Ташҡа йән өрөүсеРәмилә Фазлыева сәнғәт мәктәбендә балаларға рәсем төшөрөү, бәләкәй скульптура эшләү серҙәрен өйрәтә. Күңеленә яҡын тағы бер шөғөлө бар уның – таштан, ағастан йә боҙ киҫәгенән төрлө фигуралар яһай.
Яңауылда тыуып үҫкән, бәләкәйҙән һүрәт төшөрөргә әүәҫ ҡыҙ башта ташҡа биҙәк яһаусы һөнәре буйынса Көнгөр сәнғәт училищеһын, һуңынан Свердловск архитектура институтын тамамлаған. Юғары белем тураһында диплом алған йәш белгесте факультетта уҡытырға ҡалырға ла өгөтләп ҡарайҙар. Тик ул тыуған яҡтарына юл ала.
Ком: 0 // Уҡынылар: 708 тапҡыр // Тотош уҡырға
Атанан күргән — уҡ юнған...Үҙ ҡулдары менән иҫ киткес ябай ҙа, бер үк ваҡытта ғәжәп тә матурлыҡ тыуҙыра алыусылар менән осрашырға тура килһә, күңелемдә һәр саҡ уларға ҡарата һоҡланыу уяна. Ябай ауыл кешеһенең талымһыҙ бармаҡтары бөйөк матурлыҡ донъяһы тыуҙыра алыуына, уларын да эш араһында ғына, күңел талабы ҡушыуы буйынса эшләүҙәренә нисек һоҡланмайһың! Сираттағы геройҙарым Әсләм Шәйхин, уның улы Рәсүл һәм ейәне Айсыуаҡ Ғөбәйҙуллин булыр.
Ком: 0 // Уҡынылар: 956 тапҡыр // Тотош уҡырға
Ҡағыҙҙан мөғжизә тыуҙыраФәйрүз Мөхәмәтшиндең фатирына инеү менән өҫтәлдә торған сувенирҙарға, стеналағы картиналарға ҡарап һоҡландым. Хужа менән яҡшылап иҫәнләшергә өлгөрҙөммө-юҡмы, үҙем дә һиҙмәҫтән, был матурлыҡты нисек тыуҙырҙығыҙ, уларҙы оҙаҡ яһайһығыҙмы, һатаһығыҙмы тигән һорауҙар яуҙыра башланым.
Ысынлап та, күптәр әлеге фатирға "Һаумыһығыҙ!" тип инер урынға, тупһанан: "О, ниндәй матур!" — тип аяҡ баҫалыр. Сағыу төҫтәрҙәге вазалар, уларға ултыртылған аллы-гөллө сәскәләр, теҙелеп киткән биҙәкле түбәтәйҙәр, шкатулкалар, пар аҡҡоштар, шарҙар, кескәй самауыр, уйынсыҡтар кешене нисек битараф ҡалдырһын! Мин үҙемде яҡшы күргәҙмәгә, бай сувенирҙар магазинына эләккән кеүек хис иттем. Бик тырышһаң, бындай күргәҙмәне теләгән һәр кем тыуҙыра ала бит. Бары тик ҡағыҙ, ҡайсы һәм сабырлыҡ кәрәк.
Ком: 0 // Уҡынылар: 674 тапҡыр // Тотош уҡырға
Өфөнөң Ҡала мәҙәниәт-ял үҙәгендә “Йәш ғаилә-2013” республика конкурсының баш ҡалалағы финал этабы үтте. Ғаилә ҡиммәттәрен нығытыу, балаларҙы тәрбиәләүҙә милли-мәҙәни йолаларға таяныу кеүек маҡсаттарға ынтылып ойошторолған бәйге, ғәҙәттәгесә, һәләтле, һоҡланғыс йәш парҙар менән таныштырҙы.
Сәхнәләге ете ғаилә быға тиклем үҙе йәшәгән район кимәлендә үткәрелгән конкурста еңгән, тәжрибә туплаған. Шуға күрә финалда бер кемгә лә еңел булмаясағы алдан тойомлана ине. Ҡатнашыусылар өс конкурста көсөн һынап ҡараны. “Милли традициялар” тип аталғанында, халыҡ йолаларына таянып, иң шәп атайҙы һәм әсәйҙе һайлаһалар, “Ҡайҙалыр бер батшалыҡта…” тигәнендә, театрлаштырылған тамаша әҙерләп, балалар ижади һәләтен күрһәтте.
Өсөнсө бәйге – “Дан минуты”. Бында кем нимәгә маһир, шуның менән отто: бәғзеләр өҙҙөрөп бейеһә, кемдер моңло тауышы менән арбаны, нәфис һүҙ оҫтаһы икәнлеген күрһәтте.
Ком: 0 // Уҡынылар: 491 тапҡыр // Тотош уҡырға
Рәсәйҙә юл насар, тибеҙ. Ә уның насарлығында кем ғәйепле һуң? Мәҡәлдә әйтелгәнсә, алйоттармы, әллә “аҡыллылармы”?
Кисә Рәсәй Эске эштәр министрлығы хеҙмәткәрҙәре ошондай “аҡыллыларҙы” ҡулға алған. “Дортрансстрой” яуаплылығы сикләнгән йәмғиәтенең директоры һәм уның өс әшнәһе юл эштәре барышында мутлашыу өҫтөндә тотола. Улар М-7 “Волга” трассаһында, Кушнаренко районында, урау юл төҙөүгә йүнәлтелгән аҡсаның 43 миллион һумын үҙләштергән.
