“Хәл яҡшыра, сибайҙарға борсолорға урын юҡ”Кисә Башҡортостан Президенты Рөстәм Хәмитов эш сәфәре менән Сибай ҡалаһында булды. Республика башлығының ҡалаға тәүге сәфәре түгел был. Шуға күрә Рөстәм Зәки улы сибайҙарҙың тормошо, йәшәү рәүеше, эш шарттары, торлаҡ, мәғариф, һаулыҡ һәм сәнәғәт өлкәһендәге проблемалары хаҡында яҡшы белә.
Президенттың эш сәфәрен ағас эшкәртеү сәнәғәтенән башлауы ла юҡҡа түгел: уның Сибайға тәүге килеүе лә ошо өлкә проблемаларына йүнәлдерелгәйне. “Һеҙҙә урман күп, әммә уны эшкәртеү яйға һалынмаған. Һөҙөмтәлә ағас күрше өлкәләргә – Силәбе һәм Ырымбурға — китә. Артабан былай итергә ярамай – уны үҙебеҙ эшкәртергә һәм бынан яҡшы табыш алырға тейешбеҙ”, — тигән һүҙҙәре бөгөн аҡрынлап тормошҡа аша.
Ком: 0 // Уҡынылар: 909 тапҡыр // Тотош уҡырға
Бәхил бул, Маэстро!Күп милләтле республикабыҙ халҡы Рәсәйҙең һәм Башҡортостандың атҡаҙанған сәнғәт эшмәкәре, Д. Шостакович һәм Ғ. Сәләм исемендәге премиялар лауреаты, күренекле композитор Салауат Низаметдиновты һуңғы юлға оҙатты. Һоҡланғыс шәхес менән бәхилләшеү өсөн Башҡортостан Хөкүмәтенең Премьер-министры урынбаҫары Лилиә Ғүмәрова, шулай уҡ мәрхүмдең туғандары, яҡташтары, ижадташ дуҫтары килгәйне. Матәм сараһын республикабыҙҙың мәҙәниәт министры урынбаҫары Шамил Абдраҡов алып барҙы.
— Башҡорт халҡы шул тиклем ауыр юғалтыу кисерҙе, — тине БР Композиторҙар союзы рәйесе Айрат Ғайсин, — Салауат Әхмәҙи улы кескәйҙән күреү һәләтенән мәхрүм булһа ла, бынамын тигән әҫәрҙәр ижад итте.
Ком: 0 // Уҡынылар: 1116 тапҡыр // Тотош уҡырға
Әкиәткә тиң фермаларЯҡшымбәт һөтсөлөк фермаһының алдынғы һауынсыһы, Башҡортостандың атҡаҙанған ауыл хужалығы хеҙмәткәре Гөльямал Абдуллина "Искра" хужалығында 1979 йылдан бирле эшләй.
Хужалыҡ республикала уңышлы тормошҡа ашырылған "500 ферма" маҡсатлы программаһына төбәктә тәүгеләрҙән булып ингән.
Биналарға заманса ремонт үткәрелгән, 200 баш һауын һыйыры аҫралған фермала һыуытҡыстар, һөт үткәргестәр урынлаштырылған, пластик тәҙрәләр, аҙыҡ өҫтәлдәре ҡуйылған, малсылар өсөн йыуыныу бүлмәләре, санузел эшләй.
Ком: 0 // Уҡынылар: 1054 тапҡыр // Тотош уҡырға
Был матур эш – башҡаларға өлгөЯңауылдың әле бер, әле теге ауылында төрлө йүнәлештәге объекттар төҙөлөп сафҡа инә.
“Сюрприз” тип аталған балалар уйын ҡаласығын тантаналы шарттарҙа Максимов ауылында район хакимиәте башлығы Илшат Вәзиғәтов үҙе асты. Киләсәк быуын өсөн был ҡаласыҡтың төҙөлөүе тотошлайы менән урындағы халыҡтың башланғысына бәйле. Улар был турала тейешле ҡарар ҡабул итеп кенә ҡалмаған, ҡаласыҡ буласаҡ майҙанды тигеҙләп, бар ҡоролмаларҙы урынлаштырыуға, ҡоймалар ҡуйыуға, буяуға һәм майҙансыҡты төҙөкләндереүгә тиклем барлыҡ эштәрҙе, өмә ойоштороп, үҙҙәре башҡарып сыҡҡан.
Ком: 0 // Уҡынылар: 1082 тапҡыр // Тотош уҡырға
Закондар күп, ә белгестәр етмәй...Ошо көндәрҙә Рәсәй Юстиция министрлығының Башҡортостан буйынса идаралығы булдырылыуға биш йыл тулды. Идаралыҡтың иңенә мөһим бурыстар йөкмәтелгән. Дәүләттең хоҡуҡи институттары, гражданлыҡ йәмғиәте үҫеше министрлыҡ хеҙмәткәрҙәре эшмәкәрлегенә лә бәйле. Биш йыл ваҡыт тарих өсөн әллә ни әһәмиәткә эйә булмаһа ла, юбилей датаһын башҡарылған бихисап эштәре, уңыштары менән ҡаршылайҙар. Улар тураһында белешер өсөн идаралыҡтың начальнигы Лариса Альберт ҡыҙы КУЧИНАға мөрәжәғәт иттек.
— Лариса Альберт ҡыҙы, идаралыҡ нимә менән шөғөлләнә? Белеүебеҙсә, бурыстарығыҙ бихисап, ә халыҡ улар тураһында белеп тә бөтмәй кеүек.
