Фиҙакәрлек менән яуланған үрҙәрГөлфиә апайҙың 60 йәшлек юбилейы уңайынан тыуған яҡтарында йөрөп, ул эскән һыуҙарҙы ауыҙ итеп, ул бала саҡта йүгереп йөрөгән туғайҙарҙы буйлағанға, шиғыр бағышлаған ҡайынына һоҡланғанға, туғандары, ауылдаштары менән осрашҡанға биш йыл уҙып киткән икән. Бөтәһе лә кисә генә булған кеүек. Ижад кешеһе өсөн һәр биш йыл арауығы ла мөһим ваҡыт: яңы әҫәрҙәр тыуа, яңы кисерештәр нигеҙендә яңы мәҡәләләр яҙыла, бәхетлеләрҙең яңы китаптары ла сығып өлгөрә.
Шағирә Гөлфиә Юнысованың биографияһы менән беҙҙең халыҡты таныштырып тороу кәрәкмәйҙер. Бәләкәй балаларҙан алып ауыл-ҡалаларҙағы әбей-бабайҙарға тиклем, миңә ҡалһа, уны яҡшы белә. Быға сәбәпсе – шағирәнең бәләкәстәр өсөн яҙған шиғырҙары, йырҙары, өлкәндәр өсөн сыҡҡан китаптары, үҙенең 21 йыл “Башҡортостан ҡыҙы” журналының баш мөхәррире булып эшләүе һәм, әлбиттә, республикала билдәле шәхес булараҡ, сәйәси әүҙемлеге.
Ком: 0 // Уҡынылар: 1883 тапҡыр // Тотош уҡырға
Етемлеккә өйһөҙлөк өҫтәлмәһенБашҡортостанда етем һәм ата-әсә ҡарауынан мәхрүм 18336 бала иҫәпләнә. Дәүләткә уларҙың барыһын да торлаҡ менән тәьмин итергә тура киләсәк. Был ҡануниәт менән билдәләнгән. Быйыл 1,5 мең етем торлаҡ алырға хоҡуҡлы, әммә уларҙың хыялы әлегәсә тормошҡа ашмаған. Ғөмүмән, мәсьәлә сетерекле, ҙур иғтибар, күп аҡса талап итә. Быға бәйле низағтар ҙа йыш сығып тора. Ҡайһы бер райондарҙа етемдәрҙең фатирын чиновниктар үҙләштереүе, сиратҡа бәйле аңлашылмаусанлыҡ килеп сығыуы тураһында ишетеп торабыҙ. Дөйөм алғанда, был проблема мөһим һәм даими иғтибар талап итә.
Республика Хөкүмәте Президиумының сираттағы ултырышында ошо хаҡта һүҙ барҙы.
Ком: 0 // Уҡынылар: 575 тапҡыр // Тотош уҡырға
Башҡорт йолаһыАвгуста гәзиттең “Йома” һандарында Рәсәй Фәндәр академияһының Өфө ғилми үҙәге Тарих, тел һәм әҙәбиәт институтының төп ғилми хеҙмәткәре, филология фәндәре докторы, танылған сәсәниә Розалия Солтангәрәеваның “Йәмғиәтте тотоп торған рухи бағана” тигән яҙмаһы донъя күргәйне. Ул ҙур ҡыҙыҡһыныу тыуҙырҙы. Гәзит уҡыусыларҙың үтенесен иҫәпкә алып, редакция рубриканы дауам итергә ҡарар ҡылды. Сәсәниә башҡорт йолалары тураһында һәр “Йома”ла сығыш яһаясаҡ.

Ут ҡоймағы
Яҙ беренсе тапҡыр йәйге аласыҡҡа сыҡҡанда, ҡоймаҡ бешерелә. Сөсө ҡоймаҡ яңы ут "күңелен күреүгә" арналған булғанға исеме лә шулай "ут ҡоймағы" тип аталған. Бешереүсе иң беренсе ҡоймаҡты үҙе ҡаба, унан күршеләрҙе, бала-сағаны һыйлай.
