Рухиәткә юл асҡан АсҡынӘҙәби осрашыуҙар — халыҡ өсөн дә, ижадсы өсөн дә файҙалы сара. Ҡәләм оҫталары китап уҡыусылар менән күрешкәндә, үҙенең ижадына ҡарата уларҙан иң ғәҙел баһа ала, ихлас рәхмәт һүҙҙәре иһә яңы әҫәрҙәр яҙырға дәрт бирә. Ә инде уҡыусы өсөн быға тиклем ижады аша таныш авторҙы яҡындан күреү, сығышын тыңлау — үҙе бәхет. Бындай ихлас аралашыуҙар һәр кемдең рухиәтен байыта, әҙәбиәткә иғтибарҙы көсәйтә.
Яҙыусы менән төрлө төбәктә йәшәгән китап һөйөүселәрҙе яҡынайтыу йәһәтенән Башҡортостандың Яҙыусылар союзы байтаҡ эш башҡара. Мәҫәлән, былтыр Силәбе өлкәһендә башҡорт әҙәбиәте көндәре уҙғарылды.
Ком: 0 // Уҡынылар: 1636 тапҡыр // Тотош уҡырға
Боҙ китте, бәлә килде...Республика йылғаларында тығындар барлыҡҡа килеүе арҡаһында ҡайһы бер төбәктәрҙә йорттарҙы һыу баҫты. Стәрлетамаҡ ҡалаһында Стәрле йылғаһы ярҙарынан сығып, туғыҙ урам һыу аҫтында ҡалһа, Салауатта ҡар һыуы Губкин урамындағы йорттарҙы баҫҡан. Стәрле йылғаһы бер төн эсендә 90 сантиметрға күтәрелгән. Ҡотҡарыусылар кешеләрҙән хәүефһеҙ урынға күсеүҙе үтенһә лә, улар риза булмаған.
Бөрйән районының Әбделмәмбәт ауылы эргәһендә Үҙән йылғаһында боҙ тығылыу арҡаһында һыу күтәрелгән һәм биш йорт һыу аҫтында ҡалған. Һанаулы ғына ваҡыт эсендә Ағиҙел 70 сантиметрға күтәрелгән.
Ком: 0 // Уҡынылар: 638 тапҡыр // Тотош уҡырға
Мәғлүмәт яланы “нығытылды”Башҡортостан Республикаһы Президенты бойороғо менән Мәғлүмәт технологиялары агентлығы етәксеһе урынбаҫары тәғәйенләнде. Ул – тәжрибәле инженер-программист Юрий Крюков.
1993 йылдан бөгөнгәсә “Башнефть” акционерҙар нефть компанияһы структураһында инженер-программист, бүлек начальнигы, департаменттың төп белгесе вазифаларын башҡарған.
Иҫегеҙгә төшөрәбеҙ, Мәғлүмәт технологиялары буйынса агентлыҡ былтыр ноябрҙә Элемтә һәм киң коммуникациялар министрлығын үҙгәртеп ҡороу һөҙөмтәһендә барлыҡҡа килде, уның етәксеһе итеп Илдар Ямалов тәғәйенләнде.
Ком: 0 // Уҡынылар: 544 тапҡыр // Тотош уҡырға
Эльвира Нәбиуллина — Рәсәй банкы рәйесеРәсәй Дәүләт Думаһы яҡташыбыҙ Эльвира Нәбиуллинаны Рәсәй банкы рәйесе итеп тәғәйенләне. Был вазифаны ул дүрт йыл биләйәсәк.
Асыҡтан-асыҡ тауыш биреү барышында 360 депутат ошо ҡарарҙы хупланы, 20 кеше ҡаршы тауыш бирҙе, бер парламентарий икеләнеү белдерҙе. Рәсәй банкы рәйесе вазифаһына Эльвира Нәбиуллинаның кандидатураһын ил Президенты Владимир Путин тәҡдим иткәйне. Яҡташыбыҙ Финанс баҙары буйынса федераль хеҙмәт менән берләштерелгән Рәсәй банкына етәкселек итәсәк. Дәүләт Думаһында сығыш яһап ул, Үҙәк банк иҡтисади үҫешкә булышлыҡ итергә тейеш, тип белдерҙе.
Ком: 0 // Уҡынылар: 575 тапҡыр // Тотош уҡырға
Төйәгенең данлы ҡыҙыАсҡар үҙәк китапханаһының хеҙмәтләндереү бүлегенән Венера Мәһәҙиева менән Зөһрә Хисамитдинова халыҡ менән уңышлы эш алып барыуҙың үҙенсәлекле юлдарын уйлап табып ҡына тора.
Күптән түгел улар "Һинең исемең, урам..." тигән проектты башлап, тарихи шәхестәр исемен йөрөткән урамдарҙа йәшәүселәр менән осрашыуҙар ойошторһа, "Автор тәҡдим итә" тип аталғаны буйынса урындағы авторҙар ижад иткән китаптарҙың исем туйын үткәрҙе. Ә сираттағыһы "Ҡыҙыҡлы шәхес" тип атала. "Яҡташтар" проектын хуплау маҡсатында ойошторолған был сараға райондың рухи һәм мәҙәни үҫешенә ҙур өлөш индергән яҡташтарыбыҙҙы саҡырырға ниәтләйҙәр. Нәҡ бына Клара Абдуллина кеүектәрҙе!
