Яҙ яҡынлашыуын иң тәүҙә улар тоя“Туҡ... Туҡ... Сың... Сың...” Тимер тауышы. Ҡыштың һуңғы һалҡыны уларҙы әллә ҡайҙарға алып барып, аңлағандарға көмөш телле гармун сыңы итеп еткерә. Ауыл өҫтөнә ул тарала икән, тимәк, йәшәү һулышы ла өрә, яҙҙы яҡынлаштырып, крәҫтиәнде баҫыуға саҡыра төҫлө.
Был йәһәттән күп ерҙәрҙә һиллек хәҙер. Тимерлек, техника парктарын күҙ уңында тотам. Ҡыҙғанысҡа ҡаршы, ауыл хужалығына булған ҡараш байтағының ишек-ҡапҡаларын ябырға мәжбүр итте. Ә бында эш ҡайнай. Гараж бинаһының эсенә үтәбеҙ. Теләһәң ни ҡыл — беҙгә иғтибар итеүсе тойолмай. Сеү, “операция” бара икән: өс механизатор ҡеүәтле тракторҙың йөрәген — двигателдең “күкрәген” — ярған...
Ком: 0 // Уҡынылар: 924 тапҡыр // Тотош уҡырға
Ташҡын һынауына әҙербеҙме?Бөгөн һәм иртәгә Өфөлә Кама бассейны советының туғыҙынсы ултырышы үтә. Ошо сара уңайынан Кама бассейны һыу идаралығы етәксеһе Андрей Азановҡа мөрәжәғәт иттек.
— Совет ниндәй маҡсат менән ойошторолдо?
— Ул 2009 йылда һыу объекттарын һөҙөмтәле файҙаланыуҙы һәм һаҡлауҙы тәьмин итеү маҡсатында булдырылғайны. Төп бурыс — объекттарҙа һыу сифатының күрһәткестәрен асыҡлау һәм билдәләү, һыу хужалығы саралары исемлеген төҙөү тәртибе, ташҡындың кире эҙемтәләрен, тәьҫирен кәметеү буйынса тәҡдимдәр әҙерләү.
Ком: 0 // Уҡынылар: 715 тапҡыр // Тотош уҡырға
Йәшел ут көтөп ғүмер үтә...Ҙур ҡалала йәшәүсе водителдәр ғүмеренең алты айын светофорҙың йәшел утын көтөп үткәрә икән. Ә йәйәүлеләр бының өсөн ике аҙнанан ашыу ваҡытын әрәм итә, ти. Һәр хәлдә, статистика мәғлүмәттәре ошолай.
Өфөлә светофорҙарға “Өфөгорсвет” идара итә. Кисә Башҡортостан Президенты Рөстәм Хәмитов, унда барып, директоры Олег Маликов оҙатыуында предприятиеның эшмәкәрлеге менән танышты.
Светофорҙың дөрөҫ эшләүе — юл хәрәкәте хәүефһеҙлегенең нигеҙе, шуға күрә уларҙы яңыртыуға һәр ваҡыт ҙур иғтибар бирелә. Әлеге ваҡытта баш ҡалала юл хәрәкәтенә автоматлаштырылған система ярҙамында идара итеү мөмкинлеге киң.
Ком: 0 // Уҡынылар: 534 тапҡыр // Тотош уҡырға
Олатайҙар данына тоғролоҡҠулыма бер авторҙың ике китабы килеп эләкте. "Когда вернутся батыры" һәм "Легенда о последнем хане" тип атала күләме яғынан әллә ни ҙур булмаған был ике проза йыйынтығы. Китаптарҙың тышлығында авторҙың фотоһы һәм ҡыҫҡаса ғына биографик мәғлүмәт бирелгән. Фотолағы хәрби кейемле, ҡара күҙле, сәсе саҡ ҡына салланған, матур тулы йөҙлө, етди ҡарашлы ир-уҙаманға ҡарап, бына ниндәй була ул ысын офицер, тип ҡуяһың. Күкрәгендә теҙелгән наградалары уның портретын тағы ла тулыландырыбыраҡ торғандай. Биографияһы менән танышабыҙ: "Мәхмүт Бәкер улы Сәлимов 1960 йылда Дәүләкән районының Яңы Яппар ауылында тыуған. Отставкалағы подполковник. Хәрби хәрәкәттәр ветераны. Башҡорт халҡы тарихына арналған күп кенә хикәйә авторы.
