Ҡаҙна төпһөҙ түгелПрезидент социаль мәсьәләләрҙе кредиттар аша хәл итергә саҡырҙы
Социаль мәсьәләләрҙе бюджет аҡсаһына ғына хәл итеү мөмкин түгел, шуға банктарҙың мөмкинлектәрен дә әүҙем ҡулланыу мөһим. Бөгөн иһә бөтәһе лә тик республика ҡаҙнаһы иҫәбенә башҡарыла. Рөстәм Хәмитов фекеренсә, был йәһәттән хәлде тамырҙан үҙгәртеү зарур.
Милли банкта үткән семинарҙа һүҙ ошо көнүҙәк мәсьәлә хаҡында барҙы. Унда министрлыҡ һәм ведомстволар етәкселәре лә ҡатнашты. Банктарҙың мөмкинлектәрен Башҡортостандың социаль-иҡтисади мәсьәләләрен тормошҡа ашырыуҙа әүҙемерәк ҡулланыуҙы иғтибар үҙәгенә сығарыу тәбиғи хәл. Сөнки был тармаҡта ла хәл итеүҙе талап иткән проблемалар байтаҡ.
Ком: 0 // Уҡынылар: 746 тапҡыр // Тотош уҡырға
Кемгә сувенир кәрәк?Баш ҡалабыҙҙа VI Халыҡ-ара балалар уйындары башланырға 28 көн ваҡыт ҡалды. Мөһим ярышҡа әҙерлек көндән-көн ҡыҙа бара. Ошо уңайҙан сауҙа нөктәләренә сувенирҙар, шулай уҡ өҫтәл һәм кеҫә календарҙары, шарф, башлыҡ, бейәләй кеүек йылы кейемдәр һатыуға сығарылды. Улар өфөләрҙең дә, баш ҡала ҡунаҡтарының да күңеленә хуш килер.
Ком: 0 // Уҡынылар: 788 тапҡыр // Тотош уҡырға
Беҙҙекеләр – чемпион!Тренер өсөн үҙеңдең тәрбиәләнеүсеңдең уңышын күреүҙән дә ҙурыраҡ ҡыуаныс бармы икән? Тимәк, хеҙмәтең бушҡа китмәгән, юлыңды дауам итерҙәй алмашсы үҫә.
Польшала боҙҙа мотоциклда уҙышыу буйынса командалар араһындағы донъя чемпионатында яҡташыбыҙ Николай Красников – унынсы, ә уның уҡыусыһы Дмитрий Колтаков тәүге алтын миҙалын яуланы. Команда составындағы Данил Иванов та (Тольятти,“Мега-Лада”) был еңеүгә тос өлөш индерҙе.
Санок ҡалаһындағы стадион шығырым тулы. Турнирҙың тәүге уҙыштарынан уҡ алтын миҙал өсөн Рәсәй менән Австрия командалары көрәшәсәге билдәле булды.
Ком: 0 // Уҡынылар: 810 тапҡыр // Тотош уҡырға
Иғтибар үҙәгендә — Йылайыр районыТөпкөлдә ятҡан хазинабыҙ
Был район Башҡортостандың көньяғында урынлашҡан. Өфөнән — 410, Сибайҙан 135 километр алыҫлыҡта. Халҡы 16 меңдән ашыу тәшкил иткән төбәктә 20-гә яҡын милләт йәшәй. Йылайыр менән Юлдыбай — райондың иң ҙур ауылдары. Һигеҙ Советтар Союзы Геройы, ике Социалистик Хеҙмәт Геройы ошонда тыуып үҫкән. Район аша Сибай – Ира, Юлдыбай – Аҡъяр автомобиль юлдары үтә.
Иҡтисадын ауыл хужалығы һәм ағас эшкәртеү тармаҡтары тотоп тора. Ҡыҙҙарбиргән ауылы эргәһендәге 600 йыллыҡ ҡарағастар тәбиғәт ҡомартҡыһы итеп ҡәҙерләп һаҡлана.