Ком: 0 // Уҡынылар: 724 тапҡыр // Тотош уҡырға
“Күпте һорамайбыҙ: башланғыс мәктәпте һаҡлайыҡ”Ошо көндәрҙә редакцияға Стәрлебаш районының Үрге Шәкәр ауылынан түбәндәге йөкмәткеле хат килеп төштө:
“... 2001 йылда беҙҙә ҙур, яҡты мәктәп асылғайны. 2009 йылда ул башланғыс белем усағы итеп үҙгәртелде. Ә киләһе уҡыу йылында бөтөнләй ябыласаҡ, тигән фарман килде.
Әле Үрге Шәкәр мәктәбендә I класс уҡыусылары ғына белем ала. Улар алтау. II класс юҡ, ә III, IV класс балаларын күрше Йәлембәт ауылына күсерҙеләр. Сәбәбе: ундағы X — XI кластарҙы һаҡлап ҡалырға кәрәк. Һөҙөмтәлә беҙҙең мәктәптә уҡыусылар кәмене.
Балаларыбыҙ бәләкәй, ә ауылдарҙың араһы — 15 саҡрым тирәһе.
Ком: 7 // Уҡынылар: 1844 тапҡыр // Тотош уҡырға
Башҡортостандың мәҙәниәт һарайҙарында төрлө фестивалдәр, концерттар, кисәләр гөрләп үтеп тора. Ҡыуаныслы һәм һоҡланғыс күренеш был. Ата-бабаларыбыҙ ҙа, донъяны матурлыҡ ҡотҡарыр, тип юҡҡа әйтмәгән.
“Ҡурай” йыр-моң каналы 13 апрелдә “Нефтсе” мәҙәниәт һарайында “Иман нуры — халҡыма” тип аталған хәйриә концертын тәҡдим итә.
Унда Башҡортостандың һәм Татарстандың сағыу йондоҙҙары Светлана Арғынбаева, Иҙрис Ғәзиев, Зөһрә Шәрифуллина, Зөлфиә һәм Жәүәт Шакировтар, Азалия һәм Урал Рәшитовтар, Миңләхмәт Ғәйнетдинов, Азат Айытҡолов, Альберт Шаһиев, Әлфиә Юлсурина, Рәсим Фәсихов, Фәрүәз Урманшин, Венера Рәхмәтуллина, Радик Динәхмәтов, Диана Ишниязова, Вилдан Яруллин, Алина Дәүләтханова, Зилә Бәхтиева, “Ҡурайсы” төркөмө ҡатнашасаҡ.
Ком: 0 // Уҡынылар: 710 тапҡыр // Тотош уҡырға
"Башҡортостан" гәзите редакцияһының мәғариф һәм тәрбиә бүлегенә хаттар ифрат күп килә. Төп өлөшөнөң уртаҡ темаға яҙылғанлығын күҙ уңында тотоп, дөйөм күҙәтеү яһауҙы отошло булыр тип таптыҡ.
Хаттар араһында ауыл мәктәптәрен ҡулайлаштырыу мәсьәләһенә ҡағылғандары өҫтөнлөк итә. Йәмәғәтселектең йөрәге әрней, күптәр ысын күңелдән борсола. Мәҫәлән, ғүмерен балаларға белем биреүгә арнаған абруйлы уҡытыусы, даими авторыбыҙ Гөлкәй Ҡужина мәғариф өлкәһендәге үҙгәрештәргә ҡәтғи ҡаршы. "Эш дәүерендә ата-әсә наҙын күрмәй, йә уны аҙ тойоп үҫкән балаларҙы күп күрҙем, — тип яҙа педагог.
Ком: 0 // Уҡынылар: 687 тапҡыр // Тотош уҡырға
Гәзиттең үткән һандарында ил Президенты Владимир Путиндың берҙәм мәктәп формаһын булдырыу идеяһын яҡлап сығыуы тураһында белдергәйнек. Йәмғиәт, һәр ваҡыттағыса, бер генә фекер яҡлы түгел, әммә күпселек башланғыстың ыңғай һөҙөмтә биреренә ышана.
Беренсенән, берҙәм форма социаль тигеҙһеҙлекте күрһәтмәү өсөн ҡулай. Ул баланы мәктәпкә нығыраҡ яҡынайта, ғорурлыҡ тойғоһо тәрбиәләй. Шулай уҡ уҡыусы бәләкәйҙән тәртипкә өйрәнеп, костюмдың йәмғиәттә үҙеңде тотоу сараһы икәнлеген дә аңлап үҫә.
— Совет осорондағы мәктәп формаһы, ниндәйҙер кимәлдә уңайһыҙ һәм күренекһеҙ булһа ла, йәмғиәтебеҙҙең көҙгөһө ине, — ти урта һәм өлкән быуын вәкилдәре.
Ком: 0 // Уҡынылар: 686 тапҡыр // Тотош уҡырға
Мәҡәләмде халыҡ яҙыусыһы, милләтебеҙҙең ғорурлығы, аҡыл эйәһе Зәйнәб апай Биишеваның шиғыры менән башлауҙы урынлы тип таптым:
Моң шишмәһе һандуғастай йырсы ла һин,
Һығылма бил тал сыбыҡтай нәфис тә һин,
Аллы-гөллө гөл-сәскәләй наҙлы ла һин
Эй илһамлы, эй хөрмәтле башҡорт теле!
Ком: 0 // Уҡынылар: 868 тапҡыр // Тотош уҡырға
Артҡа 1 2 Алға
Бит башына