Көтөү урыны тигәс тә..."Өфө" тимер юл станцияһының яңыртылған вокзалы Башҡортостандың үҙ ирке менән Рәсәйгә ҡушылыуының 450 йыллығына тулыһынса әҙер булырға тейеш ине, әммә 2006 йылда башланған эш һаман да аҙағынаса еткерелмәгән. Уның менән бер осорҙа ҡалҡа башлаған "Конгресс-холл", "Өфө-Арена" күптән инде баш ҡаланың күркенә әүерелде, "Аҡбуҙат" ипподромы менән "Өфө" халыҡ-ара аэропорты ла ваҡытында реконструкцияланды. Әммә көнөнә меңәрләгән ҡунаҡты ҡабул итеүсе һәм оҙатыусы вокзал тураһында һаман һоҡланыу менән һөйләп булмай.
Ком: 0 // Уҡынылар: 741 тапҡыр // Тотош уҡырға
Хирургия “Оскар”ына лайыҡ булдыларРеспубликаның кардиология диспансеры хирургтары һигеҙ көнлөк баланың йөрәгенә операцияны уңышлы яһаған өсөн “Алтын скальпель” менән бүләкләнде. Ауыр сир менән яфаланған сабыйға тыуғандан һуң бер аҙна үткәс тә ошондай ярҙам талап ителгән булған.
— Операция бик ҡатмарлы ине, — ти премия алған Артур Шәрәфетдинов. — Ләкин бындай аҙымға бармай, пациенттарҙы ҡотҡарырға тырышмай булмай.
Башҡортостан хирургтары ассоциацияһы президенты Вил Тимербулатов әйтеүенсә, операцияла микрохирургия һәм кардиохирургия ысулдары ҡулланылған.
Ком: 0 // Уҡынылар: 886 тапҡыр // Тотош уҡырға
Яҙмышҡа үс итеп...Яҙмыш һуҡмаҡтары әҙәм балаһын ҡайһы тарафтарға ғына илтмәй ҙә, кемдәр менән генә осраштырмай... Сәриә Ғәниева ла йәшәү осоронда төрлө михнәттәргә дусар була. Юғалтыуҙарҙы ла кисерергә тура килә уға.
Үҙәккә, елеккә үткәне – өс йәштә ҡәҙерле кешеһен, 32 йәшлек атаһын, юғалтыуы булғандыр, моғайын. Сабый ҡара ҡайғылы көндәрҙе хәтерләмәй, әлбиттә. Әсәһе Тәғзимә апай балаларын эйәртеп, тыуған ауылы Яңы Турайға ҡайтып төшә. Сәриә тәүҙә ошо ауылда, һуңынан Яңы Шахтала белем ала. Балалар этләнеп, күрше ауыл мәктәбенә йөрөмәһен тип, ғаилә Спартакка күсенергә мәжбүр була. Ҡыҙ бындағы урта мәктәптә яҡшы билдәләргә генә уҡый һәм, Башҡорт дәүләт педагогия институтын уңышлы тамамлағас, химия, биология уҡытыусыһы сифатында Йәрмәкәйгә ҡайта.
Ком: 0 // Уҡынылар: 941 тапҡыр // Тотош уҡырға
Ә элек гел еҫле үлән ине...Йыш булмаһа ла, тыуған төйәгемә ҡайтҡан һайын урамыбыҙ ҡаршыһындағы Әбүбәкер тауына күтәреләм, уға һыйынып ҡына ултырған ауылыма һоҡланам. Бынан уның бөтөн урамдары, йәшелсә һәм бәрәңге баҡсалары ус төбөндәгеләй ап-асыҡ күренә. Төҫлө уйынсыҡ кубикты хәтерләткән ҡыҙыл, йәшел, зәңгәр түбәле өйҙәр янында, һыу буйҙарында – эреле-ваҡлы ҡыуаҡтар, ағастар… Иҫ киткес күренеш! Сәстәремдән һыйпаған йылы, рәхәт ел менән бергә ауылдаштарыма хас ҡунаҡсыллыҡ, изгелек, ижтиһадлыҡ урғылып күңелемә тулғандай…
Әллә һөйләп тә бөтөрә алмаҫлыҡ нескә хис-тойғолар күкрәгемә һыймағанға, әллә инде тау башында торғанға бер башҡа үҫеп киткәндәй булам, ауылым күренешен тағы ла матурлау өсөн, буғай, һауала “эленеп торған” зәңгәр болоттарға ҡарайым.
