“Алыпһатарҙар өсөн эшләгебеҙ килмәй ҙә бит...”Ауыл эшсәндәре өсөн иң ҡыҙыу осорға — сәсеү эштәре башланыуға күп ҡалманы. Йәрмәкәй районының “Пионер” яуаплылығы сикләнгән йәмғиәте был миҙгелде яҡшы әҙерлек менән ҡаршы ала.
Ҡасандыр Башҡортостандағы данлыҡлы хужалыҡтарҙың береһенең — “Спартак” совхозының — бүлексәһе булған, 2005 йылдан алып үҙаллы көн иткән “Пионер” быйыл да үҙ ҡарамағындағы 2 663 гектар майҙанды биләгән иген баҫыуҙарында бойҙай, һоло, арпа, ҡарабойҙай, борсаҡ, кукуруз, көнбағыш сәсмәксе. Бынан тыш, 40 гектарҙа һуңғы йылдарҙа бында онотолобораҡ торған шәкәр сөгөлдөрө ултыртмаҡсылар.
Ком: 0 // Уҡынылар: 830 тапҡыр // Тотош уҡырға
Йәйге ялға саҡыраларӨфөләге “Нефтсе” мәҙәниәт һарайында “Туризм. Спорт. Ял. Шифаханалар” ХIV төбәк-ара күргәҙмәһе асылды.
Күргәҙмә яҙғы-йәйге осорға шифахана хеҙмәттәре өлкәһен үҫтереүҙең төп үҙенсәлектәрен, туризм һәм спорт, әүҙем ял, сәйәхәт өсөн кәрәк-яраҡ етештереүҙәге яңылыҡтарҙы сағылдыра. Сәләмәт тормошто пропагандалау, йәш быуындың һаулығын һаҡлау, ололарҙың әүҙемлеген арттырыу мәсьәләләре уның программаһында ҙур урын биләй.
Ком: 0 // Уҡынылар: 641 тапҡыр // Тотош уҡырға
Владимир Солин — башлыҡ ҡына түгел, кәңәшсе ләРеспубликабыҙ Президенты Рөстәм Хәмитовтың бойороғо менән Владимир Солин йәмәғәтселек башланғысында республиканың төньяҡ-көнсығыш райондарын үҫтереү буйынса Башҡортостан Президенты советнигы итеп тәғәйенләнде.
Солин Владимир Иванович 1947 йылдың 15 ноябрендә Дыуан районының Мәсәғүт ауылында тыуған. Силәбе политехник институтын тамамлаған. 2006 йылдан — Дыуан районы хакимиәте башлығы. “Башҡортостан Республикаһының атҡаҙанған ауыл хужалығы хеҙмәткәре” тигән маҡтаулы исемгә эйә, Башҡортостан Республикаһы Дәүләт Йыйылышы — Ҡоролтайҙың Почет грамотаһы менән бүләкләнгән.
Ком: 0 // Уҡынылар: 584 тапҡыр // Тотош уҡырға
Һабанда һайрашыр мәл еттеТик былтырғы һабаҡты иҫәпкә алырбыҙмы?
Урамда яҙ, тәбиғәттең ҡышҡы йоҡонан уянған сағы. Иң ҡыҙыу, тынғыһыҙ баҫыу эштәренә лә күп ҡалманы. Оҫтаханаларҙа иҫке техникаға йән өрәләр, ватылғанын ҡоршап ремонтлайҙар, запас частар хәстәрләйҙәр. Келәттәрҙә лә, сортына ҡарап, орлоҡ әҙерләнә. Хужалыҡтар иһә юл бар саҡта минераль ашлама хәстәрләй. Яҙҙың матур көнөндә иренһәң, көҙ күршеләрең юғары уңыш йыйғанда, көнләшеп, терһәгеңде тешләрҙәй булырһың. Шуға ла ауыл халҡы киләһе уңышҡа ныҡлы нигеҙ һалыу өсөн бөгөн көсөн йәлләмәҫкә тырыша.
Ком: 1 // Уҡынылар: 821 тапҡыр // Тотош уҡырға
Кем билет оторға теләй?Искәндәр Ғәзизов — башҡорт эстрадаһында сағыу йондоҙҙарҙың береһе. Йырсы булыу уның булмышына яҙылғандыр. Бала саҡтан башҡорт халыҡ йырҙарын башҡарыусыларҙың мәртәбәле бәйгеләрендә ҡатнашып, призлы урындар яулай ул. Белорет районында Заһир Исмәғилев исемендәге, йә иһә “Ирәндек моңдары” төбәк-ара конкурстары булһынмы — барыһында ла ал бирмәй буласаҡ йырсы.
