Ырғыҙлының ырыҫ хикмәтеБөрйәнемде моңдар иле, тиҙәр,
Был исеме күптән танылған.
Бында һәр бер үлән, һәр бер ағас
Моң сығара барып ҡағылһаң.

Йәнһеҙ тигән таштар йырлай бында,
Сал ҡаялар һуҙа йырҙарын.
Үҙҙәре бер моң сығара икән
Яландарым, урман ҡырҙарым...
Ком: 4 // Уҡынылар: 1617 тапҡыр // Тотош уҡырға
Ғәҙеллеккә ышаныс ҙурБашҡортостан Берҙәм тауыш биреү көнөнә әҙер. Ил ҡануниәтенә ярашлы барлыҡ тейешле эштәр башҡарылып бөткән тиерлек. Был хаҡта республиканың Үҙәк һайлау комиссияһы рәйесе Хәйҙәр Вәлиев белдерҙе. Электән килгән йола буйынса, һайлау алдынан матбуғат конференцияһы ойошторолдо, унда журналистар үҙҙәрен ҡыҙыҡһындырған барлыҡ һорауҙарға яуап алды.
Һандарға мөрәжәғәт иткәндә, күрһәткестәр түбәндәгесә: Дәүләт Йыйылышы — Ҡоролтайҙағы 110 депутат урыны өсөн дәғүәләшәсәктәр. Бынан тыш, ҡала округтарында, ауыл биләмәләрендә 211 һайлау кампанияһы үтә, унда 295 депутат мандаты өсөн көрәш булыуы көтөлә. Бер мандатлы 55 округ буйынса 383 кандидат тәҡдим ителгән. Республикала 69 территориаль һайлау комиссияһы, 3452 һайлау участкаһы бар, уларҙың 34-е һайлаусыларҙың ваҡытлыса булған ерҙәрендә эшләйәсәк (тәфтиш изоляторҙары, аэропорт, тимер юл вокзалы, дауахана, шифаханалар һ.б.).
Ком: 0 // Уҡынылар: 578 тапҡыр // Тотош уҡырға
Ошо көндәрҙә Башҡортостан Президенты Рөстәм Хәмитов Башҡортостан юлдаш телевидениеһының “Телеүҙәк” тапшырыуында журналистарҙың һәм халыҡтың һорауҙарына яуап бирҙе. Республика етәксеһе менән бындай тура бәйләнеш алтынсы тапҡыр ойошторола. Сәғәт ярым самаһы барған тапшырыуҙа Рөстәм Хәмитов төрлө өлкәгә ҡағылышлы һорауҙарға яуап бирҙе. Сара барышында яңғыраған һүҙҙәргә ҡарағанда, халыҡты социаль торлаҡ төҙөлөшө, төбәккә киләсәк инвестициялар күләме, эш хаҡын күтәреү, ауыл хужалығы үҫеше, Өфөләге халыҡ-ара саммиттарға әҙерлек мәсьәләләре айырыуса борсоуы күренә.
Ком: 0 // Уҡынылар: 762 тапҡыр // Тотош уҡырға
Орден(Чечня һуғышында булған егет һөйләй)

Мәскәү ҡалаһының ҙур залында
Ошо ярсыҡ менән "аттылар":
"Батырҙарын ил онотмаҫ", — тиеп,
Күкрәгемә тәре таҡтылар.
Пуля тейгән саҡта ауыртыу юҡ,
Һыҙланыуҙар килә аҙаҡтан...
Күкрәгемдән йолҡоп алдым уны,
Тик ҡотолоп булмай ғазаптан.
Салауаттың маңлайына баҫҡан
Утлы тамға кеүек, был ҡалай
Нисәмә йыл йөрәгемде өтә,
Нисәмә йыл йәнде язалай!..
Ком: 4 // Уҡынылар: 1206 тапҡыр // Тотош уҡырға
Йәштәргә йүнәлеш бирерҙәй  маяҡтарҺәр замандың үҙ геройы була
Атайымдың йәш сағында кумиры Брюс Ли булған. Танылған көнсығыш көрәше оҫтаһын һәр кем беләлер. Ул күп кинола уйнаған, үҙе лә фильмдар төшөрөү менән шөғөлләнгән. Брюс Ли хаҡында байтаҡ китап яҙылған. Атайыма уның һуғышып, бөтәһен дә дер һелкетеп, ҡурҡытып тотоуы түгел, ә оҫталығы, хәрәкәттәр тиҙлеге, зирәклеге оҡшаған. Сөнки Брюс Ли – ғәҙеллек һәм изгелек өсөн көрәшеүсе, яҡшы философ та. Уға оҡшарға теләп, атайым ныҡлап спорт менән шөғөлләнгән, физик камиллыҡҡа, таһыллыҡҡа ынтылған, ә бының менән үҙаңы, зиһене, рухи донъяһы үҫешкән.
