Төп һөҙөмтә — дуҫлыҡӨфөләге Халыҡ-ара балалар уйындары юғары баһаланды
Дүрт көн һиҙелмәй ҙә үтеп китте, был осорҙа донъяның 20 иленән килгән меңләгән бала спорт ярыштарында ҡатнашып ҡына түгел, үҙ-ара дуҫлашып та өлгөрҙө.
“Мираҫ” халыҡ бейеүҙәре ансамбле сығышынан һуң сәхнәгә Халыҡ-ара балалар уйындары комитеты президенты Торстен Раш күтәрелде.
– Бер нисә көн эсендә яҡшы һөҙөмтәләр күрһәттегеҙ, – тине ул, балаларға мөрәжәғәт итеп. – Бөтә ярыштарҙа ла һеҙҙең оҫталыҡҡа шаһит булдыҡ. Был Уйындар иң матуры булып иҫтә ҡаласаҡ. Донъя тарихында тәүге тапҡыр Рәсәйҙә үткән был сара юғары кимәлдә ойошторолған! Бөтәһе лә яҡшы булды. Дуҫлыҡ еңде. Рәхмәт һеҙгә!
Ком: 0 // Уҡынылар: 883 тапҡыр // Тотош уҡырға
Бергә атлау еңелерәкЯңыраҡ баш ҡалала күп тапҡыр Паралимпия чемпионы Рима Баталованың «Милләтебеҙҙең аҡыл ҡеүәһе» төбәк йәмәғәт фонды асылды.
Тантанала ҡатнашыусыларҙы Башҡортостан Хөкүмәте Премьер-министры урынбаҫары Марат Мәһәҙиев тәбрикләне.
– Башҡортостанда спортты яраталар, уның менән әүҙем шөғөлләнәләр. Был хаҡта юғары уңыштар, яҡшы һөҙөмтәләр һөйләй. Рима Баталова, спорттан китһә лә, Дәүләт Думаһы депутаты булараҡ, Башҡортостанда спортты үҫтереүгә ҙур көс һала, – тине ул һәм Президент Рөстәм Хәмитовтың Рәхмәт хатын тапшырҙы.
Был Фонд мөмкинлектәре сикләнгән балаларға ярҙам йөҙөнән асыла.
Ком: 0 // Уҡынылар: 755 тапҡыр // Тотош уҡырға
Импорт ҡыҫырыҡлай. Беҙҙекеләр бирешмәй...Бөтә донъя сауҙа ойошмаһына инә барыуыбыҙ үҙен ныҡлы һиҙҙерә башланы. Быны, моғайын, тәү сиратта ит, һөт ризыҡтары етештереү тармағында эшләүселәр тойғандыр. Уның тулҡыны бигерәк тә сусҡасылыҡ менән шөғөлләнеүселәрҙең бәкәленә һуҡты. Ситтән осһоҙ хаҡҡа килтереп тултырылған ит беҙҙең етештереүселәр файҙаһына түгел. Төрлө илдәрҙән ағылған сеймалдан тауарға әйләндерелгән ит ризыҡтары кәштәләрҙән урынды ныҡлап ала башлағас, беҙҙекеләр ҙә хаҡты төшөрөргә мәжбүр булды. "Бының нимәһе насар һуң?" — тип, тәү ҡарашҡа дөрөҫ һорау бирер уҡыусы. Осһоҙ, хатта сәйер иттең беҙгә ағылыуы океан аръяғы, Европа фермерының кеҫәһен ҡалынайтыуға, ошо илдәрҙең ауыл хужалығын ҡарауға, ҡаҙнаһын тулыландырыуға китәсәк.
