“Беҙ баймаҡтар бит әле!”Беҙ килеп ингәндә район хакимиәте башлығы Илшат Ситдиҡов ниндәйҙер китап ҡарап ултыра ине.
— Яҡташыбыҙ, халыҡ шағиры Абдулхаҡ Игебаевтың китабын сығарғайныҡ. Әле генә тәүге данаһын алып килделәр, — тине ул, ихлас ҡыуанып.
— Нисек булған һуң?
— Шәп! — Ысынлап та, сифатлы ҡағыҙҙа, ялтлап торған тышлыҡтағы китап ғәжәп матур.
— Ағай бирешеберәк тә тора, күңеле лә булыр, — тип өҫтәне етәксе.
Баҫма “Беҙ баймаҡтар бит әле” тип исемләнгәйне. Уның тәүге битен асып, “Баймаҡ — үҙ батырҙары менән шөһрәтле ил! Эйе, эйе…” тигән юлдарҙы ҡысҡырып уҡыным да хакимиәт башлығына:
— Шундай аҫыл кешеләр менән осрашҡанда шәп булыр ине, — тигәнемде һиҙмәй ҙә ҡалдым.
Ком: 5 // Уҡынылар: 2394 тапҡыр // Тотош уҡырға
Йәшәп ҡара бер көн икмәкһеҙ!Икмәк бешереү оҫталары борон-борондан оло хөрмәт ҡаҙанған. Әгәр элек ауыл кешеләре әпәкәйҙе үҙе һалһа, хәҙерге тормош рәүеше һәм көсөргәнешле хеҙмәт был шөғөлгә ваҡыт ҡалдырмай. Магазин кәштәләрендә аҙыҡ-түлек тулып ятһа ла, икмәккә хөрмәт һис кәмемәй.
Әлшәй районында икмәк бешереү оҫтаһы Ринат Зариповты һәр кем белә. Уның тауарын күрше Дәүләкән, Миәкә райондары эшҡыуарҙары ла ҙур теләк менән һатып ала. Әлшәйгә килгән һәр кеше "Зариф" икмәкханаһында бешкән күмәстәрҙе мотлаҡ тәмләп ҡарарға тырыша.
Бөгөн Ринат Мөхәммәтғариф улы етештереүсе абруйына, бәләкәй эшҡыуарлыҡ вәкилдәре араһында танылыуға, баҙарҙа үҙ урынын булдырыуға өлгәшкән. Башта 25 йыл буйы физкультура уҡытыусыһы булып эшләгән уҙамандың эше ыңғай ғына бармай.
Ком: 0 // Уҡынылар: 1134 тапҡыр // Тотош уҡырға
Мал табыла ҡара тир түгеп…Күгәрсен районының ғәжәйеп матур төйәгенә килен булып төшкәнгә байтаҡ ваҡыт үтте, әммә тәүге тәьҫораттар ғүмерлеккә ҡала икән. Мине Түбәнге Һаҙ ауылының алсаҡ, ихлас халҡы ифрат йылы ҡаршыланы. Был төбәк йәшел сиҙәмле ыҡсым урамдары, бер-береһенән айырылып тормаған, аҡ балсыҡ менән ағартылған өйҙәре, ихата аръяғындағы балыҡлы йылғаһы һәм киң болондары менән тәү күреүҙән әсир итте. Шул көндән алып күңелемдә уға ҡарата йылылыҡ һаҡлайым. Форсат сыҡҡан һайын Күгәрсен ерендәге осрашыу һәм кәңәшмәләргә ҙур теләк менән юлланам, хатта йәшлегемә ҡайтҡандай булам.
Быйыл йәй ҙә Мораҡҡа ашыҡтыҡ. Юл оҙон, әммә ул һиҙелмәне: тирә-яҡты күҙәтеп, ауылдарҙың төҙөклөгөнә, Стәрлетамаҡ, Салауат һәм Мәләүез ҡалаларының күркәмлегенә һоҡланып барғас, ваҡыт иҫәбе бөтөнләй онотолдо.