Ҙур сәхнәгә ул үҫмер сағында Башҡортостандың халыҡ артисы Роза Аҡкучукованың концертында беренсе тапҡыр сыға. Халыҡ йырҙарының береһен башҡарып, тамашасыларҙы моңло тауышына ғашиҡ итә. Артабан Искәндәр Ғәзизов “Дуҫлыҡ моңо”, “Урал моңо” фестивалдәрендә призлы урындарға лайыҡ була.
Ком: 0 // Уҡынылар: 955 тапҡыр // Тотош уҡырға
Беҙҙең яҡта бейемәгән кеше юҡ!Районда дүртенсе тапҡыр уҙғарылған "Байыҡ" конкурсының гала-концерты үтте. Быйылғы бәйге талантлы яҡташыбыҙ, Башҡортостандың атҡаҙанған артисы, Сибай дәүләт филармонияһының художество етәксеһе Фәнил Әсәҙуллин призына уҙғарылды.
— Залдың ошолай шығырым тулы булыуы — әбйәлилдәрҙең бейеү яратыуына асыҡ дәлил, — тине мәҙәниәт бүлеге начальнигы Г. Лавренева, бейеү байрамын асып. — Конкурста 700 кешенең ҡатнашыуы һәм уларҙың 300-өнөң гала-концертҡа һайланып алыныуы үҙе үк күпте һөйләй. Һәр халыҡтың бейеүе үҙенсә матур, әммә башҡорттоҡона еткәндәр юҡ. Беҙҙең бейеүҙәрҙә генә халыҡтың рухи хазинаһы һәм боронғоһоноң бай мираҫы сағыла.
Ком: 0 // Уҡынылар: 1260 тапҡыр // Тотош уҡырға
Моңдо юлдаш итеп...— Ағай, йырсы булыр өсөн ҡайҙа уҡырға кәрәк?
— Минең шағир булғым килә. Быға ниндәй университетта өйрәтәләр?
Яҙыусылар һәм сәхнә оҫталары менән осрашыуҙарға йөрөгәндә ошондайыраҡ һорауҙарҙы йыш ишетергә тура килә. Әлбиттә, ижадты тәрәндән аңлаған шәхес быға бер нисек тә кәңәш бирмәҫ. Әгәр тәбиғәттән ундай һәләт бирелмәһә, әллә ниндәй шөһрәтле университетты тамамлап та, халыҡ һөйөүен яулап булмай. Миҫал өсөн мәшһүр йырсы Абдулла Солтановты алайыҡ.
Ком: 0 // Уҡынылар: 857 тапҡыр // Тотош уҡырға
Зөһрә булған ерҙә йыр ҡала10 апрелдә баш ҡаланың Конгресс-холында «Моң бүлешеп йәшәйек» тигән ҙур концерт программаһы тәҡдим ителә. Зөһрә ФӘЙЗУЛЛИНА йырсы дуҫтары менән өфөләрҙе ҡыуандырмаҡсы. Биш йыл элек тә «Нефтсе» мәҙәниәт һарайында уның ижад кисәһе үткәйне. Ҙур залға һыйманы тамашасылар. Һәр сығыш иғлан ителеү менән ҡулдар үҙенән-үҙе алҡышларға тотондо. Моң-көйҙәр йырсыларҙың тауыш үҙенсәлегенә ҡарап ижад ителгән тиерһең, килешле, сағыу, аһәңле, йөрәккә үтеп инерлек яңғыраны. Ә бит быларҙың барыһы ла авторҙың ҡаҙанышы, йәғни Зөһрә Хәдит ҡыҙының уңышы тиһәм, һис арттырыу булмаҫ.
Ком: 0 // Уҡынылар: 1550 тапҡыр // Тотош уҡырға
Ҡарашыма һыя йыһаным* * *
Алыҫтағы ай — усаҡ нурылай,
Яҡты ғына булһын киләсәк.
Хыялланған маҡсаттарҙы егеп,
Бар бит әле алға еләсәк.

Әле бына төнгө гүзәллектән
Күңел йылға булып ташҡандай.
Ай нурына ҡойонған йондоҙҙар
Мең-мең сәскә тажын асҡандай.
Ком: 0 // Уҡынылар: 959 тапҡыр // Тотош уҡырға
“Диал” төҙөлөш ойошмаһы етәкселәре ҡулға алынды
Компания етәкселеге күсемһеҙ милек өлкәһендә мутлашыуҙа ғәйепләнә ине. Тикшереү эше өс йылға яҡын барҙы. Ниһайәт, ошо көндәрҙә Өфөнөң Киров районы судында Регина Аброщенко менән Инна Сазоноваға ҡарата асылған 34 осраҡтан торған енәйәт эше ҡаралды һәм хөкөм ҡарары сығарылды.
Улар етәкселек иткән фирма төҙөлөштә ҡатнашып алданыусылар араһында йыш телгә алына. Быға тиклем дә кеше алдауҙан тартынмаған ҡатындар, мутлыҡта ғәйепләнеп, хөкөм язаһына тарттырылған булған.