Ком: 0 // Уҡынылар: 964 тапҡыр // Тотош уҡырға
Бәхетле ҡош балаһыИнде ярайһы уҡ һәйбәт осорға өйрәнгән, ҡыҙыҡһыныусан турғай балаһы асыҡ ишектән өй алдына осоп инде. Иҙәндә сысҡан тотоу өсөн әҙерләнгән ҡатырға киҫәгенә буялған елемде аҙыҡ тип уйланымы, шунда төшөп ҡуныуы булды – йәбеште бит. Ысҡынырға тырышып ҡуҙғалғайны, уң ҡанаты менән яртылаш уҡ батты. Ҡыҙғаныс тауыш менән сырҡылдағанға өйҙән дәрес ҡарап ултырған Руслан йүгереп сыҡты һәм әсәһен ярҙамға саҡырҙы.
– Әсәй, әсәй, елемгә сысҡан урынына ҡош балаһы эләккән бит, ни эшләр инде ул хәҙер? – тине ул, иларға етешеп.
Әсә менән ул осмаҡсы булып ҡатырғала талпынған ҡошсоҡто өйгә алып инде, елемде йылы һыуҙа әкрен генә ебетә-ебетә, уны “ҡапҡан”дан ысҡындырҙы.
Ком: 0 // Уҡынылар: 788 тапҡыр // Тотош уҡырға
Халҡыбыҙ шул тиклем һәләтле, оҫта: йыр-бейеүгә булһынмы, башҡа эшкә тотонһонмо — ҡулынан килмәгәне юҡ! Ауылдарҙағы хан һарайылай зауыҡ менән һалынған өйҙәр, семәрҙәре менән күҙҙең яуын алып, үҙҙәренә саҡырып торған ағас, тимер ҡапҡалар, йорттарҙағы йөҙлөктәр, кәрнистәр ошо хаҡта асыҡ һөйләй.
Хужалары менән танышһаң, тағы аптырашта ҡалаһың: ниндәй генә һөнәр эйәһе булыуҙарына ҡарамаҫтан, балта оҫталарын, техника “ене” ҡағылғандарҙы һанап бөтөрлөк түгел. Хужабикәләр араһында иһә, боронғо халыҡ шөғөлдәрен киләһе быуындарға ҡалдырып, балаҫ һуғыусылар, кейеҙ баҫыусылар етерлек, нағышлап таҫтамал, ашъяулыҡ сигеүселәр ҙә күп, үҙҙәренә генә хас биҙәкле шәл бәйләүселәр ҙә бихисап.
Ком: 0 // Уҡынылар: 661 тапҡыр // Тотош уҡырға
Әсәләргә — миҙалдарБашҡортостан Республикаһы Президенты Указына ярашлы "Әсәлек даны" миҙалы менән бүләкләнделәр:
Асҡын районы буйынса
Хөсәйенова Гөлнара Ғәбделйән ҡыҙы — Иҫке Ҡаҙансы ауылының урта дөйөм белем биреү мәктәбе уҡытыусыһы
Ауырғазы районы буйынса
Ғәлиева Рәсимә Рәшит ҡыҙы — хужабикә
Ком: 0 // Уҡынылар: 712 тапҡыр // Тотош уҡырға
Ғинуарҙа ямғырлап алһа, июлдә һалҡын булыр.
Ай кәртәләнһә – айылың, көн кәртәләнһә, көрәгең тот.
Өкө өкөлдәһә, һалҡынға;
Ҡарға ҡарҙа ҡойонһа, көн боҙолоуын көт.
