Шулай тигән Миңлеғәле Шайморатов "Ниңә һин үҙебеҙҙең ҡыҙҙы түгел, ә ситтән мәрйә алдың" тигән һорауға яуап итеп.
Сит-ят тарафта оҙаҡ йөрөнө ул. Тыуып үҫкән Биштәкәһенә егерме йыл ҡайта алманы. Беҙ уны үтә ҡатмарлы һәм яуаплы хәрби разведчик хеҙмәтенә йәне-тәне менән бирелгән яугир итеп күҙалларға күнеккәнбеҙ. Армия сафына 1919 йылда үҙ теләге менән алынғандан һуң үҙен оҫта һыбайлы, разведчик итеп танытып өлгөрә. Блюхер армияһы сафында Колчак ғәскәренә ҡаршы һуғыштарҙа йәрәхәтләнә. Граждандар һуғышы тамамланып та өлгөрмәй, ул уҡырға ебәрелә.
Ком: 1 // Уҡынылар: 888 тапҡыр // Тотош уҡырға
Гәзит, ир-егеттәр тәрбиәләү мәсьәләһенә мөрәжәғәт итеп, шәп эш башланы. Форсаттан файҙаланып, мин дә ҡайһы бер фекерҙәремде еткерергә теләйем.
Әлбиттә, көслө зат вәкилдәренең үҙҙәрен ысын ир булараҡ тойоуы күп осраҡта беҙгә, ҡатын-ҡыҙҙарға, бәйле. Миңә, Өфө мәктәптәренең береһендә уҡытыусы булып эшләгән кешегә, коллегаларым, әхирәттәрем менән ир-ат хаҡында күп һөйләшергә тура килә. Үкенескә ҡаршы, беҙҙең башҡорт ҡатын-ҡыҙҙарына тиҫкәрелек, йәғни "минеке генә дөрөҫ" тигән бер алама һыҙат хас.
Ком: 0 // Уҡынылар: 559 тапҡыр // Тотош уҡырға
Балаларығыҙҙы тәрбиәләүҙе иң кескәй саҡтарынан башлағыҙ. Уларҙың күңеленә күркәм холоҡ орлоҡтары сәсегеҙ. Кешелеклелек һәм изгелектең нисек булыуын аңлатығыҙ, урынына ҡарап бер аҙ йомшаҡ һәм ваҡытына ҡарап бер аҙ ҡатылыҡ та күрһәтегеҙ, ләкин ҡурҡып түгел, тулыһынса дөрөҫ эшләүен аңлап, һүҙегеҙ буйынса ғәмәл итеүсе булыуҙары менән ғорурланығыҙ.
Балаларығыҙҙың үҙҙәрен һәм уларҙың күҙ алдында башҡаларҙы һүкмәгеҙ. Әгәр кешегә яман һүҙ әйткәнен ишетһәгеҙ, ҡаршы булығыҙ, һүгергә өйрәнмәһендәр.
Балаларығыҙ алдында үҙегеҙҙе хөрмәтле тотоғоҙ, улар һеҙҙән ғорур булырға өйрәнһен, шуның арҡаһында ғаилә эсендә татыулыҡ һәм мөхәббәт хөкөм һөрөр.
Ком: 0 // Уҡынылар: 570 тапҡыр // Тотош уҡырға
Ағайым минең
Һалдаттан ҡайтты!
Күңелдә — шатлыҡ,
Өйҙә йәм артты!

— Кей фуражка, — ти. —
Ҡайыш быу әле —
Кескәй һалдатҡа
Оҡшап ҡуй әле!
Ком: 0 // Уҡынылар: 544 тапҡыр // Тотош уҡырға
Өммөгөлсөм өләсәйемдең бала сағы ауыр һуғыш йылдарына тура килгән. Шулай ҙа бирешмәгән ул. Олатайым менән биш бала тәрбиәләп үҫтергәндәр.
Өләсәйем әле районыбыҙҙың Ураҙбай ауылында йәшәй. Беҙгә килһә, әкиәттәр һөйләй, кәңәштәр бирә, "аҡыллы булығыҙ" тип өйрәтә. Өләсәйебеҙҙе бик яратабыҙ, һағынып көтөп алабыҙ. Ҡәҙерлебеҙгә оҙон ғүмер, һаулыҡ теләйем.
Ком: 0 // Уҡынылар: 2461 тапҡыр // Тотош уҡырға
Тирә-яҡ мөхитте һаҡлау йылында кешеләр тәбиғәтте ҡурсалау тураһында уйлана башлар тип ышанам.
Юғиһә, бигерәк шашып киттеләр. Мәҫәлән, туристар ял иткән ерҙә буш шешәләр, консерва һауыттары ятып ҡала. Усаҡтарын һүндермәй китеп, янғын сығаралар.
Ауылдың эсендә лә шул уҡ хәл. Беҙҙә мал ете шишмәнән һыу эсә, һәм был ерҙәргә яҡын барырлыҡ түгел: тиҙәк менән тулған. Ундай миҫалдарҙы бик күп килтерергә мөмкин. Тәбиғәткә иғтибарлы булһаҡсы!
Ком: 0 // Уҡынылар: 557 тапҡыр // Тотош уҡырға
Тәбиғәтте һаҡлау — беҙҙең бурыс, сөнки уның менән тығыҙ бәйлебеҙ.
Ҡышҡыһын ҡоштарға тағараҡ ҡуйырға кәрәк. Улар һыуыҡта ас йөрөмәҫ. Йәй еткәс, үҙҙәре беҙгә ярҙам итер — баҡсаны ҡоротҡос бөжәктәрҙән таҙартыр.
Ҡышҡы һалҡында боландар ҙа ыҙалай. Уларға һоло, бесән һалырға кәрәк.
Ком: 0 // Уҡынылар: 617 тапҡыр // Тотош уҡырға
Һәр кемдең тыуып үҫкән изге төйәге бар. Минеке — Бөрйән районының иң матур ерендә урынлашҡан Әбделмәмбәт ауылы.
Ул ғорур Аҡбейек, Ҡараташ тауҙары араһында ята, йылғалар менән уратып алынған. Урманыбыҙ йәнлеккә, емеш-еләккә бик бай.
Ауылыбыҙҙа матур мәктәп, мәҙәниәт йорто, балалар баҡсаһы бар. Быйыл боҙ майҙансығы төҙөлдө. Унда рәхәтләнеп коньки шыуабыҙ.
Ауылымды бик яратам, киләсәктә төйәгемә кәрәкле кеше булырмын.
Ком: 0 // Уҡынылар: 561 тапҡыр // Тотош уҡырға
Тәбиғәт ғүмер, көс бирә
Кешеләргә йәшәргә.
Рәнйетмәйек беҙ уны,
Әйҙә, һаҡлайыҡ бергә!
Ком: 0 // Уҡынылар: 1085 тапҡыр // Тотош уҡырға
Китеп барам урманға,
Матурлыҡҡа һоҡланып:
Тирә-йүнде ҡар баҫҡан,
Тәбиғәт ҡалған тынып.

Эй рәхәт тә һуң урманда —
Әкиәт донъяһында!
Ком: 0 // Уҡынылар: 670 тапҡыр // Тотош уҡырға
Артҡа 1 ... 5 6 7 8 9 10 11 12 13 ... 43 Алға
Бит башына