“Башҡортостанға ҡайтыуыбыҙға ҡыуанабыҙ...”"500 ферма" программаһына ингән хужалыҡтар республикала артҡандан-арта. Куйбышев исемендәге ауыл хужалығы кооперативы ла төбәктә тәүгеләрҙән булып ошо маҡсатлы программала ҡатнашыу хоҡуғын алған. Йәмғиәткә йәш, уңған, "колхоз эшен" биш бармағылай яҡшы белгән Вадим Авзалов етәкселек итә.
Башҡорт дәүләт аграр университетын тамамлаған белгес тәүҙә иҡтисадсы булып эшләй. Аҙаҡ талапсан, тырыш егеткә хужалыҡ дилбегәһен ышанып тапшыралар. Вадим Хәлил улы уны намыҫ менән тарта, шуға ла йәмғиәт күп кенә күрһәткестәр буйынса районда – алдынғылар иҫәбендә.
– Әлбиттә, был минең генә тырышлығым түгел, ауыл эшсәндәренең һөҙөмтәле хеҙмәте.
Ком: 0 // Уҡынылар: 677 тапҡыр // Тотош уҡырға
Замана ғилемен белһәң, донъя тәртибен һаҡларһың...Имеш, Октябрь революцияһына тиклем башҡорттарҙың әҙәбиәте лә, яҙмаһы ла булмаған. Совет осоронда ошондай ҡарашты халыҡ күңеленә һеңдерергә тырышҡандар. Шуғалыр ҙа ХIХ быуатта ижад иткән шәхестәрҙең исеме әллә ни күренеп бармаған. Башҡорттарҙың яҙмаһы булмағас, Аҡмулла, Мөхәммәтсәлим Өмөтбаев, Әбделмәниғ Ҡарғалы, Һибәтулла Сәлихов, Ғәли Соҡорой, Ғәрифулла Кейеков кеүек революцияға тиклем ижад итеүселәрҙең ҡулъяҙмалары булыуын нисек аңлатырға?
Күренекле мәғрифәтсе-шағирыбыҙ Шафиҡ Әминев-Тамъяни ҙа — шул осорҙа әҙәбиәтебеҙҙе байытыуға тос өлөш индергән әҙип.
"Был донъяла ҡунаҡларһың,
Уҡыһаң — йөҙөң аҡларһың.
Ком: 0 // Уҡынылар: 1390 тапҡыр // Тотош уҡырға
Идияның шәп идеяларыРәхмәт халҡы "Айыҡ ауыл-2013" республика конкурсында ҡатнашырға теләк белдерҙе. Был мөһим ҡарарға килеү өсөн уларҙың йылдар дауамында алып барған әҙерлеге ярҙам итте. Һәр ауылда тиерлек яҡшылыҡҡа әйҙәүсе, халыҡты ойоштороусы лидер була. Һәр кем уның һүҙен тыңлай, фекерҙәре менән уртаҡлаша һәм ҡулға-ҡул тотоношоп эш башлай. Был йәһәттән Идия Ғүмәрованы башҡаларға өлгө итеп ҡуйырға була. Хәйер, уның эше лә шуны талап итә. Ул — Рәхмәт ауылы ҡатын-ҡыҙҙар советы рәйесе, клуб мөдире.
Рәхмәттәрҙе районда сәмле, эшһөйәр, дәртле халыҡ булараҡ беләләр. Үҙәктән алыҫ урынлашыуына ҡарамаҫтан, бында тормошҡа ғашиҡ, маҡсатҡа ынтылышлы кешеләр йәшәй.
Ком: 0 // Уҡынылар: 654 тапҡыр // Тотош уҡырға
Күңеле ҡатмаған...Һуғыш еле кемдәрҙең генә елеген һурманы ла кемдәрҙең генә йөрәген өҙгөләмәне...
Ҡәнзиә Ғәзизова ла — һуғыш осоро балаһы. Атаһы Миңләхмәт ағай илебеҙ күгендә ҡара болоттар ҡуйырғас та, ҡулына ҡорал алып, Ватанды һаҡларға киткән. Был саҡта Ҡәнзиәгә ни бары бер йәш самаһы ғына булған. Ә әсәһе Шәмсениса һигеҙ бала менән тороп ҡалған. Һуғыш башланып бер аҙ ваҡыт үткәс, Миңләхмәт ағай яу яланында башын һалған.
Шомло хәбәр Шәмсенисаның йөрәгенә хәнйәр булып ҡаҙалған. Әммә ул бөгөлөп-һығылып төшмәгән, ҡара ҡайғы алдында башын эймәгән.
Ком: 0 // Уҡынылар: 425 тапҡыр // Тотош уҡырға
Осто сая бөркөт...Өфө сәнғәт училищеһының ҡурай класында эшләү дәүерендә күпме ҡурайсы әҙерләп сығарғанмындыр, иҫәбе-һанын белмәһәм дә, уларҙың һәр береһе күҙ алдымда, һәр береһе күңелемдә үҙ урынын алған. Беҙҙең булмышты һәм күңелдәрҙе ҡурай моңо тоташтыра...
