Журналист хаҡлы ялға китмәйУны бер кем дә йөрәгенә ике тапҡыр операция яһатҡан кеше тип уйламаҫ. Һәр ваҡыт хәрәкәттә, йүгереп йөрөй. Бирһен Хоҙай, күҙ теймәһен.
Һүҙем ветеран-журналист, Башҡортостандың атҡаҙанған матбуғат һәм киң мәғлүмәт хеҙмәткәре Нурия Барый ҡыҙы Амангилдина хаҡында.
Хеҙмәт юлын уҡытыусы булып башлаһа ла, аҙаҡ ул яҙмышын журналистика менән бәйләй. Нигеҙҙә, "Башҡортостан" гәзитендә хаҡлы ялға киткәнсе төрлө бүлектә хеҙмәт итә.
Матбуғаттағы ижад юлы күҙ алдында үткәнгә, яҡташым да булараҡ, Нурия Амангилдина хаҡында күп һөйләргә мөмкин. Уға журналист өсөн иң кәрәкле һәм мөһим сифаттарҙың хаслығы ҡыуандыра: ҡыҙыҡһыныусанлыҡ, эҙләнеүсәнлек, төпсөрләп материал туплау, үҙ бурысына үтә яуаплы ҡарау, яҙғандарын уҡыусыға ҡыҙыҡлы итеп еткерергә ынтылыу.
Йыш ҡына күҙәткәнем бар: ҡайһы бер дөйөм сараларға, уртаҡ байрамдарға төрлө баҫмаларҙың хәбәрселәре килһә, башында ғына була ла ҡайтып китәләр, аҙаҡ, яҙа башлағас, ҡайһы бер мәғлүмәттәрҙең етешмәүе сәбәпле, Нурия Барый ҡыҙына мөрәжәғәт итәләр.
Ком: 0 // Уҡынылар: 939 тапҡыр // Тотош уҡырға
"Өҫтөңдәге күлдәгеңде итәк-итәк иткәнһең..."Әбйәлил районы үҙәге Асҡарҙың тыуған яҡты өйрәнеү музейына ошо сараға саҡырҙылар. Гөлнур Мамлиева апай менән юлға сыҡтыҡ.
Залда — боронғо башҡорт кейемдәренән ойошторолған күргәҙмә, ҡатнашыусылар ҙа милли кейемдә, хатта эскәмйәләргә лә ҡорамалар түшәлгән. Үҙебеҙҙе әкиәт донъяһына килеп ингәндәй хис иттек. Кисәне музей директоры Рәмилә Лотфуллина менән Фирүзә Сафина бик фәһемле итеп алып барҙы. Башҡорт ҡатын-ҡыҙҙарының боронғо милли кейеме ниндәй булырға тейешлеген асыҡлау төп маҡсат итеп алынғайны.
Музейҙағы милли кейемдәрҙән тыш, бөгөн ошо шөғөлдө дауам иткән оҫталарҙың күргәҙмәһе лә ойошторолдо. Тәүгеләрҙән булып "Әхирәттәр" фольклор төркөмө ағзаларының береһе — Үтәгән ауылынан уҡытыусы-ветеран Шәмсиә Мофаззалова үҙенең экспонаттары менән таныштырҙы. Мәрйендән эшләнгән ҡашмауҙары, селтәрҙәре, һарауыстары, һабантуйҙа һыбайлылар бәйгеһендә ҡатнашыу өсөн махсус теккән серге һәм ат түшенә ҡуйыу өсөн яһалған әйберҙәрҙең нескәлектәре хаҡында ентекләп аңлатты.
Ком: 0 // Уҡынылар: 843 тапҡыр // Тотош уҡырға
Мәҙәниәт усаҡтары саҡыраМәжит Ғафури исемендәге Башҡорт дәүләт академия драма театрында
6 ноябрь – Валентин Красногоровтың “Аяуһыҙ һабаҡ” психологик драмаһы;
– драматург Нәжиб Асанбаевтың хәтер кисәһе;
9 ноябрь – Рәлиф Кинйәбаев инсценировкаһы буйынса әҙерләнгән Талха Ғиниәтуллиндың “Ер менән күк араһында” (премьера) өндәге күрәҙәлеге;
10 ноябрь – Хәлисә Мөҙәрисованың “Бәхет хаҡы” музыкаль мелодрамаһы.
Ком: 0 // Уҡынылар: 758 тапҡыр // Тотош уҡырға
Энергияны һаҡлау һәм энергетик һөҙөмтәлелекте арттырыу буйынса республика программаһы ғәмәлгә индерелгәйне. Был документ, 2009 йылда Дмитрий Медведев тарафынан ҡул ҡуйылған “Энергияны һаҡлау һәм энергетик һөҙөмтәлелекте арттырыу тураһында”ғы 261-се Федераль закон кеүек үк, бөтә бюджет ойошмалары өсөн айырым маҡсатлы йүнәлеште билдәләне. Ул йыл һайын энергия ҡулланыуҙы 3 процентҡа булһа ла мотлаҡ кәметеүҙе күҙаллай. Быға нисек өлгәшергә һуң? Билдәләнгән бурысты үтәү өсөн энергия-сервис килешеүен иң ҡулай алым сифатында ҡарарға мөмкин.
