Ҡыҙыл буйы гөр киләЙәмле Ҡыҙыл буйы балаларҙың шат тауышынан гөр килә. Былтыр ғына асылған "Ирәндек" лагерында ял итеүселәрҙең күңелһеҙләнеп ултырырға ваҡыты ла юҡ.
— Балалар араһында опекаға алынған, аҙ тәьмин ителгән, күп балалы ғаиләлә тәрбиәләнгәндәр байтаҡ, — тине өлкән вожатый Айгөл Бәшәрова. — Хеҙмәтебеҙ еңелдән түгел, әммә тәрбиәселәребеҙ һәр кем менән уртаҡ тел таба, тырышып эшләй. Вожатыйҙарҙың күбеһе — студенттар. Йәш булыуҙарына ҡарамаҫтан, эшен еренә еткереп башҡаралар.
Лагерҙа көнөнә биш тапҡыр туҡланалар, өҫтәлдән йәшелсә-емеш өҙөлмәй.
Ком: 0 // Уҡынылар: 873 тапҡыр // Тотош уҡырға
Моңло Әй һәм Ыҡ ҡыҙыБер кис телефон шылтыраны. Йырсы Әлфиә Кәлимуллина икән.
– Харис, яңы йыр яҙғайным, тыңлап ҡара әле. Оҡшаһа, бәлки, башҡарырһың, — тип баҫалҡы ғына өндәште ул.
Йырҙы һалмаҡ ҡына итеп көйләп тә ишеттерҙе. Берәү генә булманы йөрәге түренән сыҡҡан моңо, барыһын да оҡшаттым. Береһен дуэт итеп радиоға яҙҙырҙыҡ, хәҙер уны йыш ҡына халыҡҡа ишеттерәләр, икенсеһен репертуарыма алдым.
"Бирһә, Хоҙай, бирә икән талантты!" — тип Мәсетле ҡыҙы Әлфиәгә ҡарата ла һис арттырмай әйтергә мөмкин. Талантҡа тырышлыҡ, ныҡышмаллыҡ өҫтәлгәндә генә сәнғәт донъяһында балҡый алаһың.
Ком: 0 // Уҡынылар: 1081 тапҡыр // Тотош уҡырға
Пенсия фондының Башҡортостандағы бүлексәһе үҙенең рәсми сайтында “Ойошманың шәхси кабинеты”н булдырҙы.
Республикалағы бүлексә отчеттар ҡабул итеү, Интернет технологияларын файҙаланып, Пенсия фондына түләүҙәр тураһында халыҡҡа мәғлүмәт еткереү йәһәтенән маҡсатҡа ярашлы эш алып бара. Әле ул 215 мең страховкалаусы менән эш итә. Шәхси кабинет иҫәпкә күсерелгән страховка иғәнәләрен тикшереү, пенялар, штрафтар буйынса бурыс күләмен асыҡлау мөмкинлеген бирә.
Ведомствола әйтеүҙәренсә, “Ойошманың шәхси кабинеты”нда теркәлеү өсөн электрон сервистан файҙаланыуға рөхсәт алыу картаһын тултырырға кәрәк.
Ком: 0 // Уҡынылар: 746 тапҡыр // Тотош уҡырға
Һуңғы көндәрҙәге конкурслы һайлап алыу һөҙөмтәләре буйынса Башҡортостандың тағы биш хужалығы “500 ферма” республика маҡсатлы программаһында ҡатнашыу хоҡуғына эйә булды. Был — Туймазы, Дүртөйлө, Ҡариҙел һәм Ишембай райондары хужалыҡтары.
Йыл башынан программаға 38 хужалыҡ ҡушылды. Бөгөн уларҙың бөтәһе лә үҙҙәренең һөтсөлөк-тауар фермаларын яңыртыу менән мәшғүл. Республиканың Ауыл хужалығы министрлығынан хәбәр итеүҙәренсә, иң әүҙемдәре булып Туймазы, Илеш районы хужалыҡтары иҫәпләнә. Билдәле булыуынса, “500 ферма” маҡсатлы программаһы 2012 йылдың яҙында тормошҡа ашырыла башланы.
Ком: 0 // Уҡынылар: 639 тапҡыр // Тотош уҡырға
Рәсәй Ғәҙәттән тыш хәлдәр министрлығының Башҡортостандағы баш идаралығы матбуғат хеҙмәте хәбәр итеүенсә, бөгөн республиканың 22 районында ғәҙәттән тыш хәл режимы ғәмәлдә.
Ете районда — Белорет, Ишембай, Баймаҡ, Хәйбулла, Йылайыр һәм Әлшәйҙә ул саранчаларҙың күплеге арҡаһында иғлан ителгән. Улар ауыл хужалығы культураларына ҙур зыян килтерә. Әлшәй, Борай, Хәйбулла, Өфө, Ҡариҙел, Мишкә, Балаҡатай, Тәтешле, Әбйәлил, Дәүләкән, Ғафури, Көйөргәҙе, Баймаҡ райондары һәм Күмертау ҡалаһында иһә хәлгә эҫелек, ҡоролоҡ сәбәп булған.