Ком: 0 // Уҡынылар: 1905 тапҡыр // Тотош уҡырға
Фән ағайҙың тормош фәне(Очерк)
Ҡырмыҫҡалы районындағы Ҡарлыман ауылының киң билдәле кешеләре мин яҙасаҡ геройҙар. Ауылдаштары уларҙы уҙамандар тип атай. Ваҡиғаларға бай, ҡатмарлы тормош юлы үткән, яҙмыштың әсеһен-сөсөһөн күп татыған, хеҙмәттә ҙур уңыштар ҡаҙанған Исхаҡовтар – тотош район халҡына өлгө шәхестәр.
Исемдәре Ҡарлыман
Ҡарлыман — Ҡырмыҫҡалы яҡтарында киң таралған исем. Ҡарлыман ауылы. "Ҡарлыман" станцияһы. Ҡарлыман шәкәр заводы. Ҡарлыман һөт-консерва комбинаты. Ҡарлыман спирт заводы. Ҡарлыман элеваторы. ...Ҡарлыман йылғаһы. Ҡарлыманбаш ауылының төньяҡ осонан баш алған был йылға, Сағыл һәм Ташэнкер ҡушылдыҡтарын үҙ эсенә алып, райондың көньяғын буйынан-буйына үтеп, Ағиҙелгә барып ҡоя.
Ком: 0 // Уҡынылар: 1348 тапҡыр // Тотош уҡырға
Хаҡтар арта, яза көсәйә...Ғәҙәттә, яңы закондар ғинуар башынан ғәмәлгә инә. Гәзит уҡыусылар иғтибарына Рәсәй халҡы өсөн иң мөһим үҙгәрештәрҙең ҡайһы берҙәре хаҡында ҡыҫҡаса мәғлүмәт тәҡдим итәбеҙ.
"Дима Яковлев законы" ғәмәлгә инде. Хәҙер Америка граждандарына Рәсәй балаларын уллыҡҡа алыу тыйыла. Ә ватандаштарыбыҙ өсөн был процедура, киреһенсә, ябайлаштырыла.
Етемдәр фатирға хоҡуҡ алды. Етемдәр һәм ата-әсә тәрбиәһенән мәхрүм ҡалған балалар өсөн махсуслаштырылған торлаҡ фонды булдырыла. 18 йәше тулыу менән етемдәр ошо фондтан биш йылға ҡуртымға фатир алырға хоҡуҡлы.
Ком: 0 // Уҡынылар: 951 тапҡыр // Тотош уҡырға
Биш быуын турнирыҮҙеңдең генә түгел, командалаштарыңдың да мөмкинлектәрен дөрөҫ тойомлауҙы, майҙанды тотош күрә белеүҙе, киләһе секундта ҡайһы уйынсының ниндәй урында булырын яҡынса тоҫмаллай алыуҙы талап иткән юғары интеллектуаль уйын тип һанайҙар волейболды.
Республиканың әле был, әле теге төбәгендә волейбол ярыштары үтеүе – матур күренеш. Улар күберәк ҡалаларҙа, район үҙәктәрендә уҙғарыла. Ә бына яңыраҡ бер ауылда спорттың ошо төрө буйынса алты команда көс һынашты тиһәм, ни әйтерһегеҙ?
Хәйбулла районының Ивановка ауылында үтте был ярыш. «Биш быуын турниры» тип аталды ул.
Ком: 0 // Уҡынылар: 1326 тапҡыр // Тотош уҡырға
Милләтте ҡурсалайҙар«Республикабыҙҙың төп милли баҫмаларының береһе «Башҡортостан»ды башҡорт теле һәм әҙәбиәте уҡытыусылары мотлаҡ алдырырға тейеш. Беҙ дәррәү яҙыласаҡбыҙ», — тигәйне Сибай ҡала хакимиәте мәғариф бүлегенең башҡорт теле буйынса методисы Айһылыу Моталлапова. Әйткән һүҙ – атҡан уҡ тигәндәй, улар гәзитебеҙгә тоғролоғон һаҡланы.