Рәсәйҙә бындай килешеүҙәр күптән түгел генә төҙөлә башланы, шуға күрә уларҙы әлегә киң таралған тип әйтеп булмай. Ә инде Дания, Франция кеүек Европа илдәрендә энергия-сервис алымын ҡулланыу һөҙөмтәһендә ҡеүәтле инвестиция процестары тормошҡа ашырыла. Әлбиттә, был хәл уларҙың иҡтисадын үҫтереүгә лә өҫтәмә этәргес бирә.
Ком: 0 // Уҡынылар: 586 тапҡыр // Тотош уҡырға
Ҡырҡаһың икән, һаҡла ла!Ноғман Мусиндың «Мәңгелек урман»ын уҡығанығыҙ бармы? Их, ниндәй итеп һүрәтләй ул тыуған яғының «ағастар батшалығын»! Бына шул «батшалыҡта» үткән әңгәмәсемдең бала сағы, йәшлек йылдары. Шуғалырмы, хәҙер инде Башҡортостан Урман хужалығы министрлығының Стәрлетамаҡ урмансылығы етәксеһе булған Рамазан ХӘЙҘӘРОВ, башта физика-математика факультетын һайлаһа ла, ғүмерен ағас яҙмышы менән бәйләгән. Ҡорған әңгәмәлә лә тик урман һәм уның киләсәге хаҡында һүҙ алып барҙы Рамазан Ғилметдин улы. Ирмен тигән ир шулай алдағыһын күҙаллап, тыуған ерен хәстәрләп йәшәргә тейештер ул.
— Рамазан Ғилметдин улы, тәү сиратта бурыс-хеҙмәттәрегеҙҙе асыҡлап үтәйек әле…
— Стәрлетамаҡ урмансылығы булдырылғанға биш йыл тулды. Элек урмансының бер ҡулында – балта, икенсеһендә ҡағыҙ-ҡәләм булһа, хәҙер ауыр эш ҡоралы — бер кешелә, яҙыу-һыҙыу өсөн икенсе белгес яуап бирә. Башҡасараҡ әйткәндә, беҙ урманды һаҡлау, ҡурсалау, дөрөҫ ҡулланыу, бүлеп биреү өсөн яуаплыбыҙ. Ә ағасты ҡырҡыу, урынына йәш үҫенте ултыртыу, таҙартыу – икенсе ведомство ҡарамағында.
Ком: 0 // Уҡынылар: 769 тапҡыр // Тотош уҡырға
Бер ҡыйыҡ аҫтындаБыйыл үҙенең 50 йыллыҡ юбилейын билдәләгән Нефтекама – төрлө милләткә бай ҡала: Башҡортостаныбыҙҙа йөҙ утыҙҙан ашыу халыҡ вәкиле дуҫлыҡ-туғанлыҡта йәшәһә, бында улар – алтмыш ике. Шуларҙың башҡорт, татар, мари, удмурт, украин һәм урыҫ йәмәғәт ойошмалары, кинәйәләп әйткәндә, бер ҡыйыҡ аҫтында эшләй. Ошо хаҡта ҡаланың Милли берләшмәләр үҙәге етәксеһе Мөхәссәнә ханым ЙӘҒӘФӘРОВА бәйән итте.
– Дөйөм хәл-торош тураһында нимәләр әйтерһегеҙ, Мөхәссәнә Ҡасим ҡыҙы?
— Бөгөн беҙҙә алты милли-мәҙәни ойошма бар. Уларҙың иң “олоһо” – мари милли берләшмәһе ошо айҙа үҙенең 25 йыллығын билдәләһә, башҡорт, татар һәм урыҫ милли-мәҙәни берләшмәләре уҙған быуаттың 90-сы йылдарынан әүҙем эшләп килә. Һуңыраҡ был “милләттәр гөлләмәһенә” украин һәм удмурт халыҡтары вәкилдәренең дә ҡушылыуы ыңғай күренеш булды.
Ком: 0 // Уҡынылар: 723 тапҡыр // Тотош уҡырға
Өфөлә ойоштороу кәңәшмәһе уҙҙы. Унда Дөйөм Рәсәй халыҡ фронтының төбәк бүлексәһе төҙөлдө. Сараға йыйылыусылар бүлексә штабын, өс рәйестәште һәм контроль-ревизия органдарын һайланы. Үҙәк штабтан унда Рәсәй Президенты ҡарамағындағы бала мәнфәғәтендәге ғәмәлдәр милли стратегияһын тормошҡа ашырыу буйынса координация советы ағзаһы Елена Суторнина ҡатнашты. Ул билдәләүенсә, халыҡ фронты бөтә йәмғиәт — йәштәр, ветерандар, Рәсәйгә битараф булмағандарҙың барыһы өсөн дә асыҡ. Төп бурыс — һаулыҡ һаҡлау, мәғариф, фәҡирлекте юҡҡа сығарыу, үҙенсәлекле Рәсәй цивилизацияһын һаҡлап ҡалыу. Халыҡ фронты киҫкен мәсьәләләр тикшерелгән майҙансыҡҡа әүерелергә тейеш.
