Барыһы ла бала хаҡынаУҡытыусылар һәр сараны матур, сағыу байрамға әйләндерә белә. Һөнәри оҫталыҡ, ихласлыҡ, хис-тойғоноң байлығы — барыһы бергә үҙенсәлекле тамаша хасил итә. Республикала 23-сө тапҡыр уҙғарылған “Башҡортостандың йыл уҡытыусыһы” конкурсы ла тап ошондай мөхиттә үтте. Ғәҙәттәгесә, был бәйгелә урыҫ теле һәм әҙәбиәте, татар теле һәм әҙәбиәте буйынса еңеүселәр ҙә асыҡланды.
Иң тәүҙә шуны билдәләп үтәйек: һөйөнөскә күрә, бәйгеселәр араһында йылдан-йыл ир-ат арта бара. Быйыл, мәҫәлән, уларҙың дүртәүһенә финалға сығыу бәхете тейҙе.
Конкурсты йомғаҡлау тантанаһына Башҡортостан Хөкүмәтенең Премьер-министры урынбаҫары Лилиә Ғүмәрова, мәғариф министры Әлфис Ғаязов, юғары уҡыу йорттары ректорҙары, йәмәғәт ойошмалары вәкилдәре, бәйгеселәрҙең хеҙмәттәштәре килде.
Ком: 1 // Уҡынылар: 678 тапҡыр // Тотош уҡырға
Ғәбдөктә – һыу, Йөйәктә – боҙБашҡортостанда ташҡындар башланды. Мәҫәлән, Оло Инйәр йылғаһы 120 сантиметрға күтәрелде. Шул арҡала Белорет районының Ғәбдөк ауылындағы 45 йортто һыу баҫты.
Йылғаның ярҙан сығыры алдан күҙаллана һәм ауыл халҡы был хаҡта иҫкәртелә. 7-8 апрелдә 88 ҡатын-ҡыҙ һәм бала-саға хәүефһеҙ урынға күсерелә. Мал-тыуар ҙа хәүефһеҙ ергә сығарыла. 9 апрель төнөндә иһә һыу ауылға килеп етә. Йәрәхәтләнеүселәр юҡ. Хәүефле осор тамамланғанға тиклем Ғәбдөктә ҡотҡарыусылар һәм махсус техника дежурҙа торасаҡ.
Ком: 0 // Уҡынылар: 663 тапҡыр // Тотош уҡырға
Дәүерҙең лайыҡлы улыҺәр халыҡтың рухи-мәҙәни тормошонда кисерелгән осорҙарҙы билдәләр шәхестәре була. Башҡорт әҙәбиәте быға үҙе шаһит. Ул был йәһәттән урта быуаттар вәкиле Ҡол Ғәлиҙән алып ХII быуаттың тәүге сиреген үҙ эсенә индергән дәүерҙәрҙәге исемдәргә һылтана ала. Тап бына улар, бер заманды икенсеһенә ялғап, башҡорт әҙәбиәте тарихының өҙлөкһөҙ сылбырын хасил итә лә. Беҙ бөгөн рухи тормошобоҙҙоң хәҙерге донъя цивилизацияһында үҙ урынын таба алғаны өсөн халҡыбыҙҙың шундай шәхестәре булыуы менән ғорурланырға хаҡлыбыҙ.
Башҡорт әҙәбиәте тарихының совет әҙәбиәте осоро үткәненә мөнәсәбәттә әҙәби мираҫҡа ҡарата үҙ дәүерен ҡаты һынауҙарға дусар итте.
Ком: 0 // Уҡынылар: 1554 тапҡыр // Тотош уҡырға
Ғүмер кәсәһе мөлдөрәмә тулыДәрт-дарманы, ижади ҡомары ташып торған, фиҙакәрлеге, даланлы хеҙмәте менән күптәрҙе һоҡландырған арҙаҡлы ҡатын-ҡыҙҙарыбыҙ арабыҙҙа күп, шөкөр. Билдәле тележурналист, Башҡортостандың атҡаҙанған мәҙәниәт хеҙмәткәре, З. Биишева исемендәге премия лауреаты Луиза Фархшатова – тап шундайҙарҙан.
