Уҡымышлы кешенең һүҙе тәмле, тиҙәр халыҡта. Күрәһең, был әйтем уңған уҡытыусы Нурзилә Хәсәнова кеүектәр хаҡындалыр. Ул Күгәрсен районының Хоҙайбирҙин урта мәктәбендә башҡорт теле һәм әҙәбиәтенән уҡыта. Йәш булыуға ҡарамаҫтан, Нурзилә Хисмәтулла ҡыҙы хеҙмәттәштәре, уҡыусылары араһында күптән абруй ҡаҙанып өлгөргән.
З. Биишева исемендәге Стәрлетамаҡ дәүләт педагогия академияһында һабаҡ алған йәш белгес һәр дәрескә етди әҙерләнә. Бөтәбеҙгә лә билдәле бит инде: әгәр уҡытыусы үҙе бала күңеленә юл тапмаһа, уҡыусыға уның фәне оҡшамаясаҡ. Ә инде һәр кемгә иғтибарлы, алсаҡ йөҙлө, яғымлы апайҙың дәрестәренә теләп йөрөйҙәр.
— Беҙҙең уҡыусылар әҙәбиәтте ярата, — тип һөйөнә Нурзилә Хәсәнова.

Журналист һөнәренең ни тиклем үҙенсәлекле, яуаплы, ҡатмарлы икәнлеген аңлатып тороу кәрәкмәй: ул – йәмәғәтселек фекерен таратыусы, халыҡ тауышын яңғыратыусы. Быға өҫтәп, бәлки, бәғзеләр: “Шул бурысты үтәй кеүек”, – тиер. Һәм бәхәсләшергә, ысынлап та, урын бар, сөнки һуңғы йылдарҙа журналистиканың яҙмышы икенсе йүнәлеш алды, заман башҡа – заң башҡа тигәндәй, тармаҡ киҫкен үҙгәрештәр кисерә. Мәғлүмәт киңлегендә минут һайын яңылыҡ. Ошонан сығып, ҡайһы берәүҙәр телевидение менән Интернеттың матбуғатҡа аныҡ хәүеф менән янағанын аңғартырға ярата. Ә әлеге шарттарҙа милли баҫмаларҙы ни көтә? Мәғлүмәти йәһәттән сағыштырғыһыҙ өҫтөнлөк менән файҙаланған конкуренттар араһында төрлө телдә сыҡҡан гәзит-журналдар артабанғы үҫешкә өмөт итә аламы?

Ғәзиз башҡорт теленең яҙмышы хаҡында уйланыуҙар көндәлек тормошобоҙҙоң айырылғыһыҙ өлөшөнә әйләнде кеүек. Борсолоу, икеләнеү, шатланыу, өмөтләнеү... Бөгөн, Халыҡ-ара туған телдәр көнөндә, йыш үҙгәреүсән был тойғо күңелде тотош ялмап алғандай. Милләтебеҙҙе киләсәктә нимә көтә? Республикабыҙҙа башҡорт телен уҡытыу, һаҡлау һәм үҫтереү өсөн тейешле шарттар бармы? Ул, дәүләт статусына эйә булараҡ, үҙенә тәғәйен яҡлауҙы табамы? Ауырлыҡтар аша яуланған ҡаҙанышыбыҙҙы юғалтыу янамаймы беҙгә? Ошо һорауҙарға ҡыҫҡаса ғына асыҡлыҡ индереп ҡарайыҡ.
Баш ҡалаға милли төҫ инә
Күҙәтеүҙе Өфөнән башлайыҡ. Республикабыҙҙың баш ҡалаһы һуңғы ваҡытта айырыуса күркәмләнде: урамдар киңәйтелә, йорттар, биналар төҙөкләндерелә, яңылары аяҡҡа баҫа.

Шатлыҡ тулы күҙҙәр, йылмайыуҙан тыйыла алмаған йөҙҙәр... Нимәгә ҡыуана һуң был сабыйҙар шул тиклем? Шатланмаїлыҡ та түгел шул: уларға – балалар йорто тәрбиәләнеүселәренә – ҡунаҡҡа йәш "йондоҙҙар" үҙҙәре килгән бит! Йыр-моңға бай концерт ойоштороп ҡына ҡалмаған, бихисап бүләк тапшырған, шулай уҡ эс серҙәре менән дә бүлешкән бит әле улар!
Эйе, балалар йортонда тәрбиәләнеүселәрҙе яҙмыш аямаған, сабый ғына булыуҙарына ҡарамаїтан, уларға был тормоштоң ауыр һынауҙары аша үтергә тура килгән. Үкенескә, йыш ҡына күптәребеҙ ошоно онотоп китә шул. Ләкин етемдәрҙең мәнфәғәтен ҡайғыртҡандар, уларҙы хәстәрләгәндәр ҙә бихисап. Ошондай кешеләр араһында йәш быуын вәкилдәренең булыуы бигерәк тә шатлыҡлы.

Башҡорт шиғриәтендә бына ярты быуат инде гәлсәрҙәй саф бер тауыш — Сафуан Әлибай тауышы — тау шишмәһеләй сылтырап, киң донъяға ағыла ла ағыла. Беҙ был тауышҡа, үтә лә тәбиғи, тыйнаҡ, яғымлы ижадҡа шул тиклем өйрәнеп бөткәнбеҙ һәм, үкенескә, уның уңыштарын, табыштарын ваҡытында күреп, әйтер һүҙебеҙҙе әйтеп тә бармайбыҙ. Ә ул, атаҡлы Салауат һандуғастары һымаҡ, шөкөр, һаман-һаман үҙ йырын йырлай ҙа йырлай. Йырламай буламы һуң: ул бит — изге Салауатыбыҙ төйәгендә тыуып үїкән Салауат рухлы, Рәми йөрәкле шағир. Шиғриәтебеҙҙә күптән инде үҙ урынын, үҙ моңон, үҙ юлын тапҡан, айырыуса балалар әҙәбиәте үїешенә ғәйәт ҙур өлөш индергән үҙенсәлекле шәхес булып танылды Сафуан Әлибай.