Оло йәштәге кешеләр менән әңгәмә ҡорғанда, улар йыш ҡына ғүмергә кумир булырлыҡ ошондай шәхестәрҙе һағынып телгә ала:
Ком: 0 // Уҡынылар: 1021 тапҡыр // Тотош уҡырға
Ҡойроҡ болғауКүптәр гастролдә йөрөгән артистарҙы сәскәләр, бәлештәр менән ҡаршы алынған ҡәҙерле ҡунаҡ тип һанай. Ләкин ашаған белмәй, тураған белә тигән әйтем дә бар бит. Ауылдарҙа гастролдә йөрөү — артист халҡын бик ауыр меҫкенлеккә, түбәнселеккә төшөргән хәл. Быны ояттың ни икәнен белгән артист ҡына аңлай...
Фатирға урынлашҡас, йыш ҡына хужалар:
— Клуб директоры туғаныбыҙ булғанға ғына һеҙҙе фатирға алдыҡ. Ситтән килгән кешеләрҙе ҡабул итер өсөн беҙҙең йәшәү шарттарыбыҙ шәп түгел бит.
Ком: 0 // Уҡынылар: 840 тапҡыр // Тотош уҡырға
“Кирбес” кенә етер башына..."Кирбес" тип әҙәбиәттә өс иленән дә ҡалыныраҡ китапты әйтәләр. Ғәҙәти үлсәм менән иҫәпләгәндә 700 бит самаһы була ул. Дөрөҫөн әйткәндә, сағыштырыу өсөн ундай күләмдәге китапты исемләп күрһәтеүе лә ҡыйын. Башҡорт теленең һүҙлеге (ике томда, 55 000 һүҙ индерелгән) 860 биттән тора, шундай уҡ ике томлыҡ урыҫса-башҡортса һүҙлектең бер томы 680 битлек. "Башҡортостан энциклопедияһы"ның 3-сө томы, әйтәйек, 670 битлек. Бына ошолар башҡорт телендә сыҡҡан иң ҡалын китаптар – “кирбес”тәрҙер, моғайын.
Моғайын, тим, сөнки мәғлүм булыуынса, китап һынлы китапты кирбес менән сағыштырыу һис кенә лә уны маҡтау өсөн әйтелмәй.
Ком: 0 // Уҡынылар: 914 тапҡыр // Тотош уҡырға
Иң тилберҙәрҙе бүләк көтә2014 йылдың тәүге яртыһына гәзит-журналға яҙылыу кампанияһы башланды ла инде. “Башҡортостан” гәзитен күберәк таратыу маҡсатында мөхәрририәт иң шәп почтальондарҙы һәм йәмәғәт башланғысында матбуғат таратыусыларҙы асыҡларға булды.
Был изге эштә һәр кемде, хатта пенсионерҙарҙы ла ең һыҙғанырға саҡырабыҙ. Икеләнеп тормағыҙ, бөгөндән үк эшкә тотона алаһығыҙ. Бының өсөн почта бүлексәһенән абонементтар, йәғни квитанциялар барып алып, халыҡ араһында йөрөп, хеҙмәт коллективтарында булып, “Башҡортостан”ды мөмкин тиклем күберәк яҙҙырыуығыҙ шарт.
Ком: 0 // Уҡынылар: 510 тапҡыр // Тотош уҡырға
Башҡорт теле — донъя мәҙәниәтенең бер ынйыһы“Башҡорт теле — иң көслө һәм үҙаллы телдәрҙең береһе”. Башҡортостан Президенты Рөстәм Хәмитовтың был ҡанатлы һүҙҙәре филология фәндәре докторы, профессор Зиннур Нурғәлиндең күптән түгел донъя күргән “Башҡорт теле: дәүләт теленән әҙәби телгә” исемле китабына ла ингән. Унда беҙ республика етәксеһенең телебеҙ хаҡында “Башҡорт теленең, бүтән телдәр һымаҡ, донъя мәҙәниәтендә уникаль күренеш булыуын да онотмайыҡ” тигән һүҙҙәрен дә осратабыҙ. Президенттың “Башҡорт телен яҡларға һәм һаҡларға кәрәк” тигән саҡырыуы ла иғтибарҙан ситтә ҡалмаған.
Китаптың исеменән үк күренеүенсә, унда башҡорт теленең дәүләт теле һәм әҙәби тел булараҡ яҙмышы күҙаллана.
Ком: 0 // Уҡынылар: 1188 тапҡыр // Тотош уҡырға
"Евразия тауышы" оранға әйләнергә тейешКүп милләтле Европа һәм Азия мәҙәниәттәр гөлләмәһен хәтерләтә. Халыҡтарҙың ғөрөф-ғәҙәте, йолалары, йәшәү рәүеше төрлө, һәм улар бер үк юғары төшөнсәләргә, маҡсатҡа йүнәлтелгән. Ошоноң менән милли мәҙәниәттәр бер бөтөндө хасил итә, бер-береһен тулыландыра, байыта. Бөтә Рәсәй дәүләт телерадиокомпанияһының телефестивале (уны һәр төбәк үҙенсә атай. Бүрәттәр “Байкал тулҡыны” тигән, беҙҙекеләр "Евразия тауышы" тип исемләне) тап шул үҙенсәлекле йолаларҙы үҫтереү, халыҡтарҙың тарихын, телен һаҡлау, киләсәген хәстәрләү кеүек изге маҡсаттарҙы тормошҡа ашырыуҙы иңенә алған.
Ком: 0 // Уҡынылар: 620 тапҡыр // Тотош уҡырға
Артҡа 1 2 3 Алға
Бит башына