Ватанға, милләткә һөйөү тәрбиәләүсе, балаларҙың күңелендә осҡон ҡабындырыусы, рух уятыусы башҡорт теле һәм әҙәбиәте уҡытыусыларының хеҙмәте айырыуса ҙур иғтибарға лайыҡ. Тап улар ярҙамында балалар туған телебеҙҙең матурлығын тоя, халҡыбыҙҙың бай тарихи мираҫы менән таныша, башҡортомдоң үткәнен, бөгөнгөһөн һәм киләсәген белә. Шуға күрә уларҙы рух һаҡсылары, телебеҙҙе яҡлаусылар, милләтебеҙҙе ҡурсалаусылар тиһәк, һис яңылыш булмаҫ.
Ком: 0 // Уҡынылар: 1008 тапҡыр // Тотош уҡырға
Ҡая таштай бейек, юғары, күңел ярын ҡаға йырҙарыӘҙәбиәт дәресе бара. VIII класта Башҡортостандың халыҡ яҙыусыһы Зәйнәб Биишеваның "Һөнәрсе менән Өйрәнсек" исемле хикәйәте тикшерелә. Әҫәргә төрлө яҡлап анализ яһайҙар. Уҡытыусы сираттағы һорауын бирә:
— Ә һеҙ нисек уйлайһығыҙ? Һөнәрсенең эшләгән көршәктәрен Өйрәнсектең баҙарға алып барып һатыуы дөрөҫмө?
Шул саҡ артҡы рәттә ултырған ҡараҡай ғына ҡыҙ ҡулын күтәрҙе лә, уҡытыусы һүҙ биргәс:
— Дөрөҫ! — тип яуап ҡайтарҙы.
Асыҡ дәрескә инеп ултырған тиҫтәләгән яҙыусы бер-бер артлы көлөп ебәрҙе.
Ком: 0 // Уҡынылар: 2263 тапҡыр // Тотош уҡырға
Ҡотлайбыҙ!Нефтекама дәүләт филармонияһы директоры Рәйес Абдрахман улы Исмәғилевте 60 йәшлек күркәм юбилейы менән ҡайнар ҡотлайбыҙ!
Ҡәҙерле кешебеҙгә ныҡлы һаулыҡ, бәхет, бәрәкәтле имен тормошта оҙон ғүмер кисереүен теләйбеҙ. Иртәләрең ҡояшлы, көндәрең көләс, кистәрең айлы, уйҙарың яҡты, күңелең тыныс булһын.
Именлектә йәшә, ҡәҙерлебеҙ,
Көндәреңде шатлыҡ биҙәһен.
Ком: 0 // Уҡынылар: 850 тапҡыр // Тотош уҡырға
Уҙған ял көндәрендә республикала ҡырағай йәнлектәргә законһыҙ һунар итеү осраҡтары теркәлгән.
Йәкшәмбе Красный Холм — Нефтекама автомобиль юлында юл-патруль хеҙмәте инспекторының иғтибарын автомобиль тағылмаһындағы ҡаргиҙәр йәлеп итә. Өҫтәүенә, машина хужаһы багажнигын асыуҙан баш тарта. Автомобиль Рәсәй Эске эштәр министрлығының Ҡалтасы район бүлегенә килтерелә. Уның багажнигына мышы түшкәһе тейәлгән була.
Полиция бүлеге начальнигы Илдар Абдуллиндың фекеренсә, браконьерҙар ҡаргиҙәр менән Борай районында законһыҙ һунар иткән.