Өләсәйем Дағиә Хафиз ҡыҙы Ғиззәтуллина – Герой әсә, әлеге ваҡытта Өфө ҡалаһында йәшәй. Ул 1929 йылда Бөрйән районының Аїҡар ауылында ғаиләлә беренсе бала булып донъяға килгән. Атаһы Хафиз Әһлиулла улы һуғышта хәбәрһеҙ юғала, шуға күрә, иң оло бала булараҡ, тормоштоң бөтә ауырлығын бик иртә татый башлай ул.
Зифа буйлы, һомғол кәүҙәле, аҡыллы, етди ҡарашлы булғанғамылыр, йәштәштәренән күпкә олораҡ күренә, шуға ла өләсәйемде Янһары, Бикташ, Аралбай ауылдарына уҡытыусы итеп ебәрәләр. Шул осорҙа Баймаҡ районындағы Темәс педагогия училищеһына уҡырға инә. Бер ауылдан өс ҡыҙ китәләр. Тик уҡыу йортон тамамларға насип булмай: ҡышҡы кейемдәрен алырға тип 110 километр алыїлыҡтағы Темәстән йәйәү ҡайталар, ә кире барырға булғас, иптәш ҡыҙҙары уҡыуҙы дауам итә алмаїын әйтә.

Телефон көтмәгәндә шылтыраны.
— Ни х-хәлдә? Ни эш ҡырып ятаһың?
Был һәр саҡ һүҙҙәр араһына аҙ ғына пауза ҡуйып, берәмтекләп, өҙөп-өҙөп әйткән Әнғәм ағай Атнабаевтың тауышы ине. Шулай йыш ҡына көтмәгәндә шылтырата торғайны ул. Йә яңы шиғыр яҙһа, шуны тиҙерәк ишеттергеһе килһә, йә байрам-фәлән менән ҡотлап, йә башҡа сәбәп менән. Беләм, миңә генә түгел, яҡын күргән тағы бер нисә кешеһенә шылтырата, бигерәк тә яңы әҫәр яҙғас.
Бер ваҡыт шулай, яңы пьесаһын тамамлағас, кил әле, ти. Килдем. “Юлдар өҙөлгән ваҡыт” тигән әїәрен бер тында уҡып ишеттерҙе.

Депутаттар торлаҡты түләүһеҙ хосусилаштырыу ваҡытын оҙайтты
Йәшәгән торлағыңды шәхси милеккә бушлай күсереү мөмкинлеге быйылғы 1 марттан бөтөргә тейеш ине. Уны 2015 йылдың мартына тиклем оҙайтыу тураһындағы закон проектын үткән аҙнала барлыҡ дүрт фракция етәкселәре Дәүләт Думаһы ҡарамағына тәҡдим итте. Документ, бер юлы өс уҡыуҙа ҡаралып, ҡабул ителде.
Унан алда Рәсәй Президенты Владимир Путин илдең бөтә граждандарына ла торлаҡты түләүһеҙ хосусилаштырыу хоҡуғын биреү тәҡдиме менән сығыш яһағайны.

131-се Федераль закон ауыл биләмәләре башлыҡтарына күп бурыс йөкмәтә. Квартал һайын республика ҡаҙнаһынан бүленгән аҡсаға улар нимә лә булһа ла эшләргә тырыша, әммә күпселек осраҡта барыһы ла килеп сыҡмай. Ни өсөн?
Сөнки беҙҙең илдәге закондарҙың күбеһе төптән уйланылмаған. Закон бар, ә уны тормошҡа ашырырға сығымдар юҡ. Мәҫәлән, бөгөн беребеҙ ҙә янғын хәүефенән азат түгел. Көн һайын утта әллә күпме кешенең ғүмере өҙөлә, йорт-мөлкәт юҡҡа сыға. Үкенескә ҡаршы, ауылдағы янғын күпселек осраҡта фажиғә менән тамамлана. Әйткәндәй, үрҙәге закон буйынса, ут сығыуҙан һаҡланыуҙың төрлө юлдарын табыу, район үҙәгенән алыҫ урынлашҡан төбәктәрҙә һүндереү командаларын тергеҙеү зарур.

Эшҡыуарҙарҙың мәнфәғәтен һәм хоҡуғын яҡлауға арналған, бизнес-омбудсмендың эшмәкәрлеген төплө яҡтыртҡан мәҡәләләргә ижади конкурс иғлан ителде.
Ул ошо темаларҙы республикабыҙ баҫмаларында киңерәк сағылдырыу маҡсатында үткәрелә. Конкурсҡа 2012 йылдың 1 ноябренән 2013 йылдың 30 апреленә ҡәҙәр баҫылған эштәр ҡабул ителә. Мәҡәләләрҙе быйылғы 3 майға тиклем Өфө ҡалаһы, Пушкин урамы, 95-се йорт, 319-сы бүлмә (тел. 280-85-41) адресына "Конкурсҡа" тип билдәләп ебәреү мотлаҡ. Сараның положениеһы менән http://upprb.bashkortostan.ru/ obshchestvennost/contest/ һылтанмаһы буйынса танышырға мөмкин.