Ком: 0 // Уҡынылар: 1133 тапҡыр // Тотош уҡырға
Бер ғаиләлә — ике оҫтаАйратты "алтын ҡуллы" тиҙәр. Был ысынында шулай. Ул ағастан бик күп әйбер эшләй белә. Ҡыҙҙары Алһыу менән Миләүшә ул үргән тал сәңгелдәктә бәүелеп үҫте. Бәләкәй сананы ла матур итеп биҙәкләп атай кеше үҙе яһаны.
Стенаға элеү өсөн ағастан йышҡылап һәм соҡоп эшләнгән төрлө картина, гөл ҡуйыу өсөн яйланмалар, китап кәштәһе, балаларына буй етерлек кенә кейем шкафы — бөтәһе лә Айрат Флүр улының ижад емеше. Бал ҡорттары өсөн умарталар яһау ҙа — уның яратҡан шөғөлө. Моғайын, Айрат атаһынан күреп уҡ юнғандыр. Атаһы Флүр ҙә хаҡлы ялға сыҡҡансы мәктәптә машина йөрөтөү һәм хеҙмәт дәрестәрен алып барҙы.
Ком: 0 // Уҡынылар: 753 тапҡыр // Тотош уҡырға
Юғарыға үрләүҙең төп асылыРеспублика йәмәғәтселеге Башҡортостандың халыҡ яҙыусыһы Зәйнәб Биишеваның тыуыуына 105 йыл тулыуҙы киң билдәләгән көндәрҙә БДУ-ның Стәрлетамаҡ филиалында III Халыҡ-ара Биишева уҡыуҙары булды. Был сарала республикабыҙҙың, Рәсәйҙең төрлө төбәктәренән һәм сит илдәрҙән ғалимдар ҡатнашты. Фекер алышыуҙарҙа төп тема, әлбиттә, әҙибәнең ижады ине.
Зәйнәб Биишева — ҡыҙыу һандалға бөтә көс-ҡеүәтен һалған уңған тимерселәй, барлыҡ һәләтен һәм ғүмерен халыҡ бәхетенә хеҙмәткә ҡуйған һоҡланғыс шәхес. Байулы һәм Монаш бөрйәндәре һыулаған Оло Эйек буйҙарының йәмен, туғайҙарының хуш еҫен, күк тирәктәренең шауын, якташтарының баҫалҡы һәм сәмле матурлығын ул бөтә донъяға бүләк итте, ярҙарын һуғарырға ашыҡҡан йор һыулы Эйек һымаҡ, мәңгелек, ҙур маҡсаттар менән йәшәргә саҡырҙы.
Ком: 0 // Уҡынылар: 902 тапҡыр // Тотош уҡырға
Эх, хозур тәбиғәт, һоҡланып туймаҫлыҡ!Һуңғы һалҡындар. Көндөҙ ҡояш нурҙарынан күҙ сағыла, ҡар өҫтө йылынып, селтәр-селтәр биҙәк һалына. Кис тағы һыуыта — ҡыш тиҙ генә бирешергә теләмәй. Бигерәк тә тау буйында, йылға үҙәндәрендә. Әйтерһең, үҙе тураһында “Зәһәр булды быйыл һалҡындар” тигән хәтирә ҡалдырырға тырыша.
Фотохәбәрсебеҙ Владимир Карабанов, нәҡ ошо мәлде эләктереп, көндәрҙе оҙайтып, төндәрҙе ҡыҫҡарта барған мартҡа килтереп еткерә. Миҙгелдең нисәлер секундлыҡ бер күренешен тотоп, күңел тырызына матур бер табыш итеп һала. Яңы рубриканы уның Бөрйән районында төшөрөлгән пейзаждар серияһы аса.