Ком: 0 // Уҡынылар: 933 тапҡыр // Тотош уҡырға
Тәбиғәтебеҙ бик бай. Ҙур-ҙур урмандарыбыҙ республикабыҙҙың һәм илебеҙҙең милли байлығының бер өлөшөн тәшкил итә. Өйөр-өйөр йылҡылары, майлап ҡуйған ҡайыштай йыландары, тарбаҡ мөгөҙлө боландары, яҫы табан айыуҙары, шифалы үләндәренең ут йәшеллеге, сәскәләр йәйғоро — барыһы ла бар.
Эйе, өйрәнелгән ҡалып буйынса тәбиғәтте ошолай маҡтауын-маҡтайбыҙ ҙа ул… Ә ысынбарлыҡта ул күптән элекке ҡупшылығын юғалтҡан: урман ҡырҡыла, һыуҙарҙа балыҡ кәмей, һауа төрлө газ, туҙан, радиоактив матдәләр менән ағыулана. Йылғаларҙы мал фермаларының тиреҫлектәре һәм ҡәберлектәре, яғыулыҡ-майлау материалдары ҡалдыҡтары бысрата. Һаҙлыҡтарҙы киптереү йылғаларҙың һайығыуына килтерә.
Ком: 0 // Уҡынылар: 1079 тапҡыр // Тотош уҡырға
Бурысҡа алырғамы? Уйлағыҙ!Бөгөн "кредит" төшөнсәһе аңыбыҙға шул тиклем ныҡлап инеп ултырҙы, хатта унһыҙ тормошобоҙҙо күҙ алдына ла килтерә алмайбыҙ. Рәсәй граждандары ла үҙгәрҙе. Элегерәк ғаиләләр берәй мөлкәт алыр өсөн йылдар буйы аҡса туплаһа, бөгөн иһә кеҫә телефоны, машина, фатир, телевизорҙы кредитҡа алыу мөмкинлеге бар. Халыҡтың бер ҡатлылығынан файҙаланып, банктар ҙа ҡоторона, юғары проценттар менән бурысҡа аҡса тарата. Бәғзеләр, ваҡ хәреф менән баҫылған килешеүҙе уҡып та тормай, ҡул ҡуя. Һөҙөмтәлә бер нисә айҙан күҙ асыла, тик хәл юҡ — бурысты ҡапларға кәрәк.
Һуңғы ваҡытта бер-ике минут эсендә генә бирелә торған кредит карталары күбәйҙе. Уларҙы хатта почта аша ла ебәрәләр. Бер ханым бындай күктән төшкән бәхеткә кинәнеп, тәҡдим ителгән 15 мең һум аҡсаны йәһәт кенә алып, "һә" тигәнсә бөтөргән.
Ком: 0 // Уҡынылар: 1240 тапҡыр // Тотош уҡырға
Конкурс дауам итәТирә-яҡ мөхитте һаҡлау йылына арнап, «Йәшәйеш – ул үҙе бер ғүмер» тип исемләнгән фотоһүрәттәр конкурсы иғлан иткәйнек. Ебәрелгән эштәр гәзит биттәрендә донъя күрҙе.
Йәшел йортобоҙға ҡарата һаҡсыл, ихтирамлы ҡараш тәрбиәләү маҡсатында ойошторолған бәйге бөгөндән алып «Был — минең ғәзиз төйәгем!» исеме аҫтында баҫманың сайтында (bashgazet.ru) дауам итәсәк. Йыл тамамланыуға ла оҙаҡ ваҡыт ҡалманы. Һеҙ ошо йүнәлештә ниндәй изге эштәр башҡарҙығыҙ, матур саралар үткәрҙегеҙ? Был башланғыстарҙы, тәбиғәткә һөйөүегеҙҙе сағылдырған фотоларҙы гәзиттең bashgazet@mail.ru электрон адресына ебәрегеҙ. Еңеүселәр йыл аҙағында билдәләнәсәк.