Үкенескә ҡаршы, уларҙың береһе, күңелдәрҙе болоҡһотоп, мәңгелеккә юҡһындырып, арабыҙҙан китеп барҙы. Йылайыр районының Юлдыбай ауылы егете Рөстәм Шәрипов Өфө сәнғәт училищеһына 9-сы кластан һуң килгәйне. Студент йылдарында уҡ иңенә ысынбарлыҡтың ауыр йөгө ятты: Чечен Республикаһында ҡупҡан ут-ялҡын эсендә хеҙмәт итеп, күңеле менән күпкә олпатланып, яугир-ҡурайсы булып, өҙөлгән уҡыуын дауам итергә ҡайтып төштө...
Ком: 0 // Уҡынылар: 1231 тапҡыр // Тотош уҡырға
Ҡунаҡбайҙа ҡунаҡ булдыҡТулы һыулы Түлтебей күле Байымбәт ауылын яртылаш уратып, ялтырап ята. Уның тирә-яғын ҡамыштар уратҡан, күл өҫтөндә томбойоҡтар сәскә атҡан. Был күлгә аҡҡоштар ҙа оя ҡора, икенсе яғында балалар һыу инә. Яҙ күлдең аръяғында йыуа өлгөрә, йәйен еләк ҡыҙарып бешә. Ә бөгөн унда ҙур тирмә ҡоролған, төрлө төҫкә буяп матур итеп ял урындары эшләп ҡуйылған. Халыҡ Рәйлә Назарғолованың юбилейын билдәләй.
Рәйлә Назарғолова ижадҡа һуңлабыраҡ тотонһа ла, бик әүҙем эшләй. Уның үткер мәҡәләләре гәзит-журнал биттәрендә йыш күренә. Ул 2009 йылда Бәләбәй ҡалаһында “Илһам шишмәләре” фестивалендә лауреат булды, шул уҡ йылда “Аҡҡош һағышы” исемле беренсе китабын ҡулына алып шатланды.
Ком: 0 // Уҡынылар: 1275 тапҡыр // Тотош уҡырға
l “Башҡортостан Республикаһында физик культура һәм спорт тураһында”ғы Башҡортостан Республикаһы Законына үҙгәрештәр индереү хаҡында”ғы 700-сө Закон 257-се Федераль законға бәйле ҡабул ителде.
Закон республика спорт федерациялары эшмәкәрлегенең хоҡуҡтарын һәм бурыстарын, дәүләт аккредитацияһы тәртибен аныҡлау, шулай уҡ тейешле спорт төрҙәрен үҫтереү, йыйылма спорт командаларын әҙерләү, уларҙың юғары һөҙөмтәләргә өлгәшеүе өсөн яуаплылыҡ йәһәтенән яңылыҡтарҙы үҙ эсенә ала.
Үҙгәрештәргә ярашлы, республика спорт федерацияларындағы дәүләт аккредитацияһының ғәмәлдә булыу ваҡыты иң күбе дүрт йыл тәшкил итә.
Ком: 0 // Уҡынылар: 501 тапҡыр // Тотош уҡырға
Башҡортостанда талпан энцефалиты менән сирләүҙең 16 осрағы теркәлгән.
Роспотребнадзорҙың Башҡортостандағы идаралығы мәғлүмәтенә ярашлы, талпан ҡаҙалыу сәбәпле республикалағы медицина учреждениеларына 9 800-ҙән ашыу кеше мөрәжәғәт иткән. Шуларҙың 3 мең самаһы — (29,2 проценты) балалар. Дауаханаға килгәндәрҙең 24,7 процентына иммуноглобулин профилактикаһы үткәрелгән. Табиптар билдәләүенсә, быйыл талпандың әүҙемлеге былтырғыға ҡарағанда кәмегән. Гигиена һәм эпидемиология үҙәге лабораторияһында 1 апрелдән алып 4 379 талпан тикшерелгән, уларҙың 263-өндә энцефалит вирусы асыҡланған.
Ком: 0 // Уҡынылар: 688 тапҡыр // Тотош уҡырға
Карелия эҙәрмәндәре Башҡортостанда тыуып үҫкән Бөйөк Ватан һуғышы яугиренең туғандарын эҙләй.
“Хәтер” отряды командиры Алексей Фокин менән “Карел фронты” отряды командиры урынбаҫары Петр Васильевич Пряжинск районында РККА яугирҙәре һәм командирҙарының ерләнмәй ҡалған һөлдәләрен эҙләү менән шөғөлләнә. Яу барған урында ике ҡыҙылармеецтың һөйәктәре табыла. Уларҙың береһендә яҙма менән медальон, шулай уҡ комсомол йәки партия билеты, сәғәт, компас, петлицалар табыла.
Ком: 0 // Уҡынылар: 472 тапҡыр // Тотош уҡырға
“Мега” сауҙа үҙәгенең икенсе ҡатында Әхмәтзәки Вәлиди исемендәге Милли китапхананың йәйге уҡыу залы асылды.
Милли китапхана менән сауҙа үҙәгенең берлектәге проектының төп маҡсаты — китапҡа ҡыҙыҡһыныуҙы арттырыу, балаларҙы, йәштәрҙе уҡыуға йәлеп итеү. Килгән һәр кеше уҡыу билеты алып, йәйге залға инә ала. Бынан тыш, залда электрон китаптарҙы уҡырға, китапхана фондындағы журналдарҙы ҡарарға була. Зал 31 авгусҡа тиклем көн һайын иртәнге сәғәт 10-дан киске 10-ға тиклем асыҡ.
Ком: 0 // Уҡынылар: 568 тапҡыр // Тотош уҡырға
Артҡа 1 2 Алға
Бит башына