Алмалар ҡалаһындаАлмалар ҡалаһы ла буламы ни ул, тиерһегеҙ. Бар шул! Бөрөнө шулай атап йөрөтәләр. Ҡаланың 350 йыллыҡ юбилейы айҡанлы, Башҡортостан Президенты Рөстәм Хәмитовтың сираттағы сәфәре тап шунда булды.
Рөстәм Зәки улы иң беренсе "Берендей" балалар дендропаркына юл тотто. Унда уҡыусыларҙың "Беҙҙең бала саҡ баҡсалары" IV республика фәнни-ғәмәли конференцияһы һәм алма темаһына биҙәү-ҡулланма ижады конкурсы асылғайны. Эштәрен баҡсасылыҡ, сәскәселек, ландшафт дизайны секцияларында ҡуйған балалар ҡайҙан ғына килмәгән! Өфө, Благовещен, Яңауыл, Дүртөйлө, Шаран, Кушнаренко, Әлшәй, Борай, Туймазы, Мишкә... Йәш экскурсоводтар республика етәксеһен биләмә буйлап оҙатып йөрөнө. Ошонда уҡ үлән сәйенән ауыҙ итеп, алма сорттары менән танышыу булды.
Ком: 0 // Уҡынылар: 808 тапҡыр // Тотош уҡырға
Баҙҙарҙы тултырыр осорЙәрминкәләрҙе ауыл кешеһе лә, ҡалала ғүмер итеүсе лә көтөп ала. Тәүгеһенә йәй буйы үҫтергән йәшелсәһен, йыйған балын, башҡаһын һатыу форсаты тейһә, икенселәре ҡышлыҡ аҙыҡ туплау йәһәтен ҡарай. Аралашыу, үҙенсә “елләп” ҡайтыу урыны ла бит ул йәрминкә! Тауар һайлау мөмкинлеге киң — күңелең теләгәнде алып була.
Хаҡтарға килгәндә, бар ерҙә лә бер төрлөрәк. Мәҫәлән, картуфты килоһын 12 һум менән дә алырға мөмкин. Кишер, аш сөгөлдөрө, һуған уртаса 15 һумға баһалана. Көндәр һалҡынайта башлау менән кешеләр иткә тартыла. Үткән аҙнала, әйтәйек, һыйыр итенең килограмы 220-250 һум торҙо, сусҡа ите осһоҙораҡ — 180-220 һум. “Ауыл тауығы” тип йөрөтөлгәндәрҙе — 150, ә бына өйрәкте килоһын 200 һумдан алырға мөмкин ине.
Ғөмүмән, баҙарҙа ике “алдаҡсы” була: һатыусы һәм һатып алыусы.
Ком: 0 // Уҡынылар: 713 тапҡыр // Тотош уҡырға
Йөкләмәләрҙе үтәү — намыҫ эшеРәсәйҙең Социаль страховка фонды илдең социаль именлегенә — дәүләт сәйәсәтенең өҫтөнлөклө йүнәлешенә — баһалап бөткөһөҙ өлөш индерә. Уның эшмәкәрлегенең асыҡлығы, халыҡҡа тейешле мәғлүмәтте ваҡытында еткереп тороуы барыбыҙға ла яҡшы билдәле. Фондтың төбәк бүлексәһе идарасыһы Марат Латипов әйтеүенсә, республикала социаль сәйәсәттең уңышлы тормошҡа ашырылыуы халыҡтың мәғлүмәтле булыуына ла бәйле. Төбәк бүлексәһе бөгөн ниндәй маҡсаттар менән йәшәй? Социаль страховка институтының төп йүнәлештәре үҙгәреш кисермәйме? Рәсәй Социаль страховка фондының Башҡортостан буйынса төбәк бүлексәһе етәксеһе Марат Мөьмин улы ЛАТИПОВ менән әңгәмә шул хаҡта.
— Ниндәй генә ауырлыҡтар ҡамасаулауына ҡарамаҫтан, дәүләт үҙенең граждандарына ҡарата социаль йүнәлешле булып ҡалырға тейеш.
