Халыҡ күҙ төбәп уларға киләКисә муниципалитеттарҙың һөнәри байрамы – Урындағы үҙидара көнө билдәләнде. Был байрам былтыр Рәсәй Президенты Владимир Путин Указы менән булдырылғайны.
Беренсе тапҡыр ғына үткәрелһә лә, уның сығанағы тарих төпкөлөнә барып тоташа. 1785 йылда тап ошо көндә Екатерина II “Рәсәй империяһы ҡалалары хоҡуҡтарына һәм файҙаһына грамота”ны раҫлаған.
Башҡортостан Президенты Рөстәм Хәмитов, тантанала ҡатнашыусыларҙы байрам менән ҡотлап, алда торған бурыстар хаҡында һөйләне.
Республика етәксеһе билдәләүенсә, бөгөн муниципалитеттар – халыҡҡа иң яҡын торған власть органы.
Ком: 0 // Уҡынылар: 579 тапҡыр // Тотош уҡырға
Йөрәктәрҙе йылытыр моңо барҺәр кеше талантлы, яҡты күңелле шәхестәр менән осрашыуын онотолмаҫлыҡ хәтирә итеп йөрәгендә һаҡлай. Пермь өлкәһенә Башҡортостан мәҙәниәте көндәрен үткәрергә барғас, минең дә тормошомда шундай бер ваҡиға булды. Район хужалары, халыҡ беҙҙе ихлас ҡаршы алды. Төрлө саралар ойошторолғайны.
Бай эстәлекле китап һатыу күргәҙмәһе янында мөләйем йөҙлө бер егетте күреп, унан: "Ниндәй китаптар һеҙҙе ҡыҙыҡһындыра?" — тип һораным. Ул: "Мин бәләкәй саҡтан уҡ тарихи баҫмаларҙы яратам, бында бер ҙә уҡылмаған китаптарҙы осраттым", — тип тыйнаҡ ҡына яуап бирҙе. Яңы танышым Илеш районының Юғары Мансар ауылы егете Илшат Сибәғәтуллин булып сыҡты.
Ком: 0 // Уҡынылар: 804 тапҡыр // Тотош уҡырға
Еренә ереккән – эшенә береккәнАуыр саҡтарҙа ла ул коллективты һаҡлап ҡала алды

Саҡырманылар түгел, саҡырҙылар Рәмил Ғәтүф улын. Армияла партия ағзалығына кандидат итеп алынғас, прапорщик булып хәрби хеҙмәттә ҡалырға, Урал политехник институтын ҡыҙыл дипломға тамамлағанда — аспирантураға инергә, йәш белгес булараҡ — хәрби заводҡа, хатта дәүләт именлеге органдарына. Барыһынан да баш тартты. Яратып һайлаған төҙөүсе һөнәрен үҙ итте, донъялағы иң тыныс һәм барыһына ла, бар ерҙә лә кәрәкле эште. Сит яҡтарҙа төпләнергә лә күңеле тартманы...
Ком: 0 // Уҡынылар: 662 тапҡыр // Тотош уҡырға
Түлә лә тыныс йоҡла— Мин лотереяға фотоаппарат оттом. Һалым түләргә тейешменме, түләһәм, күпме? Квитанцияны оҙаҡ көтөргәме?
— РФ ҺК-ның 228-се, 229-сы статьяларына ярашлы, ойоштороусылар тарафынан түләнгән лотерея, тотализатор һәм башҡа шундай нигеҙе хәүефле һаналған уйындарға ҡоролған отош тураһында кеше урындағы һалым органдарына хәбәр итергә, декларация тултырырға тейеш. Граждандар килемгә һалым буйынса декларацияны бер йыл эсендә 30 апрелгә тиклем биреп, отош хаҡының 13 проценты күләмен 15 июлдән дә ҡалмайынса түләргә бурыслы. Был сағында һалым органдары тарафынан бер ниндәй белдереү ҡағыҙы ла, квитанция ла ебәрелмәй.
Ком: 0 // Уҡынылар: 639 тапҡыр // Тотош уҡырға
ОноттоЙәшлек әхирәтенең:
– Йәнекәйем, ни хәлдәрҙә генә? – тип ҡосаҡлап алыуына Боҫтанбикә өҙҙөрөп һайрарға ла тотондо.
– Собханалла, собханалла, гөлдәр кеүек.
– Балалар үҫеп бөткәндер инде...
– Һ-и-и, күптән инде, күптән...
– Теге оло ҡыҙың, исемен онотҡанмын, Мәскәүҙә шикелле.
– Ә-ә-ә, Мәстүрәкәйемде әйтәһеңме! Шунда булмай тағы.
