Төбәк үҫеше өсөн этәргесСаммиттар ике-өс көн генә барасаҡ, әммә уларҙың файҙаһы баһалап бөткөһөҙ
Башҡортостан донъя әһәмиәтендәге саралар үткәреүгә әҙерләнә — Өфөлә халыҡ-ара саммиттар үтәсәк. Ошоға бәйле әле йәмғиәттә төрлө фекер йөрөй. Бөгөнгө әңгәмә аша республика Хөкүмәте Премьер-министры урынбаҫары С.Т. СӘҒИТОВ мәсьәләгә асыҡлыҡ индерә.
— Салауат Тәлғәт улы, һеҙҙең менән Хөкүмәт Премьер-министры урынбаҫары итеп тәғәйенләнеп, иңегеҙгә Шанхай хеҙмәттәшлек ойошмаһы һәм БРИКС саммиттарына әҙерлек өсөн яуаплылыҡ йөкмәтелгәндән һуң осрашҡайныҡ. Ул осорҙа халыҡ-ара форумдар барышында ойоштороласаҡ саралар буйынса ла, уларҙы үткәреү урындары хаҡында ла аныҡ мәғлүмәт юҡ ине.
Ком: 0 // Уҡынылар: 841 тапҡыр // Тотош уҡырға
Ҡар-буран да ҡамасау түгелСәфәр сығыр көндө иртән ҡар яуып, буран ҡоторҙо. Мишкәлә лә һауа шарттары шундай икән. Беҙ бер аҙ албырғап ҡалдыҡ.
— Ҡасан килһәгеҙ ҙә рәхим итегеҙ! — тип хәлгә инергә тырыштылар район хакимиәтенән шылтыратып. Ләкин беҙҙең хәбәрселәр төркөмө, ҡар саҡ ҡына туҡтағайны, тәүәккәлләргә йөрьәт итте.
Машина кәйкәләй-кәйкәләй Бөрө ҡалаһын үтеп, Мишкә сигенә еткәс, беҙҙе район хакимиәтенең “УАЗ”-ы ҡаршы алды. Тракторҙар юлды таҙарта. Иншалла, район үҙәгенә хәүеф-хәтәрһеҙ “һә” тигәнсе барып еттек.
Ком: 1 // Уҡынылар: 914 тапҡыр // Тотош уҡырға
Иң мөһиме — быйыл да бергәбеҙБаҫманың аҙнаһына биш тапҡыр сыҡҡанына яҙылғандар отто
Яңы йылдың тәүге айында уҡыусыларыбыҙҙы барлау, баҫмабыҙға яҙылып, лотерея уйынында ҡатнашыу өсөн квитанцияларын редакцияға ебәргәндәр һәм иғлан ителгән акцияға ҡушылғандар араһында еңеүселәрҙе билдәләү матур йолаға әүерелде. Быйыл да гәзитебеҙҙең тоғро дуҫтарын оҙаҡ көттөрмәйек тип бәйгегә йомғаҡ яһарға ашыҡтыҡ.
Иң тәүҙә "Коллектив менән — "Башҡортостан"ға!" акцияһының еңеүселәрен асыҡланыҡ. Бүләк хужаларын билдәләү бурысын был юлы кескәйҙәргә түгел, ә баҫмабыҙҙың 2012 йылғы лауреаттарына тапшырҙыҡ. Әйткәндәй, улар ҙа быны ҙур ихласлыҡ менән атҡарҙы.
Ком: 0 // Уҡынылар: 791 тапҡыр // Тотош уҡырға
Хәрәкәт бәрәкәтле булһын ине(Рауил Бикбаев, "Ышаныстар һәм борсолоуҙар", 2012 йыл, 28 ноябрь)
Депутатыбыҙ үҙ яҙмаһын Рәсәйҙә барған бөгөнгө киҫкен, хәүефле мәсьәләләргә арнаған. Мәҡәләне ҡат-ҡат уҡып сығып, унда күтәрелгән проблемаларға ҡарата үҙ фекеремде белдермәксе булдым.