Ком: 0 // Уҡынылар: 718 тапҡыр // Тотош уҡырға
Телгә һөйөү мәҙәниәт аша һалынаБашҡорт теле һәм әҙәбиәте уҡытыусыларының күбеһен әүҙем йәмәғәт эшмәкәре тип беләбеҙ. Һөнәрен мөкиббән яратып, лайыҡлы башҡарыуҙан тыш, улар халыҡ араһында ҡайнап йәшәүҙе, төрлө мәсьәләне хәл итеүҙә ҡатнашыуҙы, алдан йөрөп, аңлатыу эше алып барыуҙы төп бурыстарының береһе тип һанай.
— Бала йәшәү хикмәтен ата-әсәһенә, уҡытыусыһына ҡарап өйрәнә, шунлыҡтан уға төрлө яҡлап өлгө күрһәтергә бурыслыбыҙ, — ти Күмертау ҡалаһының Маяҡ ҡасабаһындағы 8-се мәктәп уҡытыусыһы Рәйсә Шәрипова. — Ныҡлы белем биреүҙән тыш, баланы әүҙемлеккә өйрәтәбеҙ икән, ул фекерле, маҡсатлы, тынғыһыҙ булып үҫәсәк, йәмғиәттә үҙ урынын ғына табып ҡалмай, уны яҡшы яҡҡа үҙгәртеү юлдарын күрһәтәсәк.
Ком: 0 // Уҡынылар: 1064 тапҡыр // Тотош уҡырға
Бәләкәстәр өй туйлайҠала етәкселеге халыҡҡа биргән вәғәҙәһен тормошҡа ашырыу буйынса ныҡлы эш алып бара: мәктәпкәсә белем биреү учреждениеларына сират кәмей. Урындағы хакимиәттең көндәлек хәстәрлеге, республика Хөкүмәтенең маҡсатлы ярҙамы менән бер йылға яҡын арауыҡта бында дүрт балалар баҡсаһы асылды.
Уларҙың икәүһе февралдә, берәүһе августа файҙаланыуға тапшырылғайны. Сентябрь башында тағы ла бер тантанаға йыйылдыҡ: Карл Маркс урамында 43-сө балалар баҡсаһы эш башланы.
Ике тиҫтә йыл самаһы элек был урында иген баҫыуы ине, арыраҡ мотоциклда уҙышыу уҙғарыла торғайны. Бөгөн иһә ошо ерҙә шәхси йорттарҙан, шулай уҡ күп ҡатлы өйҙәрҙән торған "Авалон" исемле яңы биҫтә ҡалҡып сыҡты.
Ком: 0 // Уҡынылар: 682 тапҡыр // Тотош уҡырға
“Хеҙмәткә дан!”Эшһөйәр кешеләргә тиңләшеп үҫтек, уларҙан өлгө алдыҡ. Ә хәҙер?..

Командировкала саҡта, юл ыңғайы, элек миллионер булып та, иҡтисади хәле тәрән көрсөккә килеп терәлгән хужалыҡтың машиналар паркына һуғылдым. Дәһшәтле яу, аяуһыҙ ҡыйралыш үткәндәй туҙырашып ятҡан техника һөлдәләре кәйефте ҡырып, эсте бошороп ҡына ҡалманы, йәнде һипһендереп, һиҫкәндереп, көйҙөрөп ебәрҙе. Шул вайран килеп сәсрәгән тимер-томор араһында йөрөп ятҡанда, ҡарашым ҡоромло стенаға эленгән, буяуы уңып бөткән биш былтырғы саҡырыуға төртөлдө: "Хеҙмәткә дан!" Үҙ-үҙемә һорау бирҙем, элекке хеҙмәтте данлаймы был яҙыу ишараты, әллә замана тыуҙырған ялҡаулыҡтымы? Элеккенелер, сөнки хәҙерге ҡойто, фәҡәт күҙ буяуға ҡоролған илке-һалҡы көнитмеш, ана бит, күҙ алдында...
Ком: 0 // Уҡынылар: 923 тапҡыр // Тотош уҡырға
Ах, был урман!..
