ЯҘЫУСЫНЫҢ РУХ ҠИБЛАҺЫНДАЙәнтөйәгем – рухым ҡиблаһы!
Һинән миңә донъя башланды,
Һинән минең йырым баш алды…
Был юлдарҙың авторы — күренекле әҙибә Гөлнур Яҡупова. Шиғриәттән баш алған ижады уны ҙур прозаға алып килде: күптән түгел яҙыусының “Ҡатындар” тип аталған трилогияһы донъя күрҙе һәм тиҙ арала китап һөйөүселәрҙең күңелен яулап та өлгөрҙө.
Үҙ ҡиблаһына тоғро яҙыусы яңы китабының исем туйын иң тәүҙә тыуған районында уҙғарҙы. Район мәҙәниәт һарайына халыҡ һәр ауылдан тиерлек йыйылды. Был ғәжәп тә түгел, сөнки Гөлнур Яҡупова ун ете йыл район гәзите редакцияһында эшләп киткән, хәҙер ҙә яҡташтары менән тығыҙ бәйләнештә йәшәй: ун йылдан ашыу йәш ижадсылар араһында “Өмөтлө ҡәләм” тигән конкурс алып бара.
Ком: 0 // Уҡынылар: 874 тапҡыр // Тотош уҡырға
Ҡоншаҡтың ҡайҙалығын беләһеңме?1. Ниҙер тыңлаған, тамаша ҡылған халыҡ. 2. Иван Крылов мәҫәлендәге аҡҡош менән суртан “бригада”һының ағзаһы. 3. Берәй нәмә тураһында стенаға элеп ҡуйылған хәбәр, белдереү. 4. Сабылған ергә яңынан үҫкән йомшаҡ үлән. 5. Был айҙа ҡаты һыуыҡтар булһа, июлдә бал ҡорттары өсөн яҡшы. 6. Ямғыр яуғанда (...) күпере ҡалҡһа — ямғыр туҡтар, әгәр туҡтағас ҡалҡһа — ямғыр оҙаҡ булыр. 7. Ялан яҡта үҫә торған аҡ сәскәле, ваҡ япраҡлы, ҡара ҡабыҡлы ҡуҙаҡлы ваҡ ағас. 8. Аш-һыу оҫтаһы. 9. Ярты йәшкә тиклемге һыйыр малы. 10. Тарта торған музыка ҡоралы. 11. Әгәр ҙә (...) ағасының осондағы япраҡтары һарғая башлаһа — яҙ иртә килә, түбәндәгеләре һарғая башлаһа — яҙ һуң килә. 12. Ҡатын-ҡыҙҙың уртаға ҡаш ҡуйып, өс буй тәңкә тояҡ төшөрөп яһалған биҙәүесе. 13. Ҙур булып үҫмәй торған бәләкәй тоҡомло эт. 14. Табаҡлы йоҡа тимер. 15. Буға йондоҙлоғондағы өйөлөшөп торған яҡты йондоҙҙар төркөмө.
Ком: 0 // Уҡынылар: 699 тапҡыр // Тотош уҡырға
Йәнлекселек ауылға йән өрәШәшке, аҡ төлкө, кеш, ҡара төлкө кеүек ҡиммәтле тиреле йәнлектәрҙең ҡайҙа үрсегәнен беләһегеҙме? Сит илдәрҙәге махсус хужалыҡтар күҙ алдына баҫа. Баҡтиһәң, улар яҡында ғына, үҙебеҙҙең Башҡортостанда, бар икән. Күгәрсен районының “Октябрь” совхозында затлы тиреле йәнлектәрҙе үрсетеү буйынса махсус ферманың эшләй башлауына ике йыл ғына, әммә мөмкинлектәре ҙур.
Ата-бабаларыбыҙ кейекселек, ҡиммәтле тиреле йәнлектәргә һунар итеү менән электән шөғөлләнһә лә, төрлө сәбәптәр буйынса хәҙер был кәсеп онотолобораҡ тора. Ә күгәрсендәр уны тергеҙмәксе. Бында Мәскәүҙән инвестор Александр Авдеев килеп эш башлаған. Хәҙер Мәҡсүт ауылында яңы произодство ғына түгел, өҫтәмә эш урындары ла барлыҡҡа килгән.
