Рөстәм ХӘМИТОВ: “Һайлауҙа ҡатнашҡан һәр кемгә рәхмәт!”Башҡортостандың Дәүләт Йыйылышы — Ҡоролтай депутаттарын һайлау өсөн Президент Рөстәм Хәмитов республиканың Милли музейы бинаһында урынлашҡан 109-сы һайлау участкаһына ҡатыны Гөлшат Ғәфүр ҡыҙы менән килде.
Төбәк башлығы гражданлыҡ бурысын үтәгәндән һуң журналистар менән аралашты. Президенттан һайлау алды кампанияһы барышына, күп партиялылыҡҡа ҡарашы тураһында һоранылар.
— Алдан уҡ әйтеп килдем: беҙҙә һайлау кампанияһы ҡануниәткә ярашлы бара. Үҙ кандидаттарын күрһәткән бер партия ла артыҡ ҙур ауырлыҡ кисермәне. Шуға күрә әлеге сараны тыныс, уйланған, аңлы тип әйтә алабыҙ. Был эштә ҡатнашҡан һәр кемгә рәхмәтлемен, — тине Рөстәм Зәки улы.
Ком: 0 // Уҡынылар: 521 тапҡыр // Тотош уҡырға
Изге эштәргә юл ярыусыУйлап ҡараһаң, сирек быуат ғүмер әҙ ҙә, күп тә түгел, ә күпме көрәш һәм ауырлыҡтарҙан, ҡаршылыҡтарҙан торған бер осор булып тарих биттәрендә урын алды.
Ябай халыҡҡа үҙгәртеп ҡороуҙың асылын төшөндөрөү, үҙ еребеҙҙе, булмышыбыҙҙы һаҡлап алып ҡалыу юлдарын күрһәтеү, аңлатыу бурысын үҙ ҡулына алыу маҡсатында башҡорт зыялылары берләшеп, кәңәш ҡорҙо, фекер уртаҡлашты. Һөҙөмтәлә халыҡты йыйыу урыны итеп "Аҡ тирмә" милли ойошмаһын төҙөнөк. Тәүҙә ойошмаға М. Аҡмулла исемен биреү ҡаралғайны, әммә был башҡорттоң алдынғы мәғрифәтсеһен — бер генә шәхесте күҙ уңында тотоу булыр ине.
Ком: 0 // Уҡынылар: 1034 тапҡыр // Тотош уҡырға
«Ғәлиә»не һағынырбыҙ әлеКүренекле дәүләт эшмәкәре, Бөйөк Ватан һуғышы ветераны, журналист, тарих фәндәре кандидаты, Мәжит Ғафури, Фәтих Кәрим исемендәге әҙәби премиялар лауреаты, шаҡтай орден-миҙалдар кавалеры, яҙыусы Таһир Ахунйәнов (Таһиров) бай һәм иҫтәлекле ғүмер көҙөн – 90 йәшен ҡаршылай.
Был данлыҡлы шәхес тураһында яҙыуы ҡатмарлы ла, үтә яуаплы ла. Шул уҡ ваҡытта ижад маяғы, матбуғат ветераны, уның сағыу йондоҙо булған райондашым хаҡында бәйән итеү иҫ киткес ғорурлыҡ та...
Кешене белер өсөн бер бот тоҙ ашау ғына етмәйҙер, моғайын. Хәйер, был үҙенсәлекле шәхес менән 35 йыл дауамында осрашып, күпме фәһем, файҙалы кәңәш алырға, һөҙөмтәлә уның тураһында күп тапҡыр матбуғатта ла, китаптарымда ла яҙырға тура килде.
Ком: 0 // Уҡынылар: 1275 тапҡыр // Тотош уҡырға
Бәхеттәре мөлдөрәмә тулыУлар бер ауылда тыуып үҫкән, белем алған, унан бергәләп хеҙмәт юлын башлаған. Әле Айбулат Әхмәтбаҡый улы — Ишбулды мәктәбе директоры, Вәсилә Ибраһим ҡыҙы тарихтан уҡыта.