Ком: 1 // Уҡынылар: 608 тапҡыр // Тотош уҡырға
Ҡотлайбыҙ!Бөрйән районының Иҫке Собханғол ауылынан Зөлхәмизә Әҙеһәм ҡыҙы Дауытованы 85 йәшлек юбилейы менән ҡотлайбыҙ!
Һөйөклө кешебеҙҙең сабыр аҡылы, уңғанлығы, киң күңеллелеге һәммәбеҙҙе һоҡландыра. Оло йәштә булһа ла, ул өйөн матур итеп тәрбиәләп тота, туғандарын һәр саҡ асыҡ йөҙ менән ҡаршы ала, күңелебеҙҙе рухландыра.
Алдағы көндәреңдә ҡайғы-хәсрәт күрмәй, ауырыу-һыҙланыу белмәй, оҙон-оҙаҡ беҙҙе шатландырып, балаларыңдың изгелеген күреп, бәхетле йәшә лә йәшә.
Ком: 0 // Уҡынылар: 524 тапҡыр // Тотош уҡырға
Барыбер кәләш алырға кәрәк
Егеттәр күрше ауылдан Наза исемле һылыуҡайҙы үҙҙәренә ҡунаҡҡа алып ҡайта. Бер сама байрам иткәндән һуң өйгә таралышыр ваҡыт етә. Тик ҡыҙыҡайҙы кире илтеп ҡуйырға ялҡауҙары килә лә ҡуя. Китә бәхәс: һин алып бар ҙа, һин алып бар. Шул саҡ береһенең башына бик елле уй килә. Улар күмәкләшеп яңы ғына армиянан ҡайтҡан Шәфҡәттең өйөнә юл тота.
– Бына, һиңә кәләш таптыҡ, – тиҙәр, уның күҙенә тура ҡарап. Егет быға әллә ни иҫе китмәй генә, әллә ысын, әллә юрамал:
Ком: 0 // Уҡынылар: 750 тапҡыр // Тотош уҡырға
Өйҙә генә ултыра…
Камал бабайҙың әбейе донъя ҡуйҙы.
– Ҡуй инде, хәҙер яңғыҙ нисек йәшәрмен, – тип илаулап йөрөгән ҡартты һәр кем үҙенсә йыуатты.
– Үлгән артынан үлеп булмай, үҙеңә көңгөр-ҡаңғыр һөйләшеп ултырырға берәй иптәш кәрәк. Анау хәтлем донъяны һүндермәҫһең инде, – тип ҡайһы берәүҙәре күргән-белгән әбей-һәбейҙе димләштерә башланы.
Ком: 0 // Уҡынылар: 1046 тапҡыр // Тотош уҡырға
Тирә-яҡ мөхитте һаҡлау йылы сараларына ярашлы, Башҡортостанда “Ҡотҡарып һәм һаҡлап ҡалайыҡ” халыҡ-ара экология акцияһы башланды.
Акцияға әҙерлек һәм уны үткәреү буйынса эш төркөмөнә тәбиғәттән файҙаланыу һәм экология министры Илдар Һаҙыев етәкселек итә. Эш төркөмөнә шулай уҡ мәғариф, мәҙәниәт, йәштәр сәйәсәте һәм спорт министрҙары, Башҡортостандың ЮНЕСКО эштәре комитеты, Кама һыу бассейны идаралығының республика буйынса һыу ресурстары бүлеге, йәмәғәт ойошмалары вәкилдәре инде. Быйыл “Ҡотҡарып һәм һаҡлап ҡалайыҡ” акцияһы “Иртәгәһе көнөбөҙҙө һаҡлайыҡ!” девизы аҫтында үтә.
Ком: 0 // Уҡынылар: 762 тапҡыр // Тотош уҡырға
Рәсәй Хөкүмәте рәйесенең беренсе урынбаҫары Игорь Шувалов үткәргән кәңәшмәлә Дөйөм Рәсәй халыҡ фронты менән “Рәсәй таянысы”ның шәхси эшҡыуарҙарға страховка иғәнәләрен субсидиялау йәки түбәнәйтеү аша ярҙам күрһәтеү тураһындағы башланғысы хупланды, тип белдерҙе ойошманың президенты Александр Бречалов.
“Шәхси эшҡыуарҙар өсөн страховка иғәнәләрен арттырыуға ҡаршы 100 000 ҡултамға” Дөйөм Рәсәй акцияһына ярашлы, ил төбәктәрендә 135 меңдән ашыу имза йыйылған.
Ком: 0 // Уҡынылар: 489 тапҡыр // Тотош уҡырға
Артҡа 1 2 Алға
Бит башына