“Октябрь” — Башҡортостанда берҙән-бер йәнлекселек фермаһы. Әйткәндәй, совхозда башҡа төрлө эшмәкәрлек тә бар, мәҫәлән, һыйыр малы тоталар, иген үҫтереү менән шөғөлләнәләр. Әлеге көндә бында 17 мең баш шәшке, төлкө, кеш, аҡ төлкө иҫәпләнә.
Ком: 0 // Уҡынылар: 637 тапҡыр // Тотош уҡырға
Эшләгән — тешләгән!Күпме эшләйһең, шунса тешләйһең, тигән принцип буйынса йәшәй Туймазы районының “Рассвет” ауыл хужалығы кооперативы хеҙмәтсәндәре. Был алымды предприятиеның яңы етәксеһе Азат Әхмәтгәрәев тәҡдим иткән, һәм уны бөтәһе лә хуплай.
Был хужалыҡ элегерәк районда алдынғылар рәтендә йөрөгән, ләкин һуңғы йылдарҙа яулаған үрҙәренән сигенеп, бурыстары арта башлаған. Бөтә өмөттө яңы рәйескә бағлап яңылышмағандар: бөгөнгө һөҙөмтәләргә ҡарағанда, ул үҙ иңендәге бурысты теүәл үтәй.
“Рассвет”тың төп эшмәкәрлеге — малсылыҡ һәм игенселек.
— Быйыл гектарынан 17,5 центнер уңыш алынды. Райондың башҡа хужалыҡтары араһында тәүгеләрҙән булып ураҡҡа төшкәйнек һәм уны беренселәр иҫәбендә тамамланыҡ, — ти Азат Әхмәтнәжип улы.
Ком: 0 // Уҡынылар: 541 тапҡыр // Тотош уҡырға
“Бокс – аҡыл эйәләренең алышы ул”Туғыҙ йыл элек игеҙәктәр Хәбир менән Сабир Сөләймәновтар Нью-Йоркка юлланған. Джон Кеннеди аэропортында уларҙы берәү ҙә көтмәгән, беренсе төндө паркта үткәргәндәр. Кеҫәләрендә – ни бары 65 доллар. Тап ошонан башланған да инде бер туғандарҙың Америка эпопеяһы. Ә бына профессиональ бокстағы абруйлы награда – “Алтын бирсәткә” — был дәүерҙең иң юғары бейеклеге булғандыр, моғайын.
Был хәл 2006 йылда була. Алышта бөтәһен дә еңгән игеҙәктәр финалда бер-береһенә ҡаршы сыға. Ул рингта гуманизм еңә. Судья егеттәрҙең икәүһенең дә ҡулын күтәреп: “1927 йылдан башланған алыштар тарихында тәүге тапҡыр ике туған финалға сыҡты. Күптәнге ҡағиҙәгә ярашлы, туғандар бер-береһенә ҡаршы һуғыша алмай, шуға күрә бөгөн уларҙың икеһе лә – еңеүсе!” — тип иғлан итә.
Океан аръяғында танылыу яулаған башҡорттарҙы табыу ниәтенән профессиональ бокс буйынса Америка чемпионы, әле Лос-Анджелеста йәшәүсе Хәбир СӨЛӘЙМӘНОВҠА мөрәжәғәт итергә булдым.
Ком: 0 // Уҡынылар: 847 тапҡыр // Тотош уҡырға
«Ләйсән» күңелде нурлайҮрге Өфәлей ҡалаһында «Ләйсән» башҡорт халыҡ вокаль-бейеү ансамбленең 15 йыллыҡ юбилейына арналған матур концерт ойошторолдо. Коллективтың башҡорт халыҡ ижадына, быуаттар төпкөлөнән килгән милли йолаларына һөйөү менән һуғарылған сығыштары, яҙғы ямғыр кеүек, күңелдәргә шатлыҡ, сафлыҡ өҫтәй. Ләйсән ямғыры ла шулай донъяны нурлай бит.