Ком: 0 // Уҡынылар: 904 тапҡыр // Тотош уҡырға
"Аллаһ Тәғәләм, барыһын да һинең ихтыярға тапшырам..."Әбүләйес ауылында балалар, ҡатын-ҡыҙ бер ай самаһы мәсеттә ойошторолған дини дәрестәргә йөрөгән. Ғилемде Өфөлә дини белем алып ҡайтҡан Миңниса Йылҡыбаева өйрәткән. Был хаҡта ауылдаштарынан ишетеп белгәйнек. Әле иһә Әбүләйес абыстайын үҙе менән ҡапма-ҡаршы ултырып тыңлайбыҙ:
— Урта мәктәпте тамамлағас, Йылайырҙа тегенсегә уҡыным. Кейәүгә сығып, дүрт бала таптым. Әммә яҙмыш елдәре тыуған ауылыма кире ҡайтырға мәжбүр итте. Ҡайҙа ниндәй эш бар, барыһын да башҡарҙым, сөнки балаларҙы ҡарарға, аяҡҡа баҫтырырға кәрәк ине. Етмәһә, нәҡ шул осорҙа совхозда эш хаҡы түләнмәне, шуға күрә ауылдаштарыма, туғандарыма кейем тегеп, йүнәтеп, шәл бәйләп көн күрергә тура килде.
Ком: 0 // Уҡынылар: 1162 тапҡыр // Тотош уҡырға
Ҡайҙа бензин арзан? Люксембургта, Норвегияла!Белгестәр Европаның бензинға түбән хаҡ ҡуйған илдәрен асыҡлаған. Мәҫәлән, 95-се маркалының иң осһоҙо – Белоруссияла (29 һум). Икенсе урында – Ҡаҙағстан (30,2 һум). Нефткә бай Рәсәй ҙә уларҙан ҡалышмай: беҙҙә яғыулыҡтың был төрө яҡынса 31 һум тора.
Ә бына иң ҡиммәт бензин һаман да Норвегияла – уның литры өсөн бында беҙҙең аҡса менән 78,5 һум һорайҙар. Италияла ла АИ-92 арзандан түгел – 74,1 һум тирәһе. Голландияла бер литр яғыулыҡ өсөн 73,8 һумды сығарып һалырға тура киләсәк.
Әммә бензинға хаҡ арзан булып та, халыҡтың йәшәү кимәле түбән икән, бынан ни фәтүә?
Ком: 0 // Уҡынылар: 819 тапҡыр // Тотош уҡырға
Тиҙҙән Рәсәй юлдарында штрафтан ҡурҡмайынса номерһыҙ автомобилдә йөрөү рөхсәт ителәсәк, ләкин уны урлатҡан осраҡта ғына.
Ошоға ҡәҙәр машинаһының номеры урланған автоһәүәҫкәрҙәр бик һирәк осраҡта ғына полицияға мөрәжәғәт иткән. Сәбәбе – ҡуҙғатылған енәйәт эше ябылғанға тиклем зыян күреүсегә яңы номер алыу һәм автомобилендә йөрөү тыйыла. Шуға ла күптәр уны юғалтыу тураһында ғына хәбәр итеүҙе хуп күргән, был яңыһын алыуҙы күпкә тиҙләтә икән. Яңы закон проекты ошо хәлде тамырынан үҙгәртеүҙе маҡсат итә. Рәсәйҙең Административ хоҡуҡ боҙоуҙар хаҡында кодексына бындай төҙәтмә индерелһә, номерһыҙ машинала йөрөү тыйылмаясаҡ
Ком: 0 // Уҡынылар: 809 тапҡыр // Тотош уҡырға
Юлдарҙа һуғыш бара тиерһең...Рәсәйҙә автоһәләкәттәр һаны һис кенә кәмемәй
Рәсәй юлдарында бөгөн һуғыш бара тиерһең: автоһәләкәт ҡорбандары көнөнә генә тиҫтәләрсә, хатта йөҙҙәрсә ғүмерҙәр менән иҫәпләнә. Юл аҙабы – гүр ғазабы, тигән боронғолар, әммә был һүҙҙәр XXI быуатҡа аяҡ баҫҡанда ла әһәмиәтен юғалтмаған.
Ысынлап та, Рәсәй юлдарындағы фажиғәләр хаҡындағы хәбәрҙәр ниндәйҙер ҡан-ҡойош урынынан килгән яңылыҡтар сылбырын хәтерләтә. Быға күнегеп тә бөттөк шикелле: "аһ" итәбеҙ ҙә онотабыҙ.
Ком: 0 // Уҡынылар: 999 тапҡыр // Тотош уҡырға
Артҡа 1 2 3 4 Алға
Бит башына