Һандан бигерәк сифат мөһимКисә Рәсәй Президенты Владимир Путин ил халҡы менән сираттағы тапҡыр тура бәйләнешкә сыҡты. Дәүләт етәксеһенең был 11-се тура бәйләнеше, шул иҫәптән етенсе тапҡыр – Президент булараҡ.
Бер нисә тәүлек буйына илдең төрлө төбәктәренән һорауҙар яуҙы – 1,7 миллиондан ашыу мөрәжәғәт теркәлгән. Шул уҡ ваҡытта, Рәсәй Президентының матбуғат секретары Дмитрий Песков әйтеүенсә, эш һанда түгел, ә сифатта: төплө, нигеҙле һорауҙарҙың береһе лә яуапһыҙ ҡалмаясаҡ. Рәсәй граждандарын етем балалар яҙмышы, мәғариф өлкәһендәге хәл, социаль сәйәсәт, финанс көрсөгө һәм башҡа мөһим проблемалар борсой. Әлбиттә, тура эфирҙа уларҙың барыһына ла яуап биреү мөмкин түгел.
Ком: 0 // Уҡынылар: 711 тапҡыр // Тотош уҡырға
Бәләкәй эшҡыуарлыҡтың ҙур проблемаларыБөгөн теләге булған һәр кем эшҡыуар була ала. Бының өсөн мөмкинлектәр етерлек, тик елкәң ҡалын һәм тырышлыҡ булһын. Күптәр тап шулай уйлап, тәрән яңылыша. Үҙ эшен асырға теләүселәргә күп кәртә аша үтергә, ҡаршылыҡтар менән осрашырға тура килеүен иҫәпкә алғанда, ай-һай, еңелдән түгел. Әбйәлил районы үҙәге Асҡарҙа үткән форумда һүҙ шул турала барҙы.
Отошло география
“Урал аръяғында бәләкәй эшҡыуарлыҡты үҫтереү проблемалары һәм уларҙы хәл итеү юлдары” тип аталған иҡтисади форумда Башҡортостан Хөкүмәте Премьер-министры урынбаҫары Илшат Тажетдинов, иҡтисади үҫеш министры урынбаҫары Вадим Үтәшев, “Ағиҙел” башҡорт художество кәсептәре” дәүләт унитар п
Ком: 0 // Уҡынылар: 1000 тапҡыр // Тотош уҡырға
“Башҡортостан” көрәшселәрҙе Мәләүезгә саҡыра18 майҙа Мәләүез ҡалаһында “Башҡортостан” гәзите Кубогы һәм приздарына милли көрәш буйынса I республика асыҡ турниры уҙғарыла.
Бәйгенең төп маҡсаты – милли көрәште үҫтереү, эскелеккә, наркоманияға, тәмәке тартыуға ҡаршы көрәш, сәләмәт тормошто пропагандалау.
Турнирҙың шарттары менән гәзиттең киләһе һанында һәм сайтта танышырһығыҙ.
Ком: 0 // Уҡынылар: 586 тапҡыр // Тотош уҡырға
Илештең моңло игеҙәктәреБыл игеҙәк егеттәр Илеш районының Сереккүл ауылынан. Уларҙың һәләтенә һоҡланмаған кеше юҡтыр Өфөлә: баянда өҙҙөрөп уйнайҙар, көй яҙалар, тамашаларҙа ҡатнашалар...
Алмас менән Айҙар Юнысовтар Өфө сәнғәт училищеһының баян класында белем алғандан һуң, сәнғәт академияһының хор-дирижер класын тамамлаған. Бөгөн “Нур” татар драма театрында музыкаль биҙәүсе булып эшләйҙәр. Әйткәндәй, уларҙың ҡатнашлығындағы “Төнгө сәйәхәт”, “Нурлы сәфәр” театрлаштырылған тамашаһын да халыҡ йылы ҡабул итте. Ә инде Алмас менән Айҙар яҙған йырҙар Салауат Фәтхетдинов, Искәндәр Ғәзизов, Айгөл Һағынбаева, Әнүәр Нурғәлиев кеүек сәнғәт йондоҙҙары башҡарыуында республикабыҙҙың, Татарстандың телевидениеһы һәм радиоһы аша йыш яңғырап тора.