Ғаләмде шаулатып, нурға һәм йылыға сорнап килгән яҙҙа донъяға килгән ул. Быйыл иһә наҙлы миҙгел ижадсы өсөн бигерәк тә иҫтәлекле – Луиза Азамат ҡыҙы күркәм юбилейын билдәләне. Ошо айҡанлы Конгресс-холда уның ижад кисәһе булды.
Ком: 0 // Уҡынылар: 1141 тапҡыр // Тотош уҡырға
Сибайҙарҙың “Хикмәтле күл”еКүптән түгел Сибай башҡорт дәүләт драма театры сәхнәһендә драматург Мөҙәрис Багаевтың әҫәре буйынса ҡуйылған “Хикмәтле күл” спектакленең премьераһы булды. Башҡортостандың, Рәсәйҙең атҡаҙанған мәҙәниәт хеҙмәткәре, режиссер Дамир Ғәлимов сәхнәләштергән спектакль тамашасының зауығын ҡәнәғәтләндерерҙәй тамаша ине. Комедияла барған хәл-ваҡиғалар, артистарҙың үҙ ролдәрен юғары кимәлдә башҡарыуы — бөтәһе бер матур гөлләмәне тәшкил итте.
Премьерала ҡатнашҡан Мөҙәрис ағай Багаев та, бик ҡәнәғәт булып, тамашаға ҡағылышлы уй-фекерҙәре менән уртаҡлашты:
— Мин бығаса Салауат башҡорт дәүләт драма театры менән эшләнем, һәм улар ҡуйған һәр спектакль, һәр артист менән яҡшы танышмын.
Ком: 0 // Уҡынылар: 899 тапҡыр // Тотош уҡырға
102 йәшлек тимәҫһеңРайондың иң өлкән кешеһе тураһында һүҙ сыҡһа, әлбиттә, тәүҙә Иҫке Турай ауылында йәшәүсе Нурлыйыһан Хәләфетдинованы иҫкә алалар.
Бөтә ғүмере ошонда уҙған уның. Тормош юлы ауыр һәм һикәлтәле булһа ла, үҙе артынан бары яҡты эҙ ҡалдырып йәшәгән. Ғаиләлә биш малай араһында үҫкән. Үҫмер саҡтан ураҡ урған, көлтә бәйләгән, 70-әр килограмлы тоҡтар ташыған. Ат ҡараусы булып эшләргә лә тура килгән уға.
19 йәшендә Абзалетдин атлы егеткә тормошҡа сыҡҡан. Бергә 12 йыл ғына йәшәп ҡалған улар. Бөтә уй-хыялдарын емереп, Бөйөк Ватан һуғышы башланған. Ире Брянск ҡалаһы өсөн барған ҡаты алыштарҙа һәләк булғас, Нурлыйыһан өс балаһы менән яңғыҙ тороп ҡала.
Ком: 0 // Уҡынылар: 624 тапҡыр // Тотош уҡырға
Шағирҙың күңел көҙгөһөБашҡортостандың халыҡ шағиры Рауил Бикбаевтың ике китаптан торған “Көндәлектәр”е тураһында гәзитебеҙҙә хәбәр иткәйнек инде. Күптән түгел Башҡортостан Яҙыусылар союзы идараһында “Көндәлек”тәрҙең исем туйы булды. Шағирҙың күңел көҙгөһөнә бағырға теләүселәр залға һыйманы хатта.
Күңел көҙгөһө! Ысынлап та, был китаптарҙа тормошобоҙҙоң дүрт тиҫтәнән ашыу осоро сағылыш тапҡан. Ләкин шағир күңеленең көҙгөһө салыш түгел, донъяның ҡиәфәтен нисек бар шулай сағылдыра. Көнөндә, мәлендә булған ваҡиғалар, кисерештәр йылылай ғына ҡағыҙ битенә теркәлә барған, мәңгеләштерелгән.
Исем туйына килгән шағирҙың дуҫтары, ҡәләмдәштәре, әҙәбиәт һөйөүселәр “Көндәлектәр”гә ҡарата фекерен белдерҙе.