Ком: 0 // Уҡынылар: 505 тапҡыр // Тотош уҡырға
Йылайыр районы хакимиәтендә күп балалы биш ғаиләгә торлаҡ һатып алыуға сертификат тапшырылды.
— Үрҙә әйтелгән районда халыҡҡа социаль ярҙам күрһәтеүгә, атап әйткәндә, торлаҡ мәсьәләһен хәл итеүгә айырым иғтибар бирелә. Тап ошондай ныҡлы, татыу ғаиләләр беҙҙең таянысыбыҙ, — тине район хакимиәте башлығы Илгиз Фәтҡуллин сертификат тапшырыусыларҙы ҡотлап.
Түләү күләме ярайһы уҡ ҙур — 10 миллион һум самаһы. Һәр сертификаттың хаҡы 1,6 — 2,1 миллион һум тәшкил итә.
Ком: 0 // Уҡынылар: 797 тапҡыр // Тотош уҡырға
Дәүләкәндә йәшәгән 41 йәшлек ике кеше “Хизб ут-Таһрир әл-Ислами” халыҡ-ара террористик ойошмаһы эшмәкәрлегендә ҡатнашҡан өсөн хөкөм ителде, тип хәбәр итте Федераль именлек хеҙмәтенең Башҡортостан идаралығындағы матбуғат хеҙмәте.
Улар районда йәшерен бүлексә төҙөп, йәштәрҙе йәлеп иткән. Активистарҙы махсус хеҙмәттәр бер нисә йыл дауамында күҙ уңынан ысҡындырмаған. Һөҙөмтәлә законһыҙ эшмәкәрлек буйынса байтаҡ дәлилдәр йыйылған. 2008 йылда ошо уҡ әҙәмдәр шартлы рәүештә хөкөм ителгән.
Ком: 0 // Уҡынылар: 604 тапҡыр // Тотош уҡырға
Башҡортостанда быйылғы иң ҡыҙыҡлы социаль проекттарҙың береһе — “Ҡаршылыҡтарҙы емереп” балалар ижады интернет-фестиваленең һайлап алыу этабы башланды. Сараның идеяһы — ижад ярҙамында һау-сәләмәт һәм мөмкинлектәре сикләнгән балаларҙы берләштереү.
17 июлдән 17 авгусҡа тиклем Интернеттағы www.vk.com/socialrb адресы буйынса тауыш биреп, иң яҡшы художество үҙешмәкәрлек сығышын һайлап алырға мөмкин. Сарала ҡатнашырға теләүселәргә өс номинацияның береһендә ҡатнашыу шарт. Улар иҫәбенә инструменталь ижад (солистар һәм ансамблдәр), вокаль ижад (солистар һәм ансамблдәр, халыҡ, эстрада йыры), хореография (классик, халыҡ, эстрада, заманса бейеү), һынлы ижад (фото һәм рәсем).
Ком: 0 // Уҡынылар: 715 тапҡыр // Тотош уҡырға
Башҡортостан делегацияһының АҠШ-ҡа эш сәфәре барышында Литл-Рокта Арканзас штаты губернаторы Майк Биб менән Башҡортостан Хөкүмәте Премьер-министры урынбаҫары Илшат Тажетдиновтың осрашыуы булды.
Майк Бибты республиканың сәнәғәт ҡеүәте, иҡтисад һәм инвестиция йәһәтенән хеҙмәттәшлек мөмкинлектәре менән таныштырҙылар. Әңгәмә барышында губернатор, Арканзас менән Башҡортостан араһында уртаҡлыҡтар байтаҡ, улар хатта майҙаны һәм халыҡ һаны буйынса оҡшаш, тип билдәләне. Был төбәктәр агросәнәғәт етештереүе өлкәһендә лә алдынғылар иҫәбендә.
Ком: 0 // Уҡынылар: 535 тапҡыр // Тотош уҡырға
Башҡортостан Хөкүмәтендә Премьер-министр урынбаҫары Лилиә Ғүмәрова етәкселегендә үткән селектор кәңәшмәһендә халыҡтың сәләмәтлеге өсөн мөһим мәсьәлә тикшерелде. Ни өсөн быйыл республикала өлкәндәрҙе диспансерлаштырыу эше һүлпән бара? Хикмәт нимәлә: сараны ойоштора белмәүҙәме, әллә халыҡтың үҙенең һаулыҡ торошон тикшертеүгә теләге юҡмы?
2011 йылдың 29 ноябрендәге “Рәсәй Федерацияһында граждандарҙың сәләмәтлеген һаҡлау нигеҙҙәре тураһында”ғы Федераль законға ярашлы, сирҙәрҙе ваҡытында иҫкәртеү өсөн диспансерлаштырыу үткәреү төп йүнәлешкә әүерелергә тейеш ине.
Ком: 0 // Уҡынылар: 690 тапҡыр // Тотош уҡырға
Артҡа 1 2 3 4 5 6 7 8 9 10 ... 46 Алға
Бит башына