Ком: 0 // Уҡынылар: 916 тапҡыр // Тотош уҡырға
Геройҙар — беҙҙең аралаЕр тәнендә генә түгел, миллионлаған кешенең аңында һәм күңелендә тәрән эҙ ҡалдырған Чернобыль фажиғәһенә 27 йыл булып та киткән икән. Барыһы ла кисәгеләй генә: көтөлмәгән атом һәләкәте хаҡында ҡот осҡос хәбәр, радиация эҙемтәләрен бөтөрөүгә һалдаттарҙы, тыныс тормош көтөүсе граждандарҙы мобилизациялау, тәүге ҡорбандар, яҡындары ваҡытынан алда яҡты донъянан киткәндәрҙең ҡара ҡайғыһын уртаҡлашыу...
Былтыр Рәсәй Президенты тарафынан 26 апрель Радиация аварияларында һәм һәләкәттәрҙә һәләк булғандарҙы иҫкә алыу көнө итеп иғлан ителде.
Ком: 0 // Уҡынылар: 879 тапҡыр // Тотош уҡырға
Африканың башҡорт егетеЭлек аҫыл ир-егеттәребеҙҙе көсләп һөргөнгә ебәрһәләр, бөгөн инде улар аҡса эшләү, донъя күреү маҡсатында үҙҙәре теләп сит яҡтарға юллана. Мәҫәлән, Африка тиклем Африкала (!) Берләшкән Милләттәр Ойошмаһының миссияһы буйынса менеджер-тәржемәсе булып йөрөгән яҡташыбыҙ хаҡында ишеткәс, тәүҙә ышанмайыраҡ торҙом. Уның тыуған яҡҡа ҡайтыуын белеп ҡалғас, күрешмәй булдыра алманым. Рухи терәге булған ҡәҙерле атаһын һуңғы юлға оҙатырға ҡайтҡан егет, ҡайғылы мәле булыуға ҡарамаҫтан, осрашып әңгәмәләшергә яйын тапты.
Хәйер, башта уның менән таныштырып үтәйек: Күгәрсен районының Түләбай ауылы егете Руслан Псянчин була ул.
Ком: 0 // Уҡынылар: 1017 тапҡыр // Тотош уҡырға
Берҙәмлектәренә һоҡландымКүптән түгел М. Кәрим исемендәге милли йәштәр театрының башҡорт труппаһы Туфан Миңнуллиндың “Диләфрүзгә дүрт кейәү” музыкаль комедияһы менән Ханты-Манси автономиялы округына гастролгә барып ҡайтты. Сәйәхәттән һуң йәш актер Илнур Лоҡманов тәьҫораттары менән уртаҡлашты:
— Быға тиклем ят тарафтарға гастролгә сыҡҡаным юҡ ине. Бары тик һабантуйҙарҙа ғына ҡатнаштым. Гөрләп торған байрам мәлендә милләттәштәр менән аралашыу мөмкинлеге сикләнгән. Ә был сәфәрҙә тыуған еренән ситтә йәшәгән башҡорттар менән аралашып, уларға һоҡланып ҡайттым. Түбәнге Һартым, Сорғот, Нефтеюганск, Нижневартовск, Лангепас ҡалаларында булдыҡ.
Ком: 0 // Уҡынылар: 831 тапҡыр // Тотош уҡырға
Сая икән әйле башҡорттары!Башҡортостаныбыҙҙың төньяҡ-көнсығыш төбәге үҙенсәлеклелеге менән айырылып тора. Шуға күрә ул яҡтарға сәфәргә сығыу — һәр саҡ көтөп алынған ваҡиға. Был юлы Дыуан районының Мәсәғүт ауылына юл тоттоҡ, унда барыуҙың сәбәбе лә мөһим ине — әйле ырыуы башҡорттары ошонда үҙенең йыйынын үткәрҙе.
