Килешеп эшләү емеш бирерБашҡортостанға француздар килде. Бихисап эшҡыуарҙан торған делегацияға Францияның Рәсәйҙәге Ғәҙәттән тыш һәм Тулы хоҡуҡлы илсеһе Жан де Глиниасти етәкселек итә. Улар Башҡортостан Президенты Рөстәм Хәмитов менән осрашып, иҡтисади һәм социаль өлкәләрҙә хеҙмәттәшлек тураһында фекер алышты.
Рөстәм Зәки улының әйтеүенсә, былтыр ике төбәк араһындағы тышҡы тауар әйләнеше 150 миллион доллар тәшкил иткән.
— Шуның 100 миллион доллары — экспортҡа, 50 миллион доллар самаһы импортҡа тура килә, — тине Президент. — Республика Францияға, нигеҙҙә, нефть тауары һата, ә уларҙан машина һәм ҡорамалдар алабыҙ.
Ком: 0 // Уҡынылар: 488 тапҡыр // Тотош уҡырға
Премияға дәғүә ит!Әҙәбиәт, сәнғәт һәм архитектура өлкәһендәге ҡаҙаныштар өсөн Шәйехзада Бабич исемендәге республика дәүләт йәштәр премияһын биреү буйынса комиссия материалдар ҡабул итә башланы.
Йәштәр премияһына әҙәбиәт, музыка, театр, һынлы, хореография, эстрада һәм цирк сәнғәте, дизайн, кино һәм телевидение, архитектура өлкәһендәге эштәр тәҡдим ителә ала. Сарала 16—35 йәшлек айырым авторҙар, шулай уҡ иң күбе биш кешенән торған ижади коллектив ҡатнашыу мөмкинлегенә эйә. Мотлаҡ шарт: эштәр Ш. Бабич премияһына күрһәтелгәнгә тиклем кәмендә бер йыл алдан баҫылырға, халыҡҡа еткерелергә йәки донъя күрергә тейеш.
Ком: 0 // Уҡынылар: 611 тапҡыр // Тотош уҡырға
Бурлының батыр улыФәрүәт Яҡупов менән Бурлы урта мәктәбендә бер осорҙа белем алырға насип булды: ул 10-сыла уҡығанда, мин 9-сы класта инем. Етди ҡарашлы, оҙон буйлы был егеттең киләсәктә бөтөн илгә танылған Герой булып дан ҡаҙанырын беребеҙ ҙә күҙ алдына килтермәгәндер, моғайын.
“Ә мин бәләкәйҙән офицер булырға хыялландым. Һуғыш тураһында китаптар уҡырға, кино ҡарарға ярата инем, – тип һөйләгәйне байтаҡ йылдар элек Фәрүәт Абдулла улы. – 10-сы класты бөткәс, Силәбеләге хәрби училищеға барып, имтихан биреп ҡараған инем, ҡыҙғанысҡа ҡаршы, инә алманым…”
Әммә барыбер маҡсатына ирешә ныҡыш егет: 1976 йылдың көҙөндә хәрби хеҙмәткә саҡырыла, Монголияла взвод командирына тиклем үрләй.
Ком: 0 // Уҡынылар: 605 тапҡыр // Тотош уҡырға
Сейәне ҡайҙа ултыртырға?Ел үтә һуҡҡан һәм һыу ағып китерлек ҡалҡыуыраҡ урынды һайлағыҙ. Битләүҙең текәлеге 8 градустан артмаһын. Тигеҙ урында сейә насарыраҡ үҫә, һыуыҡҡа бирешә. Түбән, уйһыу урындар сейә үҫтереүгә ярамай.
Тупраҡтың әселеге лә бик мөһим. Был йәһәттән ул нейтраль йәки уға яҡын — рН 6,5-7,0 булырға тейеш. Шуға ла сейә ултыртырҙан бер йыл алда тупраҡты эзбизләгеҙ. Ҡыуаҡ тупраҡта азот, калий етешмәүгә ныҡ һиҙгер. Фосфорға бик мохтаж түгел. Түбән, дымлы, ер аҫты һыуҙары яҡын ятҡан ерҙәр сейә үҫтереү өсөн ярамай. Муйыл, ҡайын, миләш, саған, имән, шулай уҡ ҡуҙаҡлылар үҫкән урында иһә ултыртырға була.
Үҙебеҙҙең тәбиғәт шарттарына ярашлы сорттың үҫентеһен һайлап алығыҙ.
Ком: 0 // Уҡынылар: 756 тапҡыр // Тотош уҡырға
Химияһыҙ ғынаАтҡаҙанған агроном В. Корнилов бер квадрат метр майҙанда ике килограмдан ашыу еләк үҫтереп алыуға өлгәшә. Сере лә ябай ғына — еләк түтәлен бер урында өс йылдан артыҡ тотмай. Үҫемлекте ул майҙан алып сентябргә тиклем өҙлөкһөҙ ултырта. Яҙын ҡышлап сыҡҡан мыйыҡтарҙы йә көҙҙән күмеп ҡалдырған үҫентеләрҙе күсерә. Йәй иһә еләк сәскә атҡанға тиклем ебәргән мыйыҡтарҙы үрсетә, көҙөн уңыш йыйғандан һуң шытҡан үҫентеләрҙе ултырта.
Еләк үҫтереүҙең төп шарттары:
1. Ултыртылған төптәрҙән тыш, яңы мыйыҡтар аҙна һайын ҡырҡылып тора. Был бик мәшәҡәтле эш, әммә ҙур уңышты тәьмин итә.
