— Мин — фатир хужаһы. Бүләк итеү юлы менән уны бәләкәй ҡыҙыма бирергә теләйем. Әммә фатирҙа минән һәм ҡыҙымдан башҡа тағы дүрт кеше теркәлгән: өлкән улым, уның ҡатыны һәм уларҙың ике балаһы. Улымдың ғаиләһе беҙҙең менән йәшәмәй. Һорауым шундай: фатирҙы ҡыҙыма бүләк итер өсөн теркәлгән кешеләрҙең рөхсәтен алыу кәрәкме?
Ком: 0 // Уҡынылар: 591 тапҡыр // Тотош уҡырға
— Беренсе группаға ҡараған инвалид бала тәрбиәләйем. Ул тыуғандан һуң эшкә сыҡманым, сөнки сабыйым даими хәстәрлеккә мохтаж ине. Хеҙмәт стажым — ни бары ике йыл. 50 йәшем тулғас, миңә ниндәй ҙә булһа пенсия тәғәйенләнерме?
Ком: 0 // Уҡынылар: 614 тапҡыр // Тотош уҡырға
— Никахта саҡта ирем менән ике фатир алдыҡ. Береһе — ипотекаға, ирем исеменә яҙылған. Мин — поручитель, ипотека буйынса бурыс — 1 миллион 500 мең һум. Икенсеһен мин эштән биш йылға түләү ваҡытын кисектереп алдым. 2014 йылға тиклем ҡулланыусылар кооперативы менән өлөшләтә пай туплау килешеүе менән төҙөлгәйне. 2014 йылда барлыҡ пай өлөштәрен түләп бөткәс, фатир минең милеккә күсәсәк. Аҡсаны банкка үҙем түләнем, эш хаҡымдан тотолоп торҙо. Быйыл айырылышабыҙ. Ирем был фатирҙың өлөшөнә дәғүә итәме, әллә мин индергән түләүҙәрҙең яртыһынамы? Һәм күпме ваҡыт үткәндән һуң милек бүлешеүгә һәм алиментҡа ғариза бирә алам?
Ком: 0 // Уҡынылар: 595 тапҡыр // Тотош уҡырға
Йәйге эҫе һауа торошо ҡайһы бер йоғошло һәм инвазион сирҙәрҙең таралыуына уңайлы шарттар тыуҙыра.
Инвазион сирҙәр араһында, малдан кешегә йоға торған эхинококкоздың республика күләмендә йышайыуы хәүефкә һала. Ауырыуҙы таратыусы иң төп сығанаҡ – эт һәм бесәйҙәр. Эттең эсәктәрендә үҫеп өлгөрөп, йомортҡалары тиҙәк менән тирә-йүнгә (үләнгә, һыуға, ергә, емеш-еләккә) тарала. Хайуандарға – үлән йә һыу менән, кешегә иһә бысраҡ ҡул, ҡайнатылмаған һыу, еләк-емеш аша эләгеп, йомортҡанан ҡарышлауыҡҡа әүерелеп, ҡан тамырҙары аша бауыр, үпкә һәм башҡа эске ағзаларға урынлашып бәләкәй шар формаһында үҫә.
Ком: 0 // Уҡынылар: 619 тапҡыр // Тотош уҡырға
Һыуҙың һалҡынлығын белер өсөн мотлаҡ сумырға кәрәкмәйҙер аҡыллы кешегә — уны һауа торошо ла күрһәтә. Уратып-суратып тормайынса, һүҙҙе беҙҙең закон сығарыусыларҙың эшенә йүнәлтһәк, шәхси эшҡыуарҙарға ҡарата ҡулланыла башлаған страховка иғәнәһе тураһындағы "өҫтәмәләрҙе" күҙ уңында тотам.
Эшҡыуарҙарҙың ҡылын тартып ҡарау булдымы ул, башҡаһымы, Пенсия фондына күсерелеүсе иғәнә ҡапыл икеләтә — 17 мең 208 һумдан 35 мең 665-кә артты ла ҡуйҙы. Был ғына аҙ ине, 2015 йылдан ул хатта өскә күтәрелергә тейеш ине.
Үҙ эшен яңы асҡан, элек башлап та йыллыҡ аҡса әйләнеше 100 мең һум тирәһе булғандар бигерәк тә ни эшләргә белмәне.