"Илар бала атаһының һаҡалы менән уйнай" тигән беҙҙең халыҡ. Рәсәйҙең ҡайһы бер ғалимдары, сәйәсмәндәре, булыр-булмаҫ депутаттары илде тотоп торған милли республикаларҙың, өлкәләрҙең бөтөн булыуын күрә алмай, үҙ мәнфәғәттәрен генә ҡайғыртып, бөгөнгө федераль ҡоролошто нисек тә юҡ итергә ынтыла. Заманында иң көслө тип иҫәпләнгән, ныҡ ҡоралланған армияға эйә булып, бөтә донъяны баҫып алып, миллиондарса халыҡты тубыҡландырырға маташҡан Гитлер ҙа юҡҡа сыҡты, халҡын оятҡа ҡалдырҙы. Бөгөн дә шуның аҙымын ҡабатларға теләүселәр бар, ахырыһы.
Ком: 0 // Уҡынылар: 984 тапҡыр // Тотош уҡырға
Бәләкәй, әммә зыяны ҙурБик тә хәүефле был сир тураһында күптәрҙең белмәүе ихтимал. Описторхоз — паразит сир. 6–13 мм оҙонлоғондағы бәләкәй генә селәүсендәр кеше организмындағы органик матдәләр иҫәбенә йәшәй. Описторхоз ҡарышлауығы менән зарарланған карп төркөмөнә ҡараған балыҡ ризыҡтарын ашағанда кешенең дә, бесәй, эт, төлкө һәм башҡа хайуандарҙың да сирләүе бар.
Ошо ваҡ ҡына ҡарышлауыҡтар бөйән эсәге һәм үт ҡыуығы аша бауырҙың үт юлдарына эләгә. Йыш ҡына улар ҡалҡан аҫты биҙендә һәм үт ҡыуығында ла осрай. Организмға эләккәндән һуң өс-дүрт аҙна эсендә гельминттар үҫеп етеп, йомортҡа һала башлай. Айырым паразиттың күпме ғүмер йәшәүе билдәле түгел.
Селәүсен менән зарарланған кешенең сәләмәтлеге күҙгә күренеп ҡаҡшай: бауыр, ашҡаҙан аҫты биҙе сирҙәре ҡалҡа, анемия күҙәтелә, аллергия йонсота.
Ком: 0 // Уҡынылар: 996 тапҡыр // Тотош уҡырға
Ғүмер бүләк ит!Ер шарында йәшәүсе һәр өсөнсө кеше донор ҡанына мохтажлыҡ кисерә. Рәсәйҙә лә ҡан тапшырыу мәсьәләһе бик мөһим. Йәмәғәтселектең хәлде яҡшы аңлауы һәм донорҙар хәрәкәтендә ҡатнашыуы сәләмәт быуын тәрбиәләүгә булышлыҡ итә.
Республиканың ҡан биреү станцияһы донорлыҡты пропагандалау, ҡанды һәм уның өлөшсәләрен әҙерләүҙе, ташыуҙы һәм һаҡлауҙы тәьмин итеү, медицина ойошмаларына ярҙам күрһәтеү үҙәге булып тора. Уның матди-техник кимәле юғары: донор ҡанын хәүефһеҙ, сифатлы итеп әҙерләүгә булышыусы кәрәкле заманса ҡорамалдар менән йыһазландырылған.
Ком: 0 // Уҡынылар: 954 тапҡыр // Тотош уҡырға
Миҙалдың икенсе яғыN районында бер йылда дәүләт бүләген алған биш ҡатындың дүртәүһе фажиғәле вафат булған
Әсә. Оло мәғәнәгә эйә был һүҙ. Әсә донъяға йән бирә, йәм өҫтәй. Ҡояш менән йәнәш ҡуйып йөрөтөлгән ошо илаһи һүҙ менән сабыйҙың теле асыла. Ғалимдар — хеҙмәттәрендә, шағирҙар ижадында уларға дан йырлай. Эйе, барыбыҙға ғүмер бүләк иткән әсәләр ҙур хөрмәткә, оло ихтирамға лайыҡ.
Йәшерен-батырын түгел: СССР тарҡалғас, илебеҙҙә ҡатын-ҡыҙға иғтибар кәмеп ҡалғандай булды. Хатта бер мәл ниндәйҙер аҡыллы баштар 8 Март байрамын юҡҡа сығарырға ла маташты. Аллаға шөкөр, сабыйҙарға ғүмер бүләк итеп, төн йоҡоларын йоҡламайса, уны бағып үҫтергән әсәләрҙе ҙурлау, уларға йылы ҡараш – республика етәкселегенең сәйәсәтендә төп йүнәлештәрҙең береһе.