Ком: 0 // Уҡынылар: 2235 тапҡыр // Тотош уҡырға
Мөхәббәт баҡсаһыМөхәббәт!.. Был тылсымлы һүҙгә илаһи ҡөҙрәт һыйған: кешеләрҙең иңенә ҡанат үҫтереп күктәргә сөйгән дә, сикһеҙ даръя ҡуйындарына ташлаған да, уттарҙа яндырып, һалҡындарҙа туңдырған да мөхәббәт! Таһир менән Зөһрә, Йософ менән Зөләйха, Ләйлә менән Мәжнүн һәм тағы әллә күпме заттарҙың яҡты һыны, мөхәббәт символына әйләнеп, кешеләр йөрәгендә йәшәй. Шағирҙар ошо бөйөк хисте данлап әҫәрҙәр ижад итә, рәссамдар киндерҙә мәңгеләштерә, скульпторҙар һәйкәлдәр ҡоя, композиторҙар йырҙар яҙа... Хәйер, Ер йөҙөндә йәненә ошо Хоҙай нуры ҡағылмаған бер генә кеше лә юҡтыр. Үҙебеҙҙең арала йәшәгән, күреп-аралашып торған кешеләр ҙә хәҙер мөхәббәт легендаһына әйләнә бара кеүек: Мостай менән Рауза, Нәжиб менән Наилә...
Ком: 0 // Уҡынылар: 659 тапҡыр // Тотош уҡырға
Әсәлек капиталы ғәмәлдә ҡалырмы?Рәсәй етәкселәре ҡаҙна сығымдарын кәметә алмай ҡаңғыра
Донъялағы иң ҙур егерме илдең Санкт-Петербургта үткәрелгән саммиты дәүләтебеҙ ҡаҙнаһын алты миллиард һумға "йоҡартҡан" икән. Шул уҡ мәлдә Рәсәйҙең Финанс министрлығында бюджет сығымдарын нисек кәметергә белмәй баш ваталар. Шуға ла 2016 йылдан әсәлек капиталын түләүҙе туҡтатырға саҡырыусыларҙың тауышы көндән-көн нығыраҡ яңғырай.
Санкт-Петербургта G20 cаммиты, ысынлап та, дәүләт ҡаҙнаһын байтаҡҡа бушатҡан. Донъяла көнүҙәк сәйәси мәсьәләләрҙе хәл итеүгә арналған халыҡ-ара кимәлдәге сараны ойоштороуға ил етәкселеге 6 миллиард һумды сарыф иткән.
Ком: 0 // Уҡынылар: 525 тапҡыр // Тотош уҡырға
Бәлә килгәндә лә, шатлыҡта ла бергәБашҡорт ҡатын-ҡыҙҙары ойошмаһы рәйесе Розалия Солтангәрәева, "Әбйәлил" яҡташтар берлеге ағзалары Азия Кусимова, Илүзә Ғәйнуллина, Тәслимә Таһирова һәм башҡа бер төркөм ҡатын-ҡыҙ райондың ташҡын сәбәпле бәләгә тарыған кешеләренә Өфөлә йәшәгән яҡташтары ярҙам йөҙөнән тапшырған әйберҙәрҙе алып килде.
Кәрәк-яраҡ араһында уҡыусылар өсөн өр-яңы 186 портфель бар ине — был балаларын мәктәпкә әҙерләргә өлгөрә алмай ҡалғандарға таман булды.
Район үҙәгендәге осрашыуҙа баш ҡала ҡунаҡтары, яҡташтарының һынауҙы ҙур түҙемлек, ихтыяр көсө менән үткәреп ебәреүен билдәләп, уларға һоҡланыуын белдерҙе, киләсәктә бындай бәләләрҙең булмауын теләне. "Ҡайғыла ла, шатлыҡта ла бергә йәшәйек: берҙәмлектә — көс", — тип һығымта яһаны яҡташтар.
Ком: 0 // Уҡынылар: 637 тапҡыр // Тотош уҡырға
Хәтирәләр үлемһеҙНәзифә Хәйруллина октябрҙә үҙенең оло байрамын – 90 йәшлек юбилейын — билдәләр ине. Ҡыҙғанысҡа ҡаршы, бөгөн ул беҙҙең арала юҡ инде. Әммә һуғыш ветераны тураһындағы йылы иҫтәлектәр йәшәй… Тормош юлында төрлө ауыр һынауҙар кисереүгә ҡарамаҫтан, һәр ваҡыт донъяға һөйөү менән баҡҡан, һәр көндө шатланып көтөп алған алсаҡ әсәһе хаҡындағы хәтирәләр менән бүлешергә редакцияға уның ҡыҙы Фәниҙә Саяпова килгәйне. Түбәндәге яҙмалар – ул һөйләгәндәрҙән.
