Тыуған тупраҡтың ҡөҙрәте сикһеҙ"Аҡсабыҙ булмағанға күрә башты эшләтергә тура килә". Марат Ишемғоловтың ҡабул итеү бүлмәһенә аяҡ баҫыу менән ирекһеҙҙән стеналағы ошо яҙыуға күҙ төшә. Етәксенең эш девизымы, әллә гел генә ярҙамға өмөт итеп, һоранырға, үтенергә ғәҙәтләнгән ҡайһы берәүҙәрҙән ҡотолоу, оялтыу әмәлеме был? Ярай, ҡарап, һынап ҡарайыҡ әле: бөгөн бит башлыҡтың халыҡты ҡабул итеү көнө, аҡыл эйәһе Резерфордтың тапҡыр һүҙҙәре мәғәнәһен, бәлки, күҙгә-күҙ осрашыуҙарҙан беҙ ҙә тулыраҡ аңларбыҙ.
Тормош тәжрибәһенә таянып...
— Халыҡ элеккесә башлыҡты күргеһе килеп, ябырылып тормай хәҙер, — тип шаярта Марат Баязит улы. — Йыл ярым элек электрон ҡабул итеү технологияһы индерелгәс, күптәр һорау-үтенестәрен хат итеп ебәрә лә сабыр ғына беҙҙән яуап көтә.
Ком: 0 // Уҡынылар: 815 тапҡыр // Тотош уҡырға
Раил ӘСӘҘУЛЛИН: “Ябай Шишмә малайы булып ҡалам”Донъя бал ҡорто күсен хәтерләтә. Унда кемдер иң ауыр хеҙмәтте башҡарып, тотош ҡәүемдең именлеген хәстәрләһә, берәү үҙ яйына, һәүетемсә көн итеүҙе һайлай, эйәреп кенә йөрөүҙе хуп күргәндәр ҙә бар. Башҡортостандың Дәүләт Йыйылышы — Ҡоролтай депутаты, М. Аҡмулла исемендәге Башҡорт дәүләт педагогия университеты ректоры, педагогия фәндәре докторы Раил Әсәҙуллин хаҡында һүҙ сыҡҡанда, уға күп кеше “һәр саҡ алдан барған, яңылыҡҡа ынтылған, егәрле, бөтмөр, өлгөлө хужа, эш кешеһе” тигән баһа бирә. Бөгөн ҙур байрамын — 60 йәшен — билдәләгән Раил Мирвай улы бындай хөрмәткә тулыһынса лайыҡ. Уның БДПУ, университет коллективы, студенттар, ғөмүмән, республиканың белем биреү системаһы, педагогик йәмғиәт өсөн башҡарған хеҙмәте баһалап бөткөһөҙ.
Ком: 0 // Уҡынылар: 735 тапҡыр // Тотош уҡырға
"Һәр саҡ үҙем менән..."Әхирәтем Илмираның ҡулынан килмәгән эш юҡ: энә һәм ырғаҡтар менән бәйләй, күҙ яуын алырлыҡ әйберҙәр сигә, телеңде йоторлоҡ ҡамыр аштары бешерә, буяуҙарға йән индереп, һүрәт төшөрә... Һанай китһәң, тағы ла әллә нәмәләр эшләй белә. Ауылыбыҙҙа юбилей тантаналарына, туй табындарына уны саҡырып өҫтәл биҙәтәләр, кәләш көйәнтәһенә һәм силәктәренә матур сәскәләр төшөртәләр.
Рәсемдәрҙе күп ваҡыт күңеленә килгән образдар аша яһай. Уларҙа бала саҡ йылдарының аһәңдәре, тыуған яҡ йылыһы һиҙелә. "Силәктәге һүрәттәрҙә урман, һауа, гөл-сәскә һәм емеш-еләк еҫтәренә тиклем тоям", — тип әйтеүе Илмираның үҙ эшен ни тиклем яратҡанын һәм ихласлығын күрһәтә.
Ком: 0 // Уҡынылар: 631 тапҡыр // Тотош уҡырға
Алтын ҡуллы Бөрйән “башҡорто”Һөнәрленең ҡулы алтын, аҡыллының аҡылы алтын, ти халыҡ мәҡәле. Иҫке Собханғол ауылында тыуып үҫеп, әле Бөрө ҡалаһында йәшәгән Сергей Лыгин хаҡында ла тап шулай тип әйтергә була. Уның ағастан юнып-һырлап эшләгән иҫ киткес ҡул эштәрен Башҡортостан телевидениеһының яңылыҡтар программаһында күрһәттеләр, яҡташыбыҙ «Юлдаш» радио каналынан да саф башҡортса, бөрйәнсә, һөйләне.
Ояһында ни күрһә, осҡанында шул булыр, тигәндәгесә, Сергей Лыгин Александр Михайлович менән Маруся Максимовналарҙың тырыш һәм йүнсел ғаиләһендә тыуа. Ике ҡыҙ ҙа һәм бер улдары ла яҡшы уҡыуҙары, йәмәғәт эштәрендә әүҙемлектәре менән айырылып тора.
Ком: 0 // Уҡынылар: 1543 тапҡыр // Тотош уҡырға
Дәүләт башлығы Владимир Путин киләһе йылды Рәсәй Федерацияһында Мәҙәниәт йылы тип иғлан итеү тураһындағы Указға ҡул ҡуйҙы.