Ҡаҙ һыңар аяғын ҡанаты аҫтына тыҡһа — һыуытыр.
Ком: 0 // Уҡынылар: 1915 тапҡыр // Тотош уҡырға
Комментатор ғына түгел, көйәрмәндәр ҙә "Салауат Юлаев" хоккей командаһының һуңғы уйынын ҡарағанда шулай уфтанғандыр. Ни тиһәң дә, Магнитогорскиҙың "Металлург"ы менән бәрелештәр һәр ваҡыт үтә лә көсөргәнешле бара. Был юлы ла тап шулай булды.
Венер Сафинды баш тренер вазифаһынан алғандан һуң уның урынына ваҡытлыса Владимир Юрзинов тәғәйенләнде, әммә бынан ғына хәлдәр ҡапыл ыңғай яҡҡа үҙгәреп китмәне. "Витязь" командаһын, былтыр чемпион булған "Динамо"ны ҡоро иҫәп менән еңһәк, "СКА"-нан отолдоҡ, ә "Аҡ барыҫ"тан 9:3 иҫәбенә еңелеүебеҙҙе күптәр оҙаҡ онота алмаҫ әле.
Ком: 0 // Уҡынылар: 718 тапҡыр // Тотош уҡырға
Бюджет, һалым, финанс һәм милек мәсьәләләре буйынса комитет ултырышы барышында медицина ойошмаларын Мотлаҡ медицина страховкаһы системаһы аша финанслау мәсьәләләренә арналған “түңәрәк өҫтәл” үтте. Унда республиканың Һаулыҡ һаҡлау министрлығы, медицина учреждениелары вәкилдәре, депутаттар ҡатнашты.
Медицина тармағын реформалау дауам итә. Быйыл, мәҫәлән, “ашығыс ярҙам” системаһын үҙгәрештәр көтә: һүҙ тармаҡты Мотлаҡ медицина страховкаһы фонды аша финанслау хаҡында бара. Ошоға бәйле ҡаршылыҡлы фекерҙәр ишетелеп тора.
Ком: 0 // Уҡынылар: 722 тапҡыр // Тотош уҡырға
Башҡортостан Президенты Рөстәм Хәмитов республиканың һаулыҡ һаҡлау министры Георгий Шебаевҡа Стәрлетамаҡ ҡалаһы дауаханаларында теркәлгән ике осраҡты ентекле тикшереү бурысын йөкмәтте.
Мәғлүм булыуынса, былтыр августа ҡаланың 1-се дауаханаһына юл-транспорт һәләкәтендә йәрәхәтләнгән, эсенә ҡан һауған ирҙе килтергәндәр. Операцияны ваҡытында эшләмәү сәбәпле, пациент вафат булған. Октябрҙә иһә Стәрлетамаҡтың 3-сө бала табыу йорто табиптары ни сәбәптәндер 40-41 аҙналыҡ йөклө 25 йәшлек ҡатынды ҡабул итеүҙән баш тартҡан. Ул икенсе көндө барыбер ошонда килгән, әммә үле бала тапҡан.
Ком: 0 // Уҡынылар: 496 тапҡыр // Тотош уҡырға
Сатлама һыуыҡ. Берәү урамда күптәнге танышын осрата.
– Бәй, һине туңып үлгәндер тип уйлағайным бит әле, – ти ул.
– Кем әйтә уны? Бына алдыңда баҫып торам да баһа, – тип ғәжәпләнә танышы.
– Һине шул тиклем күккә күтәреп маҡтағандарын ишеткәйнем...
Ком: 0 // Уҡынылар: 572 тапҡыр // Тотош уҡырға
Н. Ғәлимов һүҙҙәре.
Ф. Мортазин көйө.

Яҙҙар-йәйҙәр үтеп киткәс,
Һиҙмәнем көҙ еткәнен,
Йүләр йәшлек, егет саҡтың
Ғүмерҙәрҙең үткәнен.
Ком: 0 // Уҡынылар: 1128 тапҡыр // Тотош уҡырға