Ком: 0 // Уҡынылар: 651 тапҡыр // Тотош уҡырға
“Өфө уттары” комплексы ер һатып алғас та тыуған ығы-зығы тураһында киң мәғлүмәт саралары әүҙем яҙа башлағас, Өфө хакимиәте башлығының беренсе урынбаҫары Александр Филиппов был хәлгә аңлатма бирҙе.
— “Өфө уттары” комплексы, Рәсәйҙәге бик күп компаниялар кеүек үк, ерҙе льготалы һатып алыу хоҡуғынан файҙаланды, — тине Александр Филиппов. — Кадастр хаҡынан 2,5 процентлы ташлама менән ер алыу мөмкинлеге федераль ҡануниәт менән нығытыла. Бындай хоҡуҡтан Рәсәйҙәге, шул иҫәптән Өфөләге байтаҡ ойошмалар файҙаланды.
Ком: 0 // Уҡынылар: 706 тапҡыр // Тотош уҡырға
Башҡортостан баскетболсылары ветерандар араһындағы донъя чемпионатында призер булды. Ярыш Грецияның Салоники ҡалаһында үтте. Бында бөтә донъянан 150 команда йыйылды.
70 йәшлек һәм унан олораҡтар категорияһында Әмир Вәлитов менән Виктор Трофимов Санкт-Петербург командаһы өсөн уйнаны. Ярҙамсы төркөмдә улар беренсе урынды яуланы. Ә бына ярымфиналда рәсәйҙәр Бразилияның 1-се йыйылма командаһынан 34:48 иҫәбе менән еңелде. Бронза өсөн алышта баскетболсыларыбыҙ Бразилияның 2-се командаһын еңеүгә өлгәште.
Ком: 0 // Уҡынылар: 597 тапҡыр // Тотош уҡырға
Өфөлә адреслы социаль түләүҙе компенсацияға алмаштырҙылар, тип хәбәр итте баш ҡала хакимиәтенең матбуғат хеҙмәте.
Бындай сараның маҡсаты — коммуналь хеҙмәт өсөн хаҡтың йылына 6 проценттан ашыуға артыуына юл ҡуймау. Компенсацияға аҡса республика һәм ҡала ҡаҙнаһынан бүленә.
Әүәлерәк граждандарға адреслы социаль түләү алымы ҡаралғайны. Бының өсөн өфөләр Республика субсидиялар үҙәгенә мөрәжәғәт итергә тейеш ине. Ығы-зығыға, сиратҡа юл ҡуймау өсөн социаль түләүҙе компенсацияға алмаштырырға ҡарар ителде.
Ком: 0 // Уҡынылар: 539 тапҡыр // Тотош уҡырға
Быйыл хеҙмәт пенсияһының тупланма өлөшөнә страховка иғәнәһе тарифын һайларға мөмкин. Һеҙ эш хаҡының 6 процентын ҡалдыра йә иһә пенсияның страховка өлөшөнә тарифты 10-14 процентҡа арттырып, уны 2 процентҡа тиклем кәметә алаһығыҙ.
— “Рәсәй Федерацияһында мотлаҡ пенсия страховкаһы тураһында”ғы Закон буйынса страховка иғәнәһе тарифының шәхси өлөшө 16 процент күләмендә ҡарала. Был аҡса шәхси иҫәптә сағыла, хеҙмәт пенсияһын хисаплағанда иҫәпкә алына. 16 проценттың10-ы — страховка, 6 проценты тупланма өлөшкә индерелә.
Ком: 0 // Уҡынылар: 2345 тапҡыр // Тотош уҡырға
Башҡортостан Президенты Рөстәм Хәмитов АҠШ-та Техас штаты губернаторы Рик Перри менән осрашыу үткәрҙе.
Унда төбәк-ара хеҙмәттәшлек мөмкинлектәре тикшерелде. Һөйләшеүҙәрҙә Техас менән Башҡортостан иҡтисадының аграр һәм нефть химияһы йәһәтенән оҡшашлығы билдәләнде. Ике яҡлы хеҙмәттәшлек тураһындағы килешеүҙе әҙерләргә ҡарар ителде. Техас губернаторы Башҡортостанға килергә теләк белдерҙе.
Ком: 0 // Уҡынылар: 556 тапҡыр // Тотош уҡырға
Артҡа 1 ... 6 7 8 9 10 11 12 13 14 ... 46 Алға
Бит башына