Бала ҡыуанысынан да олораҡ бәхет юҡ!Ғ. Ҡыуатов исемендәге республика клиник дауаханаһының өс йыл буйы ҡыҙыу төҙөлөш эштәре барған акушер-гинекология корпусы, ниһайәт, тәүге “ҡарлуғас”тарын осорҙо. Июль селләһендә донъяға килгән сабыйҙарҙың икәүһе бөгөн атайҙарының ныҡлы, ышаныслы ҡулдарының йылыһын, яҡындарының һөйөүен тойҙо.
Айгөл менән Артур Ғәзизовтарҙың бәхете баштан ашҡан. Тәүге ҡыҙҙары Камилә эргәһенә Лилиә исемле һеңлеһен алып ҡайтып, барыһын да һөйөндөрмәкселәр. Йәш ата-әсәнең икеһе лә медицина хеҙмәткәрҙәре. Ил ырыҫын, нәҫел-нәсәп ебен нығытыусы бындай ҙа оло ваҡиғанан олатай-өләсәйҙәр ситтә ҡала буламы? Хатта Благовещенда йәшәгән ҡоҙа-ҡоҙағыйҙары ла бөтә мәшәҡәттәрен ташлап килеп еткән.
Ком: 0 // Уҡынылар: 753 тапҡыр // Тотош уҡырға
Һаҡ булығыҙ — тарантул!Көндәр йылыныу менән Башҡортостан халҡы үрмәксенән зыян күрә башланы. Уның тешләүе ауырттырып ҡына ҡалмай, шешендерә лә.
БДУ профессоры Владимир Книс белдереүенсә, ул — көньяҡ урыҫ тарантулы. Үрмәксенең был төрө Урта Азияла һәм Рәсәйҙең көньяғында таралған. Сүл, дала, урман-дала буйында дымлы урынды, ер аҫты һыуҙары мул булған ерҙәрҙе үҙ итә. Ул Елец һәм Ҡазан киңлектәренә тиклем таралған, һыу буйындағы ҡом аша төньяҡҡа үтеп инә бара.
Ком: 0 // Уҡынылар: 639 тапҡыр // Тотош уҡырға
Дунайҙы кискән һалдатСығышы менән Баймаҡ районының Ғүмәр ауылынан булған 93 йәшлек Фәхрислам Нурғәле улы әле Баймаҡта ҡыҙы Сәғиҙәнең ғаиләһендә йәшәй. Һуғыш юлдарында утты-һыуҙы кискән һалдат бөгөн бәхетлеме?
Фәхрислам олатай Үҙәнбаев 1919 йылда Ғүмәр ауылында донъяға килә. Бер йәшендә аталары Нурғәле үлеп китә. Дүрт бала менән тол ҡалған әсәләре Фатима инәйгә бик күп ауырлыҡ кисерергә тура килә. Бәләкәй сағынан сос, зирәк Фәхрислам заманына күрә һәйбәт белем ала. Динислам һәм Иғдислам ағаларынан төрлө эшкә өйрәнә, ир ҡорона етеүгә һөнәр оҫтаһы булараҡ дан ала.
Ком: 0 // Уҡынылар: 596 тапҡыр // Тотош уҡырға
Баҡсағыҙҙа колорадо ҡуңыҙы бармы, уға ҡаршы нисек көрәшәһегеҙ?Юлиә МӨХӘМӘТЙӘНОВА:
– Ысынлап та, картуф сәскә атҡас та, ҡоротҡостар мыжғыша башлай. Уларға ҡаршы төрлө ысул ҡулланабыҙ. Ағыу һибеп сыҡтыҡ, шул уҡ мәлдә үҙебеҙ ҙә ағыуланабыҙҙыр инде... Башҡаса сараһы юҡ, бөтә халыҡ шулай эшләй бит.

Әшрәф ҒИЗЗУЛЛИН:
— Колорадо ҡуңыҙы үҙәккә үтә инде, ҡасандыр ул беҙҙең яҡта булмағанда ҡайһылай рәхәт көн иткәнбеҙ икән (көлә). Әммә хәҙер барыбыҙ ҙа бер үк хәлдә, нисек беләбеҙ, шулай көрәшәбеҙ.
Ком: 0 // Уҡынылар: 686 тапҡыр // Тотош уҡырға
Иң оҫта һауынсылар асыҡландыЯрыш йәки конкурстың төрлөһөн күрергә, сәмләнеп күҙәтергә, хатта дәртләндереп торорға ла тура килгәне бар. Ә бына Бүздәк районына һауынсылар бәйгеһенә барғас, дөрөҫөн әйткәндә, баҙап ҡалдым. Унда райондың 13 хужалығынан 19 һауынсы ҡатнашты.
Ярыш башланғанда ҡояш апаруҡ күтәрелгәйне. Тәбиғәттең хозур төбәгендә урынлашҡан Туғай ауылы эргәһендәге йәйге лагерҙың умарта күсендәй мыжғып торған сағына тап булдыҡ. Кемдер һыйырҙарҙы һауыу урынына "һайт-һайтлап" индереп тора, икенселәре һауылғандарын ялан кәртәгә ҡыуа, өсөнсөләре һөттөң ҡуйылығын, сифатын тикшерә, күләмен үлсәй.
