Каждый день огромное количество людей сталкиваются с вопросами по аренде жилья. Одни желают снять жилплощадь, другие – сдать. Но в любом из перечисленных случаев важно знать ряд юридических нюансов, которые помогут вам в дальнейшем сохранить массу сил и времени.
После того как вы нашли подходящую квартиру необходимо как можно скорее заключить письменный договор о найме с ее владельцем. Если не сделать это, в случае невыполнения обязанностей претензии предъявлять будет некому.
В процессе оформления договора следует уточнить, является ли владелец квартиры ее собственником. Стоит отметить, что если жилье государственное или муниципальное заключается не арендный договор, а специальный договор поднайма.
// Уҡынылар: 863 тапҡыр // Тотош уҡырға
Тәүәккәл тәүәкәндәрҺәр төбәктә лә үҙенең тыуған яғын күтәреүсе, уға дан килтереүсе алдынғы хужалыҡ йәки ойошма була. Мәҫәлән, Күгәрсен районында "Тәүәкән" дәүләт унитар ауыл хужалығы предприятиеһы республика кимәлендә ойошторолған конкурстарҙан йыш ҡына призлы урындар алып ҡайта.
Хужалыҡтың эшмәкәрлеге тураһында директор урынбаҫары Азамат Хисмәтуллин шулай тип һөйләне:
— Төрлө йүнәлешкә йөҙ бороуыбыҙ, бер юлы бер нисә тармаҡты тигеҙ алып барыуыбыҙ – заман талабы. Бер мең ярым баш һыйыр малы бар, шуның өстән бер өлөшө тирәһе — һауын һыйыры, уларҙы арттырыу тәңгәлендә эҙмә-эҙлекле эш алып барыла.
Ком: 0 // Уҡынылар: 814 тапҡыр // Тотош уҡырға
Үҙенә һәйкәл ҡойҙоУны етмеш бишенсе йылда тәүләп кафедрала күргәйнем. Ул ваҡытта ла беҙ ижтимағи фәндәр кафедраһын, ундағы уҡытыусыларҙы һанламай ғына, өҫтән ҡарайбыҙ. Йәнәһе, улар ниндәй фән кешеләре була, ти! Буш хәбәр һөйләйҙәр...
Ә ул тәүге осрашҡанда уҡ, үҙенең тәбиғәтенә, эске булмышына тоғро ҡалып, студент менән ипле, әҙәпле итеп һөйләшкәйне бит — һорауыма иренмәй, тулы яуап ҡайтарҙы.
Ҡайҙа, ул саҡта беҙ – йәштәр, бөтә донъяны айҡар, киләсәктә әллә ниндәй үрҙәргә етер егеттәр, максималистар, үҙебеҙҙе һауалы тотабыҙ.
Был профессор Зиннур Нурғәлин хаҡындағы беренсе тәьҫораттарым...
Ком: 0 // Уҡынылар: 962 тапҡыр // Тотош уҡырға
Кешене өмөт йәшәтәРеспублика перинаталь үҙәгенә тәү тапҡыр килеүебеҙ түгел. Был юлы пациенттар ағымы айырыуса көслө төҫлө тойолдо. Йәш, матур парҙар ҙа, көслө ир заты ла ярайһы. Хәйер, үҙенең ун йыллыҡ үҫеш дәүерендә әллә күпме заманса технологиялар, яңы дауалау ысулдары үҙләштерелгән дауахана республикала берҙән-бер өмөт утрауы ла баһа...
— Ултыр, һеңлем, аяҡтарың талғандыр, — тип эргәһенән урын тәҡдим итте сумаҙан, сумкаларға күмелгән оло йәштәрҙәге апайҙарҙың береһе. — Ҡайҙан һеҙ? Алыҫтан килгәнһегеҙ икән тип торам да баһа. Ә беҙ улым менән — Яңауылдан. Ниңә иртәрәк ҡуҙғалманыҡ икән тип үкенәм. Ике йыл торалар инде килен менән, һаман да бәпәйҙәре юҡ. Әллә күпме файҙалы мәғлүмәт алдыҡ, бер беҙ генә дауахана юлында йөрөмәйбеҙ икән, ифрат күп халыҡ.
Ком: 0 // Уҡынылар: 1058 тапҡыр // Тотош уҡырға
Хәрби дан көнө булһынСовет Армияһы өсөн 1943 йылдың йәйге-көҙгө айҙарында стратегик әһәмиәткә эйә булған хәл иткес һуғыштарҙың береһе Курск — Орел бәрелеше һаналһа, уның артынса мөһимлеге буйынса фашистарҙың арҡа һөйәген һындырған "Днепр" операцияһы һәм шуның эсендә 22 — 30 сентябргә тура килгән Днепр һуғышы тора.
Был бәрелеш — Башҡорт кавалерия дивизияһының данын юғары күтәргән алыштарҙың береһе. Унда ҡатнашҡан 54 һалдат Советтар Союзы Геройы исеменә лайыҡ булды. Бына ошо тарихи һәм хәрби-патриотик ваҡиғаларға быйыл — 70 йыл.
Курск — Орел алышында немецтар хурлыҡлы рәүештә еңелгәндән һуң, Совет Армияһы Днепрҙы азат итергә тотона.
Ком: 1 // Уҡынылар: 1084 тапҡыр // Тотош уҡырға
Бурыслы үлмәй, тиһәләр ҙә..."Дуҫыңды юғалтҡың килмәһә, уға бурысҡа аҡса бирмә" тигән әйтем юҡҡа ғына халыҡ араһында йөрөмәй. Ысынлап та, яҡын кешеңә үтескә биреп, уныһы ҡайтарырға ашыҡмаһа, үҙ-ара мөнәсәбәттәрҙең боҙолоуы көн кеүек асыҡ. Ғөмүмән, кешегә бурысҡа бирергәме, аҡсаны кире ҡайтармаһалар, ни эшләргә? Ошо һорауҙар күптәрҙе ҡыҙыҡһындыралыр.