…Кушнаренко районының Илек ауылында тыуып үҫкән Нәзифә Бөрө фармацевтика техникумына уҡырға бара. Әммә хеҙмәт юлын тыуған ерендә түгел, ә бөтөнләй икенсе сифатта фронтта башлар тип кем уйлаған?
Йәш белгес ҡулына диплом алғанда, Бөйөк Ватан һуғышы тыуған илебеҙҙе ялмап өлгөргән була.
Ком: 0 // Уҡынылар: 585 тапҡыр // Тотош уҡырға
Йәшәү дәрте кәмемәйБәрәкәтле Йәрмәкәй ере данлыҡлы шәхестәргә бай. Кашшаф Әһлетдин улы Сәмиғуллин — ана шундайҙарҙың береһе.
Кашшаф ағай Түбәнге Ҡарамалы ауылында донъяға килгән. Тулы булмаған урта мәктәпте тамамлағас, ниәт итһә лә, матди хәлдәренең үтә ауырлығы арҡаһында артабан уҡый алмаған. Атаһы ла, әсәһе лә үлгәс, үҫмергә ярҙам итер кеше булмаған.
17 йәше тулғас, ул гражданлыҡ хәле акттарын теркәү буйынса Йәркәмәй район бюроһы мөдире булып хеҙмәт юлын башлай. Һуңыраҡ ФЗО-ла белем ала, Иҫке Турай урта мәктәбендә өлкән пионервожатый булып эшләй. Матур хыялдар менән йәшәгәндә, илебеҙгә фашист ғәскәрҙәре баҫып инә.
Ком: 0 // Уҡынылар: 627 тапҡыр // Тотош уҡырға
Ҡыҙыҡлы дәлилдәр Донъялағы иң оло йәштәге тау саңғысыһы Александр Розенталгә – 95 йәш. Ул әле лә аҙнаһына ике-өс тапҡыр күнекмәләргә йөрөй.
Һау-сәләмәт ҡартлыҡтың серҙәре ябай: күтәренке рух, ышаныс, үҙ-үҙеңде тота белеү, бәхет кисереү.
Ҡайһы бер ғалимдарҙың фекеренсә, 70 йәште уҙған ҡатындар көнөнә бер бокал шарап йәки бер көрөшкә һыра эсһә, уларҙың хәтере тарҡалыу ихтималлығы 20 процентҡа кәмей.
АҠШ-тағы иң оло шофер тип Стоктон ҡалаһында йәшәгән Рой Роулин билдәләнгән. Бер ваҡыт уны тиҙлекте арттырғаны өсөн полиция хеҙмәткәрҙәре туҡтатҡан.
Ком: 0 // Уҡынылар: 493 тапҡыр // Тотош уҡырға
Нур сәсеүсе ҡояш кеүекЙөҙимән ауылында иң өлкән кешеләрҙең береһе Фәриха Шәрәфетдинованы шулай тип хөрмәтләп йөрөтәләр.
Күптән түгел 90 йәшен тултырған әбейҙең күргән-кисергәне, халыҡ әйтмешләй, үҙе бер китап яҙырлыҡ. Аслыҡ-яланғаслыҡ, һуғыш афәте… Бер эштән дә сирҡанып тормай үҫмер ҡыҙ – нимәгә генә тотонмаһын, ҡойоп тигәндәй ҡуя. Йәше еткәс, Миңнулла исемле егет менән йәрәшеп, ун бала тәрбиәләп үҫтерәләр. Колхозда сөгөлдөр үҫтереүҙә маҡталып эшләй ул, тырыш хеҙмәте өсөн миҙалдар, маҡтау грамоталары менән бүләкләнә.
Тормошонан ифрат ҡәнәғәт Фәриха әбей. Өйөндә бер үҙе ғүмер итһә лә, яңғыҙ моңайып ултырырға форсаты юҡ.
Ком: 0 // Уҡынылар: 557 тапҡыр // Тотош уҡырға
Артҡа 1 2 3 4 5 Алға
Бит башына