Бер-береһенә ярҙам итеп, кәңәшләшеп эшләй Хәйбуллиндар. Бөгөн мәғариф өлкәһендә етәксе булыу еңел түгел — ауылдаштарыңдың мәнфәғәтен яҡлап, ышанысын аҡлау өсөн көнө-төнө тырышып эшләү мөһим. Яҡшы һөҙөмтә өсөн иң тәүҙә күңелеңдең бөтөн, тылыңдың ныҡлы булыуы шарт. Был йәһәттән Айбулат Әхмәтбаҡый улы бәхетле: ҡатыны, улы Рөстәм, ҡыҙы Азалия — уға терәк, таяныс, кәңәшсе.
Хәйбуллиндар ҡура тултырып мал, ҡош-ҡорт аҫрай. Баҡсаларында ниндәй генә сәскә үҫмәй уларҙың!
Ком: 0 // Уҡынылар: 799 тапҡыр // Тотош уҡырға
Милләтебеҙ лайыҡлыларҙы күтәрә беләКөйөргәҙе районы хакимиәтенең Баязит Бикбай исемендәге премияһына Тамара апайҙың лайыҡ булыуын тәбрикләп, фекер әйтеү ине ниәтем. Яҡташтары ҙурлап, быйыл һабантуйҙа тапшырған бүләкте. Ихлас ҡыуандым башҡорт шиғриәтенең аҫыл һүҙ оҫтаһы өсөн! Һүҙ оҫтаһы ғынамы ни?! Тамара Ғәниева, үҙ халҡының фиҙакәр хеҙмәтсеһе булараҡ, ал-ял белмәй һүҙ сәнғәте донъяһында ғына түгел, ҡулынан килгән һәр ерҙә кешеләргә ярҙам итә.
Шағирәнең тыуған яҡтарында булғаным бар. Көйөргәҙе районының бәләкәй генә Кинйәбай ауылына матур юл үткән, газ-һыуынан халыҡ иркенләп файҙалана. Белеүемсә, быларҙың һәр береһенең атҡарылышында әҙибәнең ҡағылышы бар. Шәхестәр — тыуған яғын, тыуған ере лайыҡлыларын күтәрә, тигәндәре шулдыр, күрәһең.
Ком: 0 // Уҡынылар: 797 тапҡыр // Тотош уҡырға
Ысыҡтан эйелә ҡылған(Романдан өҙөк)
Билдәле, егерменән үтеп, граждандар һуғышының ҡанлы даръяһын гиҙеп, яраланып лазареттарҙа аунаған һалдаттың ҡатын-ҡыҙҙар менән электән дә осрашҡаны бар ине. Ләкин ул икенсе хәлдә, йә һөжүм иткәндә, йә дошмандан ҡасып килгәндә фатир ҡунып, тол ҡалған, иргә сарсаған ҡатын-ҡыҙҙар ҡосағынан ары китә алғаны юҡ ине. Төндә килеп төшәһең, таң һарыһынан тағы китәһең, төндә ҡылған гонаһтарың өсөн битеңдең ҡыҙарғанын бер кем дә күрмәй. Һинең выжданың үҙ-үҙеңде ҡарғап яфаланғанын берәү ҙә белмәй. Ундай хәлдәр бик йыш булмаһа ла, юҡ-юҡта осрап торғас, уға бер кемдең дә иҫе китмәй. Бөгөн тереһең — иртәгә үләһең, кем белә?!
Ком: 0 // Уҡынылар: 843 тапҡыр // Тотош уҡырға
Талантлы ижадташымӘҙәби тәнҡитсе һәм әҙәбиәт белгесе Ким Әхмәтйәнов менән 1960 – 1978 йылдарҙа Тарих, тел һәм әҙәбиәт институтында бергә эшләнек. Әҙәбиәт ғилеме һәм теорияһы мәсьәләләре менән шөғөлләндек. Ул айырыуса поэтика өлкәһендә маһирлығын танытты.