Ком: 0 // Уҡынылар: 1077 тапҡыр // Тотош уҡырға
Яҡын ҡунағым кеүекПочта килгән көн Әминә апай өсөн гүйә байрамға әйләнә. Гәзит-журналдарҙы һәр ваҡыт күпләп алдыра ветеран-уҡытыусы. Улар араһынан иң тәүҙә республикабыҙҙың төп баҫмаһы “Башҡортостан”ды ҡулына ала.
Әминә Әбсәләмова инде байтаҡтан хаҡлы ялда. Ғүмер буйы мәктәптә балаларға белем бирә ул. Намыҫлы хеҙмәте өсөн “Халыҡ мәғарифы отличнигы” исеменә лайыҡ була. Төп эшенән тыш, йәмәғәт эштәрендә лә әүҙем ҡатнаша.
– Гәзит матур сыға, йәнеңә теләгән мәҡәләне табырға мөмкин, — ти ул. — Тормошобоҙҙағы бөтә өлкәләр киң яҡтыртыла. Үҙем, элекке уҡытыусы булараҡ, айырыуса мәғариф яңылыҡтарын уҡырға яратам.
Ком: 0 // Уҡынылар: 765 тапҡыр // Тотош уҡырға
Үтәшевтәргә алмаш үҫәХәйбулла районы элек-электән бил бирмәҫ батырҙары менән данлы. Исеме киң билдәле Ғаззали Үтәшев үҙе ни тора! Шуныһы ҡыуаныслы: төбәктә бөгөн дә милли көрәште үҫтереү буйынса ҙур эш алып барыла.
Был йәһәттән күпселек ауыл мәктәптәрендә түңәрәктәр эшләй, ярыштар уҙғарыла. Хәйбулла батырҙары республика, ил бәйгеләрендә уңышлы сығыш яһай.
Йәш көрәшселәр йәйге каникулда ла күнекмәләрен дауам итә. Мәҫәлән, быйыл Йәнтеш мәктәбе интернатында "Батыр" һауыҡтырыу-спорт лагеры эшләй. Уның етәксеһе Рөстәм Йәрмөхәмәтов әйтеүенсә, бында ярыштарҙа призлы урындарҙы яулаған үҫмерҙәр ял итә.
Ком: 0 // Уҡынылар: 917 тапҡыр // Тотош уҡырға
Хужаларҙың ихласлығы хайран иттеСәсәндәр төйәге Әбйәлил районының Үтәгән ауылында йор телле, шиғри күңелле кешеләр йәшәүе тураһында ишеткәнем бар ине. Был фекерҙең дөрөҫлөгөнә Асҡар һәм Үтәгән китапханалары хеҙмәткәрҙәре Рәхимә Мусина менән Гөлфирә Йәһүҙина ойошторған “Беҙ үҙебеҙ — үтәгәндәр, беҙ үҙебеҙ — сәсәндәр!” тигән кисәнең шаһиты булараҡ инандым.
Ун инәй-апай булды уның геройҙары! Бер бәләкәй ауыл өсөн иҫ киткес күренеш бит. Дөрөҫ, уларҙың береһе генә – Хәнифә Әбүбәкерова — тыуған ауылында төпләнгән. Башҡалары, тормошҡа сығып, төрлө ауылға таралған.
Ком: 0 // Уҡынылар: 1105 тапҡыр // Тотош уҡырға
"Салауат Юлаев": кемдәр килде һәм кемдәр китте?Өфө клубы тағы ла яңыра
"Салауат Юлаев" хоккей клубы миҙгел арауығында байтаҡ ҡына үҙгәреш кисерҙе. Былтырғы ҡайһы бер уйынсыларыбыҙ хәҙер башҡа командаларҙа сығыш яһаясаҡ. Беҙгә килеүселәр араһында ла танылған хоккейсылар байтаҡ. Әммә көйәрмәндәргә үҙгәрештәрҙе баһаларға иртәрәк – был миҙгел башланғас ҡына мөмкин буласаҡ.
Иң тәүҙә "юғалтыуҙарҙы" асыҡлап үтәйек: был юлы ла "Салауат"тың бер нисә йыл дауамында төп терәге һаналған ҡайһы берәүҙәр менән хушлашырға тура килде. Мәҫәлән, һөжүмсе Александр Свитов хәҙер "Аҡ барыҫ"тың төҫтәрен яҡлаясаҡ.
Ком: 0 // Уҡынылар: 848 тапҡыр // Тотош уҡырға
Бына ниндәй ул бөрйәндәр!Йәй. Бөтәһе лә рәхәтләнеп ял иткәндә Әбделмәмбәт мәктәбенең гер күтәреүселәре һаман спорт залында. “Ни эшләйҙәр?” — тиһегеҙме? Улар: Марсель Ибәтуллин, Нәйлә Ғәлина, Айбулат Сөләймәнов, Алина менән Батырша Боҫҡоновтар ал-ял белмәй ярышҡа әҙерләнә. Шулай көс йыя-йыя, улар 25 июнь иртәһендә физкультура уҡытыусыһы Зиннур Боҫҡонов етәкселегендә Беларусь Республикаһының баш ҡалаһы Минскиға гер спорты оҫталары араһындағы донъя чемпионатына юлланды.
Район, зона, республика күләмендә сығыш яһап, тәжрибә туплаған спортсыларыбыҙ сит илдә лә һынатманы. Биш уҡыусы ла, классик йүнәлештә көс һынашып, үҙ йәше һәм ауырлыҡ категорияһы буйынса 1-се урынды алыуға өлгәште.
Ком: 0 // Уҡынылар: 1241 тапҡыр // Тотош уҡырға
Артҡа 1 2 3 4 5 6 7 8 9 10 ... 46 Алға
Бит башына