Йәй алып килделәрЕргә йәй килгәнен хәбәр иткәндәй, сағыу ҡояш айырыуса шат йылмая бөгөн. Халыҡ-ара балаларҙы яҡлау көнө булыуы ҡыуанысты икеләтә арттыра.
Тарихҡа күҙ һалғанда, 1949 йылда Парижда үткән ҡатын-ҡыҙҙар конгресында тыныс тормош өсөн туҡтауһыҙ көрәш алып барырға ант бирелә. Был — йәш быуындың именлеген тәьмин итеүҙең төп юлы, тип билдәләнә. 1950 йылдың 1 июнендә иһә тәүге тапҡыр Халыҡ-ара балаларҙы яҡлау көнө уҙғарыла, һәм ул матур йолаға әүерелә.
Байрамдың флагы бар: үҫеште, аһәңде, уңдырышлылыҡты сағылдырған йәшеллек уртаһында Ер шары һүрәтләнгән, уны ҡыҙыл, һары, күк, аҡ, ҡара төҫтәге кеше һындары уратып алған. Был фигуралар төрлөлөктө һәм сабырлыҡты аңлата. Үҙәктәге Ер шары иһә — дөйөм йортобоҙҙоң билдәһе.
Ком: 0 // Уҡынылар: 746 тапҡыр // Тотош уҡырға
“Шайморатов”  йәйләүгә  сыҡты“Шайморатов” хужалығы малдарын беренселәрҙән булып йәйләүгә алып сыҡты. Варшавканың – 185, Шайморатовтың 250 баш сыбар тоҡомло һауын һыйыры кинәнеп йәшел үлән утлай.
Йәмғиәт етәксеһе Артур Нурғәлиев алдынғы һауынсыларҙы аҡсалата премия менән бүләкләне.
Уртаҡ тырышлыҡ менән малдар ҡышты көр сыҡты. Барығыҙға ла уңышлы йәй теләйем, — тине ул.
Йәйләүҙә уңайлы шарттар булдырылған. Тыуасаҡ быҙауҙарға ла урын әҙер — кәртәләнгән, аҡланған.
Ком: 0 // Уҡынылар: 846 тапҡыр // Тотош уҡырға
Заман геройыОшо көндәрҙә Рәсәй Президенты Владимир Путиндың Указына ярашлы Ишембай ҡалаһындағы Әхмәтзәки Вәлиди исемендәге башҡорт гимназияһынан 7-се “В” класс уҡыусыһы Айнур Ғәлиев “Һәләкәткә осрағандарҙы ҡотҡарған өсөн” миҙалы менән наградланды.
Былтыр йәй Ишембайҙан алыҫ булмаған быуала һыуға батып барған ике сабыйҙы ҡотҡарған 13 йәшлек үҫмерҙең батырлығы тураһында бөтә республика һөйләгәйне.
15 июндә була был хәл. Халыҡ “Кузьмин быуаһы” тип атаған урында бихисап ял итеүсе ҡомда ҡыҙына, һыу инә. Унан бер нисә саҡрым ғына алыҫлыҡтағы Бәләкәй Байыҡ ауылынан һыу инергә тип килгән Айнур менән Илшат тын тултырылған матраста йөҙгән ике балаға иғтибар итә — яндарында бер генә оло кеше лә юҡ.
Ком: 0 // Уҡынылар: 988 тапҡыр // Тотош уҡырға
“Кешеләргә өмөт бүләк итәм”Лилиә Илембәтованың яҙмышы китапҡа торошло

...Яҙмыштың аяныслы боролошо 1988 йылдың июненә – ҡәҙимге ҡояшлы бер көнгә барып тоташа. Хәйбулла районының Аҡъяр ауылынан балалар бейеү ансамблен республика күләмендә үткәрелгән ижади фестивалгә алып киләләр. Уңышлы сығыш яһаған балаларҙы етәкселәре баш ҡаланың Ғафури паркына ял итергә алып барырға була. Сыр-сыу килеп, ҡыҙҙар һәм малайҙар рәхәтләнеп күңел аса, төрлө аттракционда уйнай. 10 йәшлек Лилиәгә лә ифрат күңелле була: балаларға хас бер ҡатлылыҡ менән, сәскәнән сәскәгә талпынған күбәләк кеүек, һомғол буйлы ҡыҙыҡай әле бер, әле икенсе яңылыҡты һынап ҡарай.
Ком: 0 // Уҡынылар: 898 тапҡыр // Тотош уҡырға
УрынИке тәҙрәле бәләкәй генә йорттоң алдына килеп туҡтағас, Флорид Әғзәмович аптырап ҡарап ҡуйҙы:
— Ҡәйнәң ошонда йәшәмәйҙер...
— Ошонда. — Зәбирҙең тауышы көрәйеп китте. — Килеп еттек, әйҙәгеҙ, инәйек.
Флорид Әғзәмович теләр-теләмәҫ кенә машинанан сыҡты. Тауыҡ кетәгендәй генә өйгә инергәме-юҡмы тигәндәй, йөҙөн сирыштырҙы. Ошондай йортҡа инеүҙән дәрәжәһе кәмер кеүек тойолдо уға.
Шул саҡ ҡаршыларына фуфайка кейгән әбей йүгереп сыҡты. Ҡунаҡтарҙы күреү һөйөнөсө йөҙөндә балҡый.