Командировкаға таң һарыһынан ҡуҙғалдыҡ. Йоҡомһорап ҡына ултырған юлдаштарымды водителдең ҡысҡыртып ҡуйған башҡорт йырҙары шунда уҡ уятты. Мәсәғүткә барып еткәнсе дәртле йыр-моң тыңлап барыу беҙҙе ифрат рухландырҙы. Килеп етеү менән башҡорт рухы аңҡып торған мөхиткә сумдыҡ. Мәҙәниәт һарайы алдында тирмәләр ҡуйылған, улар милли әйберҙәр менән йыһазландырылған.
Ком: 0 // Уҡынылар: 1148 тапҡыр // Тотош уҡырға
Мөһим мәсьәләләр ҡаралғайны ла...Сибай ҡалаһы башҡорттары ҡоролтайы башҡарма комитетының сираттағы ултырышы тирә-яҡ мөхитте һаҡлау, ғаиләлә атай абруйын күтәреү, атай тәрбиәһен көсәйтеү мәсьәләләренә арналды. Унда Бөтә донъя башҡорттары ҡоролтайының башҡарма комитеты рәйесе урынбаҫары Буранбай Күсәбаев, Сибай ҡалаһы хакимиәте башлығы Хәлит Сөләймәновтарҙың ҡатнашыуы сараға мәртәбә өҫтәне.
Сибай ҡалаһы башҡорттары ҡоролтайы башҡарма комитетының эшмәкәрлеге һуңғы йылдарҙа әүҙемләште. Бигерәк тә уның рәйесе итеп Ирек Бикмәтов тәғәйенләнгәс, эш алға киткәндәй булды. Был турала сығыш яһаусылар ҙа, ҡала хакимиәте етәксеһе лә билдәләне.
Ком: 0 // Уҡынылар: 904 тапҡыр // Тотош уҡырға
Яҙмышыбыҙға хужа булайыҡ!Халҡыбыҙҙа элек-электән матур бер йола йәшәгән: борсоған мәсьәләләрҙе бергәләп хәл итер өсөн улар йыйын йыйған, илдең абруйлы аҡһаҡалдарын саҡырып, бергәләшеп кәңәш ҡорған. Бөгөн халҡыбыҙ алдында ер, тел һәм милләт проблемалары киҫкен тора. Ауылдарҙа мәктәптәр ябыла, халыҡ эшһеҙлектән генә түгел, эскелектән ыҙа сигә. Илебеҙҙә бигерәк тә битарафлыҡ, бер-беребеҙгә ҡарата иғтибарһыҙлыҡ арта барған саҡта беҙҙе берҙәмлек кенә һаҡлап ҡаласаҡ. Тап ошондай ваҡытта милләттәштәребеҙ араһында аңлатыу эше алып барыу зарур. Темәс ауыл Советы биләмәһе башҡорттарының ҡоролтайы шул маҡсаттан сығып ойошторолдо. Ҡорҙоң районда беренселәрҙән булып тап ошонда үтеүе осраҡлы түгел.
Ком: 0 // Уҡынылар: 1024 тапҡыр // Тотош уҡырға
Ҡыҙыҡһыныу тыуҙыра беләләр— Йәшәгән урыныбыҙға алыҫ булһа ла, ейәнемде ошо 15-се балалар баҡсаһына йөрөтәбеҙ. Башҡорт төркөмө һаналған 11-се төркөмгә эләгеүебеҙгә шатланып бөтә алмайбыҙ, сөнки балалар ауырып яфаламай, — тине милли йолалар айлығы айҡанлы ойошторолған сараға килгән өләсәйҙәрҙең береһе.
Уның һүҙенә Нәғим исемле малайҙың әсәһе лә ҡушылды:
— Үҙемә лә, улыма ла бик оҡшай бындағы мөхит. Йылы ергә йылан эйәләшә, тиҙәр бит. Беҙ ҙә тиҙ генә күнегеп киттек, улым ашҡынып килә, ихлас ҡала, шуға тыныс күңел менән ҡалдырып китәбеҙ, — тине ул.