Башҡортостан Дәүләт Йыйылышы — Ҡоролтай депутаты, мәғариф, мәҙәниәт, спорт һәм йәштәр сәйәсәте буйынса комитет рәйесе Эльвира Айытҡолова, М. Аҡмулла исемендәге Башҡорт дәүләт педагогия университеты проректоры Максим Михайлов һәм Сауҙа-сәнәғәт палатаһы вице-президенты Азат Фазлыев бүлексә рәйестәштәре итеп һайланды.
Ком: 0 // Уҡынылар: 662 тапҡыр // Тотош уҡырға
Башҡортостан Хөкүмәте йортондағы кәңәшмә ултырышында янғын хәүефһеҙлеге мәсьәләләре тикшерелде. Башҡортостан Хөкүмәте Премьер-министры урынбаҫары, республиканың Ғәҙәттән тыш хәлдәр комиссияһы рәйесе Марат Мәһәҙиев ут сығыу хәүефе проблемаһы киҫкен торған райондарҙың хакимиәт башлыҡтарын видеоселектор аша тыңланы.
Төбәктә йыл башынан 3 мең 416 янғын сыҡҡан, уларҙа 282 кеше фажиғәле һәләк булған. Саҡмағош, Ишембай, Яңауыл, Благовещен һәм Тәтешле яҡтарында быйыл үлемесле осраҡтар былтырғы менән сағыштырғанда күберәк. Шулай ҙа урындарҙа янғынға ҡаршы көрәш эше ирекле янғын һүндереү дружиналары арҡаһында яйға һалыныуын һәр хакимиәт башлығы билдәләне.
Ком: 0 // Уҡынылар: 663 тапҡыр // Тотош уҡырға
“Өс таған”дың мең мәшәҡәтеАгросәнәғәт комплексы, тәбиғәттән файҙаланыу һәм урман хужалығы мәсьәләләре буйынса төбәк кәңәшмәһе үтте
Үкенескә ҡаршы, һуңғы йылдарҙа тәбиғәт шарттары ауыл хужалығы эшсәндәрен иркәләтмәй: йә ҡоролоҡ яфалай, йә үҫтерелгән уңышты юғалтыуһыҙ йыйып алып булмай — туҡтауһыҙ яуған ямғыр ҡамасаулай. Быйыл да һауа торошо көйһөҙлөгөн күрһәтеүҙән туҡтаманы, һөҙөмтәлә бураларға һалынған иген күҙалланған күләмгә етмәне. Урып йыйыу осоронда ла ер кешеләренә аяҙ көндәрҙең нығыныуын йыш көтөргә тура килә.
Иглин ҡасабаһында үткән агросәнәғәт комплексы, тәбиғәттән файҙаланыу һәм урман хужалығы мәсьәләләре буйынса төбәк кәңәшмәһендә һәр тармаҡтағы көнүҙәк, йылдар буйы хәл ителмәй килгән проблемалар, сетерекле мәсьәләләр һөйләшеүҙең төп темаһы булды.
Ысынлап та, республиканың тармаҡ министрлыҡтары һәм ведомстволары етәкселәренең, төньяҡ, төньяҡ-көнсығыш, көньяҡ-көнсығыш райондар хакимиәттәре башлыҡтарының, ауыл хужалығы идаралыҡтары начальниктарының һәм предприятие белгестәренең йыйылып, күҙгә-күҙ ҡарашып, асыҡтан-асыҡ һөйләшеү-кәңәшләшеүе өсөн сәбәп етерлек булып сыҡты.
Ком: 0 // Уҡынылар: 758 тапҡыр // Тотош уҡырға
Башҡортостан Республикаһы Президенты указдарына ярашлы, Башҡортостандың Профсоюздар федерацияһы рәйесе урынбаҫары Апокин Валерий Анатольевич, Ветеринария һәм фитосанитария күҙәтеүе буйынса федераль хеҙмәттең Башҡортостан идаралығы етәксеһе вазифаһын башҡарыусы Горобец Григорий Васильевич — “Башҡортостан Республикаһындағы фиҙаҡәр хеҙмәте өсөн” отличие билдәһе, “Рәсәй таянысы” йәмәғәт ойошмаһының Башҡортостан төбәк бүлексәһе рәйесе Мусин Денис Мөхәмәтйән улы, Рәсәйҙең Нефть, газ тармаҡтары һәм төҙөлөш хеҙмәткәрҙәре профсоюзының Башҡортостан Республика ойошмаһы рәйесе Сафиханов Валерий Хөрмәт улы, Октябрьский ҡалаһындағы “Альтернатива” пластмасса әйберҙәр заводының генераль директоры Фәхретдинов Раил Камил улы, Башҡортостан Республикаһы Дәүләт Йыйылышы — Ҡоролтай Секретариаты етәксеһе Шәйхулов Марат Алмас улы Башҡортостан Республикаһының Почет грамотаһы менән бүләкләнде.
Ком: 0 // Уҡынылар: 668 тапҡыр // Тотош уҡырға
Артҡа 1 2 Алға
Бит башына