Президент менән йәштәр уртаҡ тел тапты“iВолга” форумында ҡатнашҡан йәштәр кисә Башҡортостан Президенты Рөстәм Хәмитов менән осрашты. Рәсми сара һис тә рәсми булмаған шарттарҙа ойошторолдо: Аҡ йорт янындағы йәшел майҙансыҡҡа тирмәләр ҡуйылды, шунда уҡ конкурста ҡатнашып, юғары баһа алған проекттар күрһәтелде.
Йәштәрҙең тәҡдимдәре, ысынлап та, ҡыҙыҡлы һәм әһәмиәтле ине. Кемдер уйлап тапҡан двигатель бер юлы төрлө яғыулыҡтарҙан эшләй алһа, икенсеһенең сәскесе — ауыл хужалығы өсөн ҙур табыш.
Ком: 1 // Уҡынылар: 693 тапҡыр // Тотош уҡырға
Тәтешлелә халыҡ  байрамыТәтешле районындағы Аҡсәйеттә “Тыуған ауылым” республика халыҡ байрамы ойошторолдо.
Халыҡты Рәсәйҙең Юғары мөфтөйө Тәлғәт Тажетдин, республиканың мәғариф министры Әлфис Ғаязов һәм Тәтешле районы хакимиәте башлығы Рушан Гәрәев тәбрикләне. Күп йыллыҡ тарихҡа эйә булған байрамды билдәле яҡташыбыҙ, танылған йырсы үҙенең изге эштәре менән абруй яулаған Салауат Фәтхетдинов ойошторҙо. Уның башланғысы менән милләттәр һәм халыҡтар араһындағы дуҫлыҡ, берҙәмлек менән һуғарылған “Тыуған ауылым” байрамы ысын халыҡ сараһына әүерелде.
Ком: 0 // Уҡынылар: 691 тапҡыр // Тотош уҡырға
Уттың, һыуҙың ҡойроғо юҡ...Башҡортостан Хөкүмәтендә муниципаль район һәм ҡала округтарының хакимиәт башлыҡтары менән селектор кәңәшмәһе уҙғарылды. Уны республиканың Ғәҙәттән тыш хәлдәр һәм янғын хәүефһеҙлеген тәьмин итеү комиссияһы рәйесе, Хөкүмәт Премьер-министры урынбаҫары Марат Мәһәҙиев алып барҙы.
Ярты йыл эсендә 2 063 янғын теркәлгән. Ул 209 кешенең ғүмерен өҙгән, 155-е имгәнгән. Кәңәшмәлә район һәм ҡалаларҙағы хәлгә ентекле анализ яһалды, янғын күрһәткесенең артыу сәбәптәре асыҡланды.
Ком: 0 // Уҡынылар: 927 тапҡыр // Тотош уҡырға
Рауил Нафиҡов: "Ағиҙелдең һайығыуы бәкәлгә һуға"Быйыл диңгеҙ һәм йылға флоты хеҙмәткәрҙәре һөнәри байрамдарын ҙур юбилей алдынан ҡаршылай: августа Ағиҙел йылғаһы буйлап беренсе пароход ебәрелеүгә 155 йыл тула. Ошо уңайҙан Башҡортостан йылға пароходсылығы йәмғиәтенең генераль директоры Рауил Нафиҡов менән әңгәмә ҡорҙоҡ.
— Рауил Камил улы, бынан 155 йыл элек быуҙа эшләгән суднолар ебәреү төбәк өсөн ҙур иҡтисади әһәмиәткә эйә булған…
— Эйә, был ҙур алға китеш. Өфөлә йәшәгән сәнәғәт етештереүселәренең үтенесе буйынса 1857 – 1858 йылдарҙа Ағиҙелдең төбө өйрәнелә. Махсус комиссия йылғаны суднолар йөрөү өсөн ярашлы тип таба һәм Өфөнән Стәрлетамаҡҡа тиклем юл асыу тәҡдиме менән Түбәнге Новгородта урынлашҡан пароходсылар ойошмаһына мөрәжәғәт итә. 1858 йылда Өфөгә Волганан "Грозный" һәм "Быстрый" пароходтары килә.
Ком: 0 // Уҡынылар: 710 тапҡыр // Тотош уҡырға
Хаттар көтәбеҙ, дуҫтар!Йәй башында Башҡортостандың Тәбиғәттән файҙаланыу һәм экология министрлығы менән берлектә "Башҡортостан - ғәзиз ерем" тип аталған конкурс иғлан иткәйнек. Республиканың төрлө тарафынан йөкмәткеле, проблемалы мәҡәләләр килә. Уларҙың күбеһе гәзиттә донъя күрһе лә инде, тик яҙмаларҙың бер ҡалыпта булыуы, ҡайһы саҡ тыуған еребеҙҙе, тәбиғәтте данлауға ғына арналыуы күҙгә салына. Хикәйә, очерк иһә бөтөнләй юҡ. Каникул осоронда айырыуса мәктәп уҡыусыларының әүҙемлек күрһәтеүенә иҫәп тотоп, конкурстың шарттарын яңынан иҫегеҙгә төшөрәбеҙ.
Ком: 0 // Уҡынылар: 1180 тапҡыр // Тотош уҡырға
Тәбиғи күркәмлекте һаҡлағыҙОҙон-оҙаҡ ҡыштан һуң күптәр сәстең артыҡ ҡойолоуына һәм ҡауаҡланыуына зарлана. Башҡортостанда иң оҙон толомло (2 метр ҙа 50 сантиметр) Гөлнар Әҙип ҡыҙы ЮЛДАШБАЕВА ниндәй рецепт ҡуллана икән? Был серҙе, гәзит уҡыусым, белгең киләме? Әйҙә, рәхим ит!
— Гөлнар, оҙон сәс тәрбиәләүгә теләк һеҙҙә ҡайҙан килә ул?
— Сәстең оҙонлоғо, ҡалынлығы, нәҫел-нәсәптән. Әсәйемдең әсәһе сәсте ҡарау буйынса кәңәштәрҙе яҙып барған. Уның да, әсәйемдең дә толомо үксәһенә етеп тора ине. Бындай «байлыҡ» һеңлем менән миңә лә күскән. Ҡыҙымдың да, һеңлемдең ҡыҙҙарының да сәсе оҙон. Ауылға ҡайтһаҡ, бер-беребеҙҙең сәсен үлсәйбеҙ. Бәләкәй саҡта киҫергә тигән уй башыма ла кермәне. Әсәйем сәсебеҙҙе ныҡ тәрбиәләй торғайны. Ял көндәрен бары тик ошо эшкә бағышлай инек. Мунсаға барғас, ҡоро сәскә ҡатыҡ һөртөп, 20 минут самаһы ултырта торғайны.
Ком: 0 // Уҡынылар: 1408 тапҡыр // Тотош уҡырға
Бөгөн модала — оҙон толом, сәс үреп йөрөү йәштәр араһында популярлыҡ яулай бара. Ошоно иҫәпкә алып, беҙ ҙә гәзит уҡыусыларыбыҙға сәс үреүҙең бер нисә төрөн тәҡдим итәбеҙ.

