Еңеү менән ҡайттыларКисә Ҡазан Универсиадаһында ҡатнашҡан спортсылар Өфөгә ҡайтты һәм матбуғат саралары вәкилдәре менән осрашты.
Универсиадала яҡташтарыбыҙ уңышлы сығыш яһаны. Команда беренселегендә алтын миҙалды — рапирасылар Артур Әхмәтхужин, Реналь Ғәниев, мең метрға каноэ-дуэт ишкәкле спорт төрөндә Илья Первухин, 500 метрға байдаркала ярышта Александр Сергеев һәм Рәсәйҙең волейбол буйынса ҡатын-ҡыҙҙар йыйылма командаһы составына ингән Анна Малова менән Анастасия Шаляховая; көмөштө — байдаркала ярышта Вера Сабитова менән Анастасия Сергеева, бронзаны ошо уҡ спорт төрөндә Дмитрий Гудимов яуланы.
Ком: 0 // Уҡынылар: 591 тапҡыр // Тотош уҡырға
Ишелеп төшмәҫме күпер?Бынан ике ай элек Барнаулда күпер ишелеп төшкән. Көслө ямғырҙан һуң ошондай уҡ хәл Иркутск өлкәһендә лә булған. Тверь өлкәһендәге ғәҙәттән тыш хәл дә урындағы халыҡты хафаға һалған... Ҡыҙғанысҡа ҡаршы, ошондай күңелһеҙ күренештәр илебеҙҙә йыш ҡабатлана. Һөҙөмтәлә, ауылдар һәм ҡасабалар менән бәйләнеш өҙөлә. "Утрау"ҙа ҡалған халыҡҡа аҙыҡ-түлек ваҡытында еткерелмәй, медицина ярҙамы ла күрһәтелмәй. Ярай әле һуңғы йылдарҙа Башҡортостанда күпер емерелеү осрағы теркәлгәне юҡ. Әлегә...
Миәкә районына барып ҡайтҡандан һуң бындай хәлдең беҙҙең республикала ла ҡабатланыу ихтималлығына инандым.
Ком: 0 // Уҡынылар: 620 тапҡыр // Тотош уҡырға
ДӘРТЛЕ ДАРМАНЫН ТАБЫР...Бер әбейҙең сүплеккә ниндәйҙер әйбер сығарыуын күреп, шунда үтеп барған бер олпат ҡына ир-егет уның нимә һәм ниңә ташлауы менән ҡыҙыҡһына. “Атайым менән әсәйем йәш саҡтарында уҡ һатып алған был көҙгө аҫтын, мин сабый ғына инем әле, иҫкереп, туҙып бөткән инде, күптән ташларға ваҡыт, ҡомартҡы булғас, йәлләп йөрөнөм”, — тип ихлас һөйләп бирә боронғо әйбер хужабикәһе. “Ташламағыҙ, зинһар, миңә һатығыҙ”, — тип үтенә ир кеше. “Һатмайым, кәрәк булһа, былай ғына ал”, — була әбейҙең яуабы...
Ком: 0 // Уҡынылар: 788 тапҡыр // Тотош уҡырға
Ипотека йортло итһә лә...Сыға алмаҫлыҡ бурыс һаҙлығына батырыуы ла бар
Рәсәй халҡының торлаҡ мәсьәләһен ипотека аша хәл итә башлауына быйыл теүәл 15 йыл булды. Ысынлап та, күптәр өсөн ул ошо арауыҡта фатирлы йә йортло булыуҙың берҙән-бер ысулына әйләнһә, икенселәрҙең һаман да уға әллә ни ышанысы юҡ.
1998 йылдың 16 июлендә Дәүләт Думаһы ипотека тураһында федераль закон ҡабул иткәйне. Был ваҡиғаны беҙҙең илдә ипотека тарихының башы тиергә була. Әммә ошо арауыҡта торлаҡлы булыуҙың бындай ысулына халыҡтың ышанысы арттымы, юҡмы? Әллә һаман да уны оҙайлы бурыс һаҙлығы булараҡ ҡабул итеүселәр күберәкме?
Ком: 0 // Уҡынылар: 648 тапҡыр // Тотош уҡырға
Диетологтар тәҡдим итәЧерешня (эре сейә) — файҙалы матдәләр келәте. Ул сәләмәт кешеләргә лә, төрлө сирҙән яфаланыусыларға ла берҙәй үк кәрәкле. Черешняны күпме теләйһең, шул ҡәҙәр, хатта килограмлап ашарға була. Әммә уны көнөнә 300-әр грамлап ҡына ҡулланырға тәҡдим итәләр. Ашығып, ҡабаланып түгел, ә яй ғына ашарға кәрәк, сөнки эс күбеүе ихтимал.
