Министр ҡоймағын ауыҙ иттем!Ял көнөндә Өфөнөң “Аҡбуҙат” ипподромына халыҡ бер туҡтауһыҙ ағылды ла ағылды. Шулай булмайса: министр һынлы министр гелән генә ҡоймаҡ менән һыйлап тормай бит!
Ҡышты оҙатыу байрамы (“Масленица”) быйыл Өфөнөң Нефтехимик, Ҡашҡаҙан, Якутов парктарында, Аксаков баҡсаһында, Салауат Юлаев майҙанында гөрләп үтте. Ә шулай ҙа “Аҡбуҙат”тағыһы бигерәк тә үҙенсәлекле булды. Бындағы байрамды “Мәрхәмәт” хәйриә фонды ойошторғайны.
Табала шаж да шож килеп ҡоймаҡ бешә. Уның тәмле еҫе танауҙы ҡытыҡлап, әллә ҡайҙан үҙенә арбап тора. Халыҡ сиратҡа баҫҡан.
Ком: 0 // Уҡынылар: 671 тапҡыр // Тотош уҡырға
Гәзиттә фекер алышайыҡРәвиҙә Мәүли ҡыҙы ҒӘЛӘҮЕТДИНОВА, Борай районының Оло Баҙраҡ ауылы хакимиәте башлығы:
– Оло Баҙраҡ ауыл хакимиәте ҡарамағында ун ауыл бар. Һәр береһендә тормош үҙенсә гөрләй.
Беҙгә Хөкүмәттән квартал һайын йөҙ мең һум аҡсаның бирелеүе, һүҙ ҙә юҡ, ҙур ярҙам. Уны халыҡ мәнфәғәте өсөн тотонабыҙ, мәҫәлән, сираттағыһын урамдарҙы яҡтыртыуға йүнәлттек. Төрлө саҡ була, ҡайһы берҙә почтальондар гәзит-журналды киске сәғәт биштә-алтыла, хатта етелә тарата. Ҡыш иртә ҡараңғы төшә, хәҙер уларға өй беренсә йөрөүе бик уңайлы. Хәйер, мәктәптә йәки клубта ойошторолған саралар ҙа һуң бөтә бит.
Ком: 0 // Уҡынылар: 567 тапҡыр // Тотош уҡырға
Ишембай иҡтисадына яңы нигеҙ һалынасаҡШәмбе Башҡортостан Президенты Рөстәм Хәмитов эш сәфәре менән Ишембай ҡалаһында булып, унда иҡтисад һәм социаль объекттар менән танышты.
Иң тәүҙә Ишембай махсус химик катализаторҙар заводын ҡаранылар. Бында нефтте эшкәртеү ваҡытында ҡулланыла торған “Октифайн” катализаторы етештерелә. Әйтергә кәрәк, заводта был эш башланғансы илдең барлыҡ нефть эшкәртеү предприятиелары Америкала етештерелгән катализаторҙы файҙаланған. Бөгөн заводтың ҡәүәте шул тиклем ҙур, ул тауар менән Рәсәйҙе генә түгел, сит илдәрҙе лә тәьмин итә ала.
Былтыр завод 328 миллион һумлыҡ тауар сығарған.
Ком: 0 // Уҡынылар: 687 тапҡыр // Тотош уҡырға
Етди аҙым алдынанБөгөн сығарылыш уҡыусылары алдында бик етди, яуаплы бурыс тора. Тормошта күңелеңә оҡшаған һөнәр һайлау еңелдән түгел, бигерәк тә Берҙәм дәүләт имтихандарының һөҙөмтәһе ҙур әһәмиәткә эйә булған осорҙа. Шуға күрә һәр кемгә күңеле ҡушҡан, киләсәктә шатлыҡ һәм кинәнес килтерә торған йәмғиәткә кәрәкле һөнәрҙе айырып алыу мотлаҡ. Бының өсөн уҡыу йорттары менән бәйләнеш булдырыу кәрәктер.
Тап ошо маҡсаттан сығып ойошторолған да инде Йылайыр ауылында үткән сара. Район хакимиәте башлығы Илгиз Фәтҡуллиндың тырышлығы менән район мәҙәниәт һарайында сығарылыш класс уҡыусылары һәм республиканың туғыҙ юғары уҡыу йорто вәкилдәре осрашты.
Ком: 0 // Уҡынылар: 1378 тапҡыр // Тотош уҡырға
Тыуған еренең лайыҡлы улыЕр менән күк араһын тоташтырырҙай ыжғыр буранды яра-яра, етеҙ, ҡаҡcа кәүҙәле үҫмер ныҡышып алға атлай. Әсе ел бит-ҡулын семетеп-ҡурып ала. Әсәһе бар хәленсә хәстәрләп ашатып-эсергән ризыҡтың көсө самалы ҡалып барһа ла, егет бирешмәй. Эйе, уға әле тырышып белем алаһы, күңел түрендә йөрөткән хыялдарын тормошҡа ашыраһы бар. Иң ҙур теләгенә өлгәште – Темәс педагогия училищеһына уҡырға инде ул. Иң-иңдәр араһында, бихисап зыялы шәхестәр әҙерләүсе данлыҡлы уҡыу йортонда белем ала ул хәҙер. Тиҙерәк барып етергә лә, үҙенә әйҙәп-саҡырып торған ғилем донъяһына сумырға кәрәк, тип ашҡына йәш йөрәк.