Ком: 1 // Уҡынылар: 775 тапҡыр // Тотош уҡырға
"Театрҙа тыуҙым, шунда үлгем килә..."Башҡорт сәнғәтенең һүнмәҫ йондоҙо, ғәжәйеп талантлы режиссер Булат Имашевты, бәлки, йәштәребеҙ белеп тә бөтмәйҙер әле. Үкенес, мин заманында республикабыҙ сәхнәһен шаулатҡан, театр сәнғәтен үҫтереүгә бар булмышын биргән был шәхестең туғандары менән улар иҫән саҡта осраша алманым. Шуныһы ҡыуаныслы: яҡын ҡәрҙәше Резеда Имашева күренекле сәнғәт әһеле хаҡында мәғлүмәт туплау менән шөғөлләнде, танылған журналист Рәүеф Насиров иһә матбуғатта «Имаш емештәре өлгөргән саҡ» тигән мәҡәләләр менән сығыш яһаны. Ә бына РСФСР-ҙың халыҡ артисы Шамил Рәхмәтуллин 1995 йылда остазының хәтер кисәһендә режиссер сифатында ҡатнашты. Өҫтә телгә алынған журналистар, шулай уҡ Өфөләге коллегалары кисәне ойоштороуға, уның сценарийын төҙөүгә ҙур көс һалды.
Ком: 0 // Уҡынылар: 834 тапҡыр // Тотош уҡырға
Һәр ҡайһыһы тажға лайыҡАлтын ялатылған көмөштән яһалған, аҫылташтары күҙҙе сағылдырып балҡыған 100 мең һумлыҡ тажды кем кейер? Быны 6 мартта “Нефтсе” мәҙәниәт һарайында уҙасаҡ “Һылыуҡай” республика гүзәллек конкурсында белербеҙ. Ҡыҙҙарҙың тырышып әҙерләнеүенә ҡарағанда, таж өсөн бәйге бик ҡыҙыу булмаҡсы.
Репетиция залына ингәс тә өйөрөлә-өйөрөлә бейеү хәрәкәттәрен ҡабатлаған Мәсетле районы ҡыҙы Айгөл Вәлиеваны осраттыҡ. Бер аҙ ситтәрәк Баймаҡ һылыуы Нурсилә Фәхретдинова Факил Мырҙаҡаевтың “Фәһемле фекерҙәр” китабын уҡып ултыра ине. “Аң даирәһен, зирәклекте тикшерә торған һынауға әҙерләнәм”, — тип аңлатты ул. Ҡалған һылыуҡайҙар сәхнәлә шөғөлләнә ине. Ғөмүмән, бында һәр минут ҡәҙерле.
Ком: 0 // Уҡынылар: 1192 тапҡыр // Тотош уҡырға
...Үҙебеҙҙең аттың бер дағаһын күккә ҡуяһы бар ҡаҙаҡлап...Даға
Фрузаға
Үҙ ғаләме кеүек күрҙе атай
Ауыл осондағы урманды.
Ул урмандың борма һуҡмаҡтары
Беҙҙең яҙмышҡа ла уралды.
Төпкөл яландарҙың уйһыуында
Нисәү ине икән шишмәбеҙ?
Ком: 1 // Уҡынылар: 907 тапҡыр // Тотош уҡырға
Хаҡлыҡ еңәсәгенә ышандыҮткән йылдың декабрендә ғалим-геолог, журналист, “Башҡортостан” (ул саҡта “Совет Башҡортостаны”) гәзитенең иң әүҙем уҡыусыһы һәм авторҙарының береһе, ысын мәғәнәлә халыҡ улы Диҡҡәт Насретдин улы Бураҡаевҡа 80 йәш тулған булыр ине.
Башҡорт халҡының арҙаҡлы улын оло хөрмәт менән иҫкә алып, Мәрйәм Бураҡаеваның “Арғымаҡ” китабынан өҙөк тәҡдим итәбеҙ.
Баш ҡалабыҙ Өфөлә бер генә башҡорт мәктәбе лә булмауы һәм уны мотлаҡ асырға кәрәклеге хаҡында КПСС-тың Башҡортостан Өлкә комитетына яҙылған хатҡа ҡул ҡуйғандарҙы эш урындарында күҙ уңынан ысҡындырмай күҙәтә башланылар.
