— Гербта ике башлы ҡош
Ниңә ҡуйғандар яһап?
— Рәсәй илен бер баш менән
Булмай шул, улым, аңлап.

* * *
Йәшәүебеҙ тураһында
Хөкүмәт күрә сара:
Хаҡтар өҫкә менгән һайын
Беҙҙең хаҡ төшә бара.
Ком: 1 // Уҡынылар: 667 тапҡыр // Тотош уҡырға
Ҡарҙар ирей, һыу таша...Республиканың төп өс йылғаһы – Ағиҙел, Дим, Ҡариҙел бассейндарында һыу запасы башҡа йылдағы күрһәткестәр менән сағыштырғанда байтаҡҡа күберәк. Был, әлбиттә, яуым-төшөмдөң күләменә бәйле. Шуға һыу кимәленең күтәрелеүе уртасанан юғарыраҡ буласаҡ. Ташҡын апрелдең тәүге аҙнаһында башланыр, тип фаразлай белгестәр.
Башҡортостан Хөкүмәтендә ташҡынға ҡаршы республика комиссияһының сираттағы ултырышы булды. Уны Башҡортостан Республикаһының Йәмәғәт хәүефһеҙлеге советының ведомство-ара секретары Марат Мәһәҙиев алып барҙы. Ултырышта комиссия ағзалары республикала яҙғы ташҡынға әҙерлек хаҡында һөйләне, саралар планын ҡараны.
Ком: 0 // Уҡынылар: 684 тапҡыр // Тотош уҡырға
Вәкәләт — биш йылБынан ары, һайлау ҡануниәтенә индерелгән үҙгәрештәргә ярашлы, участка һайлау комиссиялары биш йылға төҙөләсәк. Кисә Башҡортостан Үҙәк һайлау комиссияһы сәйәси партияларҙың төбәк бүлексәләре етәкселәре менән берлектә кәңәшмәлә шул турала мәғлүм булды.
Төп доклад менән Башҡортостан Үҙәк һайлау комиссияһы рәйесе Хәйҙәр Вәлиев сығыш яһаны. Тәүҙә ул республикала һуңғы арала барлыҡҡа килгән сәйәси партияларҙың төбәк бүлексәләре етекселәре менән танышты. Хәҙер республикала теркәлгән партиялар һаны 36-ға еткән.
Ком: 0 // Уҡынылар: 601 тапҡыр // Тотош уҡырға
Президентҡа  һорау бир!11 апрелдә киске сәғәт 7-лә юлдаш телеканалында Башҡортостан Президенты менән һөйләшеү көтөлә. Республика етәксеһе тура бәйләнештә халыҡтың һорауҙарына яуап бирәсәк.
Рөстәм Хәмитовҡа бөгөн үк мөрәжәғәт итергә мөмкин. Башҡортостан Президенты серверында tv@bashkortostan.ru тигән махсус электрон почта адресы барлыҡҡа килде. Һорауҙарҙы республика башлығы шәхсән үҙе ҡараясаҡ, иң ҡыҙыҡлы һәм әһәмиәтлеләренә тура эфирҙа яуап бирәсәк. Бындай форматта Рөстәм Хәмитов тәүге тапҡыр ғына һөйләшмәй.
Ком: 0 // Уҡынылар: 697 тапҡыр // Тотош уҡырға
Нәжиб Асанбаев(Н.В. Асанбаев)
Ватан һәм донъя мәҙәниәте ауыр юғалтыу кисерҙе. Башҡортостандың халыҡ яҙыусыһы, күренекле прозаик, шағир, драматург, Бөйөк Ватан һуғышы ветераны, ҙур йәмәғәт эшмәкәре Николай Васильевич Асанбаев (Нәжиб Асанбаев) 92-се йәшендә вафат булды.
Н.В. Асанбаев 1921 йылдың 7 ноябрендә Башҡортостандың Баҡалы районындағы Ахман ауылында тыуған. 1939 йылда Өфө финанс техникумын тамамлағандан һуң К.А. Тимирязев исемендәге Башҡортостан педагогия институтына уҡырға инә.
Бөйөк Ватан һуғышы башланғас та Нәжиб Асанбаев Ҡыҙыл Армия сафына саҡырыла, Рязань артиллерия училищеһын тамамлай.
Ком: 0 // Уҡынылар: 1911 тапҡыр // Тотош уҡырға
Эше уңғандың  ашы ла уңғанИбрай ауылында бик шәп умартасы бар тигәндәре ҡолаҡҡа салынып-салынып ҡала-ҡалыуын, әммә үҙен күргән юҡ тип, юлға сыҡтым. Күргән юҡ тип әйтеү дөрөҫ тә булмаҫ, 90-сы йылдар булһа кәрәк, бригада подряды ойошторолған ваҡытта ул районда атаҡлы кукуруз үҫтереүсе булараҡ танылғайны. Алдынғы механизаторҙың фотоһүрәте район гәзитенән төшмәй ине.