Ком: 0 // Уҡынылар: 713 тапҡыр // Тотош уҡырға
Бында мөғжизә тыуаКүҙ ауырыуҙарын дауалау йәһәтенән Өфө илебеҙҙең баш ҡалаһы Мәскәү менән бер рәттә тора, тиһәк, моғайын, хата булмаҫ. Ҡайһы бер йүнәлештәрҙә нәҡ беҙҙең клиникалар айырыуса көслө һанала. Беҙгә Урал һәм Волга буйынан, Рәсәйҙең башҡа төбәктәренән генә түгел, БДБ, алыҫ сит илдәрҙән дә дауаланырға килеүселәр етерлек. Республикабыҙҙың баш ҡалаһында күҙ ауырыуҙарын дауалауҙың төрлө йүнәлештәрендә махсуслашҡан яңынан-яңы клиникалар барлыҡҡа килеүе ғәжәп түгел — фәнни һәм практик нигеҙебеҙ көслө.
“РИА-Медоптик” офтальмология үҙәге Өфөлә 1998 йылдан алып эшләй.
Ком: 0 // Уҡынылар: 906 тапҡыр // Тотош уҡырға
Һуңғы йылдарҙа халыҡтың күп өлөшө, айырыуса йәштәр, башкөллө Интернет донъяһына сумды. Ул хәҙер ата-әсә урынына балаларҙы ла бик шәп «тәрбиәләй» башланы. Был хәлдең аҙағы хәйерле булһын инде.
Әйтер һүҙем шул: Интернет тигән яуыздың ауыҙына ҡарап ҡына ултырырға тейеш түгелбеҙ . Ошо арҡала башҡортса нәшер ителгән гәзит-журналдарҙы алдырып уҡыусылар йылдан-йыл кәмей. Бәғзеләр, мин гәзитте Интернеттан уҡыйым, тип фәстерә. Электрон баҫманы бушлай уҡыу, әлбиттә, һәйбәттер. Ә ниңә «заман кешеләре» электрон баҫмаға яҙылып, тейешле аҡсаһын түләмәй? Ярты йылға 150 һум уларға йәлме ни?
Ком: 0 // Уҡынылар: 882 тапҡыр // Тотош уҡырға
“АиФ” Башкортостан” һәм “АН” Башҡортостан” гәзиттәре башлаған “дискуссия” Ейәнсура районы башҡорттары ҡоролтайының башҡарма комитетын ошо мөрәжәғәт менән сығыш яһарға мәжбүр итә. “Дискуссия” һүҙе тырнаҡ эсендә бирелә, сөнки унда ҡатнашыусылар тигеҙ шарттарға ҡуйылмай: берәүҙәргә бер бит урын бирелһә, уларға ҡаршы фекер әйтеүселәрҙең фекере ике-өс һөйләм менән генә белдерелә. Бары Р. Ирназаровҡа ғына үҙ фекерен әйтергә киңерәк мөмкинлек бирелгән (“АиФ” Башкортостан”, 7. 03. 2013 й.). Ә инде Г. Лучкина һәм Э. Тарасованың һандан һанға күсеп йөрөүе бер генә ҡапҡаға һөжүмле уйынды хәтерләтә. Ярай, уныһын “дискуссия”ны ойоштороусыларҙың намыҫына ҡалдырайыҡ.
Ком: 1 // Уҡынылар: 982 тапҡыр // Тотош уҡырға
БР Дәүләт Йыйылышы — Ҡоролтай Рәйесе Константин Толкачев Рәсәй Федерацияһы Федераль Йыйылышы ҡарамағындағы закон сығарыусылар Советының Милли именлекте закондар менән тәьмин итеү һәм коррупцияға ҡаршы эш итеү мәсьәләләре буйынса комиссияның тәүге ултырышын үткәрҙе.
— Кешелек тарихында йәмғиәттең һәм дәүләт аппаратының коррупция йоғонтоһона бирелеүе үҙ-ара мөнәсәбәттәр көрсөгөнә, хатта дәүләттең һәләк булыуына килтереү миҫалдары бихисап. Рим, Византия империялары — быға сағыу дәлил, — тине ул, ултырышты асып — Дәүләт идараһының бөтә өлкәләренә, кимәлдәренә үтеп инеп, коррупция уның системаһын емереү, дөйөм социаль бурыстарҙы айырым төркөмдәрҙең мәнфәғәтенә буйһондороу һәләтенә эйә.
Ком: 0 // Уҡынылар: 547 тапҡыр // Тотош уҡырға
Артҡа 1 2 Алға
Бит башына