Ком: 2 // Уҡынылар: 1430 тапҡыр // Тотош уҡырға
«Ырыуҙар ташы»н күмәкләп төҙөйөк!2010 йылдың йәйендә, III Бөтә донъя башҡорттары ҡоролтайына әҙерлек барышында, Торатау итәгендә «Ырыуҙар ташы» тарихи-мемориаль комплексын төҙөү тураһында ҡарар ҡабул ителеп, уға символик нигеҙ ташы ла һалынғайны. Был һәйкәлдең үҙәген тәшкил иткән ғәйәт ҙур гранит ташҡа 40-тан ашыу башҡорт ырыуының атамалары яҙылып ҡуйылырға тейеш ине. Ҡыҙғанысҡа ҡаршы, билдәле сәбәптәр арҡаһында эш әлегә тиклем тотҡарланып торҙо.
Этнографик музейы һәм мәсете булған мемориаль комплексты төҙөү байтаҡ финанс сығымы талап итә. Яңыраҡ уҙғарылған әйле ырыуы йыйында делегаттар ошо һәйкәл өсөн иғәнә йыйырға саҡырып, барлыҡ башҡорт ырыуҙары вәкилдәренә мөрәжәғәт итте.
Ком: 0 // Уҡынылар: 755 тапҡыр // Тотош уҡырға
Асылыкүл ҡыҙыДәүләкән районының Мәкәш ауылына юлға сыҡҡанда, “Заятүләк менән Һыуһылыу” эпосы иҫкә төштө. Унда Һыуһылыу Заятүләкте һыу аҫты донъяһындағы мөһабәт һарайҙар, күҙ яуын алған хазиналар менән таныштыра...
“Ватандаш” журналының баш мөхәррире, шағир Азамат Юлдашбаев, журналдың бүлек мөдире Айнур Дәүләтбәков менән Асылыкүл ҡыҙы, Шәйехзада Бабич исемендәге дәүләт йәштәр премияһы лауреаты, шағирә Лариса Абдуллинаның “һыу аҫты” донъяһын күрергә китеп барабыҙ. Хәйер, Ларисаның ижады менән беҙҙе таныштырып тороу кәрәкмәй, шиғриәтенең моңо күңелебеҙгә күптән һеңеп ҡалған.
Ком: 0 // Уҡынылар: 1166 тапҡыр // Тотош уҡырға
Күңелем аяҡтарҙан да алдан саба. Юҡтан ғына түгел, бөгөн бит беҙҙә байрам – ҡала көнө! Химиктар һәм эшҡыуарҙар байрамдарын билдәләйбеҙ. Иртәнән кискә тиклем матур-матур шарҙар, һүрәттәр менән биҙәлгән урамдар, концерт, уйын-ярыш майҙандары, тәм-том һыйҙары көтә беҙҙе.
Бына ҡала хакимиәте ҡаршыһында торабыҙ. Урындағы етәкселек байрамға килгән ҡунаҡтар – яҡын-тирәләге район һәм ҡала башлыҡтары, предприятие етәкселәре – менән бина алдында туҡтаған троллейбусҡа инә. Аптырайбыҙ: троллейбустың “мөгөҙҙәре” юҡ та баһа – нисек ҡала урамдарын ҡыҙырып, халыҡҡа байрам кәйефе таратырға уйлайҙар икән? Баҡтиһәң, ул электрһыҙ ҙа (махсус аккумулятор ярҙамында) йөрөй ала – һынау өсөн килтергәндәр.
Ком: 0 // Уҡынылар: 820 тапҡыр // Тотош уҡырға
Швеция тиһәләр, иң тәүҙә нимә иҫегеҙгә төшә? Дөрөҫ, унда күптән түгел шаулап-гөрләп үткән “Евровидение” музыкаль конкурсы, йорт кәрәк-ярағы менән сауҙа итеүсе данлыҡлы “IKEA” магазины, ошо илдә етештерелгән татлы шоколад… Әммә бөгөн һүҙ улар тураһында түгел. Европаның тотороҡло, һәр йәһәттән алға киткән ошо бәләкәй генә илендә йәшәүселәр донъялағы иң ҡәҙерле кешеләренә, йәғни балаларына ҡарата ниндәй мөнәсәбәттә – һеҙгә ошо хаҡта һөйләмәксебеҙ.
Ғөмүмән, балаларға Швецияла мөмкин тиклем ҙур мөхәббәт һәм хөрмәт менән ҡарайҙар. Әйткәндәй, был дәүләт бала табыуҙа ярҙам күрһәтеү, әсәнең һәм баланың һаулығын һаҡлау сифаты буйынса донъяла беренсе урында тора.
Ком: 0 // Уҡынылар: 623 тапҡыр // Тотош уҡырға
Ата-әсә наҙынан һәм иғтибарынан мәхрүм ҡалған балаларҙың күпселегенә төрлө ҡурҡыу хистәре хас. Берәүҙәре ҡараңғылыҡтан шөрләй, икенселәре сит кешеләрҙән йә иһә хайуандарҙан шикләнә. Баланың шулай уҡ барлыҡ донъяға ышанмай ҡарауы ихтимал, был уны ташлап китеүҙән, ҡалдырып ҡуйыуҙан ҡурҡыуға бәйле.
Ҡурҡыу
Ҡайһы бер балалар яңы ата-әсәгә хис-тойғоһон асып бармай, бының өсөн бер ни тиклем ваҡыт талап ителә. Эсендә оялаған ҡурҡыу хисен һөйләмәгән осраҡта ла, был тойғоноң башҡаса сағылыуы ихтимал: баланың тән температураһы күтәрелә, йыш ҡына баш ауыртыуына зарлана, төндә тынысһыҙ йоҡлай.
Ком: 0 // Уҡынылар: 664 тапҡыр // Тотош уҡырға
Артҡа 1 2 Алға
Бит башына