техникумына уҡырға инеп, яҙмышын ошо юҫыҡта ҡорорға ниәт иткән ҡыҙҙы театр донъяһы тиҙ арала үҙенә йолоп алыуы бер мөғжизә кеүек.
Ком: 0 // Уҡынылар: 755 тапҡыр // Тотош уҡырға
14 ғинуар — иҫке календарь буйынса яңы йыл башлана.
— Техник фәндәр докторы, Рәсәй Яғыулыҡ һәм энергетика министрлығының атҡаҙанған хеҙмәткәре, Башҡортостандың атҡаҙанған фән һәм техника эшмәкәре Вил Өмөтбаевҡа 75 йәш (1938).
15 ғинуар — Рәсәйҙең атҡаҙанған, Татарстандың халыҡ артисы Әлфиә Афзаловаға 80 йәш (1933).
18 ғинуар — актриса, Театр эшмәкәрҙәре союзы ағзаһы, БАССР-ҙың халыҡ артисы Рәмзилә Әҙелшинаға 80 йәш (1933).
Ком: 0 // Уҡынылар: 439 тапҡыр // Тотош уҡырға
Яңы йылға аяҡ баҫҡанда башҡарылған эште, артылған үрҙәрҙе барлау, яуланған уңыштарға ҡыуанып, киләсәккә ҙур маҡсаттар ҡороу мөмкинлеге — үҙе бер бәхет!
Мәжит Ғафури исемендәге Башҡорт дәүләт академия драма театрына ла үҙенең 93-сө ижад миҙгеленең тап уртаһына етеп, өлгәшкән уңыштары өсөн ҡыуанысы менән уртаҡлашыу бәхете тейҙе. Ни тиһәң дә, был миҙгелдә булып үткән байтаҡ мөһим сара театр тарихы биттәрендә урын алыуға лайыҡ.
Ком: 0 // Уҡынылар: 571 тапҡыр // Тотош уҡырға
Беҙ ҡартым менән алтмыш йыл самаһы бергә йәшәйбеҙ, икебеҙ ҙә педагогик хеҙмәт ветерандары, "Башҡортостан"дан айырылғаныбыҙ юҡ.
Бик уҡымлы гәзит, бигерәк тә һуңғы йылдарҙа йөкмәткеһе матурланды. Баҫманы алдырып уҡымағандар күп нәмәнән мәхрүм ҡала, тип уйлайым.
Был хатты яҙыуымдың төп сәбәбе — Илдар Ғәбитовҡа сканвордтары өсөн рәхмәт белдереүем. Көн дә сыҡҡан "Комсомольская правда" бер ваҡытта ла кроссворд, сканвордһыҙ булмай. Ниңә башҡортса сканворд төҙөүсе юҡ икән, тип уйлай торғайным.
Ком: 0 // Уҡынылар: 810 тапҡыр // Тотош уҡырға
Артҡа 1 2 Алға
Бит башына