Документтың тексы Кремлдең сайтында урынлаштырылған. Указда билдәләнеүенсә, Мәҙәниәт йылы йәмғиәттең иғтибарын ошо өлкәне үҫтереү мәсьәләләренә йәлеп итеү, мәҙәни-тарихи мираҫты һаҡлап ҡалыу, бөтә донъяла Рәсәй мәҙәниәтенең әһәмиәтен арттырыу маҡсатында уҙғарыла. Рәсәй Хөкүмәтенә Мәҙәниәт йылын үткәреү буйынса ойоштороу комитетын төҙөргә, уның составын раҫларға, төп саралар планын эшләүҙе һәм раҫлауҙы тәьмин итергә ҡушылды.
Ком: 0 // Уҡынылар: 1412 тапҡыр // Тотош уҡырға
20 апрелдә Берҙәм дәүләт имтиханының тәүге этабы үтте. Билдәле булыуынса, төрлө сәбәп буйынса алдан һынау тотҡан уҡыусыларыбыҙҙың береһе, контроль үлсәү материалдарын Интернетҡа күсереп, БДИ тәртибен боҙоп та өлгөргән.
Ошондай хәлдәрҙең төп сәбәбе нимәлә? Унда фәҡәт бала ғына ғәйеплеме? БДИ-ға әҙерлек барышында нимәгә иғтибар итмәйбеҙ? Берҙәм дәүләт имтиханына әҙерлек һәм уны үткәреү мәсьәләләре буйынса ведомство-ара комиссия ултырышында ошо һорауҙарға яуап эҙләнде, район һәм ҡала хакимиәттәренең мәғариф идаралығы етәкселәренә яңы бурыстар йөкмәтелде.
Ком: 0 // Уҡынылар: 604 тапҡыр // Тотош уҡырға
Юғары хоккей лигаһының финал уйындары дауам итә. Унда Нефтекаманың “Торос”ы Ҡаҙағстандың Караганда ҡалаһынан “Һарыарҡа” менән көс һынаша.
Был команданың ҡеүәте – иртәгәнән КХЛ-да сығыш яһарлыҡ. Әммә “Торос” та төшөп ҡалғандарҙан түгел, былтыр Братина кубогын яулауға өлгәште. Шуға был икәүҙең көрәше бигерәк тә көсөргәнешле. Быны тәүге өс уйын да раҫланы: Карагандала тәүге осрашыуҙа баш эйһәк тә, һуңынан ике тапҡыр еңеүгә өлгәштек.
Дүртенсе уйынды шуға ла көйәрмәндәребеҙ ҙур түҙемһеҙлек менән көттө: ошо осрашыуҙа еңһәк, кубокты алыр өсөн “Торос”ҡа ни бары бер еңеү яуларға ҡалыр ине.
Ком: 0 // Уҡынылар: 526 тапҡыр // Тотош уҡырға
Бөгөн Рәсәй Президенты Владимир Путин үҙенең сираттағы тура бәйләнешен үткәрә. Беренсе тапҡыр был сара 2001 йылда ойошторолғайны. Халыҡтың дәүләт етәксеһе менән туранан-тура һөйләшеүе бик һөҙөмтәле булып сыҡты. Бирелгән һорауҙар иләк аша үткәрелһә лә, Президенттың күптәрҙе борсоған мәсьәләләргә ҡаушамай, тыныс, төплө яуап биреүе кешелә ҡәнәғәтләнеү тойғоһо уята. Халыҡҡа ошо йылдар эсендә бындай аралашыу оҡшап ҡалды. Ғөмүмән, “тура линия”ның рейтингы юғары кимәлдә. Кубала Фидель Кастро, Венесуэлала мәрхүм Уго Чавес әлеге алымды оҫта файҙаланды. Дмитрий Медведев та, Рәсәйҙең ҡайһы бер төбәк етәкселәре лә ошо тәжрибәнән ситтә ҡалмаҫҡа тырыша.
Ком: 0 // Уҡынылар: 557 тапҡыр // Тотош уҡырға
Эш сәфәре һуңында Валентина Матвиенко Башҡортостандың Дәүләт Йыйылышы – Ҡоролтай депутаттары, Йәмәғәт һәм Йәштәр палаталары ағзалары, урындағы үҙидара органдары вәкилдәре менән осрашты. Сарала шулай уҡ республика Президенты Рөстәм Хәмитов, парламент етәксеһе Константин Толкачев ҡатнашты.
Тәүҙә Валентина Матвиенко Президент Владимир Путин тәҡдим иткән Рәсәйҙең яңы үҫеш стратегияһы, был юҫыҡта республикала ил етәксеһе ҡуйған мәсьәләләрҙең хәл ителеше хаҡында һөйләне.
— Башҡортостан үҫешкән төбәктәрҙән һанала, – тине ул.
Ком: 0 // Уҡынылар: 461 тапҡыр // Тотош уҡырға
Өфөгә рәсми сәфәре барышында Рәсәй Федераль Йыйылышының Федерация Советы Рәйесе Валентина Матвиенко Башҡортостан Президенты Рөстәм Хәмитов менән Башҡорт дәүләт медицина университеты клиникаһында ла булды.
Клиникала ҡунаҡҡа биоматериалдар банкы булған күҙәнәк технологиялары институты, юғары технологиялы операциялар үткәреү өсөн заманса хирургия корпусы, шулай уҡ уҡыу-лаборатория бинаһы төҙөү проекттарын тәҡдим иттеләр.
Ком: 0 // Уҡынылар: 454 тапҡыр // Тотош уҡырға
Артҡа 1 ... 3 4 5 6 7 8 9 10 11 ... 40 Алға
Бит башына