Ҡыш бит, ауылға килеп инһәң, урамда берәйһен осратырмын тимә. Алан-йолан ҡаранып, урынымда бер аҙ тапаныуға бире яҡҡа килгән "Беларусь" күренде. "Мәктәпте үткәс, икенсе тыҡрыҡ мөйөшөндә блоктарҙан һалынған ике ҡатлы аҡ йорт шул Ғөбәйтулла Иҫәнсуриндыҡы булыр", — тип өйрәтеп ебәрҙе тракторсы.
— Хужа өйҙә юҡ: умарталығына киткәйне.
Ком: 0 // Уҡынылар: 1155 тапҡыр // Тотош уҡырға
Ҡомалаҡ икмәге — табын күркеХуш еҫен таратып, яңы ғына мейестән сыҡҡан, күпереп бешкән ҡомалаҡ икмәге күптәрегеҙҙең хәтерендәлер әле. Танауҙарҙы ҡытыҡлаған, ирендәрҙе тамшандырған, күңелдәрҙә бала саҡтың иң яҡты иҫтәлеге булып ҡалған ауыл икмәге. Ҡәҙерле кешебеҙ –— әсәйебеҙ бешергән иң татлы ризыҡтарҙың береһе — ҡомалаҡ икмәге.
Тәме телеңде йоторлоҡ, сифаты юғары, берәгәйле, хуш еҫле ауыл әпәкәйе. Ауыл икмәге, тим, сөнки ҡомалаҡтан баш яһап эшләнгән икмәкте һәр саҡ өй мейесендә генә осратырға мөмкин ине. Шуныһы ҡыуаныслы: бөгөн ҡомалаҡ икмәген Йылайыр районының Матрай ауылында урынлашҡан шәхси эшҡыуар Әлиә Кәримованың икмәкханаһында ла һатып алырға мөмкин.
Ком: 0 // Уҡынылар: 1667 тапҡыр // Тотош уҡырға
Гәзит-журналдарға яҙылам да ул…(«Почтаны ябабыҙ, тиҙәр», 2013 йыл, 2 февраль)
Гәзит-журналдарға, бигерәк тә милли баҫмаларға яҙылыуҙың кәмеүе тураһындағы “Почтаны ябабыҙ, тиҙәр” тигән мәҡәлә борсолоуҙарҙы арттырып ебәрҙе. Был хат Ғафури районының Йөҙимән ауылы халҡы исеменән килгән.
“Үҙебеҙ халыҡтың көнкүреш шарттарын яҡшыртыу тураһында һөйләйбеҙ, ә үҙебеҙ шуның киреһен эшләйбеҙ түгелме?” – тип яҙа, оло хафаға төшкән ауыл халҡы. Һәр хәлдә, почта бүлексәләренең эшмәкәрлеге — республика халҡының күңелен борсоған төп проблемаларҙың береһелер ул.
Ком: 0 // Уҡынылар: 753 тапҡыр // Тотош уҡырға
Нефть эҙләгәндә һыуға тап булғанЙүнсел Николай Волков ер эшкәртеп, мал аҫрап, эргә-тирә ауыл халҡын икмәктән, иттән өҙмәй, бынан тыш, яҡташтарын сифатлы һыу менән тәьмин итеүҙе лә үҙенең бурысы һанай.
– Йыйын һайын һыу мәсьәләһе күтәрелде, таралышҡанда һәр саҡ уны алдағы көндәрҙә хәл итергә вәғәҙә бирҙе етәкселек, – ти Дүртөйлө ауылында ғүмер итеүсе шәхси эшҡыуар Николай Волков. – Ниңәлер киләһе һөйләшеү тағы шул бер балыҡ башын сәйнәү менән башлана ине. "Шул тиклем дә хәл ителмәҫтәй проблемамы икән ни?" тип аптырай торғайным. Теләк тирәкте йыға тигәндәй, уға тотоноуым да шул һорауға яуап бирергә тырышыуымдан.
Әйткәндәй, ул – районда һыу үткәреү лицензияһына эйә булған берҙән-бер эшҡыуар.
Ком: 0 // Уҡынылар: 862 тапҡыр // Тотош уҡырға
Кисә Дондағы Ростов ҡалаһында Дөйөм Рәсәй халыҡ фронтының ике көнлөк конференцияһы башланды. Сара социаль сәйәсәт, тигеҙлек, ғәҙеллек мәсьәләләренә арнала. Бынан тыш, бәләкәй эшҡыуарлыҡ, төбәктәрҙә дауаханалар, мәктәптәр ябылыуы һәм башҡа мәсьәләләр ҡарала.
Был саранан һуң фронт Владимир Путиндың сәйәсәтен хуплаусыларҙы берләштергән йәмәғәт хәрәкәте булараҡ теркәләсәк. Конференцияға Рәсәй Президентының 200-ҙән ашыу ышаныслы кешеһе һәм 500-ҙән ашыу вәкил килгән. Социаль темаға арналған “түңәрәк өҫтәл”дәр ойошторолдо. Күтәрелгән темаларҙың барыһы ла халыҡ фекерен өйрәнгәндән һуң тәҡдим ителгән.
Ком: 0 // Уҡынылар: 526 тапҡыр // Тотош уҡырға
Артҡа 1 2 3 4 5 6 7 8 9 10 ... 44 Алға
Бит башына