Ижади коллективҡа Фәнүзә Зарипова нигеҙ һалған. Арымай-талмай эшләүсе мәҙәниәт хеҙмәткәре башҡорт халҡының мәҙәниәтен тергеҙеү йәһәтенән дә әүҙем эшмәкәрлек алып бара, ҡаланың «Башҡорт ҡоролтайы» йәмәғәт ойошмаһына етәкселек итә.
Ансамбль концерттары – бында һәр ваҡыт көтөп алынған ваҡиға. Бай, үҙенсәлекле репертуары йөҙҙән ашыу йоланы, боронғо уйындарҙы һәм халыҡ йырҙарын үҙ эсенә ала. Күсәгилешлелек традициялары ла көслө, концерт программаларында төп коллектив менән бергә балалар төркөмө лә даими сығыш яһай.
Ком: 0 // Уҡынылар: 605 тапҡыр // Тотош уҡырға
Сихри музыка донъяһына сорнаныАрғаяш һәм Ҡоншаҡ райондарында Рәсәйҙең атҡаҙанған артисы, Башҡортостандың халыҡ артисы Рәмил Ғәйзуллин етәкселегендәге Башҡортостандың халыҡ уйын ҡоралдары милли оркестры концерттары булды.
Музыканттар менән бергә сәхнәлә шулай уҡ Башҡортостандың халыҡ артисы Вахит Хызыров һәм атҡаҙанған артисы Гүзәл Үлмәҫҡолова сығыш яһаны. 2001 йылда ойошторолған Милли оркестрҙың сығыштары киң аудиторияға иҫәпләнгән.
– Музыка тормошобоҙға айырыуса моң, йәм өҫтәй, уның телен Ер шарындағы һәр кеше аңлай, – тип һөйләне Рәмил Ғәйзуллин. – Йәмғиәт алдында гуманлы кеше тәрбиәләү бурысы тора, был йәһәттән музыканың да әһәмиәте ифрат ҙур. Шуға күрә беҙҙең коллектив музыкаль әҫәрҙәрҙе һәр кемдең күңеленә еткереүҙе төп маҡсат итеп ҡуя.
Ком: 0 // Уҡынылар: 573 тапҡыр // Тотош уҡырға
Силәбе ҡалаһының «Күңел асыу галактикаһы» клубында Башҡортостан Республикаһы көнөнә арналған сағыу сара – «Башҡорт-пати» дискотекаһы үтте.
Өс йыл эсендә башҡорт дискотекаһы Силәбе йәштәре араһында киң танылыу яуланы. Быйыл ул ҡаланың ҙур күңел асыу клубтарының береһендә булды һәм бик күп бейеү сәнғәтен һөйөүселәрҙе йыйҙы.
Шоу-программала Башҡортостандың һәм Көньяҡ Уралдың йәш «йондоҙ»ҙары Айгөл Әминева, Мәҙинә, Рәнис Аҡҡужин, Илдус Биков, мистер Исмәғилев, Милена Зарипова, Луиза Гилми, DANY, Dj Fatikh ҡатнашты. Алып барыусылар Инвир Хисаметдинов менән Илдар Хөснөтдинов йәштәр өсөн күңелле уйындар, конкурстар ойошторҙо, еңеүселәргә бүләктәр тапшырылды. Әйткәндәй, төп приз 10 000 һум тәшкил итте.
Башҡортостандың баш ҡалаһынан килгән DARMAN (DJ Khan һәм MC БурZoy) feat YALKIN төркөмөнөң сығышы ысын мәғәнәһендә байрамға әүерелде. Заманса музыкаль әҫәрҙәр ижад итеүе һәм көйҙәрҙе яңыса башҡарыуы менән барыһын да таң ҡалдырған һәләтле егеттәрҙе Силәбе йәштәре, көслө алҡыштарға күмеп, бик йылы ҡаршы алды. Өфө ҡунаҡтарының күңелле көйҙәренән бейеү майҙаны гөрләп торҙо.