Ком: 0 // Уҡынылар: 672 тапҡыр // Тотош уҡырға
Балаларҙы мәктәпкәсә белем биреү учреждениеларында урын менән тәьмин итеү мәсьәләһе Нефтекама ҡалаһы хакимиәтенең иғтибар үҙәгенән төшкәне юҡ, тип әйтеү хата булмаҫ. Ярты быуатлыҡ эшмәкәрлеге осоронда төп маҡсаттарының береһе тап шуға бәйле булды.
Әле ҡалала 431 сабый балалар баҡсаһына сиратта тора. Төҙөлөш эштәренә килгәндә, “Көнсығыш-2” тигән биҫтәләге мәктәпкәсә белем биреү учреждениеһының тиҙҙән асылыуы көтөлә, икенсе бер биҫтәләге ошондай уҡ объект йәйгеһен сафҡа инәсәк.
Бынан тыш, халыҡҡа ҡала хакимиәтенән тағы бер нисә яңылыҡ еткерелде.
Ком: 0 // Уҡынылар: 566 тапҡыр // Тотош уҡырға
Республикабыҙҙа федераль льготаға эйә 371 меңдән ашыу кеше йәшәй. 1 апрелдән улар ҙа айлыҡ аҡсалата түләүҙәрҙе арттырылған күләмдә (5,5 процентҡа) ала башлаясаҡ.
Шуның менән бергә социаль хеҙмәттәр йыйылмаһы өсөн ҡаралған аҡса суммаһы ла арта, 1 апрелдән ул 839,65 һум тәшкил итәсәк: 646,71 һумы — түләүһеҙ дарыуҙар алыуға, 100,05 һумы — шифахана-курортта дауаланыуға, 92,89 һумы — ҡала яны тимер юлы һәм дауаланыу урынына барып ҡайтыу өсөн ҡала-ара транспортында бушлай йөрөүгә.
Ком: 0 // Уҡынылар: 484 тапҡыр // Тотош уҡырға
Милли эстрадалағы күп кенә йәш артистар өсөн үҫеш майҙансығына әүерелгән “Туған тел” халыҡ-ара башҡорт һәм татар йыры телевизион фестиваль-конкурсы Башҡортостанда өсөнсө тапҡыр уҙғарылды.
Ҡунаҡтарҙы республиканың мәҙәниәт министры урынбаҫары Шамил Абдраҡов, Татарстан Мәҙәниәт министрлығының эштәр идарасыһы Ҡәҙриә Иҙрисова, Башҡортостандың Матбуғат һәм киң мәғлүмәт саралары агентлығы етәксеһе урынбаҫары Марат Ғәзизов сәләмләне. Фестиваль эшендә Рәсәй Дәүләт Думаһының Мәҙәниәт буйынса комитеты рәйесе урынбаҫары Зөһрә Рәхмәтуллина ҡатнашты.
Ком: 0 // Уҡынылар: 508 тапҡыр // Тотош уҡырға
Хәбәр итеүебеҙсә, 11 апрелдә киске сәғәт 7-лә Башҡортостан юлдаш телевидениеһының тура эфирында Башҡортостан Президенты Рөстәм Хәмитов “Президент менән һөйләшеү” программаһында республика халҡының һорауҙарына яуап бирә.
Төбәк башлығына һорауҙы tv@bashkortostan.ru электрон почтаһы аша ебәрергә мөмкин. Бынан тыш, тапшырыу алдынан һәм уның барышында күп каналлы “ҡыҙыу элемтә” телефоны эшләйәсәк. Әйткәндәй, Рөстәм Хәмитов менән ошондай һөйләшеү бишенсе тапҡыр уҙғарыла.
Ком: 0 // Уҡынылар: 457 тапҡыр // Тотош уҡырға
Бөтә Рәсәй инвалидтар йәмғиәте Башҡортостан ойошмаһының Өфө ҡалаһы Киров районы бүлексәһе рәйесе Зарема Сәхибгәрәеваны яңыраҡ инвалидтар араһында уҙғарылған бер спорт ярышында осратҡайныҡ. Бәләкәй сағындағы йәрәхәт арҡаһында ғүмерлеккә инвалид ҡалған ҡатын үҙ биләмәһендәге егет һәм ҡыҙҙарҙың сығышын ҡарарға килгәйне. Ярыш оҙаҡҡа һуҙылғас, түҙмәне, балаҡайҙарым асығып бөттө инде тип, ҡышҡы һыуыҡта алыҫтағы магазиндан бәлештәр һатып алып килде, термосынан сәй ҡойоп эсерҙе.
Ком: 0 // Уҡынылар: 646 тапҡыр // Тотош уҡырға
Артҡа 1 2 Алға
Бит башына