Үткәндәргә ҡайтып, әҙәбиәтебеҙ үҫеше тарихынан шуныһын да яҡшы хәтерләйем: уҙған быуатыбыҙҙың 60-сы йылдарында әҙәбиәтебеҙгә ҙур төркөм булып һәләтле һәм ғилемле йәш яҙыусылар килде. Мәҫәлән: Рәми Ғарипов, Рафаэль Сафин, Әнүр Вахитов, Рәйес Низамов, Марат Кәримов, Абдулхаҡ Игебаев, Шакир Бикҡолов, Ким Әхмәтйәнов һәм тағы бүтәндәр. Улар төрлө жанрҙа ижад итте. Әҙәбиәт ғилеме һәм әҙәби тәнҡит өлкәһендә эшләүселәре булыуы һөйөнөслө ине.
Ком: 0 // Уҡынылар: 1482 тапҡыр // Тотош уҡырға
Йүкәләрҙең бер япрағы булып, йырлай-йырлай төшһәм мин ергә...Иҫерек Рәсәй

Үҙ мөлкәтен үҙе һатып эскән
Бер эскесе кеүек дәү илем.
Саҡ-саҡ иҫкән заман елдәренән
Саҡ йығылмай ҡала бәүелеп.

Алпан-толпан баҫып, иҙеү асып,
Атлап килә оло "ҡала"нан...
Һәр мөйөштә уны юлбаҫарҙар,
Фәхишәләр тора һағалап.
Ком: 0 // Уҡынылар: 1029 тапҡыр // Тотош уҡырға
Ғәҙәттә, тауыш биреүгә ауыл халҡы нығыраҡ әһәмиәт бирә. Был һайлауҙа ла ошондай хәл күҙәтелде. Ауыл кешеләренең күп йыллыҡ йолаларға тоғролоҡ һаҡларға тырышыуы һөйөнөслө, әлбиттә. Ә бына йыш ҡына битарафлыҡ күрһәтеүсе йәш быуын вәкилдәренең быйылғы әүҙемлеге көтөлмәгәнсәрәк булды. Был хаҡта беҙҙең үҙ хәбәрселәр һөйләй.
Ейәнсура
Райондың һайлаусылар исемлегендә 22388 кеше теркәлгән булһа, КПРФ, “Берҙәм Рәсәй”, Рәсәй халыҡ идаралығы партияһы яғынан 110 кеше күҙәтеүсе сифатында эшләне.
Ком: 0 // Уҡынылар: 672 тапҡыр // Тотош уҡырға
1 октябргә тиклем федераль льготаларҙы файҙаланыусылар социаль хеҙмәттәр йыйылмаһынан йәки уның айырым өлөштәренән баш тарта ала. Шулай уҡ ғариза яҙып, льготаларҙы кире ҡайтарырға мөмкин.
Ғәмәлдәге ҡануниәт буйынса ғаризаны йыл һайын яҙыу мотлаҡ түгел. Әгәр ҙә быға тиклем ҡабул иткән ҡарарығыҙ үҙгәрә икән – Пенсия фондына рәхим итегеҙ.
Әлеге ваҡытта айлыҡ социаль пакеттың хаҡы – 839,65 һум, шул иҫәптән уның 646,71 һумы – кәрәкле дарыуҙар менән тәьмин итеү; 100,05 һумы – шифахана-курорттарҙа дауаланыуға путевка алыу; 92,89 һумы ҡала яны тимер юл транспортында бушлай йөрөү, шулай уҡ ҡала-ара транспортта дауаланыу урынына түләүһеҙ барып ҡайтыу өсөн тәғәйенләнгән.
Ком: 0 // Уҡынылар: 772 тапҡыр // Тотош уҡырға
Артҡа 1 2 3 Алға
Бит башына