Ком: 0 // Уҡынылар: 683 тапҡыр // Тотош уҡырға
Һөйөндөрҙө лә, көйөндөрҙө ләЭлегерәк Силәбе ҡалаһына юл һирәк төшә ине. Яҡташтарым – юлдаштар, биләндәр, балаҡатайҙар — кеүек, мин дә нығыраҡ Екатеринбургка тартылдым. Силәбене ҙур сәнәғәт үҙәге рәүешендә күҙ алдына килтерә торғайным. Һуғыш йылдарында ҡаланың Танкоград тип йөрөтөлгәне, фашист илбаҫарҙарын ҡыйратыуға тос өлөш индергәне хаҡында ла хәбәрҙармын.
Һуңғы ваҡытта Силәбенең сәнәғәт гиганттары ғына түгел, социаль-мәҙәни учреждениелары менән дә дан тотоуын асыҡланым. Мөһабәт театрҙар, музейҙар, төрлө уҡыу йорттары, ғилми-тикшеренеү институттары, мәҙәниәт һәм спорт һарайҙары бихисап бында. Үҙенсәлекле һәйкәлдәр буйынса күршеләге Екатеринбургты ла, Өфөнө лә, Ырымбурҙы ла күптән уҙып киткән. “Һөйөү сфераһы”, академик Курчатов, танкист-доброволецтар мемориалдарын, вокзал янындағы майҙанда торған Урал батыр һәйкәлен генә алайыҡ.
Ком: 0 // Уҡынылар: 671 тапҡыр // Тотош уҡырға
Күлдәр иле һағынып иҫкә алдыАтаҡлы башҡорт геологы һәм дәүләт эшмәкәре, геология-минералогия фәндәре докторы, профессор Ҡадир Рәхим улы Тимерғәзиндең тыуыуына 100 йыл тулды. Уның тыуған ерендә — Силәбе өлкәһенең Ҡоншаҡ районындағы Әмин ауылында — байрам саралары уҙғарылыуы айҡанлы, беҙ Өфөнән алыҫ сәфәргә сыҡтыҡ. Делегация составында — арҙаҡлы ғалимдың ҡыҙы, геология-минералогия фәндәре кандидаты Ая Тимерғәзина, геолог-ғалим, геология-минералогия фәндәре кандидаты, техник фәндәр докторы, профессор Эрнст Юлбарисов һәм ошо юлдарҙың авторы. Беҙҙе унда бик ҡыҙыҡлы осрашыуҙар көтә. Ҡоншаҡтар юбилей айҡанлы Әмин урта мәктәбендә үткәреләсәк семинарға бөтөн райондан мәктәп директорҙарын, уҡытыусыларҙы, район һәм өлкә башҡорт ҡоролтайҙары етәкселәрен саҡырған, концерт программаһы әҙерләгән. Мин бигерәк тә бөйөк милләттәшебеҙҙең изге тыуған төйәгендәге Сабаҡтыкүл буйҙарына аяҡ баҫыу, уның ҡәҙерле ауылдаштары, яҡташтары менән күрешеү сәғәттәрен түҙемһеҙлек менән көтөп барам. Кеше, ниндәй генә бөйөклөктәргә өлгәшмәһен, барыбер иң элек ата-әсәһе, тыуып үҫкән тупрағы, үҙ халҡының рухи донъяһы алдында бурыслы. Ә инде яҡташтары уны онотмай, исеме менән ғорурланып йәшәй икән — был айырыуса оло шатлыҡ, ҙур мәртәбә. Шулай булмай ни: ана бит, ҡасандыр Ҡадир Рәхим улы уҡыған Әмин мәктәбе алдына күпме халыҡ йыйылған!
Ком: 0 // Уҡынылар: 888 тапҡыр // Тотош уҡырға
Артҡа 1 2 3 4 Алға
Бит башына