Ком: 0 // Уҡынылар: 861 тапҡыр // Тотош уҡырға
ҠомалаҡХәҙер уны баҡсала ла үҫтерәләр. "Эйәләштерелгән"енең орлоғо һатыла. Һеҙҙең баҡсала муйыл, миләш ағастары булһа, иң һәйбәте урман-ҡыуаҡлыҡтарҙан тамырынан алып ҡайтып үҫтерелгәне, сөнки быныһын декоратив үҫемлек булараҡ та, тормошта ҡулланыу өсөн дә ултыртырға мөмкин. Шунан һуң, хәҙер бит ҙурыраҡ баҡсала "ҡырағай тәбиғәт мөйөшө" булдырыу модала. Бер юлы ике "ҡуян" — заманса баҡса һәм ял өсөн "ҡырағай" мөйөш.
Ни өсөн йыялар?
Ағастарҙы ҡуйы япраҡлы оҙон һабаҡтары менән сырмаған был үҫентене сүпрә эшләр өсөн күпләп йыйғандар. Хәҙер ҡамырҙы йышыраҡ әҙер әсетке (дрожжи) менән ҡуялар, шуға ла ҡомалаҡ әйләнештән сығып бара.
Ком: 0 // Уҡынылар: 1257 тапҡыр // Тотош уҡырға
Мәшәҡәтле, күңелле осорАпрель — яҙҙың башланыуы ғына түгел, ә баҡса миҙгеле асылыуы ла. Тәү сиратта көҙҙән ҡалған сүп-сар таҙартыла: яндырылаһы яндырыла, түгеләһе түгелә. Һынған ботаҡтарҙың үҫеп китере тарттырып бәйләнелә, ҡороясағы киҫелә. Әгәр көҙҙән ерҙе йомшартып, ҡаҙып сығырға өлгөрөлмәһә, был эштәр ҙә мотлаҡ башҡарыла. Былтыр сәсеп ҡалдырылған һарымһаҡ, кишер кеүек йәшелсә, тамыраҙыҡ рәттәре ипкә килтерелә, йомшартыла. Иң мөһиме — быйылғы уңышты ҡайғыртыу: кәрәк урында минераль, органик ашламалар индереү...
Былар — дөйөм эштәр. Хәҙер һәр береһенә айырым туҡталып, һорау менән яуапты ҡара-ҡаршы ҡуйып яҙайыҡ.
Бөрөләр бүрткәнсе ҡороған, һынған, зарарланған ботаҡтарҙы, сыбыҡсаларҙы киҫәләр.
Ком: 0 // Уҡынылар: 737 тапҡыр // Тотош уҡырға
Ирем туҡмай…Мәктәптә дуҫлашып йөрөгән класташым Сәриә аттестат алыу менән ҡалаға китте лә абитуриент ваҡытында уҡ етеш тормошта йәшәгән ҡала егетенә кейәүгә сыҡты. Йыл һайын сит ил машинаһында ауылға бер нисә сәғәткә генә инеп һуғылалар ине. Шунан алып Сәриә менән аралар өҙөлдө. Ә уның тормош иптәше билдәле эшҡыуар, аҙаҡ сәйәсмән булып китте. Телевизорҙан да маҡтап һөйләнеләр, гәзиттәрҙә уның хаҡында мәҡәләләр ҙә донъя күрҙе.
Яңыраҡ Сәриәне Өфөлә осраттым. Матур кейенгән, ҡиммәтле хушбуй еҫтәре аңҡытҡан сибәр ҡатынды тәүҙә таный алмай торҙом.
Ком: 1 // Уҡынылар: 837 тапҡыр // Тотош уҡырға
Кипрҙағы хәлдәр байтаҡ ватандашыбыҙҙы һиҫкәндерҙе: беҙҙең банктар менән дә шундай уҡ бәлә башланмаҫмы? Йылдар дауамында йыйған һаҡламдарынан 1998 йылда күҙ асып йомған арала ҡолаҡ ҡаҡҡанын күптәр һаман онотмаған әле. 2008 йылғы көрсөк тә уйланырға мәжбүр итте. Шуға ла түрә-ҡара был юлы халыҡты алдан тынысландырырға ашыҡты: баҡһаң, беҙгә бер ниндәй хәүеф янамай икән. Әммә был ысынбарлыҡҡа тура киләме һуң?
Теоретик йәһәттән уйлап ҡараһаң, бәләкәй генә утрауҙа урынлашҡан дәүләттең Рәсәй кеүек ҡеүәтле ил иҡтисадына ниндәй йоғонтоһо булыуы мөмкин? Ләкин бик ихтимал икән шул. Был утрауҙағы көрсөк күп мәсьәләгә күҙебеҙҙе асты, тиһәк тә хата булмаҫ. Шуныһын төшөндөк: Кипрҙа урланғанды урлағандар икән дә баһа! Быны хатта Премьер-министр Дмитрий Медведев та танырға мәжбүр булды.
Ком: 0 // Уҡынылар: 792 тапҡыр // Тотош уҡырға
Ҡаҙанышты яҡларға һәм һаҡларға кәрәк
Бөтә донъя башҡорттары ҡоролтайының башҡарма комитетында Башҡортостан автономияһының 94 йыллығы айҡанлы “түңәрәк өҫтәл” үтте. Унда башҡарма комитет ағзалары, йәмәғәт эшмәкәрҙәре, тарихсылар, студенттар ҡатнашты.
Тарих фәндәре докторы, профессор Марат Ҡолшәрипов республика тарихында тәрән эҙ ҡалдырған был ваҡиға тураһында ентекле һөйләне.
Ком: 0 // Уҡынылар: 866 тапҡыр // Тотош уҡырға
Артҡа 1 2 3 Алға
Бит башына