Ҡайһы берәүҙәр арыу ғына сумманы биреп тороуҙы һорай, ә бит уны кредитҡа ла алырға мөмкин. Шундай осраҡтарҙа банктар барлығын иҫтәренә төшөрөргә
Ком: 0 // Уҡынылар: 920 тапҡыр // Тотош уҡырға
"Арбанан уңдым"Бынан бер нисә йыл элек баҡса эшендә бик кәрәк булғанға үҙем арба эшләргә ҡарар иттем.
Уның нисек килеп сыҡҡаны һүрәттән күренә. Кузовы өсөн 1 миллиметр ҡалынлыҡтағы ҡалайҙы алһам, төбөнә икеләтә ҡалыныраҡты һайланым. Каркас-рам өсөн 3/4 диаметрлы ябай һыу торбаһы ярап ҡалды. Уныһы ғына етерлек. Хәйер, хәҙер һатыуҙа ла йәнең теләгәне бар. Тәгәрмәстәр иһә — иҫке мотороллерҙыҡы. Тағы бер мөһим нәмә: ҡалайҙар "киҫеп" тормаһын, кузов тағы ла ныҡлыраҡ булһын өсөн өҫкө яҡлап 10 миллиметр ҡалынлыҡтағы тимер сым йәбештерҙем.
Ком: 0 // Уҡынылар: 939 тапҡыр // Тотош уҡырға
"Йүнләһәң, йүне сыға..."Сәйетбаба иң ҙур башҡорт ауылы ғына түгел, оҫталар төйәге лә икән. Ҡайһы ғына өйгә инмә, йә балта оҫталары йәшәй, йә үҙ ҡулдары менән техника йыйғандар, йә башҡа нәмәгә маһирҙар. Ә был өйҙә балаҫ һуғыу оҫтаһы Рабиға апай Йәрмиева ғүмер итә. Сәлих ағай менән нигеҙ усағына йән өрөп, балалар үҫтереп, мал-тыуар көтөп йәшәйҙәр.
— Сәлихтәрҙән минең бәхет бар, — ти йор һүҙле апай. — Атайым да Сәлих, ирем дә Сәлих. Әле өс инвалид — үҙем, ирем, туҡһанға кереп барған инәйем — йәшәп ятабыҙ. Өсөбөҙгә уртаса 75 йәш була — юбилейный! Шулай ҙа бирешмәйбеҙ, туған, әлегә тиклем ике һыйыр, ундан ашыу һарыҡ, үҙебеҙгә еткәнсә ҡаҙ, күркә, тауыҡ аҫраныҡ. Быйыл цесарка алдыҡ, уның мәшәҡәте күберәк — ҡыҙығыраҡ. Тауышы матур...
Ком: 0 // Уҡынылар: 919 тапҡыр // Тотош уҡырға
Матурлыҡ өләшәБала саҡтан матурлыҡты күреп үҫкән Флүзә сәскәләргә ғашиҡ. Май сүлмәге тышынан билдәле тигәндәй, ул йәшәгән Иҫке Шахтағы йорт-ихата әллә ҡайҙан үҙенә саҡырып тора. Түтәлдәрҙә лә, тәҙрә төптәрендә лә аллы-гөллө сәскәләр үҫә. Ниндәйҙәре генә юҡ бында! Гладиолус, петунья, георгин, датура, пальма, бәрхәт сәскәләре күҙҙәрҙе ҡамаштыра, күңелде иркәләй. Уларҙы булмышыңды һалып тәрбиәләмәһәң, сәскәләр ҙә үҙҙәренең матурлығын һиңә өләшмәй. Ә ҡышҡы оҙон төндәрҙә Флүзә атлас таҫманан сәскәләр сигеү менән шөғөлләнә. Уларҙы район үҙәгендә үткәрелгән йәрминкәләрҙә бик теләп һатып алалар. Флүзәнең уңыштарына тормош иптәше, тәжрибәле механизатор Рәшит тә, балалары ла ихлас шатлана.
Ком: 0 // Уҡынылар: 766 тапҡыр // Тотош уҡырға
Илһамлы ИлһамИлһам һымаҡ егеттәргә ҡарап, күптәр былай тиер ине: "Бирһә бирә бит Аллаһы Тәғәлә бәндәгә. Тырышлығын да йәлләмәгән, башҡа төр һәләтен дә..." Оҫталыҡ, әлбиттә, ниндәйҙер шөғөл менән ныҡлап мауыҡҡан кешегә ваҡыт үткәс килә. Тәүҙә мауығыу булып, һуңынан, тырышлығыңды өҫтәп, ошо тирмәнде һуғарып торһаң, кәсепкә әйләнә. Ә бына һәләт тигәндән, тәбиғәт Байбулдинға уныһын "һоҫоп" биргән: йыр-моңонан да өлөш сығарған, егет ҡорона инә бара ҡулдарын да алтынға әйләндергән, шуларға ир-ат баҫалҡылығын, хәстәрлеген өҫтәгән.
Бөгөн Илһам — бик һирәк шөғөл эйәһе. Ул, үҙаллы өйрәнеп, музыка ҡоралдары яһай. Башлыса думбыраны үҙ итә. Бер нәмә лә буш урында тыумай. Моңға тартылған Илһам бәләкәйҙән музыка ҡоралдарын үҙ ҡулы менән эшләп ҡарағыһы килә.
Ком: 0 // Уҡынылар: 908 тапҡыр // Тотош уҡырға
Артҡа 1 2 Алға
Бит башына