Алдараҡ әйткәнемсә, мин ҡасандыр урманлы, һыулылар рәтендә йөрөгән төбәктә үҫтем. Урман кәсептәре көнитмешкә бигүк йоғонто яһамаһа ла, йорт-ҡура, бесән, мал тотоу башкөллө урман менән бәйле ине. Олатайҙарҙың ошо мөхиткә илаһилыҡ биреүгә ынтылышын һиҙмәнем, әммә урманда йөрөгән айыуҙың көс-ғәйрәтен шаштырып һөйләгәндәре, йылан-маҙарҙан ниңәлер балаларса ҡурҡҡандары хәтерҙә. Урманға, бәлки, элегерәк әҙәм түгел, ә шул кейек-мәхлүктәр, ҡош-бөжәктәр хужа булғандыр? Йәшел даръяның йәне әлеге януарҙарҙа йөрөмәнеме икән?
Белорет, Бөрйән тарафтарын ҡыҙыра башлағас, мин урмандарҙың ысын шырлығын, ҡырыҫлығын яҡындан күрҙем.
Ком: 0 // Уҡынылар: 797 тапҡыр // Тотош уҡырға
Шанхай хеҙмәттәшлек ойошмаһы илдәре етәкселәренең саммиты, Сүриә мәсьәләһе буйынса Женева һөйләшеүе уҙыуы, Төркиәлә йәнә сыуалыштар башланыуы уҙған арауыҡтың мөһим ваҡиғалары рәтендә торҙо.
Берләшмә киңәйергә тора
Үткән аҙнала Ҡырғыҙстандың баш ҡалаһы Бешкәктә ШОС илдәре етәкселәренең саммиты булды. Был Берләшмә бына 12 йыл инде уңышлы ғына эшләп килә һәм үҙенең даирәһен арттыра бара. Билдәле булыуынса, унда Рәсәй, Ҡаҙағстан, Ҡытай, Тажикстан, Үзбәкстан ағза булып тора. Ә инде Афғанстан, Һиндостан, Иран, Монголия, Пакистан кеүек илдәр саммитта күҙәтеүсе сифатында ҡатнаша. Белоруссия, Төркиә, Шри-Ланка етәкселәре иһә был юлы партнер булараҡ саҡырылды.
Ком: 0 // Уҡынылар: 816 тапҡыр // Тотош уҡырға
Башҡортостандағы юғары уҡыу йорттары студенттары һәм аспиранттары Рәсәй иҡтисадын яңыртыуҙың, технологик яҡтан үҫтереүҙең өҫтөнлөклө йүнәлештәре буйынса ил Президенты һәм Хөкүмәте стипендияларына лайыҡ тип табылды. Уларҙың күпселеге Өфө дәүләт авиация техник университетында белем ала. Уҡыу йортоноң матбуғат үҙәгендә әйтеүҙәренсә, ун студент һәм өс аспирант — Президент, 27 студент һәм алты аспирант Хөкүмәт стипендияһын аласаҡ.
Башҡорт дәүләт университетынан ете кеше ошондай уҡ стипендияға лайыҡ булды. Университетта хәбәр итеүҙәренсә, аспирант Андрей Екомасовҡа Рәсәй Президенты стипендияһы түләнәсәк. Ул “Математик моделләү, иҫәп-хисап алымдары һәм программалар комплексы” йүнәлеше буйынса белем ала.
Ком: 0 // Уҡынылар: 1005 тапҡыр // Тотош уҡырға
Бына инде нисәмә йыл рәттән Октябрьский ҡалаһында Ҡурай байрамы үткәрелеп килә. Сағыу мәҙәни сараның мәртәбәһе бермә-бер арта: 2001 йылда тәүге тапҡыр уҙғарылғанында 130 конкурсант ҡатнашһа, быйыл уларҙың иҫәбе 300-гә яҡынлашты.
Ҡурайсылар фестивале хәҙер республика менән генә сикләнмәй. Бәйгелә Башҡортостандың төрлө ҡала һәм районынан, шулай уҡ Силәбе, Төмән, Свердловск өлкәләренән, Мордва, Удмурт, Мари Иле республикаларынан, Пермь крайынан ҡурайсылар үҙ көсөн һынап ҡараны.
Ошо көндәрҙә Октябрьскийҙағы сираттағы ижади бәйге яңы исемдәрҙе асты. Конкурста ҡатнашыусыларҙы баһалау жюри ағзаларына еңел бирелмәне.
Ком: 0 // Уҡынылар: 698 тапҡыр // Тотош уҡырға
Артҡа 1 2 Алға
Бит башына