Ком: 0 // Уҡынылар: 820 тапҡыр // Тотош уҡырға
Тыуған еребеҙҙең, тирә-яҡ тәбиғәттең яҙмышына бер кем дә битараф түгелдер. Тәбиғи ҡомартҡыларҙы һаҡлау, йылға-күлдәребеҙҙе мул һыулы, саф итеп тотоу, урман-туғайҙарыбыҙҙы сүптән таҙартыу һымаҡ оло һәм изге бурыс иңгә һалынған. Балаларыбыҙға, ейән-ейәнсәрҙәребеҙгә беҙҙән ни ҡалыр? Һорауҙар, һорауҙар...
Уларҙың күптәренә яуапты “Башҡортостан” гәзите Тирә-яҡ мөхитте һаҡлау йылына арнап ойошторған “тура бәйләнеш” аша алырға мөмкин. Башҡортостан Республикаһының тәбиғәттән файҙаланыу һәм экология министры Илдар Рим улы Һаҙыев һеҙҙең һорауҙарығыҙҙы, үтенестәрегеҙҙе буш ҡалдырмаҫ, сетерекле мәсьәләләр буйынса ла ярҙам итер, тип ышанабыҙ.
Ком: 0 // Уҡынылар: 692 тапҡыр // Тотош уҡырға
22 февралдә Башҡортостан Журналистар союзының сираттағы ХIХ съезы үткәрелә. 22 ғинуарҙа уҙған Журналистар союзы идараһы пленумында ошондай ҡарар ҡабул ителде.
Сараға бәйле 8 февралгә тиклем тәүге ойошмаларҙың йыйылышы үткәрелергә һәм съезға делегат һайланырға тейеш.
Башҡортостан Журналистар союзының яуаплы секретары Марат Саттаров әйтеүенсә, идара ағзалары һәм Журналистар союзының район-ара ижад берекмәләре рәйестәре делегация составына инә, съезда ла мотлаҡ ҡатнаша.
Ком: 0 // Уҡынылар: 857 тапҡыр // Тотош уҡырға
Республика клиник психотерапия үҙәгендә Башҡортостандың Бала хоҡуҡтары буйынса вәкиле Милана Скоробогатова ҡатнашлығында аяуһыҙ мөғәмәлә итеүҙән зыян күргән балаларҙы реабилитациялау мәсьәләләре буйынса кәңәшмә булды. Унда Башҡортостандың Эске эштәр министрлығы, Тәфтиш комитеты, Юғары суд, Өфө ҡалаһы хакимиәте вәкилдәре ҡатнашты.
Былтыр октябрҙә асылған был үҙәк – неврология сирҙәрен дауалау һәм иҫкәртеү буйынса республикалағы берҙән-бер учреждение. Рәсәйҙең башҡа төбәктәре әлегә бындай мөмкинлек менән маҡтана алмай: ошондай уҡ ойошма Чита һәм Новосибирск өлкәләрендә генә бар.
Учреждениеның әһәмиәтен баһалау өсөн ҡайһы бер мәғлүмәттәргә күҙ һалыу ҙа етә.
Ком: 0 // Уҡынылар: 736 тапҡыр // Тотош уҡырға
Башҡортостан Президенты Рөстәм Хәмитовтың “Рәсәй вертолеттары” асыҡ акционерҙар йәмғиәтенең генераль директоры Дмитрий Петров менән осрашыуында Күмертау авиация предприятиеһын үҫтереү мәсьәләләре тикшерелде.
Дмитрий Петров әйтеүенсә, был – уның республика Президенты менән сираттағы осрашыуы.
— Беҙ бер нисә мәсьәләне тикшерҙек, улар Президентта хуплау тапты. Шулай уҡ композит материалдар етештереү, яңы завод асыу, ошо предприятиеның милкенә идара итеүҙә республиканың ҡатнашыу мәсьәләләрен ентекле тикшерҙек, — тине вертолет холдингы башлығы осрашыу йомғаҡтары буйынса.
Ком: 0 // Уҡынылар: 695 тапҡыр // Тотош уҡырға
Артҡа 1 2 Алға
Бит башына