Ком: 0 // Уҡынылар: 715 тапҡыр // Тотош уҡырға
Олимпия призеры менән уҙыштыҡИглиндә спорт менән шөғөлләнеү өсөн бөтә мөмкинлектәр бар. Теләйһең икән, бокс, каратэ, грек-рим, милли көрәш секцияларына йөрө. Күңелең биатлон, волейбол, мини-футболға тартылһа, рәхим ит. Бассейн, тренажер залдарының да ишеге һәр ваҡыт асыҡ.
Быйыл иглиндәр берҙәмләшеп саңғыға баҫты. Дөрөҫ, тәүҙә халыҡ әллә ни күп йыйылманы. Шулай ҙа тора-бара саф һауа ҡосағына сығыусылар артҡандан-артты. Ә инде ошо көндәрҙә миҙгелде ябыуға арналған үҙенсәлекле сара булды. Йәй көнө һабантуй үткәрелгән майҙанға бер юлы меңдән ашыу кеше йыйылды. Улар араһында район хакимиәте башлығы Рафиҡ Мусин, ауыл биләмәләре башлыҡтары, төрлө ойошма етәкселәре, уҡытыусылар, хеҙмәткәрҙәр, уҡыусылар, пенсионерҙар ҙа бар ине.
Ком: 0 // Уҡынылар: 633 тапҡыр // Тотош уҡырға
"Йыр — минең яҙмышым"Ошо көндәрҙә Хөсәйен Әхмәтов исемендәге Башҡорт дәүләт филармонияһында танылған сәхнә оҫтаһы, республикабыҙҙың атҡаҙанған артисы Сәйҙә Ильясованың “15+15” тип аталған ижад кисәһе үтте. Сәйҙә Ғәли ҡыҙын беҙ үҙенсәлекле моң эйәһе булараҡ ҡына түгел, бынамын тигән тамашалар ойошторған режиссер тип тә беләбеҙ. Уҙған концертта залдың тулы булыуы йырсының ижадын халыҡ үҙ итеүе хаҡында һөйләй.
Бындай уңыш тауына юл нисек булды икән? Ошо хаҡта Сәйҙә Ильясованың үҙенән һораныҡ.
— Үҙешмәкәр сәнғәттә ҡатнашып йөрөүемә һәм профессиональ сәхнәлә ижад итеүемә 15 йыл тулыуы һиҙелмәне лә кеүек.
Ком: 0 // Уҡынылар: 1084 тапҡыр // Тотош уҡырға
Ғүмере ҡыҫҡа булды әҙиптеңҒүмер буйы тип әйтерлек бергә йәшәгән (30 йылдан ашыу), күп осраҡта бер табаҡтан ашап-эсеп, ижад михнәтен аралашып кисергән шәхес хаҡында яҙыуы еңел түгел. Бер яҡтан ҡарағанда, барыһы ла билдәле, бөтәһе лә күҙ алдында башҡарылған кеүек, икенсе яҡтан, кеше яҙмышы, бигерәк тә яҙыусы тормошо үтә лә ҡатмарлы.
Фәрит Иҫәнғоловтың ғаиләһе менән беҙ ХХ быуаттың 50-се йылдары башында уҡ танышып, аралашып йәшәнек. Барлыҡ байрамдар уртаҡ булды, теге йәки был ғаиләләге килеп тыуған ауырлыҡтар бергә еңелде, шатлыҡ-ҡыуаныс килһә, уртаҡлашып, уны тағы ла арттырып бүлешә торғайныҡ. Ул замандарҙа фатир алыу тигән нәмә башҡа ла инмәй торғайны. Шуға күрә улар ҙа, беҙ ҙә кеше фатирында йәшәй инек.
Ком: 0 // Уҡынылар: 1287 тапҡыр // Тотош уҡырға
Ир-егет өсөн атай — иң юғары үрнәк. Халҡыбыҙҙың аҫыл вәкилдәре, төп һөнәр итеп Ватанды һаҡлауҙы һайлаған аталы-уллы Генрих менән Артур Зариповтар был фекерҙе үҙ яҙмышы менән раҫланы. Нефтекама ҡалаһындағы, Краснокама һәм Яңауыл райондарындағы бөгөнгө эштәре менән дә улар күптәргә таныш. Зариповтарҙың диңгеҙсе династияһын башлаусы Әмир Әнүәр улы ла заманында үҙ төйәгендә билдәле шәхес була.
Ком: 0 // Уҡынылар: 673 тапҡыр // Тотош уҡырға
Ҡотлайбыҙ!Салауат районының Арҡауыл ауылында йәшәүсе яҡын кешебеҙ Хәнифә Сираж ҡыҙы Сәләхова-Искәндәрова үҙенең оло юбилейын — 85 йәшен билдәләй. Уны ошо күркәм ғүмер миҙгеле менән ысын күңелдән ҡотлайбыҙ. Башҡортостанда ғына түгел, тотош Советтар Союзына үҙен танытҡан уҡытыусы ул. Салауат районының Яхъя ауылында йәш уҡытыусылар Мәүлиха һәм Сираж ғаиләһендә беренсе бала булып донъяға килә. 1951 йылда Өфөлә педагогия институтын тамамлағас, хеҙмәт юлын ул Арҡауыл урта мәктәбендә биология уҡытыусыһы булып башланы.
Ком: 0 // Уҡынылар: 748 тапҡыр // Тотош уҡырға
Артҡа 1 2 Алға
Бит башына