Ком: 0 // Уҡынылар: 849 тапҡыр // Тотош уҡырға
Ерең булған өсөн һөйөн!Күп балалы һәм инвалид бала тәрбиәләгән ғаиләләргә йорт төҙөү өсөн бушлай ер участкалары биреү мәсьәләһе Рәсәй чиновниктары башын ныҡ ҡына ҡатырҙы, ахыры. Һәр хәлдә үҙәк телевидение тапшырыуҙарында, матбуғат биттәрендә был хаҡта фекер алышыуҙар дауам итә, ер бүлеүҙә аныҡ механизмдың булмауы, төҙөлөш өсөн уңайлы, перспективалы биләмәләрҙең аҙлығы эште ҡатмарландыра.
Тәү ҡарашҡа, Хоҙай Тәғәлә биргән әҙер ерҙе бүлеп биреүҙең ниндәй ауырлығы булһын инде, тип уйлау ҙа урынлы кеүек. Юҡ шул, ҡайһы саҡта әҙер “бәлеш”те бүлгеләүе лә анһат түгел икән. Мәҫәлән, Читала бушлай ер алыуға хоҡуҡлы ике мең кешенең 363-ө генә мораҙына ирешкән. 400-өнөң документтары әҙерләнә.
Ком: 0 // Уҡынылар: 684 тапҡыр // Тотош уҡырға
(Парса)
Сәсәндәр араһындағы бер һүҙ ярышында өлкәнерәк сәсән шундай һорау ҡуйған:
“Донъяла үҙе иң оҙон, үҙе иң ҡыҫҡа, үҙе иң тиҙ, үҙе иң сикле, үҙе икһеҙ-сикһеҙ, үҙе иң ҡәҙерле йә иң ҡәҙерһеҙ, үҙе зарыҡтырғыс, үҙе үкенес, үҙе фани, үҙе мәңге баҡый бер нәмә бар. Ни булыр шул?”
Быға төрлө сәсән төрлөсә яуап биреп ҡараған. Береһе — Ер, икенсеһе — Уй-фекер, өсөнсөһө — Бәхет, тигән.
Ком: 0 // Уҡынылар: 1395 тапҡыр // Тотош уҡырға
Ғайса Хөсәйеновтың парсалары нигеҙендә тос фекерҙәр ята, ҡатмарлы әҙәби күренештәр образдар ярҙамында ябай итеп аңлатыла.
Ғайса Хөсәйенов — башҡорт әҙәби тәнҡитендә үҙ ижад йөҙө, стиле һәм жанр формалары булған, һәләтле һәм әүҙем эшләгән тәнҡитселәрҙең береһе. Ул яҙған тәнҡит мәҡәләләренең яҙыусыға тәьҫирле, уҡыусыға үтемле булыуының беренсе сәбәбе анализлау ҡеүәһенең тәрәнлегенән, фекерҙәр аныҡлығынан, һығымталарҙың нигеҙлегенән килә.
Ком: 0 // Уҡынылар: 3012 тапҡыр // Тотош уҡырға
Һәр дәүерҙә һәр халыҡтың ижтимағи тормошоноң теге йәки был өлкәһендә тәрән эҙ ҡалдырған шәхестәре була. Башҡорт халҡының ХХ быуаттағы гуманитар фәне һәм әҙәбиәте тарихында, мәҫәлән, академик, Башҡортостандың халыҡ яҙыусыһы Ғайса Батыргәрәй улы Хөсәйеновтың күп яҡлы ижади эшмәкәрлеге үҙе бер феноменаль күренеш булып тора.
Уның ижад емештәре менән танышҡанда халҡыбыҙ рухи биографияһының быуаттар төпкөлөнә киткән тамырҙары ла, Көнсығыш һәм Көнбайыш мәҙәни мөхитенә барып тоташҡан бәйләнеш ептәре лә, милли ерлектәге үҫеш-үҙгәреш тәбиғәте лә, һүҙ сәнғәтебеҙҙең һәм гуманитар фәнебеҙҙең бөгөнгө бейеклектәре һәм киләсәккә ынтылыштары ла күҙ алдына баҫа, уйландыра, илһамландыра.