Һатып алған черешняны ағып торған һыуҙа һәйбәтләп йыуыу мотлаҡ. Белгестәр ундағы пестицидтарҙы сығарыуҙың ошондай юлын тәҡдим итә: ҙур булмаған тастағы һыуға бер сәй ҡалағы тоҙ төшөрөргә лә емеште шунда бер сәғәткә һалып тоторға.
Ком: 0 // Уҡынылар: 560 тапҡыр // Тотош уҡырға
Ҡосағығыҙ еткәнсе ҡосоғоҙ, һөйәлегеҙЭлек-электән ағастарҙың кешегә ыңғай тәьҫир итеүе, шифалы үҙенсәлеге хаҡында билдәле булған. Ағас һауыҡтырыу менән бергә энергия ла өҫтәй.
ХХ быуатта медицинала яңы йүнәлеш — дендротерапия барлыҡҡа килде. Ғалимдар ағастарҙың электр-магнитлы импульс таратыу һәләтенә эйә булыуын асыҡлаған.
Тик бына һауыҡтырыусы импульстарҙың тәьҫир итеү радиусы сикләнгән. Кеше ағасты уратып ҡосаҡлай йәки уға һөйәлә икән, сәләмәтләндереү һөҙөмтәһе юғарыраҡ.
Ком: 0 // Уҡынылар: 529 тапҡыр // Тотош уҡырға
Ҡышҡылыҡҡа фаршланған татлы боросТатлы боростоң орлоҡтарын алырға. Һуғанды ваҡ ҡына турарға һәм үҫемлек майында алтынһыу төҫкә ингәнсе ҡыҙҙырырға. Помидорҙарҙы иләк аша һөҙөргә, тышын алырға. Томат ҡайнап сыҡҡас, 15 минут бешерергә, шәкәр, тоҙ, аш һеркәһе, хуш еҫле борос өҫтәргә һәм тағы ла 10 минут утта тоторға. Петрушканы ваҡларға. Үҫемлек майын бер нисә минут ҡайнатырға ла 70 градусҡа тиклем һыуытҡас (бер литрға ике аш ҡалағы иҫәбенән) банкаларға ҡойоп сығырға. Фарш өсөн йәшелсәләрҙе бутарға, тоҙлап борос ҡатнашмаһы менән тултырырға.
Ком: 0 // Уҡынылар: 584 тапҡыр // Тотош уҡырға
Корейса ҡыярЭре ҡыярҙарҙы йоҡа ғына итеп түңәрәкләп киҫергә. Һауытҡа һалып, барлыҡ тәмләткестәрҙе өҫтәргә лә ике сәғәткә ултыртып ҡуйырға. Артабан уны стерилләнгән банкаларға теҙеп һалырға, өҫтөнә ҡайнар маринад ҡойорға һәм стерилләргә (бер литрлы банканы — 10 -15, өс литрлыһын — 30 минут). Шунан ҡапҡас менән ябырға.
Маринад өсөн аш һеркәһен, үҫемлек майын, шәкәрҙе, тоҙ һәм горчица һалып һыу ҡайнатып алырға.
Ком: 0 // Уҡынылар: 491 тапҡыр // Тотош уҡырға
Томат һутындағы төҫлө кәбеҫтәКәбеҫтә япраҡтарын айырып алып, ҡайнаған тоҙло һыуҙа бешекләргә. Помидор, борос һәм һарымһаҡты ит турағыс аша үткәрергә лә барлыҡҡа килгән ҡатнашманы кәстрүлгә һалырға, тоҙ, шәкәр, үҫемлек майы өҫтәп, ҡайнатып сығарырға. Артабан уға кәбеҫтә япраҡтарын, тәмләткес үләндәр төшөрөп, талғын утта 10 -15 минут бешерергә. Аҙаҡ, аш һеркәһе ҡойоп, уттан алырға һәм стерилләнгән ҡайнар банкаларға һалып, ҡапҡас менән ябырға.
Ком: 0 // Уҡынылар: 536 тапҡыр // Тотош уҡырға
Баклажан менән фасолдән тәғәмлекБаклажанды шаҡмаҡлап турарға, кишерҙе эре ҡырғыста ҡырырға, татлы боросто ваҡ итеп киҫергә, помидорҙы һарымһаҡ менән бергә ит турағыстан үткәрергә.
Барлыҡ йәшелсәне кәстрүлгә һалғас, фасоль ҡушырға. Аш һеркәһе, шәкәр, тоҙ һәм үҫемлек майы өҫтәргә. Ҡайнап сыҡҡанға ҡәҙәр утта тоторға. Аҙаҡ утты әкренәйтеп, бутай-бутай, 40 минут бешерергә. Ҡайнар килеш стерилләнгән банкаларға һалырға ла ҡапҡас менән ябырға.
Ком: 0 // Уҡынылар: 593 тапҡыр // Тотош уҡырға
Артҡа 1 2 3 4 5 6 7 Алға
Бит башына