Ком: 0 // Уҡынылар: 870 тапҡыр // Тотош уҡырға
Яҡты нурың ҡалды күңелдәХәләлем Иршат Фәрит улы Сиражетдиновтың баҡыйлыҡҡа күсеүенә ҡырҡ көн үтеп китте. Ошо ауыр ҡайғы-кисерештәремде, хис-тойғоларымды гәзит уҡыусыларға, тамашасыларыма еткереү теләге тыуҙы.
Иршат иҫ киткес гүзәл, бай тарихлы, матур халҡы менән дан тотҡан Учалы районының Туңғатар ауылында тыуып үҫкән. Йыр-моңға һәләтле музыкаль ғаиләлә баһадирҙай өс ир-егет тәрбиәләнә. Тирә-йүнгә скрипкасы даны таралған Фәрит ағай (минең ҡайным) менән йөрәктәргә үтеп инерҙәй моңло тауышлы Фәниә апайҙың (ҡәйнәм) улдары изге, йомшаҡ күңелле, һәр кемгә ярҙам ҡулы һуҙырға әҙер, әҙәпле егет булып буй еткерә. Уларҙың ата-әсәһенә йылы ҡарашы һәр кемде хайран ҡалдыра ине.
Ком: 0 // Уҡынылар: 832 тапҡыр // Тотош уҡырға
Бер-беребеҙгә кәрәкбеҙГоризонталь буйынса: 4. Озон газы. 9. Солоҡ ҡарағанда кәрәк-яраҡты тартып күтәрә һәм төшөрә торған бау. 10. Күмәк халыҡтың көлкөлө, маскарадлы уйыны. 11. Цирк гимнасы. 15. Ғишыҡ тойғоһо. 23. Күҙҙең өҫтөндә “үҫкән” йәшелсә. 24. Нирвана позаһы. 25. Эске этәргес сәбәп. 27. Йыһан карабы. 28. Эшкә, тормошҡа булған ашҡыныу тойғоһо. 29. Америка бүреһе. 30. Офис клерктарының сәп уйыны. 32. Ҡар аҫтында ҡышлай торған ҡош. 36. Ҡунаҡхана. 37. Металл нәмәләрҙе ҡулдан эшләү, йыйыу, йүнәтеү буйынса эшсе. 38. Яңылыш ҡыланыш. 40. Йорттоң өҫтөнә манара рәүешендә эшләнеп, һөңгө һымаҡ ослайып барып бөткән ҡоролма. 41. Биш мөйөшләп эшләнгән хәрби нығытма. 44. Шиғри булмаған әҙәби әҫәр. 45. Исаак Ньютондың авторҙаш емеше. 48. Суҡышы кәүҙәһенән оҙон булған ҡош. 50. Һауа флоты.
Ком: 0 // Уҡынылар: 802 тапҡыр // Тотош уҡырға
Азат Нәҙерғолов — Башҡортостандың тәжрибәле режиссерҙарының береһе. Башҡа режиссерҙар кеүек, уның бер театрға ғына бәйләнгәне юҡ. Шуға ул, республиканың төрлө театрҙарына барып, матур-матур спектаклдәр ҡуя, төрлө төбәк тамашасыларын үҙ эше менән ҡыуандыра. Күптән түгел генә Азат Нәҙерғолов Сибайҙың "Сулпан" дәүләт балалар театрында билдәле драматург Наил Ғәйетбайҙың башҡорт халыҡ эпосы буйынса эшләнгән "Урал батыр" пьесаһын сәхнәләштергәйне. Бөгөн театр Башҡортостандың төрлө ауыл-ҡалалары буйлап ошо спектакль менән гастролдә йөрөй, һәм актерҙар тамашасыларҙың бик яратып ҡарауы хаҡында хәбәр итә.
Ком: 0 // Уҡынылар: 1406 тапҡыр // Тотош уҡырға
Артҡа 1 2 Алға
Бит башына