"Ҡусҡар" һәм "Балыҡ ҡойроғо""Ҡусҡар"

Йоҡа резинка, «невидимка»лар кәрәк.
Сәс үреү этаптары:
1. Ябай ысул менән баштың түбәһенән үрә башларға. Эш барышында ике яҡ ситтән алмаш-тилмәш йоҡа ғына тотам сәсте ала барырға.
2. Иң мөһиме — кеше тирәләй әйләнеп үрергә кәрәк. Юғиһә тейешле һөҙөмтәгә өлгәшмәйәсәкбеҙ, үреү йүнәлешен үҙгәртеп, ҡусҡар рәүешендә булмаясаҡ.
Ком: 0 // Уҡынылар: 711 тапҡыр // Тотош уҡырға
Сәс өсөн иң һәйбәт миҙгел — яҙ* Ныҡлығы буйынса сәсте аллюминий менән сағыштырырға мөмкин. Бер сәс бөртөгө 100-ҙән алып 200 грамм ауырлыҡты күтәрә ала.
* Ир кешенең башында сәс — ике йыл, ә ҡатындарҙыҡында 4-5 йыл йәшәй ала.
* Еҙ сәслеләрҙең башында 80 меңгә яҡын, ҡара сәслеләрҙә — 100 меңгә яҡын, һары сәслеләрҙә 120 мең сәс тип һанала.
* Сәстең составын 50,65% углерод, 20,85 % кислород, 17,14 % азот, 6,36 % водород һәм 5,0 % көкөрт тәшкил итә. Шулай уҡ сәс магний, мышаяҡ, тимер, хром һәм башҡа металл һәм минералдарҙан тора. Ҡара сәслеләрҙә углерод күберәк тип иҫәпләнә.
* Сәс башлыса 15 йәштән алып 30 йәшкә тиклем шәберәк үҫә.
* Иртән һәм кис сәс тиҙ үҫә, ә төндә үҫмәй.
Ком: 0 // Уҡынылар: 669 тапҡыр // Тотош уҡырға
Башҡортостандың атҡаҙанған уҡытыусыһы Долорес Ҡыуатова-Әхмәтованың яҡты иҫтәлегенә

Ошо көндәрҙә уның ҡырҡ көнөн билдәләргә йыйыныусы яҡташым Закуан Зөфәр улы Әхмәтовтың һәм яҡындарының ауыр ҡайғыһын уртаҡлашам.

Хуш бул инде, Һандуғас!
Киткәс нығыраҡ беленә
Кешеләрҙең кемлеге.
Үҙең юҡһың, нурың балҡый
Затлы Ейәнсура ҡыҙы,
Әлшәйемдең килене.
Ком: 0 // Уҡынылар: 792 тапҡыр // Тотош уҡырға
ЕңмешЛинир Ибраһим улы Сәлишев 1937 йылда Федоровка районының Яңы Яуыш ауылында тыуған. Рәсәйҙең, Башҡортостандың атҡаҙанған агрономы, "Почет Билдәһе" ордены кавалеры.

Тыуған төйәк ҡайҙан башлана?


Ғәҙәттә, беҙ, журналистар, теге йәки был күренекле шәхес тураһында яҙғанда уңыштарын, яулаған еңеүҙәрен генә күккә сөйөп маҡтайбыҙ, үҙенең кем икәнлегенә, ҡайҙан, ниндәй ғаиләнән сығыуына, ата-бабалары кем булғанлығына артыҡ иғтибар бирмәйбеҙ. Бер нимә лә юҡтан бар, барҙан юҡ булмай бит.
Ком: 0 // Уҡынылар: 1149 тапҡыр // Тотош уҡырға
Артҡа 1 2 Алға
Бит башына