Ҡоролоҡ ҡамасау түгелАуыл эшсәндәре өсөн ҡыҙыу осор башланды. Мал аҙығы әҙерләү менән бер рәттән республиканың күп кенә хужалыҡтары ураҡҡа ла төштө. Һуңғы дүрт йылда ҡоролоҡҡа дусар булған Көйөргәҙе районы баҫыуҙарында ла комбайн тауыштары тынмай.
Төбәктең "Искра" ауыл хужалығы кооперативы алдынғы технологияларҙы ҡулланып үҫтергән игенде генә түгел, техник культураларҙы ла әрәм-шәрәм итмәй йыйып алыу бурысы менән йәшәй. Әле ике мең биш йөҙ гектар майҙанда алты бригада комбайнсылары арыш һуға.
Ком: 0 // Уҡынылар: 1051 тапҡыр // Тотош уҡырға
“Һунарсы” Гран-приҙы эләктерҙеҺай, дәртле лә инде башҡорт бейеүҙәре! Ана, сәхнәне дер һелкеткән малай — торғаны бер бөркөт. Ҡанаттары ғына етмәй, бына-бына ҡоласын йәйеп осоп китер ине. Ә билдәре һығылып торған, оҙон сәсле ҡыҙҙы ҡарағыҙсы! Билләһи, аҡҡош тиерһең... Ул бит сәхнәлә йөрөмәй, ә йөҙә. Ошондай күркәм сығыштарҙы күреп, үҙең дә һиҙмәҫтән ҡушылып тыпырҙатып ебәрәһең. Бындай тамашаны ҡайҙа күрерһең тағы?
Күгәрсен районында уҙғарылған балалар араһындағы “Байыҡ” республика бейеүҙәре конкурсы шундай дәртле сығыштарҙан туҡылды.
Ком: 0 // Уҡынылар: 871 тапҡыр // Тотош уҡырға
Боронғо биҙәүестәр табылдыИлеш районындағы Ҡыпсаҡ ауылы эргәһендә Башҡорт дәүләт университетының Бөрө филиалы һәм Һамар дәүләт университеты археологтары тимер быуаттағы боронғо ҡәберлектәрҙе тикшерә.
Ҡомартҡы Ҡыпсаҡ археология комплексы атамаһын йөрөтә. Ул — Башҡортостан, Татарстан һәм Удмурт республикалары биләмәһендәге иң әһәмиәтле һәм ҡыҙыҡлы объекттарҙың береһе. Әле археологтар комплекста эш башланы, ҡәберлектәр кимәленә тиклем ерҙе ҡаҙып, уларҙың һанын билдәләне һәм 20 ҡәберлектең тәүге икәүһендә үк ҡыҙыҡлы табылдыҡҡа юлыҡты.
Ком: 0 // Уҡынылар: 754 тапҡыр // Тотош уҡырға
Заяға үткән ғүмерҙәрАҙна буйы шылтырата торғас, әңгәмә ҡорасаҡ ҙур етәксенең ваҡыты саҡ табылды. Ҡағыҙ-ҡәләмдәремде рәткә килтереп, тәғәйен ваҡыттан алда барыу хәйерлерәк, тип юлға сыҡтым. Иртәрәк тигәс тә, ярты сәғәт алдан барып ултырырға тейеш инем ҡабул итеү бүлмәһенә. Әммә ярты сәғәт алдан да, бер сәғәткә һуңыраҡ та күрергә насип булманы үҙен – көтмәгәндә юлда килеп сыҡҡан тығын арҡаһында осрашыу ваҡыты үтеп киткәс, әңгәмәсем алдында ғәфү үтенеүҙән башҡа сара ҡалманы. Инде аҙна түгел, ай буйы шылтратып та ҡабул итмәҫ абзый хәҙер.
Бер мин генәме ни, уйлап ҡараһаҡ, донъяла юл тығындары һөҙөмтәһендә күпме кеше мөһим осрашыуҙарға, эшкә һуңлай.
Ком: 0 // Уҡынылар: 529 тапҡыр // Тотош уҡырға
Толпарҙарҙы уңғанлыҡ берләштерәЙүнселдәр ниндәй генә кәсепкә тотонмай! Кемдер мал үрсетә, ҡорт тота, баҡсасылыҡ менән шөғөлләнә. Йәйге оҙон көндәрҙә ихатаһында арымай-талмай эшләп, үҙе етештергән аҙыҡ-түлектең артҡанын һатып, ғаиләһен бар яҡлап тәьмин итерлек килем туплап йәшәүселәр байтаҡ. Был йәһәттән төпкөлдәге Толпар ауылы халҡын өлгө итеп ҡуйырға була.
Бында күптәр ҡорт тотоп, мал үрсетеп, иркен, мул тормошта йәшәй. Йыбанмағандарға донъя көтөүгә бик ҡулай был төбәк. Йәй буйы Еҙем йылғаһы буйлап резина кәмәләрҙә, катамарандарҙа туристар йөҙә. Толпар халҡынан нимә генә һатып алмай улар: һөт-ҡаймағын, ҡорот, эремсек, яңы ғына күпереп бешкән икмәк, ит, бал.