Ком: 2 // Уҡынылар: 1336 тапҡыр // Тотош уҡырға
Хөрмәтле уҡыусыларыбыҙ! 2013 йылдың тәүге яртыһына яҙылыу барышында ла "Коллектив менән – "Башҡортостан"ға!" акцияһына дәррәү ҡушылып, баҫмабыҙға өҫтөнлөк биреүселәрҙең күп булыуы ихлас һөйөндөрҙө. Тимәк, фекерҙәштәребеҙ бар, һәм уларға артабан да таяна алабыҙ.
Бөгөн һеҙҙең иғтибарға рухлы, телһөйәр һәм киләсәгебеҙ өсөн яуаплылыҡ тойоусы хеҙмәткәрҙәр эшләгән белем усаҡтарының, гәзит редакцияларының һәм йәмәғәт ойошмаларының исемлеген тәҡдим итәбеҙ. Араларында быға тиклем үк беҙҙең менән тығыҙ бәйләнеш урынлаштырған, дуҫлыҡты нығытҡан байтаҡ мәктәп коллективының булыуы икеләтә һөйөнөслө. Уларға йәнә рәхмәт һүҙҙәрен еткерәбеҙ.
Ком: 0 // Уҡынылар: 863 тапҡыр // Тотош уҡырға
Илебеҙҙең өс төрлө юлдан үҫешеү мөмкинлеге бар
Рәсәйҙәр ни өсөн аҡса йыя?


Давоста үткән сираттағы Халыҡ-ара иҡтисад форумында был юлы Европаға һәм Грециялағы финанс көрсөгөнә бик аҙ иғтибар бүленде. Хәҙер бөтәһенең дә ҡарашы АҠШ-тағы һәм үҫешеүсе бүтән илдәрҙәге хәлгә йүнәлтелгән. Ни тиһәң дә, бөгөнгө донъя иҡтисадының нигеҙ ташы тип тап АҠШ-ты атарға була. Унда торғонлоҡ башланһа, һис шикһеҙ, бының бөтәһенә лә тәрән йоғонто яһауы һәм ҡотолғоһоҙ кире күренештәргә килтереүе ихтимал.
Ком: 0 // Уҡынылар: 1108 тапҡыр // Тотош уҡырға
Нефтекама ҡалаһында һуғыш, хәрби хәрәкәт һәм хеҙмәт ветерандарының меңдән ашыуы көн күрә. Һуңғы ике категорияға ҡарағандарҙы бергә туплаған йәмәғәт ойошмаһы уҙған быуаттың 90-сы йылдарында әүҙем генә эшләп килде, һуңыраҡ төрлө сәбәптәр арҡаһында тарҡатылды.
Ҡораллы Көстәр сафында Тыуған илде һаҡлауҙы һөнәр итеп һайлағандар үҙҙәренең социаль проблемалары менән яңғыҙы тороп ҡалды. Элекке хеҙмәттәштәр һәм фекерҙәштәр менән аралашыу, иҫтәлектәрҙе һәм көндәлек мәшәҡәттәрҙе уртаҡлашыу өсөн даими осрашып тороу тураһында онота ла башланы улар. Әлбиттә, ҡалала һуғыш һәм хеҙмәт ветерандары советы уңышлы һәм әүҙем эшләп килә.
Ком: 0 // Уҡынылар: 978 тапҡыр // Тотош уҡырға
Салауат ҡалаһында Чернобыль фажиғәһе эҙемтәләрен бөтөрөүҙә ҡатнашҡан өс батырҙың ғаиләһенә торлаҡ сертификаты тапшырылды.
Владимир Осадчий ҡырҡ йәшендә өс айҙан ашыу Чернобыль атом электр станцияһындағы шартлау менән бәйле махсус операцияла ҡатнашҡан.
— Рәсәй Хөкүмәтенең ярҙамын тойоп йәшәйбеҙ, аҡсалата түләүҙәрҙән һәм льготаларҙан файҙаланабыҙ. Хәҙер бына торлаҡ шарттарын яҡшыртырға ла мөмкинлек тыуҙы, — тип һөйөнөсө менән уртаҡлаша ул.
Чернобыль фажиғәһенән һуң 27 йылға яҡын ваҡыт үтте.