Полиция хеҙмәткәрҙәре билдәләүенсә, енәйәттә ғәйепләнеүселәр, дәүләт контракты шарттарын боҙоп, төҙөлөштә күпкә арзаныраҡ материалдарҙы тейешенән аҙыраҡ күләмдә файҙаланған. Ә дәүләт заказын башҡарған Федераль юл агентлығының Һамар — Өфө — Силәбе автомобиль магистрале идаралығына эштең тулы кимәлдә һәм тейешле сифатта башҡарылыуы тураһындағы ялған ҡағыҙҙар ебәргәндәр.
Ком: 0 // Уҡынылар: 704 тапҡыр // Тотош уҡырға
Башҡортостан Хөкүмәте бойороғо менән юл ойошмаларының көслө ҡар яуыу, башҡа хәүефле һауа шарттары һәм тәбиғәт ҡазалары эҙемтәһен бөтөрөү буйынса эш тәртибе раҫланды.
Республиканың Юл хужалығы идаралығына Һамар —Өфө — Силәбе автомобиль магистрале идаралығы менән берлектә ҡыш дөйөм файҙаланыуҙағы юлдарҙың хәүефһеҙлеген, автотранспорттың өҙлөкһөҙ эшен тәьмин итергә ҡушылды. Тәү сиратта федераль һәм төбәк, унан һуң — муниципаль-ара, артабан урындағы әһәмиәттәге юлдар таҙартыласаҡ.
Ком: 0 // Уҡынылар: 460 тапҡыр // Тотош уҡырға
Йәкшәмбелә эшләгән почта бүлексәләрендә 3 ноябрҙә эш ваҡыты бер сәғәткә ҡыҫҡара, ҡалған бүлексәләр был көндә ял итә.
4 ноябрь — почта тармағында ял көнө. 5 ноябрҙән элемтәселәр ғәҙәти режимда хеҙмәт күрһәтә. 3 ноябрҙә эшләгән бүлексәләрҙе http://bashkortostanpost.ru/ сайтынан асыҡларға мөмкин.
Ком: 0 // Уҡынылар: 516 тапҡыр // Тотош уҡырға
4 ноябрь — Халыҡтар берҙәмлеге көнө — илебеҙҙә оло байрам.
Быйыл был көн дүшәмбегә тура килә. Шуға күрә йома, 1 ноябрҙә, эш оҙайлылығы ҡыҫҡармай. Башҡортостанда биш көнлөк эш аҙнаһында 2, 3 һәм 4 ноябрь — ял көндәре.
Төп йәки йыллыҡ өҫтәмә түләүле отпуск бирелгәндә 4 ноябрь календарь көн иҫәбенә индерелмәй.
Ком: 0 // Уҡынылар: 523 тапҡыр // Тотош уҡырға
Рәсәйҙең 70-тән ашыу төбәгенә бюджет өлкәһе хеҙмәткәрҙәренең эш хаҡын арттырыуға 40 миллиард һум дотация бүленә. Шуның 599 094,1 мең һумы Башҡортостанға тура килә.
24 октябрҙә ил Хөкүмәте Премьер-министры Дмитрий Медведев тейешле бойороҡҡа ҡул ҡуйҙы. Хөкүмәттең матбуғат хеҙмәте хәбәр итеүенсә, дотация, Рәсәй Президентының указдарына ярашлы, бюджет хеҙмәткәрҙәренең эш хаҡын арттырыуға өҫтәмә сығымды өлөшләтә ҡаплау өсөн бирелә.
Уның иң ҙур өлөшө Татарстанға (2 212 665,3 мең һум), Силәбе өлкәһе (1 970 626,4 мең һум), Саха (Яҡут) Республикаһы (1 887 339,1 мең һум), Дағстан (1 821 903,9 мең һум), Түбәнге Новгород өлкәһе (1 184 002,4 мең һум), Байкал аръяғы крайына (1 248 779,1 мең һум) тап килә. “Дотация бүлгәндә Рәсәй төбәктәрендәге дәүләт власы органдарының быйыл һаулыҡ һаҡлау, мәғариф, мәҙәниәт һәм халыҡты социаль хеҙмәтләндереү өлкәһендә һөҙөмтәлелекте арттырыу, хеҙмәттәр сифатын яҡшыртыу буйынса саралар планын үтәүе иҫәпкә алынды”, — тип билдәләнә Рәсәй Хөкүмәтенең матбуғат хеҙмәте белдереүендә.
Ком: 0 // Уҡынылар: 563 тапҡыр // Тотош уҡырға
Туймазыла — яңы етәксеТуймазы район Советы ултырышында Айҙар Рифғәт улы Суфияновты контракт буйынса район хакимиәте башлығы итеп тәғәйенләргә ҡарар ителде.
Айҙар Суфиянов 1972 йылдың 21 июлендә Туймазы ҡалаһында тыуған. Юғары белемле — Иваново дәүләт химия-технология академияһын һәм Башҡортостан Республикаһы Президенты ҡарамағындағы Башҡортостан дәүләт хеҙмәте һәм идара итеү академияһын тамамлаған.
Ком: 0 // Уҡынылар: 497 тапҡыр // Тотош уҡырға
Артҡа 1 2 3 4 5 6 7 8 9 10 ... 32 Алға
Бит башына