Ком: 0 // Уҡынылар: 734 тапҡыр // Тотош уҡырға
Ҡунағыңды тыңлай белеү – оҫталыҡШәһит Хоҙайбирҙин исемендәге премия лауреаты, Башҡортостандың атҡаҙанған матбуғат һәм киң мәғлүмәт хеҙмәткәре, танылған журналист Тәнзилә ҮЛМӘҪБАЕВА Күгәрсен районының Әлмәс ауылында тыуған. Мораҡтағы 2-се урта мәктәпте тамамлаған, Башҡорт дәүләт университетында белем алған, артабан уҡыуын Мәскәү дәүләт университетында дауам иткән. 1988 йылда "Башҡортостан" дәүләт телерадиокомпанияһының радиотапшырыуҙар студияһында эш башлаған, әле – баш мөхәррир вазифаһында. Юбилейы уңайынан Тәнзилә Абдулла ҡыҙы менән әңгәмә ҡорҙоҡ.
Ком: 0 // Уҡынылар: 911 тапҡыр // Тотош уҡырға
Тире иләүҙән башлағайны...Элек-электән һәр ауылдың үҙ оҫталары бар. Кемдер тимерсе йә балта оҫтаһы булған, кемдер быйма баҫҡан, кейеҙ һуҡҡан, өсөнсөләр сана табаны бөккән, арба яһаған, самауыр ямап йә күнәк төпләп тә дан алған. Ҡулы бындай кәсепте белмәгәндәр, ҡырҡар-иллешәр саҡрым ер үтеп, кәрәк-ярағын эшләтеп алыр булған. Хәҙер халыҡ араһында бындай ихтыяж әллә ни юҡ — магазин тулы әйбер.
Шулай ҙа Ер йөҙөндә күпме кеше йәшәһә, шул тиклем үк зауыҡ, күңел көҫәүе. Күптәрҙе, әйтәйек, конвейерға ҡуйылған һәм күмәртәләп етештерелгән завод-фабрика әйберҙәре ҡәнәғәтләндереп етмәй: йә сифаты, йә формаһы оҡшамай. Ҡайһы берәүҙәр пластмасса, ДВП, ДСП кеүек материалдан яһалған йыһаз һәм башҡа кәрәк-яраҡ менән мөрхәтһенмәй, тәбиғи әйбергә өҫтөнлөк бирә.
Ком: 0 // Уҡынылар: 741 тапҡыр // Тотош уҡырға
Даими үҫеш юлындаӨфө дәүләт статистика, информатика һәм иҫәп-хисап техникаһы колледжы 80 йыллыҡ юбилейына әҙерләнә. Тарихҡа күҙ һалайыҡ: коллективлаштырыу, унан бигерәк тотош илдә аслыҡ башланыуға ҡарамаҫтан, уҡыу йорто егет һәм ҡыҙҙарҙы ҡабул итә. Өҫтәүенә республикабыҙҙа беренсе нефть промыслаһы төҙөлгән осор: күп тә үтмәй, Ишембай скважинаһынан нефть фонтаны урғыла. Тәүге бишйыллыҡ иғлан ителә, машиналар эшләү тармағына нигеҙ һалына, аҙыҡ-түлек сәнәғәтендә тәүге продукция етештерелә башлай...
Нәҡ ошо йылдарҙа кадрҙарға ҡытлыҡ күҙәтелә. Шуны күҙ уңында тотоп асыла ла инде уҡыу йорто. Бәләкәй генә өс йортта ярым ас, ярым яланғас балалар тырыша-тырмаша китапҡа сумып, белем эстәй.
Ком: 0 // Уҡынылар: 808 тапҡыр // Тотош уҡырға
Артҡа 1 2 3 Алға
Бит башына