Ком: 0 // Уҡынылар: 967 тапҡыр // Тотош уҡырға
6 апрелдә “Барнео” поляр ҡотобонан Бөтә Рәсәй йәштәренең алтынсы экспедицияһы башланыуы хаҡында хәбәр иткәйнек. Ул “Динамо” йәмғиәтенең 90 йыллығына бағышланған. Сәйәхәтселәрҙең етәксеһе Матвей Шпаронан тәүге хәбәр килде.
“Бөтәһе лә планға ярашлы бара, – тиелә унда. – Тәүге эш ваҡыты ҡыҫҡа булды – ни бары сәғәт ярым барҙыҡ. Шунан палатка ҡуйып, йоҡларға яттыҡ. Юл таһыллыҡ талап итә – йыһаздарҙы, саңғыны, сананы һәм башҡа кәрәк-яраҡты тикшереп торорға кәрәк.
Был ваҡыт эсендә өс километр ара үттек. Юл матур, күп тар йырындарҙы саңғыны сисеп тормай аша атлап сығабыҙ.
Ком: 0 // Уҡынылар: 476 тапҡыр // Тотош уҡырға
(“Ҡарға күҙен ҡарға суҡымай, күрәһең”, “Башҡортостан”, 2013 йыл, 5 февраль)
“Башҡортостан” гәзитенең быйылғы 23-сө һанында “Халыҡ тауышы” рубрикаһында баҫылған “Ҡарға күҙен ҡарға суҡымай, күрәһең” тигән мәҡәләгә Архангел районы хакимиәте башлығы А. Комзаловтан яуап килде.
Райондың Аҙау ауылы аҡһаҡалдары исеменән яҙылған хатта хәҙерге ауыл хужалығының меҫкен хәле, ерҙәрҙең буш ятыуы, халыҡтың үтенестәренә депутаттарҙың иғтибарһыҙлығы, мәктәптәрҙе ҡулайлаштырыу һылтауы менән ябыу, ҡыҫҡартыу, ауылдарҙы халыҡ менән кәңәшләшмәй Советтарға берләштереү осраҡтары хаҡында әйтелгәйне.
Ком: 0 // Уҡынылар: 514 тапҡыр // Тотош уҡырға
Башҡортостан Республикаһы Президенты указдары менән республика Хәрби комиссариаты хеҙмәткәрҙәре: бүлек начальнигы Вәлиев Риф Мәсғүт улы — “Башҡортостан Республикаһындағы фиҙакәр хеҙмәте өсөн” отличие билдәһе, хәрби-врач комиссияһы рәйесе, табип-методист Йыһангиров Роберт Әмин улы, Өфө ҡалаһының Дим районы һәм Өфө районы бүлегендәге хәрби хеҙмәткә әҙерләү һәм саҡырыу бүлексәһе начальнигының өлкән ярҙамсыһы Лекаев Сергей Иванович Башҡортостан Республикаһының Почет грамотаһы менән бүләкләнде; Өфө ҡалаһының Киров, Совет һәм Ленин райондары бүлегендәге мобилизация ресурстарын
Ком: 0 // Уҡынылар: 386 тапҡыр // Тотош уҡырға
Башҡортостанда 13 апрелдән 18 майға тиклем яҙғы экологик өмәләр үткәрелә.
20 — 26 апрелдә республикабыҙҙа шулай уҡ яҡшы йолаға әүерелгән “Парктар маршы” республика экологик акцияһы ойошторола. Унда дәүләт тәбиғәт ҡурсаулыҡтары, “Башҡортостан” милли паркы, бүтән тәбиғәт парктары, заказниктар, балалар экологик ойошмалары, йәмәғәт берекмәләре ҡатнаша.
Акцияның төп бурысы — махсус һаҡланған тәбиғәт биләмәләренә, тыуған яҡ тәбиғәтенә балаларҙың һәм өлкәндәрҙең иғтибарын йәлеп итеү.
Ком: 0 // Уҡынылар: 645 тапҡыр // Тотош уҡырға
Артҡа 1 2 Алға
Бит башына