Ком: 0 // Уҡынылар: 912 тапҡыр // Тотош уҡырға
"Мосолмандар, үҙҙәре мохтажлыҡ кисереп торған хәлдә лә, кешенән ярҙамға өмөт итмәй. Аллаһтың ризалығы өсөн булһын тип, үҙҙәренә үтә лә ҡәҙерле ризыҡтан фәҡирҙәргә, етемдәргә өлөш сығара. "Асыу һәм күңелһеҙлектәр алып килгән Ҡиәмәт көнөндә Раббыбыҙҙың хөкөмөнән ҡурҡабыҙ", — ти улар. Шуның өсөн Аллаһ уларҙы ана шул көндөң бәлә-ҡазаһынан ҡотҡарыр, йөҙҙәренә — нур, күңелдәренә ҡыуаныс бирер".
Ком: 0 // Уҡынылар: 637 тапҡыр // Тотош уҡырға
Тәмәкегә ҡаршы көрәш артабан да ҡыҙмаҡсы. Рәсәйҙең Дәүләт Думаһы депутаттары закон проектына яңы төҙәтмәләр, өҫтәмәләр тәҡдим итә.
Шуларҙың береһе — сигаретҡа оҡшатып эшләнгән бөтә әйберҙе (хатта һағыҙҙы ла) етештереүҙе тыйған өҫтәмә. Тәмәкегә ҡаршы закон проектының офиста тәмәке тартыу бүлмәләрен булдырыуҙы һәм яңы фильмда, телевизион тапшырыуҙа, театр сәхнәһендә төтөн һурыуҙы күрһәтеүҙе тыйған яңы төҙәтмә менән дә тулыланыуы ихтимал. Иҫке фильмдарҙа тәмәке көйрәтеү күренештәрен юҡ итеп булмаһа ла, әмәлен тапҡандар: экранда тәмәкеселәр күҙгә салынып ҡалғандан һуң никотиндың зыяны хаҡында социаль реклама "көрәшкә сығасаҡ".
Ком: 0 // Уҡынылар: 856 тапҡыр // Тотош уҡырға
Былтыр Рәсәйҙә тыуым 6,4 процентҡа артып, нисбәте 100 мең кешегә 13,3 тәшкил иткән. Илдең 79 төбәгендә сабыйҙар элекке йылдарҙағынан күберәк тыуған.
Рәсәйҙең Һаулыҡ һаҡлау министрлығы тарафынан ошо көндәрҙә үткәрелгән видеоселектор кәңәшмәһендә республикабыҙҙың һаулыҡ һаҡлау министры урынбаҫары Рәлиҙә Шакирова, дауалау-иҫкәртеү учреждениеларының баш табиптары ҡатнашты. Былтыр илебеҙ халҡы 1 миллион 700 меңгә артҡан, тип билдәләнде унда. Тәбиғи артым — 4 мең 600 кеше. Сабыйҙар үлеме 8,8 промилле тәшкил итә.
Рәсәйҙең һаулыҡ һаҡлау министры урынбаҫары Татьяна Яковлева үҙенең сығышында илдәге демографик хәлгә баһа бирҙе.
Ком: 0 // Уҡынылар: 803 тапҡыр // Тотош уҡырға
Һуңғы йылдарҙа ғалимдар йәшел сәйҙең файҙаһы тураһында күп һөйләй. Швеция ғалимдарының асыҡлауынса, ҡара сәйҙең дә шифаһы күп: уны көн дә дүртәр сынаяҡ эскән кешелә инсульттың барлыҡҡа килеү хәүефе 21 процентҡа кәмей икән.
Быны асыҡлар өсөн ғалимдар ун йыл буйы 75 меңгә яҡын сәйхурҙы күҙәткән. "Ҡара сәйҙәге флавоноид тигән берләшмә йөрәк һәм баш мейеһе өсөн шифалы", — ти белгестәр.
Ҡара сәйҙең файҙаһын күрер өсөн бер нисә шартты үтәргә кәрәк: көнөнә дүрт сынаяҡтан да кәм эсмәҫкә, ҡан баҫымын контролдә тоторға, араҡы ҡулланмаҫҡа һәм тәмәке тартмаҫҡа.
Ком: 0 // Уҡынылар: 893 тапҡыр // Тотош уҡырға
Артҡа 1 2 Алға
Бит башына