Ком: 0 // Уҡынылар: 571 тапҡыр // Тотош уҡырға
Тынғыһыҙ ғалимБашҡортостанда ул аяҡ баҫмаған төбәк юҡ
Шөкөр, ғалимдарға бай башҡорт иле. Уларҙың һәр береһе үҙ өлкәһендә арымай-талмай халҡы мәнфәғәтенә хеҙмәт итә. Билдәле ғалим-этнограф, тарих фәндәре кандидаты Мирза Ғизетдин улы Муллағолов та тап шундайҙарҙан. Ғүмерен халҡыбыҙҙың ғөрөф-ғәҙәттәрен, көнкүрешен өйрәнеүгә арнаған шәхес ошо көндәрҙә үҙенең 75 йәшен билдәләне.
Утыҙ йылдан ашыу СССР Фәндәр академияһының Башҡортостан филиалындағы Тарих, тел һәм әҙәбиәт институтында эшләгән, тиҫтә йылға яҡын Рәсәй Фәндәр академияһы Өфө ғилми үҙәгендә этнология бүлеген етәкләгән Мирза Ғизетдин улы бөгөн дә ошо үҙәктең ғилми хеҙмәткәре сифатында хеҙмәт юлын дауам итә.
Ком: 0 // Уҡынылар: 643 тапҡыр // Тотош уҡырға
Шамил ағайымМай байрамы алдынан ағайымдың бәләкәс улы Иршат: "Нурия апай, атайым янына ҡайтып килергә теләгең бармы?" — тип шылтыратты. Йөрәгем "жыу" итеп ҡалды, сөнки оло ағайым Шамил күптән инде ҡаты ауырый. Бөтөнләй насарланып киттеме икән әллә тип борсолоп, бер секунд та уйлап тормай: "Ҡайтам, ҡайтам", — тип яуап бирҙем. 3 майҙа иртүк юлға сыҡтыҡ, һәйбәт кенә ҡайтып еттек.
Маҡар — минең өсөн ҡәҙерле ауыл. Ошонда үҫтем, белем алдым, бала сағымды, йәшлегемде үткәрҙем. Шуның өсөн мин: "Маҡарға ҡайтам", — тип һөйләйем, "Маҡарға барып киләйем әле", — тиергә телем әйләнмәй.
Ком: 0 // Уҡынылар: 581 тапҡыр // Тотош уҡырға
“Ырыҫлы ер” ҡалдырҙыЯугир яҙыусыларыбыҙҙың береһе Ғәзим Аллаяровтың тыуыуына 100 йыл тулды. Республикабыҙ Хөкүмәте йыл башында уҡ был датаны Башҡортостанда киң билдәләү тураһында бойороҡ сығарғайны. Шунан бирле әҙип тураһында хәтерҙе яңыртыу өсөн күҙгә күренерлек эш башҡарылған. “Ағиҙел” журналында Рәмилә Аллаярова атаһы тураһында иҫтәлектәрен баҫтырҙы, З. Биишева исемендәге “Китап” нәшриәте әҙиптең “Ырыҫлы ер” исемле яңы китабын нәшер итте, Башҡортостан Яҙыусылар союзы уның тормошона һәм ижадына бағышланған буклет сығарҙы.
Ком: 0 // Уҡынылар: 968 тапҡыр // Тотош уҡырға
Кәкүк сәйе тәмле була, эсһәң туғандар менәнБөгөн йола байрамдары ла, рәсми саралар ҙа үткәрелеше яғынан бер төрлөрәккә әйләнә бара кеүек. Сәхнәлә – йырсы-бейеүселәр, залда – ҡул сабыусы тамашасылар. Һабантуйҙар ҙа күрһәтмә сараға әйләнеп китте. Тәбиғәтте, ҡоштарҙы ҡурсалауҙы күҙ уңында тотҡан «Кәкүк сәйе» йолаһында ла, ғалим-этнографтар, фольклорсылар фекеренсә, борон ҡатын-ҡыҙҙар һәм балалар ғына ҡатнашҡан. Бындай саралар һуңғы ваҡытта күптәрҙе ҡәнәғәтләндермәй.
Йәйҙең йәмле бер мәлендә, үлән-сәскәләр күпереп гөлгә күмелгәндә, атай-әсәйҙәрҙе, балаларҙы, күрше-күләнде, ауылда ҡанат нығытып, күптән сит тарафтарға һибелгән туған-тыумасаны йыйып, күңел асып булмаймы икән?!
Ком: 0 // Уҡынылар: 1344 тапҡыр // Тотош уҡырға
Октябрьский ҡалаһында социаль торлаҡ төҙөү дауам итә.
Әле ике йорт буйынса документтар тулыһынса әҙерләнгән, экспертиза үткәрелгән, тип хәбәр иттеләр муниципалитет хакимиәтендә. Свердлов урамындағы торлаҡтың өс ҡаты һалынған. Тиҙҙән уның янында икенсеһе лә төҙөлә башлаясаҡ. Биш ҡатлы йорттарҙың һәр береһендә 22-шәр фатир буласаҡ. Девон урамында ла социаль йорт һалыу күҙаллана. Әле бында участка һайлайҙар.
Яңы биналар Октябрьскийҙың архитектур йөҙөн тулыһынса үҙгәртәсәк.
Ком: 0 // Уҡынылар: 505 тапҡыр // Тотош уҡырға
Артҡа 1 2 Алға
Бит башына