Ком: 0 // Уҡынылар: 880 тапҡыр // Тотош уҡырға
Күберәк көл – сәләмәт булырһың!Көлөү – иң яҡшы дауалау һәм ауырыуҙарҙан һаҡланыу сараларының береһе. Йыш көлөүсән, алсаҡ күңелле кешеләрҙең иммун системаһында төрлө вирустарға ҡаршы тороусы матдә бүленеп сыға.
Йәнә:
* 10 минут көлөү ҡан баҫымын 10 – 20 бүлемгә төшөрә.
* Көн һайын 15 минут көлөү йылына 2 килограмм ауырлыҡты кәметергә ярҙам итә.
* Көләкәстәрҙә тын юлдарының һауа үткәреүсәнлеге 3 тапҡырға еңелерәк.
Ком: 0 // Уҡынылар: 711 тапҡыр // Тотош уҡырға
Картуф серҙәреКартуф – туҡлыҡлы һәм сағыштырмаса арзан ризыҡ. Шул ук ваҡытта уның сихәтле сифаттары ла бихисап. Ғалимдар фекеренсә, картуф күпме ҡулланыуға ҡарамаҫтан, кеше организмына зыян килтермәй торған, башҡа аҙыҡҡа ҡатнаштырмай ашағанда, ғүмерҙе оҙайтыусы берҙән-бер ризыҡ икән. Ул С витаминына бай, составындағы калий йөрәк ауырыуынан яфаланғандарға айырыуса файҙалы: ҡан юлдарын нығыта, бөйөрҙәр эшсәнлеген яйға һала.
Халыҡ медицинаһы ашҡаҙан йәрәхәтенән картуф һуты эсергә тәҡдим итә.
Ком: 0 // Уҡынылар: 837 тапҡыр // Тотош уҡырға
Һыу ингәндә һаҡ булығыҙ!Яҙылмаған ҡағиҙәләр бар
Йылға-күлдәрҙә һыу инеү – йәйҙең иң матур бүләктәренең береһе. Был мәлдә кәйеф күтәрелә, йәшәүгә көс-дәрт өҫтәлә кеүек. Уның сәләмәтлегебеҙгә лә ыңғай йоғонтоһо байтаҡ: мускулдар, арҡа һөйәге нығына, организм сыныға. Диңгеҙ, күл йә йылға һыуы булһынмы – бөтәһе лә берҙәй файҙалы. Әммә шул уҡ мәлдә хәүефһеҙлек саралары тураһында ла оноторға ярамай.
Һыу инеүҙең яҙылмаған ҡағиҙәләре бар. Шуны иҫтә тотмағанда, бәләгә тарыуығыҙ, сәләмәтлегегеҙҙе нығытыу урынына, киреһенсә, уға зыян килтереүегеҙ ихтимал.
Ком: 0 // Уҡынылар: 1327 тапҡыр // Тотош уҡырға
Ҡояш апайҙы яратһаң...Ҡояшта ҡыҙыныу кемгә генә оҡшамай! Ҡайһы берәүҙәр, йәй еттеме, махсус рәүештә пляж юлын тапай башлай: сәғәттәр буйы ҡояш нурҙары аҫтында иркәләнә. Әммә бының да үҙ тәртибе бар.
Табиптар ҡояшта иртәнге сәғәт 11-гә тиклем һәм көндөҙгө сәғәт 4-тән һуң ҡыҙынырға тәҡдим итә. Ә тыйылған мәлдә ҡояш нурҙары үтә лә хәүефле – уларҙың тәьҫиренән тирегеҙҙең быжыуы бар, тәнегеҙ тигеҙ янмаясаҡ, шулай уҡ эҫе алыуығыҙ ихтимал. Шуға ла был ваҡыт ҡыҙыныу өсөн һис тә яйлы түгел.
Ябай ғына ҡағиҙәләрҙе үтәү ҡояшта тигеҙ һәм матур итеп янырға ярҙам итәсәк.
Ком: 0 // Уҡынылар: 951 тапҡыр // Тотош уҡырға
Башҡортостандан ике ғалим — Самат менән Ғайсар Мөхәмәтйәновтар — Бөтә Рәсәй иң яҡшы ғилми китап конкурсы лауреаттары булды.
Бындай юғары баһаға улар "Мейенең төҙөлөшө һәм текст өҫтөндә эшләү алымдары" тигән тикшеренеү өсөн лайыҡ тип баһаланды. Лауреаттар сентябрҙә Сочиҙа уҙғарыласаҡ "Вуз фәне аҙналығы" халыҡ-ара фәнни форумына саҡырылды. Унда бәйгелә еңеүселәргә һәм лауреаттарға наградалар тапшырыласаҡ, шулай уҡ "Хәҙерге донъяла юғары белем биреүҙең торошо һәм үҫеш мөмкинлектәре" халыҡ-ара фәнни-ғәмәли конференцияһы ойошторола.
Ком: 0 // Уҡынылар: 849 тапҡыр // Тотош уҡырға
Артҡа 1 2 3 Алға
Бит башына